طب ليه كده يا عزيز عيني

نبدأ موضوعنا بموقف عــ السريع كده
كنا قاعدين في مكاني اللي انا فيه ده من كام يوم كده
انا ومحمد حسام ومحمد عاطف ومحمد ممدوح
وكلنا قرايب
فعمي كنت بعمله حاجه فـــ وهو ماشي قال ابقي سلملي علي امك ياد يا محمد
كلنا اتكلنا علي بعض
بس انا استبعدت نفسي لسبب....
ايوه
عشان عمي كان قاعد معايا من الصبح ولو كان عاوز يسألني كان سألني من الصبح
المهم عمي خرج ومحدش رد عليه
قام راجع وباصص لينا وضاحك
بقي يا ولاد الجزم كلكم محمدات ومحدش فيكم عاوز يعبرني
الشاهد
متتكلش علي حد ... ولبي طلب اللي قدامك لمجرد انك اشتميت منه ان طالب منك شئ
ننقل بقي لموضوعنا
شباب اليومين دول .... مالهم بس؟
طبعا ربنا خلق الليل والنهار و الليل لباساً والنهارد معاشاَ
يعني الليل الواحد المفترض يكون مستخبي في بيته والمفترض بردوا يكون نايم
والنهار الواحد بيدور فيه علي حاله والمفترض بردوا يكون صاحي
الواحد وهو في المصيف كان شايف غير كده تماما
كنت بخرج من السينما 6 صباحا الاقي في حياه كامله زي 8 مساءا في الزقازيق كده
ايه ده يا جماعه؟
ماليش دعوه بده كله
انا هتكلم عن نفسي مع اني مبحبش
بس الموضوع خلاص هيبدأ من السطر اللي جاي
الواحد اليومين دول بقي مش عاجبه حاله خالص مالص
بقيت بصحي عشان انام
بعدي الـــ 16 ساعه نوم
والمشكله
ان الجسم بيكون في قمة النشاط بعد صلاة الفجر
علي رأي مسيو علي سعد الواحد وهو خارج من صلاة الفجر لو وقف قدام قطر هيوقفه
الشاهد
ان الواحد بيبدأ نشاطه بعد صلاة الفجر ... نيجي احنا بقي بكل روشنه ننام بعد صلاة الفجر
يعني النشاط بيبدأ واحنا بننهيه من قبل ما يبدأ وبنقاوم ظهوره يوما فاخر
وكده شهر وما يزيد
عمالين نقتل فيه
والكسل طبعا بيجيب كسل
الواحد يصحي يلاقي كسل ومش عارف ايه
طب وهو انا ورايا ايه؟
ننام تاني
والواحد مقضيها كده علي طول ومش لاقي للمشكله دي حل
المشكله ان فيه غدد في العين بتفرز هرموناتها ما بين الساعه 11 الي 1 وبعد فتره من النوم كمان
ودي بتحافظ علي النظر وجمال العين
تعالي بص علي عيني دلوقت
مــــدمن ... مع مرتبة الشرف
مش عاوز حد يقول ان انا بهرب من حاجه ومش عاوز اواجهها ولا الكلام اللي لا يودي ولا يجيب
ههرب من ايه يعني؟
ما اللي مكتوب لينا هنشوفه
عشان كده مفيش داعي للتهرب ... فههرب من ايه؟
ثم ان الهروب عمره ما كان بالنوم
امال الصينيين اخترعوا الكوابيس ليه؟
بجد مش لاقي حل للقرف اللي انا فيه ده
فراغ مميت ... وملل بطئ ... والواحد مش ليه نفس يعمل اي حاجه
فبينام
واسمعوا بقي اخر حلم حلمت بيه
يمكن اللي يفهموا ياخد باله من السبب
طبعا انا سواق علي قده
وبسوق اتوماتيك بس ماليش في المانيوال
جيت في الحلم واصلين مشوار انا وعمي وواحد كده ... ليه علاقه بالموضوع
ابص الاقي عمي بيقولي سوق
قلت له اشمعني ... انا ماليش فيها انا يادوب اركنهالك ... اشغلهالك ... اخدلي لفه
انما انزل بيها مشوار كده واديها التالت والرابع معرفش
قالي بس اركب يا محمد
وقام ابن اللذينه راكب ورا ومريح ع الكرسي كده وسايبني
راكب عمال اعدي من العربيات بالعافيه وها ... اكاد احك في كل عربيه
وجيت في اخر المطاف
قمت قايل لهم انزلوا
ونازل انا بيها في بحر كده ... ورميت نفسي قبل ما تقع في البحر
ووقعت وكلنا سالمين...والحمد لله
عمي خرج العربيه وقال مفيش مشاكل يلا نرجع
وشوية معالم كده كانت عــ العربيه وحاجات تانيه كده
وبما اني فاهم عمي علي ايه كويس اوي
عرفت ليه ركبني انا وقعد هو ورا؟
وليه انا بنام النوم ده كله؟
بس اكيد فيه حل لمشكلة النوم دي
حرام ده انا والله بكتب وعاوز انام مع اني لسه قايم من شويه؟
حد عنده حل مقنع لتقليل كمية النوم دي كلها

ممكن واحده تعمل كده

شوفوا اللينكايه دي كده
http://www.sarah-aslmi.com/arosh.htm

ازاي تعرف ان البت دي بتحبك

علشان تعرف انك بتحب حد الموضوع سهل جداااا وبسيط اوووووى ..

حبة سرحان على شوية سهر بالليل ..

شوية اغانى هابطة وتفكير مستمر ..

