أخر ما حُرف من التوراة

بص يا ابوصلاح
ظلم الدنيا كله في القصيده دي
وانت اكيد مسمعتهاش لانه عنده أوامر انه مايقولهاش
وبالمناسبه
قصيدة 3 خرفان نازله بأوامر من أمن الدوله عشان تغطي علي القصيده دي
وتتقال كبديله ليها
حتي لو اخدت بالك انه قال فيها
لما قلت يا بلاد يا رحـــــــــــــبه
اهو قالها هنا بقي


وضعوا علي وجهي مساحيق النساء
الأن اكتب ما تشاء
كن شاعراً كن كاتباً كن ماجناً كن ما تشاء
الان انت مهيأ كي تصعد الظفراة منك الي السماء
مادمت في زي النساء
فاصرخ وناهض ما تشاء
وأرعد وهدد من تشاء
وسنرتضي منك الضجيج ونرتضي منك السبابا
لأن هذا ما نشاء


واتمددوا في أرضي
ما تقولي يا أرضي مين شيلك بالطين
مين حبلك غيري
طب كنت انا في حطين
ولا كان صلاح غيري
رافض اقولك يا وطن شعر وقصايد
رافض اصونك يا وطن سطرين أدب
مبقتش قادر عــ الأدب
يا بلاد يا رحـــــبه
يا بلادي يااااااااااااااااا رحبه
هي يا دوب سحبه فوقي وبزياده
بقوا هما رجاله
واحنا اللي حبة نتي عليهم الدو...
فوقي وبزياده
خمسين سنه ... عقبال يوبيلك الماسي
جيب ليهود ناسي
ولما هتجوز ويجيلي صهيوني راح اجوزوا بنتي
ما انا خوفي لاديها لعربي يسرحها
مغرش علي بلده هيغير علي بنتي


السادة العرب الموقر جمعهم
الأمة العربية عروس
انتم لم تصونوها عروس
هج الجراد اليها فهربتم
واختبأتم في المساجد والكنائس
قاتلتموهم بالصلاة وبالبخور وبالدعاء ركع وجلوس
لا جرم عليكي فلسطين
لا وزر علي امرأة تزني مادام الزوج من اصل ديوس


يا سادة حكام الأمة الغفلة ليست للحكام
علمني اكتوبر درس كيف يكون هناك سلام
أولادي بصقوا في وجهي
كتبوا لي في الغرفة سطراً
ان مات الأب فدا وطن ما أحلي عيش الأيتام

يا وطني لا يمكن ابداً
ان يرحل عربيا منا للغرب بدون استعلام
فلماذا نفتح ابوابا وتنكس رأس وظهورا
وتسلم بكر عروبتنا كي ترفع ساقيها ...
سفحــــــاً
وتصفق للذكر الأقوي
وتكاد من التصفيق تنام
سبحان ارادتي


وطني
يا وطن الموبوئين ووطن الحباكين ووطن النفطيين ووطن المــ...
انا والشعر مرفوضان فيك
انا والشعر مرفوضان منبوزان منفيان فيك
اذا ما استنجدتك القدس من سيغيث
انا والشعر والحب والأسلحة في السجن
اذا ما استغوثتك القدس من سيغيث
يا وطني شكلني رجلاً
صنفني عندك في بند لا يحمل تاء التأنيث
ان دب الخوف في أطرافك
فاقطع أطرافك يا وطني
فالمرض خبيث


كيف أقولك بحبك
كيف أقولك بحبك وأنا فعلا بحبك
بس مش طايقك
تبقي انتي ويايا في سفينة حبنا الطارح وارد أخضر
وريحة البحر الوحيدة اللي تدوخ رقتك
تنزل عنيكي من الكسوف
خايفه لا اشوف في عينيكي حاجه من اللي جوه
وايدك المرمر علي رجلك لا يتشاقي الهوي من فرحته
يخطف طراطيف الجونله
بضحكه هله
محمله براكين وشوق
ومخطيه كل الشقوق
ويادوب افوق
يا دوب افوق ... ألقي السفينه بتمشي بينا تهزنا
والاقيني مش سايق
فارجع كما الأول نفسي اقولك بحبك بس مش طايقك

الأربع اللي فات
صحيت حيطان البيت في الفجر صحيتني
كان القمر كسلان والصبح معرفنيش
عيل مليه الطيش
بجري علي ميعادك
وانا جاي في قلبي حكاوي
ولما تمشي بلاوي بتبتدي دايره
حاولت أحاول أقول فرجعت بلا فايده
حسيت بايدك ونفسك وصدرك غيروا لوني
نعسان يا جفنك كما شلال وكوم حبال
دلوني وعلوني
لساكي شعر أسود ودراعي قادر يشيلك
بس العلل في الوطن هما اللي علوكي

