الثلاثاء، ديسمبر 30، 2008

لكي الله يا الاء ..!!!

0 مناقشة الموضوع



أتنتظرون أن يمحى وجود المسجد الأقصى ؟ ! وأن نمحى !

أخي في الله أخبرني متى تغضب ؟

إذا انتهكت محارمنا قد انتهكت !!

إذا نسفت معالمنا لقد نسفت !

إذا ديست كرامتنا لقد ديست !

إذا قتلت شهامتنا فقد قتلت !

إذا هدمت مساجدنا لقد هدمت !

وظلت قدسنا تغصب ولم تغضب

.....................

بصراحه مش عارف اكتب ايه ولا اقول ايه؟؟؟
مفيش كلام يتقال
كلنا طبعا سمعنا ع اللي بيحصل في غزة
وانا للاسف سمعت ... غصب عني
لاني مش بحب اسمع عن اللي بيحصل لاني بتأذي من جوايا أوي حتي لو مبنش عليه
بتمني لو اعمل اي حاجه بس مشوفش المناظر دي
يعني اي حد يفتح معايا الموضوع ده مش بخليه يكمل كلام
عشان الواحد فرحان اليومين دول وبقالي اكتر من 3 سنين مفرحتش كده
ولو سمعت حوارات زي كده هزعل بقي واكتئب والكلام ده كلو
انا شايل التليفزيون عشان مسمعش حاجه تفرحني ولا تزعلني وبالصدفه رحت لخالي الاقيه مشغلي الجزيره
وهاتك يا ضرب بالطيارات ... وده كلو علي الهوا
الموضـــــــــــــــــوع ده بقي
مش هيكون للحاجات دي ولا هقول ادعو ولا هقول حسوا شويه ولا اي حاجه
عنوان الموضوع اسمه الاء
دي واحده هقول صاحبتي من فلسطين وتقريبا علي قد زاكرتي من غزة
جت في بالي اول ما شفت الارهاب اللي بيحصل في غزة
الاء دي هندسه حاسبات وتكنولوجيا المعلومات وفي اخر سنه السنه دي
ولو هتقرا الموضوع يبقي بقولها مش تنسي موضوع البروجيكت ومستنيين الفكره
سوري دا اذا كانت الاء لسه عايشه اساسا
هتعمل ايه معاليك بقي لو حصل لك كده؟؟
واحد لا ليه ولا عليه طالب بيدرس لسه وكمان في اخر سنه في الدراسه وشباب زي الفل
ومستني شهر وتخلص وتبدأ حياتك وتشتغل وتشوف مستقبلك
وفجـــــــــــــــــــــــأه
تلاقي بلدك بتدمر قدام عينيك
وبيتك بقي كوم تراب وكمان اهلك كلهم ماتوا
يااااااااااااااااااااااااه
واقع يا رب ما حد يعيشوا
الله
هتعمل ايه؟
هتسيب ده كلو وتروح تذاكر عشان تسلم المشروع كمان اسبوعين
ولا هتقعد تبكي ع اللي راح
ولا هتروح تعمل عمليه استشهاديه
الله ... ما هو معدش في مستقبل
المستقبل بيتبني علي الحاضر
والحاضر زي ما انتم شايفين
يبقي اكيد بالحاضر ده مفيش مستقبل
في اغنية الضمير العربي
كان واحده دايما بيتهيأ لي انها ألاء كانت بتقول
اي حياة بدي اعيشها ... بعد ما اتحطمت كل طموحاتي ... اي حياة اعيشها
مـــــــــــــــــــــــــــافيش حياه

مش عارف اعلق والله وكل اللي اقدر اعمله هو الدعاء وبحاول ادعي في كل مناسبه
اللهم فك كربنا وكرب المسلمين

صراحه انا زعلان قوي
ويا رب ينصرنا
وان شاء الله هييجي يوم ونرفع علم فلسطين علي القدس
وان شاء الله أحفاد اليهود هيلعنوهم لانهم هم اللي هيدفعوا تمن اللي بتعملوه
وبكره نعرفكم يا كلاب انه دمنا مش رخيص
وانكم مهما عملتم عمركم ما هتمحوا امه عمرها اكتر 3 الاف سنه
لكي الله يا غزة وهو وحده قادر علي نصرها
ولكي الله يا الاء بجد انا اسف ع اللي بيحصل وانا مش واقف بتفرج