عصبية زايدة ومرات تتقلب برومانسية وحنية مفرطة

بحيث تبقى ماشى تحضن فى عمود عمود فى شقتك
وتقابل عامل النظافة عندك فى الجامعة بالاحضان كانة ابن خال والدتك من البلد ...
لما الحب يزيد اوى يبقى حبة فشل فى الدراسة .. او العكس .. على حسب دافع الحب


بغض النظر بقة عن ان النهاية بتكون انفصلتو لية ولا ازاى مش مهم .. بس المهم ان
ساعتها الحب كان موجود .. وانت حسيت بية .. ودة المهم


نيجى للاهم بقة .. ازاى تعرف ان حد بيحبك .. ازاى تعرف ان واحدة بتحبك
والكلام خاصة للشباب لانهم فى الغالب اساسا بيبوحو بمشاعرهم على طول
مبيبقوش عندهم فن التقل ممكن فى موضوع على جنب كدة ابقى اديهم
كورس مكثف فى الموضوع دة
ههههههههههههههههههههههههههههه
اشترى منى يا باشا بقة ازاى تعرف ان البنت اللى قدامك بتحبك
ما يعرف فى امريكا بنكتة البطة .. قولها نكتة سخيفة لا معنى لها
وانتظر لترى رد فعلها .. اه والله مش مصدقنى .. اصبر بس معايا للاخر ..
قولها نكتة من بتوع عزب شو اللى هيا مرة واحد راح يشترى بقرش حلاوة الراجل قالة
معنديش وهو عندة جوة ..
او ممكن بتاعة مرة بطة نزلت تعوم من غير طوق ومكانتش بتعرف تعوم بس سبحان الله
عامت وراحت البر التانى سليمة ... هاهاهاهاها .. كدة يعنى
اللى هيا النكت اللى تجيب شلل فورى دية بتاعة زمان ..


هتقول النكتة ومن رد فعل البنت اللى قدامك هتعرف مشاعرها ...
اذا ضحكت ضحك تمثيليا مبالغا فية ( فتلك الفتاة ترسم على زواج .. وهو ما يشغل بالهااساسا)
فنصيحة لو مبتحبهاش ابعد .. ولو بتحبها بردو ابعد لانك بالنسبالها مجرد صفقة

اذا سخرت منك ومن سخافة النكتة ( فتلك تراك اخا وصديقا لا اكثر )
فنصيحة من خالتك مرمر .. متصارحهاش اساسا بمشاعرك علشان اكيد هتخسرك . . ومش هتعرفوا
ترجعو حتى علاقة الصداقة اللى كانت بينكوا


اذا ضحكت ضحك مجاملة ولم تعلق ( هذا معناة انك مش فى دماغها اساسا )
فى الحالة دية بقولك بردو متصارحهاش بحبك .. لان كدة انت هترخص مشاعرك ..
سيبها وربنا هيعوضك .. بس خلى مشاعرك غاليه ..

اذا ابتسمت ابتسامة يشوبها شئ من الضيق ( فتلك عـــــــــاشقة .. لا تحب ان تراك سخيفا
او غبيا .. ولا تسطيع ان تصارحك بغباء ما قلت لخوفها ان تجرحك .. )


ونصيحتى ليك طبعا .. انحنى لمشاعرها احتراما .. وصارحها بحبك ليها ..
وروح اتقدم وانجز واشكر البطة قصدى النكتة

ابسط يا عم عرفت انها بتحبك .. بس نصيحتى الاخيرة .. صلح الموقف معاها بقة
علشان اساسا اساسا اكيد كرهتك بعد النكتة الهبلة اللى قلتهالها ..
وحوالى 50 او 90 % مش طايقة تبص فى وشك وبتقول يا ميلة بختى حبيت واحد معاق

قد أتي شعبان

خالد الراشد
الحمد لله على إحسانه والشكر له سبحانه على توفيقه وامتنانه ، وأشهد أن لا إله إلا الله وحده لا شريك له تعظيماً لشانه ، وأشهد أن محمداً عبده ورسوله الداعي إلى رضوانه ..اللهم صلي وسلم وبارك عليه وعلى آله وصحبه وإخوانه ..

أما بعد أوصيكم ونفسي بتقوى الله..اتقوا الله عباد الله .. اتقوا الله حق التقوى فإنَّ بتقوى الله تتنزل البركات وتعم الرحمات ..

عباد الله .. امتدح الله تعالى في كتابه شهر رمضان بقوله : { شَهْرُ رَمَضَانَ الَّذِي أُنزِلَ فِيهِ القُرْآَنُ } ..

وبيَّن أنَّ فيه ليلة القدر وهي خير من ألف شهر ،

فاهتمَّ المسلمون بهذا الشهر العظيم واجتهدوا فيه بالعبادة من صلاة ، وصيام ، وصدقات ، وعمرة إلى بيت الله الحرام وغير ذلك من أعمال البر والصلاح ..

ولما رأى النبي صلى الله عليه وسلم انتباه الناس إلى شهر رجب في الجاهلية ،

وتعظيمه وتفضيله على بقية أشهر السنة ورأى المسلمين حريصين على تعظيم شهر القرآن أراد أن يبين لهم فضيلة بقية الأشهر والأيام ..

عن أسامة بن زيد رضي الله عنهما أنه سأل النبي صلى الله عليه وسلم فقال:

يا رسول الله لم أرك تصوم شهر من الشهور ما تصوم في شعبان ،

فقال صلى الله عليه وسلم :

( ذلك شهر يغفل عنه الناس بين رجب ورمضان ، وهو شهر ترفع فيه الأعمال إلى الله تعالى فأحب أن يرفع عملي وأنا صائم )..

وسؤال أسامة رضي الله عنه يدل على مدى اهتمام الصحابة الكرام وتمسكهم بسنة النبي صلى الله عليه وسلم ..