كان نفسي اقولك بحبك
خفت أكون كداب يا أم الهوا حقايق
كان نفسي اقولك بحبك
بيروت رقصت في قلبي
لاقيتني مش طايقك


تمثال سليمان سيزحف
ويجر الجند الي الأقصي
والنمل العربي مطيع
عجباً لغزاة لا تعصي
لن يزرع شعبك يا وطني
فرجالك كالفيلة بطشا
وذكور الفيلة لا تغصن

قاتلهم يا رمل الوادي
قاتلهم يا نخل الوادي
ان قطعوا نخلك يا وادي
ستظل رمالك لا تحصي


سامحيني يا وحدك
بستسمحك وحدك
انا اللي عمري ما اشتكيت هجرك ولا بعدك
ولا اشتكيت من وجع صمتك ولا ردك
بستسمحك وحدك
خايف عليكي من القصايد تدهنك أسود بلوني
كل كوني قيله
كوني في كوني ضله
خايف عليكي من الكلام اصل الكلام في بلادنا عله
تحت البيوت عسكر
جوه البيوت عسكر
فوق الميدان عسكر
بين الضلوع عسكر
طب كيف أقولك بحبك وضلوعي محتله

انتي اللي من يومك طريقي
وريقك السيال كما شلال
يادوبك بل ريقي
الليله بتمرغ علي ريجي وأريجي ومرضي بالبله
سامحيني يا وحدك
بكره لما اجيب أرضي هملاها ليكي طيوب
مقدرش اسيب حبي بذره في وطن مسلوب
انعس في حضنك كيف؟؟؟
ورجلوتي مش ملكي
كل اللي رايح روايح اما اللي جايلك فضايح
سكي الببان سكي


رحلوا الينا تحت أضواء القمر
نقلوا مدائنهم الينا تحت أضواء القمر
لو جاء عاتبني القمر
فبأي شئ اعتذر
حبيباتي اللواتي تركتهن قبل أن اسافر
الأن من منهن تقبلني كزوج بعد ان ملئت مدينتنا عساكر

فيروز يا كل الغناء
يا كل أجراس الكنائس
كل احلام الأوانس
كل همسات الأحبة في الخفاء
فيروز يا كل الغناء
أحلامنا في السهل مازالت تطارد سرنا خلف المدينة ماتزال سجائري وقصائدي
ورجولتي حين احتضنتك
وقتها كانت مدينتنا قبائل
في ساحة البيت القديم
غرامنا ونقوشنا
ومطاردات طفلين يجريان ويمرحان ويسكران محبة
حتي اذا حل المساء
كانا برغم تحذير الأقارب
يتركان البيت وينامان سراً تحت جدران الغناء
فيروز يا كل الغناء
ماذا اقول لعشقنا ومشردوا التاريخ الأن يملون الفناء
قتلوا غرامك يا جنان فسافري
ما عاد في بغداد نواس ولا ملك ولا سيف ولا أسماء
ولا أحياء
انا ذا أطعتك يا بن رشد
واعتزلت مطامعي ووساوسي
وخلعت أثواب التصحر والتغرب
وانتظرت عروبتي
لكنني ادركت أني كنت في غيبوبتي
كأناء ماء لوثته ثقافتي
ما أصعب التثقيف في شكل الإناء
يا خليج الأمة العربيه
اقرأ باسم ربك الذي خلق المسارح والمصايف والمطاعم والنساء
لبنــــــــــان
لبنان يا عشق القصائد
كيف عنوان القصيدة دونما ذكر الدماء
بالقــــــــدس
بالقدس لي أرض ونخل وغلامة كانت تخبأ كل أسرار المحبة فيه



لا أطلب المسجد الأقصي
أني أطالب بعشقي
وللبيت رب يحميه

للرجال شئون أخريات

بَكَت أَن رأت إِلفَين ضَمهُما وَكرُ
مَساءً وَقَد أَخنى عَلى إِلفها الدَهرُ
بَكَت لَم تُرِق دَمعاً وَأَسبلتُ عَبرَةً
يُقصّرُ عَنها القطر مَهما هَما القطرُ
وَناحَت فَباحَت وَاِستَراحَت بِسرّها
وَما نَطقَت حَرفاً يَبوحُ بِهِ سِرُّ
فَماليَ لا أَبكي أَمِ القَلبُ صَخرَةٌ
وَكَم صَخرَةٍ في الأَرضِ يَجري بِها نَهرُ
بَكَت واحِداً لَم يُشجِها غَيرُ فَقدِهِ
وَأَبكِي لألّافٍ عديدهُمُ كُثرُ
بُنيٌّ صَغيرٌ أَو خَليلٌ مُوافِقٌ
يُمزّقُ ذا قَفرٌ وَيُغرِقُ ذا بَحرُ
وَنجمان زَينٌ لِلزَمان اِحتواهما
بِقُرطبةَ النكداء أَو رُندَةَ القَبرُ
عُذرتُ إِذاً إِن ضَنَّ جِفني بِقَطرَةٍ
وَإِن لؤُمَت نَفسي فَصاحِبُها الصَبرُ
فَقل لِلنُجومِ الزهرِ تبكيهِما معي
لِمِثلِهِما فلتَحزَنِ الأَنجُمُ الزهرُ