انا اااااااااااااااااااااسف جدا
ويا رب تطمنينا عليكي في اقرب مناسبه

ايموشن واحد بيدراي وجهه
سلامي

الاثنين، ديسمبر 22، 2008

يوم مش هيتنسي!!!!!!!!!! منتهي الفشل

0 مناقشة الموضوع


السلام عليكم
النهارده الاتنين 22-12-2008
النهارده كان حتة يوم مالوش حل
بجد كان يوم اعلي اومليت
والواحد بقالوا اكتر من سنتين مضحكش الضحك العبيط ده قبل كده
المهم مش عارف ابدأ اليوم منين ... لاني بقالي حوالي 34 ساعه منمتش
ملحوظه كده في النص عشان نطلع بافاده من الموضوع
يا جماعه بجد الايام بتعدي زي الهوا والله الساعات بقت لحم في بعض
تبص في الساعه تلاقيها 1 تبص عشان تتاكده تلاقيها 1.30 ازاي متعرفش
فياريت كلو يحاول يستفيد من الوقت ده وخصوصا اننا علي ابواب امتحانات
ربنا يوفق الجميع
نرجع لموضوعنا
امبارح عدي زي الهوا ... الواحد كان عاوز يخلص حاجات ومنهضش ينجز حتي ربعها
المهم
صلينا العشا وكلو تمام قلنا نقعد قدام التليفزيون ... نلاقي الساعه 10
طيب ننزل نقعد ويا الرجاله شويه نبص نلاقي الساعه 11.30
طيب يلا بقي نعمل العملي بتاع الفلاش والشبكات
نبص نلاقي برنامج الفلاش لاول مره يعملها وميشتغلش
طيب نروح الي الشبكات نلاقي النسخه تعبانه وناقصه
الله
طيب والعمل انزل النسخه اللي معايا مش عاوزة
نروح ننسخ اسطوانه تانيه
مش شغاله بردوا ... طيب والعمل
في النهايه كلو بقي تمام بس بعد فوات الاوان ... الساعه واحده
خلاص بقي النوم عمل هجمه مرتده ولااااازم ننام
قلنا نلعب شويه في العملي ... حصل
قلنا نفتح الميل شويه...وحصل بس كلمت ناس كتير اوي ع الميل
وناس مكلمتهاش من زماااان
الساعه كام
الساعه بقت 4.30 ص ... قلنا نكمل لعب علي العملي
بس الفجر
وهنام واحنا بنصلي ... قمت واخد= دش ع السريع كده بميه بارده
لاول مره في حياتي اعملها ... ميه بارده يا لهوي ... دي من سابع المستحيلات
معلش اصلي عملت الرابع والخامس والسادس
المهم صلينا
والساعه بقت 6.15 وطالبه نوم اوي
نذاكر طيب عشان السكشن ... قافله خالص ومفيش ولا كلمه داخله الدماغ
قمت منزل حاجات الفلاش علي الموبايل ورايح علي الكليه وانا نايم
وصلنا الكليه وعينك متشوف الا النور
غباء من اول اليوم لاخره
وضحك بجد بجد
واللي زاد وغطي نروح نلاقي نتيجة المالتي ميديا متعلقه
وكانت نتيجتي 8 من 60 وهاتك يا ضحك
ليه يعني؟؟؟ 8 ايه يا راجل دا انت لو هتكرمني عشان حضرت الامتحان هتديني 10 علي الاقل
ونبص للناس التانيه اللي جايب لي واحد واللي جايب لي اربعه ونتايج من اللي قلبك يحبها
وهاتك يا ضحك
يا خسارتك يا ابوصلاح ال99 ضاعت
ونضحك
وطلبت هيستريا بقي
كلام اعلي دماغ والبيض كان بيض نعام من الحجم الكبير
وكنا صايمين النهارده احنا التلاته (محمد صلاح & محمد صلاح & محمد صبحي)
وهم كانوا تقريبا مناموش غير شويه كده وانا منمتش خالص والجو برد
واعلي نكت بقي
اه اللي سمع بقي واللي مسمعش فاتوا نص عمره
وهاتك يا غباء كلو بقي بيفتري في الاستغباء
ومسكين اغنيه امال ماهر بتاعت بينك وبينها
بدأتها انا
بس بطريقة شعبان عبد الرحيم
عايز تبعد ما تبعد
واجرح قلبي وعينه
وايــــــــــــــــــه
وانت ماشي بقي
الواحد مكنش داري بالدنيا خالص والله
رحنا نصلي الظهر وانا خلصت من هنا ونمت في مكاني بعد الصلا من غير اي حركه
وبجد نمت حتي ثروت جاي يهظر لاقاني نايم
ورجعنا وامتحنا ,,, وأعلي دماغ بقي
وفي النهايه
خلص اليوم
بس كان بجد اعلي تهييس
الواحد كان نفسوا في حاجه واحده بس ... انه يلعب كوره
يا سلاااااااااااام
علي فكره الواد محمد صلاح التاني ضحك ضحك اول مره اشوفه عليه