وبالفعل كان النبي صلى الله عليه وسلم يصوم شعبان إلا قليلاً

كما أخبرت عنه عائشة رضي الله عنها في الحديث المتفق على صحته ..

ولا بدَّ من وجود أمر هام وراء هذا التخصيص من الصيام في مثل هذا الشهر

وهذا ما نبَّه عليه النبي صلى الله عليه وسلم بقوله : ( إنه شهر ترفع فيه الأعمال إلى الله تعالى )

فإذاً أعمال العباد ترفع في هذا الشهر من كل عام ،

وتعرض الأعمال يوم الااثنين والخميس من كل أسبوع

فأحب النبي صلى الله عليه وسلم أن ترفع أعماله إلى ربّ العالمين وهو صائم لأنَّ الصيام من الصبر

وهو يقول:{ إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ }

فشهر شعبان شهر عظيم عظمَّه رسول الله صلى الله عليه وسلم فحري بنا أن نعظمه وأن يكثر من العبادة والاستغفار فيه

تماماً كما جاء وصح عن النبي صلى الله عليه وسلم في ذلك .

في هذا الشهر ليلة عظيمة أيضاً هي ليلة النصف من شعبان عظَّم النبي صلى الله عليه وسلم شأنها في قوله :

( يطّلع الله تبارك وتعالى إلى خلقه ليلة النصف من شعبان فيغفر لجميع خلقه إلاَّ لمشرك أو مشاحن )..

فمن دعا غير الله تعالى فقد أشرك ،

ومن سأل غير الله فقد أشرك ،

ومن زار قبر النبي صلى الله عليه وسلم وسأله قضاء الحاجات فقد أشرك ،

ومن ذبح لغير الله فقد أشرك، ومن قرأ المولد عند قبر الحسين أو المرغلي أو سيدتهم زينب أو الشعراني أو ابن العربي أو أبو عبيدة أو إلى غير ذلك من الأضرحة فمن فعل ذلك وسألهم الحاجات فقد كفرو وأشرك ،

ومن حكَّم غير شرع الله وارتضى ذلك فقد أشرك ..والمشرك لا يطّلع الله عليه ولا يغفر له الذنوب..

وكذلك من كانت بينهما شحناء وعداوة لا يغفر الله لهما حتى يصطلحا .

.سبحان الله يستصغر الناس مثل هذه الأمور .. يستصغر الناس مثل هذه الأمور ..

لذلك ترى اليوم في مجتمعنا ظهور هذه الصفات الذميمة بين أفراده..

وخصوصاً الذي يعمرون المساجد يبغض بعضهم لمجرد أمر حقير

لا يستحق أن يذكر وإني لأذكرهم بحديث النبي صلى الله عليه وسلم هذا ..

والمطلوب منهم أن يقولوا سمعنا وأطعنا ..

وليكن الذين هم على شحناء وعداوه على علم ودراية بخطورة هذا الأمر وأنَّ الشحناء والبغضاء بين أخوة الإيمان سبب في عدم قبول صلاتهم ، وعدم قبول أعمالهم ، وعدم تطلع ربّ العزة والجلال إليهم في ليلة النصف من شعبان ..

{ يَومَ لا يَنفَعُ مَالٌ وَلا بَنُونَ ، إلاَّ مَن أَتَى اللهَ بِقَلْبٍ سَلَيمٍ }..

قلب لا يحمل حقداً ولا حسداً ولا غشاً على أحد من المسلمين ..

عباد الله..قبل أن نأتي على نهاية الكلام

أود عرض بعض البدع والأحاديث الواهية عن ليلة النصف من شعبان ..

- أولها :

بدعة الصلاة الألفية

وهذه من محدثات وبدع ليلة النصف من شعبان

وهي مائة ركعة تصلي جماعة يقرأ فيها الإمام في كل ركعة سورة الإخلاص عشر مرات..

وهذه الصلاة لم يأتِ بها خبر وإنما حديثها موضوع مكذوب فلا أصل لهذا فتنبهوا عباد الله من البدع والضلالات ..

- من ذلك أيضاً

تخصيص ليلة النصف من شعبان بصلاة ونهارها بصيام لحديث : إذا كانت ليلة النصف من شعبان فقوموا ليلها وصوموا نهارها ..

هذا حديث لا أصل له ..

هذا حديث لا أصل له ..فتنبهوا عباد الله ..

- من البدع أيضاً صلاة الست ركعات في ليلة النصف من شعبان

بنية دفع البلاء ، وطول العمر ، والاستثناء عن الناس ،

وقراءة سورة يس والدعاء ..

فذلك من البدع والمحدثات المخالفة لهدي النبي صلى الله عليه وسلم .

قال الإمام الغزالي في الأحياء :

وهذه الصلاة مشهورة في كتب المتأخرين من السادة الصوفية التي لم أرَ لها ولا لدعائها مستنداً صحيحاً من السنة إلاَّ أنه من عمل المبتدعة .

وقد قال أصحابنا أنه يُكره الاجتماع على إحياء ليلة من مثل هذه الليالي في المساجد أوفي غيرها .

قال الإمام النووي رحمه الله :

صلاة رجب - صلاة الرغائب - وصلاة شعبان بدعتان منكرتان قبيحتان .

وعلى هذا يجب عليك عبد الله أن تعبد الله بما شرع لك في كتابه أو جاء مبنياً في سنة نبيه صلى الله عليه وسلم وسنة الخلفاء الراشدين المهديين من بعده ..

وإياكم عباد الله ومضلات الأمور

فإنَّ البدع ضلالات وطامات ولا يستفيد العبد من عملها إلاَّ البعد من الله تبارك وتعالى ..

فتفقهوا عباد الله في دينكم ..

فيوم الجمعة هو أفضل الأيام ..