زين الدين زيدان

زين الدين زيدان
احسن لاعب في العالم و سيستمر كذلك
كبيرا في نظر كل من يشجعه ومن لا يشجعه
لسبب بسيط
مش انه كان مايسترو نص الملعب
او انه كان بيمشي المباراه بمزاجه ويتحكم في سرعة الريتم
لسبب تاني
انه اعتزل الكوره في عز مجده
بعد ان وصل لنهائي كأس العالم
ومقلش زي اللعيبه السيس هعتزل دوليا ومش عارف ايه
لاء ساب الكوره يعني ساب الكوره لا ريال ولا منتخب
وكان في عزه كمان وممكن كان يلعب كمان 3 او 4 سنين عادي
بس مش كان هيبقي في نفس المستوي
اعتزل في قمته عشان كده هيفضل -كل ما تيجي سيرته- في القمه
لو كان لعب كان مستواه هينزل الله اعلم الي اين
بس بعد ما يعتزل الناس هتشوفه عند اخر نقطه وصل ليها
انا شايف انه اعتزل في الوقت الصح جدا عند النقطه 100 مفيش بعد كده

نروح بقي لريسنا حبيبنا
حاتم ال حاتم ابو حاتم
له مني كامل الاحترام و الشكر والتقدير ولكن مش اكتر من كده
انا شايف انه كان اعتزل المهنه دي سنة 2000
الريس وصل قمته في 95 وبدأ الكيرف ينزل ببطئ لغيت 98 بعد كده
سيارة الفساد بدأت تشتغل وفي سنة 2000 السياره فتحت ع التاني
بعد ما ابنه جيمي كبر وسنن وبدأ يمشي تاته تاته
ولما بدأنا نسمع عن ايز ستيل او حديد عز في التليفزيون
منكرش انه استلم البلد في ظروف زي الزفت في ظل ازمه سياسيه كبيره
وكل كان بيتنافس عن الحكم وكل الاوضاع كانت غير مستقره وفي ظل انفلات امني لم يسبق
وقد مكنه الله من السيطره علي الحكم واحكام زمام الامور
بس بردوا منكرش انه كان قاعد جمب السادات يوم ما اتقتل وفيه ناس اتصابت من اللي جمب السادات وهو لاء
ومنكرش ان الراجل اللي قتل السادات المفروض يتحكم عليه بالاعدام وقد صدر ام لا الله اعلم ونفاجئ انه هرب من السجن اليومين دول
ومنكرش بردوا انه مسك الحكم معاه في نفس التوقيت الراجل ده