وبالمناسبه صبحي كان فرحان لانه جاب اكتر واحد فينا جاب 17 من 60
اي خدمه يا عم ... مصيت لك اهون

ويلا بقي لاني عاوز انام
عشان بكره في يوم غريب كده ... مش عارف هنعمل في طب ايه
والله كنت عاوز ادخل طب انتساب بس علي نص درجه ... فلتت مني

يلا بقي سلام

الاثنين، ديسمبر 15، 2008

خاطرة محظوره دوليا !!!1

2 مناقشة الموضوع



ما فائدة أن تكسب العالم وأن تخسر نفسك ... كلنا يعلم تلك المقوله الصادقه معانيها
ولكن معظمنا لا يدري ماذا يفعل عندما يطالب بأن يرضي كل الناس؟؟؟
أنها حقا لمشكله ... بأن ترضي الناس ولكن المشكله الاعظم هي أن تفعل ذلك
ولا تستطع أن ترضي نفسك ... أن تقنع نفسك بأفعالك ... أن تقنع نفسك بنفسك
و ااااااااااااااااه من قيد الزمن وغصبانيته علي واقعنا
إن الزمن لا يقنعك بما يفرضه عليك ... حيث أنه غير مطالب بذلك
لكنه يتركك لواقعك المرغوم ... تقنع فيه ويقنع فيك
قد كذب ونافق من قال أنه أعلي بشئون الدنيا ... وذلك لعظم الدنيا وقلب الزمان
كل أنسان فقط أعلم بشئون دنياه حيث يحياها ويصنعها ثم يحاسب عليها يوم لا يلومن إلا نفسه
قد يضعك الواقع في مكان غير مكانك بعد أن كان لا مكان لك الا اياه
قد يفرض عليك أحكام عرفيه ليست من نسيج خيالك ولا هي من أحلامك
ماذا تفعل ؟! أنها لأحكام الزمان ... لا يجوز الإعتراض عليها
عجبت ... ولست أعلم من ماذا؟؟؟
ترسم لنفسك دروب وتحاول أن تجبر نفسك علي السير بها
ولكن الزمان يشأ غير ذلك فيرغمك علي السير في مسارات أخري
وهذا أعجب من ذاك
أنه بعد مرور العمر ... إن شاء لك الزمن أن يذكرك بدروبك ومساراته ... ستضحك وإلا
ستبتسم بدموع هي النار ... نار
النار التي تعطي الدفئ ولكن من اقترب منها ... حرقته
من يطفئ تلك الجمرات غيرك
يا حبيبي وخالقي .... الا بذكر الله تطمئن القلوب
وربك يخلق ما يشاء ويختار , ما كان لهم الخيره
اللهم أني أعلم أنه قد رفعت الأقلام وجفت الصحف ... فاللهم لا إعتراض

وحق من قال : إنك يا زمان لذو صروف وإنك يا زماني لذو انقلاب

ملحوظه يا جماعه
لو تعلمو ما في الغيب لاخترتم الواقع
انت لو تعرف ربنا كاتب لك ايه في المستقبل...سبحان الله هتقول ده مفيش غير الواقع ده اللي هيوصلني للمكانه دي
فلك الحمد والشكر والثناء يا ربنا

الاثنين ... 15-10-2008 ... الواحده ظهر
ا

الثلاثاء، ديسمبر 02، 2008

الظاهر أنه لسه بدري أوي...