وشهر رمضان هو أفضل الشهور ..

وليلة القدر أفضل الليالي ..

والمسجد الحرام أفضل المساجد ..

وجبريل أفضل الملائكة ..

ومحمدٌ صلى الله عليه وسلم هو سيد الأنبياء والمرسلين بل هو سيد ولد آدم أجمعين ولا فخر وقد أمركم الله بالصلاة عليه

فقال عز من قائل : ( إِنَّ اللهَ وَمَلائِكَتَهُ يُصَلُّونَ عَلَى النَّبِيِّ يَآ أَيُّهَا الَّذِينَ آَمَنُواْ صَلُّواْ عَلَيْهِ وَ سَلِّمُواْ تَسْلِيماً )

اللهم صلي وسلم وبارك على عبدك ونبيك محمد وعلى آله وصحبه أجمعين وارضى اللهم عن صحابته أجمعين

عن الأربعة والعشرة والمبشرين وسائر الصحابة والتابعين ومن تبعهم بإحسان إلى يوم الدين

وعنا معهم بمنك ولطفك وجودك وكرمك يا أرحم الراحمين .عباد الله ..

{ إِنَّ اللهَ يَأْمُرُ بَالعَدْلِ وَالإِحْسَانِ وَإِيتَاءِ ذِيْ القُرْبَى وَيَنْهَى عَنِ الفَحْشَاءِ وَالمُنْكَرِ وَالبَغْيِ يَعِظُكُمْ لَعْلَكُمْ تَذَكَّرُونَ } .

فاذكروا الله عباد الله يذكركم واشكروا على نعمه يزدكم ولذكر الله أكبر والله ما تصنعون..

1000 مبروك

مالك ياد يا ابوصلاح!!!

دي اول كلمه سمعتها وانا طالع من الفيلم بعد مرور ساعه من خروجنا من ساعه تقريبا

جايز كان في كلام مسمعتوش ... جايز

المفروض نمشي من الطريق العمومي عشان الزحمه والجو ليل وكده

بس فضلت نمشي في الضلمه والهدوء

مروح مطلع راسي من الشباك طول السكه

من الفيلم ...؟ . . . جايز .... من نفسي ... ممكن

هل هناك فرق بين الواقع والقدر؟؟؟

فعلا ممكن نغير الواقع بس منقدرش نتدخل في القدر

ولا هما الاتنين واحد

محمد صلاح اتصل بيه ... فكنسلت عليه

واتصلت بيه في البريك وقلت له هفوت علي محمد صلاح وابقي اتصل بيك

ومتصلتش لغيت دلوقت

طب ما انا محمد صلاح

كنت عملت ايه يعني؟

عاااااااااااادي

غريب انك تلاقي حد بيصدك في الكلام من قبل ما تتكلم

ويكلمك كلام مفروض عليك انك تؤمن بيه وكأنه الصواب

بيقولك .... مهما طولت معايا في الحوار ... انا مش هقولك غير كده ... فأنجز

تاخد نفس

.

.

.

ما اجمل ان تكون غائب حاضر وليس حاضر غائب

محدش يحس بيك

او

لتكن خطواتك في دروب الخير علي رمل ندا ... لا يسمع لها وقع ... ولكن اثارها بينه

طب فين وامتي وازاي؟؟؟

sorry

No More Comments

sonata

اذا لم تجمعنا الايام ... جمعتنا الذكريات

واذا العين لم تراك ... فالقلب لن ينساك

.

.

.

حدث في مثل هذا اليوم ... الجزء الاخير

الاحد 20/7/2008
علي فكره وانا بفتح البلوج دلوقت مجاليش نفس اكتب الموضوع مش عشان حاجه
عشان في شوية عيال كده
وبلاش نضرب لهم المثل الشعبي عشان عيب وقلة ادب
ندخل في الموضوع
ونبدأ من حيث انتهينا المره السابقه
وقفنا اننا المفروض نروح نمتحن ونسلم الهدوم بتاعتنا
كالعاده ابن خالي فات عليا
ورحنا وامتحنا وكله تمام
وطلعنا من الامتحان
قعدنا برة شويه انا وابن خالي وابن خالتي
اللي هما لسه خريجين جدد
اكلم في العيال
ام تشاؤم الدنيا كله راكبهم
طب يا جدعان مينفعش انتم لسه بتقولوا يا هادي
طب يا ولاد التيــــــــــــت انا لسه واخد جرعة تفاؤل تكفيني اربع سنين انتساب موجه
قمت صابب ليه شويه من ازازة التفاؤل اللي معايا
مسكتهم غسلتهم
ربيتهم بجد ... محدش كان عارف يسد قصادي
المهم اتفقنا علي حاجات وقشطه يا مان
وظبطناهم وكله تمام
وروحنا
كانت حوالي الساعه 12 قلت لاختي اعملي لي اكل
وتم الاكل بنجاح
شغلت التليفزيون عشان انام ... اصلي كنت هلكان من مشوار امبارح وسهرانه طول الليل حيرانه في امري
المهم
رغيت شويه مع اختي شويه ... ولسه بروح في النوم
لاقيت جوز خالتي داخل علينا ... وفيت ابوكم
انا والله اول ما شفته قريت عينيه طوالي
وقلت له ......................
قالي لاء عادي بسال عليه
قلت له رد عليه ..........................
قال طب اتصل بيه
قمت متصل بيه يا عم بابا حصل كذا كذا
قالي اه
فففففففففففففففففففففففففففففف
من اسوء الاخبار اللي جاتني في حياتي
وبعد ما كان منحني التفاؤل وصل زروته وقمته
عاد للصفر فجأةً
.
.
.
مش هقول ايه اللي حصل
ولا ايه اللي تم
عشان دور المعيله اللي زعلني
مش عشان حاجه تاني
ومش بس كده
ده انا هقفل الردود كمان
يا لهوي ده ايه الرزاله اللي انا فيها دي
حاسس اني رزل 14
بس مش مهم
المهم
انه كان في عنوان اسمه
بدأ في مثل هذا اليوم ... وانتهي قبل مثل هذا اليوم
بس مش حاكيه
س ل ا م ي