المهاتير محمد
رجل عظم جدا جدا جدا لن ينساه التاريخ
قدر يوصل ببلده لابعد الحدود كفايه ان ماليزيا هيا الدوله الوحيده في العالم الاسلامي اللي بتصنع سيارات
وشوفوا ماليزيافي خواطر 6 وانتوا تعرفوا
وفي عز تالقه السياسي تنحي عن الحكم بعد ان شعر بانه قد أدي واجبه واتم رسالته علي اكمل ما يكون
وساب فرصه للشباب وللتغيير انهم ياخدو حقهم
رغم ان الشعب كان متمسك بيه جدا ولكنه تنحي لانه يريد انه يغير دماء وعقول الحكم
سُأل مهاتير محمد باني ماليزيا الحديثة:
ماهو الشيء الذي أعتمدت عليه في بناء دولة كانت يوما ما من دول الحظيظ في العالم
قال:أعتمدت على الله سبحانة ثم على شعبي
لأني مؤمن بأن الشعب الماليزي مارد ولابد من أن يصحى من سباته وقد فعل
عندما تؤمن الأنطمة بشعوبها تكون المعجزات
لأن النجاح حلقات متصلة ومتى ما أنفكت يكون السقوط المدوي وهذا للأسف ما نعانية كا أمة
مش هتكلم عليه كتير
بس ده واحد لم يغريه بريق السلطان كما اغري الكثيرون
الريس حقق انجازات كتيره منكرش
بس اللي بناه خد تمنه ورجع هده تاني وخد عموله كمان عشان الجهد اللي بذله في الهد ده
من بعد 2000 والحال زي الزفت
وقرارات بتتاخد وناس بتتكلم وحاجات كده مش عاوز اتكلم فيها
اترك الكلام للتاريخ
ومحدش يقولي انه مكنش يعرف اللي بيحصل
ده لو ميعرفش اللي بيحصل يبقي مصيبه فوق المصيبه
مينفعش يبقي الحزب يعمل اللي علي مزاجه وييجي يوافق عليها في مجلس الشعب
عيب يعني لما يبقي المجلس كله وطني
يا راجل ده الحاكم اللي بيفهم يخلي المجلس كله معارضه
عشان يعرف تفكيرهم ويحاول يخليهم في صفه والمصلحه العامه تمشي
مينفعش يبقي غالي ماسك وزير ونائب
يصدر قوانين في وزارته ويجري علي المجلس عشان يوافق عليها
عيب يعني
ده لو فيه ديمقراطيه حقيقيه
عيب يعني لما يبقي في حكمه عائلتين في مصر تمتلك 280 مليار دولار
فين العداله الاجتماعيه
عيب لما ناس تاكل زبالة ناس تانيه
عيب علي حاجات كتير
مش مكانها خالص
انت اتهزأت كتير اليومين دول واللي ليه واللي ملوش اتكلم
وعرفت مين صاحبك من عدوك
بس
ومحدش يقولي انه التغيير حصل
الناس عاوزه مبارك يمشي وانا معاهم
لاني اؤمن بان التغيير هو تغيير الفكر
مينفعش واحد ييجي يتكلم معايا بنفس الاسلوب ويقولي انا اتغيرت
اقوله فين التغيير يقول ما زدت 8 كيلو
ده ايه الهيافه دي
التغيير بيبقي تغيير دماغ بتحكم
مش اني اغير قطع الشطرنج اللي بلعب بيها يبقي اتغيرت
التغيير انه واحد تاني ييجي يمسك البلد وربنا يعينه عليها
الريس لااااااااااااااااااازم يتنازل عن الحكم
ونجرب تغيير بقي
ايه عيب يعني لما واحد عنده 30 سنه مشفش في حياته غير ريس واحد
ايه يا راجل ده لو النظام ملكي كنا دوبنا ملكين تلاته
بس بردوا احنا اللي هنتحمل عاقبة امرنا خيره وشره حلوه ومره

اما بالنسبه للشعب الوسخ
اللي اخيرا عرفت السبب احنا ليه دوله متخلفه
اللي معندوش اي رضا وقناعه باللي ربنا رزقه بيه
ده مفيش حد هيملي عينه غير التراب
انا لو ريس واتعمل كده
مفيش غير العنف واللي هيتدخل هديله في سنانه
ده قلة ادب والله
صدقوني
لو انت راضي بقضاه الله وقدره وان الارزاق مكتوبه من قبل ما تتولد
مكنتش عملت كده
انما هو ببساطه غير رضا وتمسك في دنيا واهنه
يلا يا معفنين ابقوا قابلوني لو حاجه ملت عينيكو بعد كده
انا كده خلصت والحكايه لسه في اولها
لاني بصراحه مش عارف اكون راي في اي حاجه
ده كله ميهمنيش في حاجه
انا الحمد لله اللي يجيبه ربنا كويس
وانا الحمد لله قنوع باللي في ايدي وعمري ما هبص لايد اللي في غيري

ومش عارف ليه تمسكو بوزير الاعلام
الراجل ده هو السبب في الفوضي
اهي الافلام والمسلسلات بتغري بردوا
لما يكون واحد قاعد في عشه وشايف الناس في التليفزيون قاعدين في قصور
وايشي مولات علي عربيات
اكيد لازم يبصوا لفوق شويه
ولا اموت واعرف ليه قفلت القنوات الدينيه مره واحد
الواحد بعد ما كان كل شويه يقلب يلاقي واحد يقول لا اله الا الله
بقي يلاقي كلام فاضي ومسخره
روح يا شيخ وانت بقف

بس اموت واعرف انتوا ليه قطعتوا النت
ده ايه الثقافه المعفنه دي
دماغ ايه دي يا جدعان
دا انت لو كنت سيبته كان ارحملك
اهو الناس مش لاقيه حاجه تعملها بتروح علي ميدان التحرير ميدان التحرير ميدان التحرير
تدري يا جو اللي قاهرني وزارع الحقد جوا قلبي انهم فصلوا النت
الواحد كان ارتبط بالمرابطين اوي ووصل في المسلسل للحظات حاسمه وفجأه النت يفصل
الواحد كأنه ادمن حاجه واتفصلت عنه مره واحده
اديني نزلت حلقتين وجاري تحميل التالته
وهسمعهم مره واحده
هاه