5 مناقشة الموضوع


ده تعليق من شخصيه عزيزه عليه أوي

انا:انا بقي بافتقد حاجات كتير اوي حب الذات
الشخصيه : حب الذات نابع من حاجات كثيره
اى انه ناتج حاجات كثيره لو حققتها فيكون لديك حب الذات
وهى
الشخصيه
1-حب شكلك وخلقتك لان الذى خلقك هو الله العظيم وما تحب شكلك دايما هتحاول تكون اجمل وتظهر بالاسلوب انيق وجميل وليس بس من الخارج ولكن من الداخل ايض
انا : الحمد لله
من الناس المقتنعه بحياتها بصفه عامه
وده بيرجع لسبب بسيط جدا
انه ربنا خلقني كده وأكيد هو ليه حكمه في كده
يعني ده قدر ربنا ليه.... حاجه كاتبها لي ربنا
لازم ارضي بيها
يعني مثلا شكلي وخلقتي والبيئه اللي انا عايش فيها واهلي
ده كلو انا الحمد لله راضي ومقتنع بيهم جدا
لاني لو مش اقتنعت بيهم وسخطت منهم
فانا اعتبر بسخط علي قدر ربنا ليه
وانا لو مرضتش بقضاء الله
ياااااااااه ,,, ربنا مش هيعمل حاجه غير انه هيسلط عليه نفسي
ودي لوحدها اعاذنا الله واياكم
ده ربنا بيقول
يابن ادم خلقتك لعبادتي فلا تلعب وقسمت لك رزقك فلا
تتعب فان انت رضيت بما قسمته لك ارحت قلبك وبدنك
وعقلك وكنت عندي محمودا
وان لم ترضى بما قسمته لك اتعبت قلبك وبدنك وعقلك
وكنت عندي مذموما
فوعزتي وجلالي لاسلطن عليك الدنيا تركض فيها ركض
الوحوش في البريه ثم لا يكون لك منها الا ماقسمته لك

وعازظني لما اسمع كده مرضاش بشكلي
________________
الشخصيه
ا2-حب عملك ومجال دراستك لان عندما تحبه هتحاول دائما تتفوق فيه
وتحقق نجاح فنتيجه ذلك انك هتفخر بنفسك وتحقق حب الذات
أنا : جايز مكنتش بحب مجال الدراسه
لاني اساسا كنت عاوز ادخل تجارة انجليزي
بس المجموع بقي مجبهاش ودخلنا حاسبات
المهم انا طوال سنه اولي مكنتش فاهم حاجه
البركه في البشمهندس ابراهيم حامد
بصراحه الراجل ظبطني
وبقيت احب الكليه والمجال ده أوي
بجد ابراهيم ليه فضل كبير أوي عليه في خب المجال ده

_______________
الشخصيه
3-حب الحياه والرغبه فى ان تعشها وتحقق النجاح فيها
واذا فشلت فى تحقيق شى انهض مره اخرى
ولكن بتحمس وامل وابتسامه
وتكون واثق انك سوف تحققها ولم تغلبنى الدنيا لانها مش اذكى منى

اولا اشكرك علي النصائع النفيسه دي
انا فعلا بحب الحياه اوي
بس في اوقات وكتير علي فكره
ببقي كاره الحياه دي اوي وببقي اتمني اني .... تيت
انا الحمد لله اعتبر نسبيا ناجح
بس للاسف اللي اهداني سفينة النجاح قالي ان السفينه دي مش هتتحرك
ولا هتمشي غير لما يكون فيها اتنين انا مش عارف ليه
جايز لاني مبعرفش اجدف لوحدي
او اني بقف في محطات تافهه كتير اوي
فمحتاج حد يوجهني صح اكتر او يوقطني لما اغفل
اعمل انا سفينة نجاحي كده
وبالنسبه بقي لاني بفشل في حاجات
استحاله حد يقدر يتحدي الدنيا غير لما يبقي قدها
وانا لغيت اللحظه اللي انا بكتب فيها مش قد الدنيا دي
دي ساعات يا جماعه ببقي ماشي فيها مش لاقي نفسي ولا شايفه اقرب الناس ليه