حدث في مثل هذا اليوم ... الجزء الاول

السبت 19/7/2008
كان اياميها باخد التربيه العسكريه
الواحد كان ينام بعد الفجر يصحي الساعه سابعه صباحا طبعا
ويرجع مفيش نوم غير بعد الفجر
لمدة اسبوعين الواحد زهق زهق اخر حاجه
ومكنش طايق نفسه
لان الواحد بيصحي بدري ومبيستفيدش بحاجه
نروح نقف ساعه وراحه ساعه ونطلع ع المدرج ننام علي رجل صبحي والسلام
والجو حر
ومش بس كده كمان نتيجة الثانويه العامه ظهرت
واخواتي ربنا يكرمهم حققوا نجاح خرافي (بتريق طبعا) وكمان ابويه نزل في الفتره دي
ولما نزل عمل مشاكل
وجت امي تعبت ... وكمان نتيجتي ظهرت وكان ليه تقدير في مادتين مخدتهوش
والواحد كان مخنوق بجد ومش طايق روحه
يمكن اياميها بحت بكلام لناس معينه
مينفعش اقوله ... وماسكينها لي زله (هزار طبعا) كل ما اتكلم نسيت ياد ايام ما كنت بتقول كذا وكذا
المهم الاحداث الرزله دي كوووووولها حصلت في اسبوعين
وتأتي المفاجأه
قالوا لنا في التربيه العسكريه اننا هنروح حفلة تخرج الكليه الحربيه
الدفعه 75 لعام 2008
واخدنا زي يونيفورم معفن
والله العظيم معفن
لو تشوفوني وانا متصور بيه هتكرهوني
عامل زي المساجين (بس انا مبتفرقش معايا حكاية اللبس دي) بلا لبس بلا مالبسش
المهم اخدنا الزي (كنا بنقول عليه انا وابن خالي بياده)
المهم
رحنا يوم السبت المذكور اعلاه
وعينك ما تشوف الا النور
بسم الله
صحينا الصبح
طبعا ابن خالي هو اللي كان بيفوت عليه لاني دايما نايم ما لم يصحيني احد
كان في بداية الايام امي بتصحيني ولما راحت المستشفي ابن خالي بيفوت عليه
المهم المهم
فات عليه
واخره كالعاده ... لاني في المواعيد ساعه والله ساعه بايظه طبعا
رحنا متأخرين قام العميد شاتمنا شتمتين وقلنا عقابا ليكم
لفوا حوالين الدايره دي لمدة ساعه
طب يا ابن الرخم ما فاضل ساعه يبقي احنا مش متأخرين .... عشان كده مش دي المواعيد اللي احترمها واروحها في ميعادها
كنا عند المكتبه المركزيه في الجامعه كده ... وعمالين نلف نلف نلف في البتاع اللي قدام المكتبه دي
انا طبعا ولا في دماغي
لما تعبت وانا ع الصبح ومفيش اكل ولا شرب ولسه اليوم طويل
اخد اللفه من هنا ولما اوصل في جزء من اللفه محدش يشوفني فيه
اقوم قاعد ومنفض
ولما احب اظهر في الصورة
اقوم واقف قدام الظباط دول والمناصب دي ورابط الجزمه
يقولي لف اقوله في سري (يا ابن) واعلي صوتي(الجزمه يا فندم بربطها) يقولي بسرعه
المهم
تمموا علينا
وركبنا الاتوبيس العسكري
وشدينا الرحال في تمام الثامنه متجهين الي بلبيس الشقيقه حيث مستقر الكليه الجويه
وتعالي ندخل جوه
عالم تاني ومستقل
مساحة الكليه قد مدينه كامله بسلطاتها ببابا غنوجها
واحنا داخلين عشان نوصل المكان اللي العرض هيتم فيه
والاهالي بقي واقفين بره عربيات من جميع المحافظات
وعشان احنا راكبين اتوبيس قوات مسلحه وسعوا لنا الطريق
عدينا علي اكتر من 10 اماكن اتفتشنا فيها تفتيش كلي
والوزير زي اي حد بيتفتش كليا
حتي واحد كان جمبي لابس بدله وداخل عند اخر باب فبيقول للراجل اللي بيفتشه
انا لوا (لواء يعني) قالوا اسف يا فندم دي تعليمات
وده ليه؟
لان سيادت الرئيس مبارك جاي بسلامته عشان يكرم اشباله
دخلنا وأخدنا مكانا في المدرجات
وممنوع دخول الموبايلات وكاميرات تصوير غير بتاعت التليفزيون
المهم
اخدنا اماكنا وكل واحد أخد دوسيه كده فيه الحاجت اللي هيتم تنفيذها في اليوم ده
والمواعيد هناك بالميللي
والعرض هيبدأ الساعه 12.05 بعد ما الريس يشرف في الساعه 12.00 ظهرا
الساعه دلوقت 11.50 نبص نلاقي صوت طياره
والدنيا وقفت
الريس راكب طياره خاصه بقي ومحدش قده
ابص الاقي هيصه وظغاريض وكلام كده
ابص الاقي الريس معدي من قدامي مفيش 3 متر بيني وبينه
والله التلت عقارب بتوع الساعه كانوا واقفين علي بعض الساعه 12.00 بالظبط
وانا قاعد منبهر وهو بيعمل ايده كده زي ما بيطلع في التليفزيون
ومش مصدق هو ده الريس
قمت مصفر باعلي صوتي وانا مش في حالتي
وحسيت احساس اول مره احسه
المهم
حصل موقف كده غريب ساعتها
الريس داخل في موكب 24 عربيه جيب والعربيه المرسيدس اللي هو راكب فيها
4 عربيات دخلوا قدامه والباقي حوطوه عشان هينزل
والحرس الجمهوري بقي ناس عامله زي الحيطه
اجسام خرسانيه
والناس كانت بتنط مــ العربيات عشان تحاوط الريس عشان معاليه ينزل يقعد مكانه
فالموقف بقي
كان واحد من الخنازير دي مستعجل اوي عشان ينزل يحوط الريس
قام نازل بضهره والعربيه ماشيه
قام واخد به وقعه علي ضهره
وقام وكأن شئ لم يكن ... والناس تضحك بقي
وتعالي يا عرض
عرض دقيق وقتيا وفعليا وكليا وجزئيا
الطلبه بقي داخلين يؤدوا العرض
في انتظام لم يسبق له مثيل
ويغنوا اغاني وطنيه ... يا نهار ... الواحد منبهر جدا جدا جدا من اللي بيحصل قدامه
ايه ده يا جدعان هو في كده في مصر
اه فيه
وتعالي بقي العرض الجوي بدأ
طيارات من احدث ما يكون والراجل بيحكي اللي هيحصل ونوع الطياره المستخدمه
ففففففففففففففففففففففففف
يا جدعان
والله مصر لسه بخير
الواحد في اليوم ده أخد جرعة امل تكفيه لمدة 3 سنين قدام
ومش هطول في اللي حصل هناك
ونروح الي لما خلصنا العرض في تمام الواحده ظهرا
والريس أخد طياره هوليكبتر وراح لمامي سوزي
واحنا بقي يلا نمشي
حاجه واحده استفدتها من اليوم ده بجانب جرعة الامل اللي أخدتها
الأمل ... التضحيه ... المجد
ده اللي مكتوب علي الدوسيه اللي انا لسه محتفظ بيه لغيت اللحظه دي
ده شعار الكليه الجويه
لازم يكون عندك أمل وتضحي من أجله هتوصل المجد فيه
ويلا نرجع
الجو ناااااااار ... والاتوبيس فيه ناس هتوقف لان العدد زياده
واحنا واقفين في صحرا
والناس بتتزاحم عــ اللي يقف قدام في الصف
عشان ينهض يقعد وميقفش
وانا حران وبكل برود اعصاب قمت سايب الزحمه وراجع واقف في اخر الصف وكل ما حد ييجي يقف ورايا اقف وراه
وسبحان الله
العميد شاف الناس بتتزاحم عــ اللي يقف قدام
قام ساحب الصف من ورا
اخر واحد يدخل الاتوبيس أول واحد
ههههههههههه
يا نهار ابيض العميد بيقولي أدخل انت اول واحد
سيبته وقعدت أضحك يقولي ايه ياد مالك اقوله ماليش
وقمت ساحب
الواد ابن خالي باعني ووقف قدام عشان ينهض كرسي
وانا نفضت
والقطار بيسحب بقي وانا اوله
ابص لاين خالي
يا ندل بتبعني
طب وحياة امك ما انا حاجز لك جمبي
وأضحك
المهم بقي ايه
ركبنا ومندلتش مع ابن خالي وحجزت له
وركبنا وابن خالي ده بؤ كبير فعمل حتة موقف كده مش مهم احكيه
واحنا طالعين
اتحديت نفسي في حاجه وكسبت التحدي واتضح لي اني جدع أوي وراجل جدا وبتحمل اي حاجه
مش مهم
المهم
وصلنا الجامعه
ونزلنا من مكان ما أتاخدنا
وقالوا لنا تيجوا تمتحنوا بكره وتسلموا الهدوم دي بكره
قلنا ماشي
وركبت وروحت انا وابن خالي
رجعت لاقيت تجمع اسري وكل افراد الاسره والاعمام
ودخلت سلام عليكو ردوا السلام
كنت فين يا محمد كنت بره
بس خلصت
ملحوظه انا ممكن اقعد شهر بره البيت ومحدش يقولي كنت فين ولا عملت ايه
قمت منفض ليهم
ويقولوا تعالي اقعد معانا ... قلت لهم هغير واجي
دخلت غيرت ... ونمت ونفضت ليهم
وصحيت بالليل
كلي أمل وسعاده بالغه
صحيت قلت هكتب موضوع ع البلوج عن اللي حصل النهارده بس نفضت
واديني كتبته
واخواتي كانوا عند امي بالليل في المستشفي وجم وهنروح بكره نمتحن ونسلم الهدوم ونفوت علي امي
ونمنا واين خالي فات عليه عشان ننفذ المذكور اعلاه
ويلا نشوف بكره
هيحصل ايه؟؟؟؟؟
؟؟؟؟؟؟؟؟؟؟؟
يتبع
انتظروني