_______________________
الشخصيه
4-امتلاك الامل فى بكره وهذا الامل يكون نابع من الثقه فى الله
وتحقيق الواجبات اللى علينا وعدم اغضابه
انا : والله الامل في بكره ده هو اللي مخلي الواحد عايش اساسا وبيكتب ليكم
انا الحمد لله من الناس المتفائله جدا جدا جدا
والحمد لله انا بتق في الله ثقه عمياء
ده ربنا
والله بحاول علي قد ما اقدر اني مش اغضبه
بس بردوا مش تنسوا موضوع السفينه ده
______________________
الشخصيه
5-صفاء النيه لان عندما تكون صافى النيه
ربنا يعينك على تحقيق النجاح وبذالك تفتخر بنفسك
بس خلى بالك اوى ينقلب هذا التحمس الى غرور خلى بالك
دايما وربنا معاك وربنا لا يضيع اجر من احسن عملا
انا : هههههههههههههههههه
اها طبعا بامارة انا ذكي جدا
انا مش مغرور علي فكره
جايز اكون بتظاهر بكده
بس صحابي عارفين
يعني مثلا لما اكلمهم بغرور كده
يقولولي ايه الثقه دي
اقولهم دي مش ثقه ده غرور
انا علي فكره بقدر اوي اللي يقدرني ويثق في قدراتي
__________
علي فكره مش ده كلو اللي انا بقصده
بحب الذات
انا اقصد ان انا ببدي مصلحة الناس عليه
بس بطريقه غبيه اوي
مش عاروز اضرب نثال
__________

انا : من يقدر حبي
الشخصيه : فى ناش كثيره بجانبك بيحبوك
ومش يقدروا يبعدوا عنك وهم اهلك وعائلتك
وفى المستقبل زوجتك واولادك
كل هؤلاء الاشخاص سوف يحبونك ويقدروا حبك ووفائك
بس كل حاجه بتيجى فى وقتها
ومش تستعجل على الامور وانت هتاخذ نصيبك
من كل حاجه ومش هتنقص اى حاجه
ومفيش احد احسن من احد كلنا ذى بعض

انا : مش عارف اعلق علي ايه ولا ايه
بالنسبه للاهل
ههههههه
خلاص
احنا كنا 8 الاسره
دلوقت امي ماتت وبابا اتجوز وسافر واسماء اختي متجوزه
واختي التانيه هتحصلها بعد العيد
واخويا في المستشفي مش بنشوفه غير كل فين وفين
زخلاص دخل الجيش
ومبقاش حد في البيت غير انا واخواتي الصغيرين
التوأم
وبالنسبه بقي للمستقبل انا مش هقول غير زي حليم ما قال
ما أصعب أن تهوي امراة يا ولدي ليس لها عنوان
وانا الحمد لله عمري ما استعجلت حاجه ولا استبطأت حاجه
كلو علي ربنا
_________________
الشخصيه
ولو كنت قصدك على الناس اذا عاملتهم كويس
ابتغاء وجه الله وليس لرضاهم ربنا هيكرمك ويقف بجانبك
ومن احبه الله حبب فيه خلقه