Back

مبروك لكل اللي نجحوا في كليتنا
وبعد كده
مليون مبروك علي كل اللي نجحوا في الثانويه العامه السنه دي
انا ليه اربعه في الثانويه
نبدأ بالاكبر مجموعا فالاقل
نسمه ... بنت عمي 100% يعني مــ الاخر خالص
ريهام ... بردوا بنت عمي 94% وربنا يسترها معاها وتيجي ارض الخوف بين قوسين حاسبات
سمر ... اختي 85% مبروك ياخيتي
سحر ... بردوا اختي 80% يلا مش مهم مبروك انتي كمان
مبروك ليكم ولكل اللي نجحوا في الثانويه
وربنا يوفقكم وكل واحد يدخل الكليه اللي عاوزها
.
.
.
وماذا بعد الباك
قررنا ان لا نتكلم كثيرا ولا نطلب كثيرا
خليك خفيف
كلها سنه

س ل ا م ي

Hossam vs Showman

عمي ده متهور تهور
راح خانق شومان في قلب مكتبه ولا في دماغه
والصوت كان موصل اخر الدنيا
والمكتب كان مليان ناي
واللي ما يشتري يتفرج
هع هع هع ال شومان ال
عمي علي صوته عــ الاخر ودي طبيعته اساسا
بس كان كلامه موزون وفي الجون بصراحه
شومان يخبطه في كتفه
ويقوله وطي صوتك صوتك ده ميعلاش في مكتبي
وعمي يبص له حتة بصه
خناقه للركب والله
ومش هحكيها
بس لما خرجنا قلت له تسلك ياد يا عمي
قالي ايه رأيك؟
قلت له معلم
الناس مفكرينا شويه في البلد
يا حول الله يا رب
والله لو كنت سيبت عمي لكان بهدلهم بس هديته واخدته ومشيت
بس كنت فرحان موت موت شومان واقف ضعيف الحيله كده ومش قادر يقاوم الكلام
ولما لقي مفيش كلام قام قايل نادي لي الامن يا مش عارف مين؟
عمي يقولي أمن ... هتسجني يعني
طب والله ما انا قايم وقعد له
ميعرفش ان عمي دارس قانون اساا يعني لعبته وعارف بيقول ايه
تسلم يا عمي
دايما رافع راسي وكاسر عين اعدائي
ياس
كات مباراة حاميه
بس عمي ابن الصارمه نسي ان انا الي هشيل الليله كلها
ربنا يستر
والناس نازله تقوله اهدي يا استاذ صلاح
بيحسبوة ابويه .... يا لهوي
بس انا لها ... وقدها
الله المستعان
بس الخلاف كان علي ايه؟؟
يا تري مين وراهم؟؟؟؟؟؟؟؟

اه يا ابن الكلب

مش تباركوا لي...

الحمد والشكر لله
نجحنا النهارده
وبقينا في البكاريريوس علي رأي عمر
والحمد لله لاول مرة اشوف لي امتياز في الكليه دي
هي صحيح ماده واحده
بس هيا بتبدأ بماده
وبعتذر للناس اللي نتايجهم معايا ومش عارف اوصلها لهم
ع العموم مبروك ليا وليكم
وكلها 5 ايام وتنزل ع النت
س ل ا م ي

أكثروا من ذكر هادم اللذات

قال صلى الله عليه وسلم ((أكثروا من ذكر هادم اللذات)) فأكثروا من ذكر هادم اللذات فأن لتذكر الموت أثر كبير في إصلاح النفوس وتهذيبها حيث قال الدقاق:من أكثر من ذكر الموت أُكرم بثلاثة أشياء(تعجيل التوبة وقناعة القلب ونشاط العبادة) ومن نسي الموت عوقب بثلاثة أشياء(تسويف التوبة وترك الرضي بالكفاف والتكاسل في العبادة)
فتفكر يا مغرور في الموت وسكراته وصعوبة كأسه ومرارته فيا من وعد ما أصدقه ومن حاكم ما أعدله وكفي بالموت مقرحاً ومبكياً للعيون ومفرقاً للجماعات وهادماً للذات وقاطعاً للأمنيات فهل تفكرت يا ابن آدم في يوم مصرعك وانتقالك من موضعك وإذا نُقلت من سعة إلي ضيق وخانك الصاحب والرفيق وهجرك الأخ والصديق وأُخذت من فراشك وعطائك إلي عرر وغطوك من بعد لين لحافك بتراب ومدر فيا جامع المال والمجتهد في البنيان ليس لك والله من مالك إلا الأكفان بل هي والله للخراب والذهاب وجسمك للتراب والمآب فأين الذي جمعته من المال؟ فهل أنقذك من الأهوال؟ كلا بل تركته إلي من لا يحمدك وقدمت بأوزارك علي من لا يعذرك ولقد أحسن من قال في تفسير قوله تغالي ((وابتغ فيما آتاك الله الدار الآخرة ))أي:اطلب (التذكرة:1/50)
فاعلم أخي الحبيب أنه لا يكره الموت إلا أحد الرجلين :
(الأول) من لا يؤمن بالآخرة وعنده أن لاحياة ولا نعيم إلا في الدنيا كمن وصفهم الله تعالى بقوله ((ولتجدنهم أحرص الناس على حياةٍ ومن الذين أشركوا يود أحدهم لو يُعمر ألف سنة وما هو بمزحزحه من العذاب أن يُعمر))(البقرة :96)
(الثاني)يُؤمن بالله ولكنه يخاف ذنبه
فأما من لم يكن كذلك فأنه يحبه ويحب لقاء ربه كما أحبه الصالحون وأحبوا لقاء الله
قال صلى الله عليه وسلم((من أحب لقاء الله أحب الله لقاءه ومن كره لقاء الله كره الله لقاءه))(متفق عليه)
الموت مصيبة والغفلة عنه من أعظم المصائب فالموت هائل وخطره عظيم والناس في غفلة عنه لقلة فكرهم فيه وذكرهم له
مقتطفات من كتاب (هادم اللذات) لفضيلة الشيخ أبو عمار المصري

يبقي انت اكيد في مصر

طبعا كل طلبة تافرقه التالته دلوقت مستنيين التدريب الصيفي والنتيجه كمان
مش هتكلم عن النتيجه وخلينا في التدريب
مش عارف ليه دايما مش بنستقر علي حاجه في حياتنا
دايما بنغير بنغير ... ويا ريت بفايده
تلاقي نظام التعليم بيتغير ومش عارف ايه بيتغير وبيضيفوا وبيمسحوا حاجات ومناهج
وكلام كتير مبيحصلش غير في مصر
وده كله عشان نتقدم او نواكب التقدم
وناسيين حاجه مهمه جدا
اننا نغير تصرفات الناس
تلاقي الموظف من دول رايح الشغل الصبح ومفيش في دماغه اي حاجه
واي حد يروح له
يقوله فوت بكره ... تعالي كمان نص ساعه
ويكون الجو نار ... والواحد مش طايق نفسه
وبردوا مفيش تقدير
طب يا حبيبي قدر اني جيت لك دلوقت ولازم المصلحه دي تتقضي النهارده
وكلام كتير ... ولا حياة لمن تنادي
طب التزم بالميعاد اللي انت قلته ليه اللي هو بكره
تروح له بكره يقولك مش قلت لك تعالي بكره
والمشكله انه مفيش بكره بييجي عند الناس دي
يخرب بيت ام كده
بلاش نظول في الجزئيه دي مش موضوعنا
المهم خلينا في التدريب
ونتكلم شويه عن الخمسين الاوائل اللي جاي ليهم منحه يتدربوا في مصر
طه ماشي
هيتدربوا في ايجلز في مصر
طب ما هو فيه ايجلز هنا وممكن الناس تتدرب هنا مفيش مشاكل
لاء ازاي ... هو النظام كده ... ومتعرفش ليه؟
مش مهم رضينا بكده
لازم تروح الشركه قبل 5/7/2009 طيب رحنا
الناس هناك تقولك ايه؟
لاء لازم حد من الكليه ييجي معاكم
طب هييجي يعمل ايه بالله عليك؟
هو انتم مش عاوزين طلبه يتدربوا وانتم اساسا مظبطين مع الكليه
لاء لازم حد ييجي.... هو معاه كده
طيب يا دكتور شومان الناس هناك بتقول كذا كذا كذا
ولازم حد يروح هناك ... وهو يقول وانا مالي
طب وانت مالك ازاي ... امال مال مين يعني
حاجه تشل
وبعد ضغط من الطلبه ... قال خلاص
هبعت حد من الكليه يوم الحد
ولاحظوا يوم الحد
اللي هو اخر يوم في التقديم قبل 5/7/2009
يا نهار شلل
وهو انت لو بعت حد دلوقت يعني ايه اللي هيحصل؟
هو معاه كده
الناس دي بتعمل كده ليه انا مش لاقي اي سبب مبرر
بجد بتنرفز ومش عارف اعمل حاجه ... اعلي صوتي اقول ايه بس
الناس اساسا رافضه التقدم ... طب ليه بتغيروا وتزودوا وتشيلوا حاجات تحت شعار التقدم
تعالي نروح دوله متقدمه كده
هتلاقي الطالب مبيضيعش وقته في مثل هذه التفاهات والنظام معمول والكل بيمشي عليه
ولو موظف قال بكره وهو في ايده يعمل كده النهارده يبقي ليلة اهله مش معديه

ع العموم
ربنا معاكم يا خماسينو
خلينا بقي في اللي مش من الخمسين
هم ما يتلم ... المشكله مبقيتش في التدريب
المشكله بقت في مكان التدريب وهناخد ايه
الله ... يا جماعه الطاقه الضايعه دي ممكن نستغلها في شغل في بتاع في اي حاجه
بس مش نضيعها كده والسلام
وتلاقي كل واحد برأي
لا في حد بيدلنا ع الصح ولا ع الغلط
الطالب بقي بيمشي من دماغه في الزحمه كده ويا الماشيين
وكل ما نكلم حد بيختلف مع كل الاخرين وليه وجهة نظر مختبفه
طب ما تجمعوا اهالينا وقولوا لنا ايه انسب مكان وانسب حاجات
ويبقي في خيارين تلاته الواحد يختار منهم مش سايبنها عايمه كده والسلام
مفيش حل ومفيش كده
طب التدريب هيبأ امتي؟
اتحدي اي حد في الفرقه التالته يقولي هيبدأ امتي
لانه مفيش ميعاد
سلطه علي كوسه عليها سكر مملح
ومتعرفش اي حاجه عن اي حاجه
ياخي طظ في الكله ع اللي فيها وع اللي بيحطوا النظام اللي مش منظم ده
تعالوا نروح هاي كيو مثلا
لاء يا جماعه التدريب هيبأ اول ما المجموعه تكتمل
اقول ايه للبت دي؟
لا حول ولا قوة الا بالله
افرضي المجموعه مكملتش غير في نص شهر تمانيه مثلا
خلاص تبدأ من هنا
فففففففففففففففففففففففففف
علي كده

بجد بقت مشاكل الطلبه مش في العلم
في الوسائل والوسائط اللي بتسهل ليهم العلم

يلا مش مهم
المهم بقي ايه
MicroSoft Certified
اتفقنا ويا الناس اللي في هاي كيو اننا هناخدها هناك
هي مش تبع العرض بس انا ظبط معاهم
وقولوا لي كون مجموعه
هناخد دوت نت اي لغة برمجه كامله فروم ايه تو زد
وهنبقي اهلين اننا ندخل امتحان السيرتيفيد وناخد الشهاده
المهم طلبوا مننا نكون عدد وهيبقي فيه Deal في الفلوس حسب العدد
واحنا مش لاقيين عدد
فيا ريت اللي حابب الموضوع وانه يبقي سيرتيفيد من مايكروسوفت يبقي يبعت لي
ويا ريت بسرعه لان الموضوع لو مكملش بسرعه هاخد اي حاجه واسلام
المهم ابقي امضي حضور تدريب والسلام
يلا سلام