انا : الحمد لله
وربنا بس اللي يعلم انا بعامل الناس ازاي وليه
مش همثل بمثال
__________________
انا : واخير افقد اخويه
الشخصيه
ربنا يرجعه بالسلامه
انا : انا قايل افقده مش افتقده
انا الحمد لله مفيش اي تعامل ما بيني وما بينه
مش عارف ليه
بحاول اقرب منه بطريقه او باخري
هو بيرفض ومش عارف ليه هو دايما بيحاول يقطع الشعيرات اللي ما بيني وبينه
بتصرفاته الغبيه
وكلامه اللي ملوش لازمه
_____________
الشخصيه
وياريت اكون قدرت احل مشاكل وفى الاخر ان اى مشكله مش بتتحل الا بالقرب الى الله واتقائه والتقرب اليه ويارب يوفقك الجميع ويهيديكم الى انفسكم
ونفسى اقول حاجه اخير يا جماعه لازم يكون عندنا امل فى بكره ومش بس بالكلام ولكن بالفعل
وبلاش موضوع الاكتئاب
اللى بيصيب ناس كثيره مننا وهم لسه فى ريعان شبابهم
يا جماعه الحياه حلوه بس
الذكى هو اللى يعرف يعشها ويستغل كل حاجه حلوه فيها
ويتفادى الوحش وكل سنه وانتم طيبين
انا : فعلا از يو ساي
كله بيتحل بالتقرب الي الله
وبالنسبه لموضوع الاكتئاب ده
مش عارف دايما انا ليه بكتئب
بس الحمد لله انا عارف دواها
هو ماتش كورة وكلو يبقي تمام
وفعلا ليه الناس بتكتئب وهم لسه شباب كده
الله يكون في عون اهالينا

س ل ا م ي

وأبتديت أعرف غلاوته لما رااااااااااح !!!!!!!

1 مناقشة الموضوع



السلام عليكم
والله الميد تيرم ده كان غريب اوي
كل يوم كان هاين عليه اكتب لي موضوعين علي البلوج
بس عشان الكتابه بقت رزله علي البلوجات
الواحد بيتضايق وبيسيب المواضيع في التحرير

المهم ندخل في موضوعنا بقي
اولا اللي حثني علي اني اكتب الموضوع ده
اني لابس طقم اسمر وهو اللي كنت لابسه يوم ما امي ماتت
وفي نفس الوقت لسوء الحظ شغلت اغنية فقدتك
لحسين الجسمي
وحسيت اني اول مره اسمعها
المهم
طبعا احنا جيل ما يعلم بيه الا ربنا مش بنذاكر غير ايام الامتحانات
الا من رحم ربي
وانا اكتر واحد مش بيذاكر غير في ايام الامتحانات
يا دوب هيه ليلة الامتحان بس ممكن مش انام عشان اخلص اللي قدامي
المهم
كانت امي دايما تصحي الفجر وكل شويه تدخل عليه الاوضه
وتستفز فيه بكلمه غريبه
محدش هيفهمها ولا يعرف ايه علاقتها الموقف
كانت دايما تقولي
متعرفش قيمة امك غير لما تشوف مراة ابوك
يعني الوقت قدامك كتير طول السنه مش بتعرف قيمته غير لما تقرب علي الامتحانات
وشويه كده وتقوم ظارفاني كوباية شاي مشربتهاش ولا هشربها بعد كده
كان طعمها غريب اوي متعرفش اذا كانت حلوة ولا وحشه
بس كل اللي اقدر اقوله عن الكبايه دي غير انها بتاعت أمي
وفي الراحه والجايه تستفز فيه
ادخل جوة تدخل ورايا
اطلع اقعد في الصاله تيجي ورايا اتمشي في البالكونه الاقيها قاعده قدامي
ومتمشيش غير لما ازعق
وفي الاخر تقولي انا بحبك يا محمد
اقولها وانا ورايا امتحان
هههههه
منتهي الرزاله مني صح

بس فعلا متعرفش قيمة امك غير لما تشوف مراة ابوك
المهم الامتحانات خلصت واحمد الله عدت سليمه

الثلاثاء، أكتوبر 28، 2008

بخاف

0 مناقشة الموضوع




بخـــاف

كل ما أشوف عمري جري بيّ ……… بخاف

كل ما تدبل وردتي فيّ ……………. بخاف

حتى في كلامي حتى في غنايا

بيبان آلامي بيبان بكايا

حتى أما بفرح

بخاف لتفوت الفرحة

بخاف م الدنيا الجارحة

بخاف لضحكة الحلوة

تبقى جناين أحزان طارحة

بخاف

من توهة زمني

بخاف

ليرخص تمني

بخاف

لتضيع أحلامي

اللي شايفها عروسة في طرحة

دايما أحس إن أنا وحداني

مركب ما بترساش في مواني

رحال بيدور على البر

اضحك وانا بين نفسي وبيني

حزن العالم كله ماليني

غنوة جميلة بتنزف فرح

حتى في عذابي

حتى في لهيبي

أقرب صحابي

كان مين داري بي

ده أنا من حبيبي

بخاف

ليبعني لغيري

بخاف

على حبي لطيري

بخاف

ليجرح قلبي

بعد ما احب بكل ضميري

بخاف

لتخون أيامي

بخاف

ليخون أحلامي

بخاف

لنهاية حبي

تطرح شوك وعذاب قدامي

كل ما أعد ساعات أفراحي

وأحسب ألمي وكل جراحي

أرجع في الآخر خسران

كل ما أحن لناس حبيتهم

قلبي يحس بشوق ناحيتهم

بيجمع مطرة أحزان

حتى اللي ليّ

حتى اللي مني

لو حسوا بيّ

لو حسوا فني

حتى أما أغني

بخاف

م اللحظة الجاية

بخاف

من طول لياليّ

بخاف

على كل حبايبي

أكتر من خوفي عليّ

بخاف من حيرتي ويأسي

بخاف من روحي ونفسي

بخاف والخوف بقى دنيا

بني آدميين عايشين حوليّ

كل اتنين حبيبين اتوعدوا

لازم واحد يجرح واحد

والواحد من كتر ما شاف

قربت اشك في احساسي

وصحابي وأحبابي وناسي

بقيت من كل الدنيا بخاف

حتى في كلامي ..حتى في غنايا ..بتبان آلامي ..بيبان بكايا

حتى اما بفرح

بخاف …… بخاف …… بخاف

الأحد، أكتوبر 05، 2008

ريستارت ما قبل الدراسه....!!!!!

4 مناقشة الموضوع

السلام عليكم ورحمة الله
وكل عام وانتم بخير بمناسبة كل الحاجات الحلوه اللي احنا فيها دي
وأختص منها بداية العام الدراسي
كنا عملنا ريستارت كده قبل الدراسه ما تبدأ عشان ندخل فريش علي السنه الجديده وحنا مش محرومين من حاجه
عملنا رحله صغيره كده انا واتنين معايا
واليكم بعض الصور


ده عمار حامي الديار
ده عمرو السيد تانيه هندسه ميكانيكا


اما ده هههههههههههههه
وليد علاء الدين تانيه خدمه اجتماعيه جامعة حلوان ... وخدوا بالكم من الحته اللي فاتت دي

اما ده فأكيد كلكم عارفينوا والا مكنتوش دخلتم هنا





الحمد لله الواحد فعلا خرج من الجو اللي هو كان عايش فيه

بجد كنا محتاجين الخروجه دي وانا بالذات كنت ناوي لها من الاجازة .... بسبب حاله الاكتئاب الباحت اللي انا كنت بمر بيه

بس محصلش نصيب وتمت دلوقت .... الحمد لله

المهم دخل العام الدراسي واتنمي لكل الدارسين ان يحققوا ما تمنوه في تلك السنه الدراسيه

وسلامي ليكم

وكل عام وانتم بخير

ودمتم بصحه وعافيه

الأربعاء، أكتوبر 01، 2008

عيد فطر مبارك !!! ... تقبل الله

0 مناقشة الموضوع
















حبيت الاغيكم الاول بلغة الصور
وبعدين اقول لكم
كل سنه وانتم طيبين بمناسبة عيد الفطر المبارك
اعاده الله علينا وعلي الامه الاسلاميه بالخير واليمن والبركات
تقبل الله منا ومنك الصيام والقيام
وكل عام وانتم بخير
س ل ا م ي





الثلاثاء، سبتمبر 23، 2008

قبل ان يغادر رمضان !.!.!.!.!.!.....!!!!!!!!

0 مناقشة الموضوع

دع البكاء على الأطلال والدار *** واذكر لمن بات من خل ومن جار
وذر الدموع نحيباً وابك من أسف *** على فراق ليال ذات أنوار
على ليال لشهر الصوم ماجعلت *** إلا لتمحيص آثام وأوزار
د يالائمي في البكاء زدني به كلفاً *** واسمع غريب أحاديث وأخبار
ما كان أحسننا والشمل مجتمع *** منا المصلي ومنا القانت القاري

وداعاً يا شهر يا رمضان !

وداعاً يا شهر الخيرات والإحسان !

وداعاً يا ضيفنا الراحل !


مضى كثيرك ولم يبق بين أيدينا منك إلا أيام قلائل ، عشر تجاورنا اليوم وهي إلى الرحيل أقرب من البقاء ، ولئن قال ابن رجب في لطائفه عند الفراق : ياشهر رمضان ترفّق ، دموع المحبين تدفّق ، قلوبهم من ألم الفراق تشقّق . عسى وقفة للوداع تطفيء من نار الشوق ما أحرق ، عسى ساعة توبة وإقلاع ترقع من الصيام ماتخرّق ، عسى منقطع من ركب المقبولين يلحق ، عسى أسير الأوزار يُطلق ، عسى من استوجب النار يُعتق . اهـ فما أحرانا بتدبّر قوله ، وفعل يطفيء حرارة الوداع .
أيها الشباب قبل أن تُشيعوا ضيفكم الميمون عودوا إلى أنفسكم حفظكم الله وتأملوا ماذا قدّمتم بين يديه ؟ وما هي الأسرار التي بينكم وبين ربكم في أيام شهركم وسيرحل بها رمضان ؟ هاتفني شاب في رمضان بعد سماع إحدى المواعظ وحدثني في الهاتف حديث طويل أذكر من قوله : أشعر من حديثكم أنكم تشعرون بفقد الشهر ، وتتحسّرون على فوات أيامه ؟ فلماذا أنا لا أشعر بذلك ؟ وبعد حديث طويل عن سر فقد الفرحة في قلب من يحاورني قال لي : عفواً أخي في شهر رمضان أسررت المعصية ، وتجاهلت الطاعة ، وكم هي المرات التي لا أشهد فيها صلاة التراويح ، وإن شهدتها فصورة بلا معنى ، وحركات بلا روح ، القرآن عهدي به من زمن بعيد ، وقد حاولت أن أمد يدي إليه مع جملة الذاكرين لكن نفسي حبستني عن الاستمرار وهاأنا لا زلت في بدايته إلى اليوم . أما المعصية فتدفعي لها نفسي دفعاً حتى أنني واقعت أنواعاً من المعاصي مراراً في شهر رمضان فعيني تخطّت ستار المعروف واجتالت في حرمات الله تعالى ، وأذني أبت إلا أن تتجاوز حدها الشرعي فانتهكت ماحرم الله ، ونفسي التي بين جنبيّ جاهدتها كثيراً فكابرت ومانعت واستعصت علىّ ، بل ما زالت بي حتى أوقعتني في الفاحشة ........... ومازال يحدّث حتى أنهار باكياً ، واستعبر أمامي في البكاء ، وأخذ يردد أثناء حديثه أخشى أن لا أكون ممن غفر الله لهم ، أو تقبّل منهم ، أخشى أن يختم الله لي بخاتمة السوء ! فأصبح أسير أحزاني ! أنا لست وحيداً في طريق اليأس فكثير من الشباب أمثالي ، فما زلت به أخفف عنه هذه الآلام حتى عاد يسمع حديثي من جديد فقلت له أخي الشاب لازال في الأمل فسحة ، وفي الوقت بقية ، والعبرة بالخواتيم . وأنا وإياك نشهد هذه العشر المباركة فهل يمكن أن تضع يدي في يدك وتعاهدني على المسير فقال أي والله مسير يعيد لي الفرحة والبسمة في حياتي من جديد لم لا أقبل به ؟ ولما لا أعيشه وقد عشت كل معاني الحرمان في المعصية والدأب عليها ؟ فقلت له أقبل حفظك الله إلى حديث ، أرعني سمعك ، وجُد علىّ بشيء من وقتك فعندي سر السعادة التي تنتظرها ، عندي لك قول الله تعالى : (( قل ياعبادي الذين أسرفوا على أنفسهم لاتقنطوا من رحمة الله إن الله يغفر الذنوب جميعاً إنه هو الغفور الرحيم )) دواء للمنكسرين من أمثالك لكن بشرطها الوحيد : التوبة الصادقة التي رأيت من آثارها أثر الدموع بين عينيك . وعندي لك قول رسولك صلى الله عليه وسلم : (( لله اشد فرحاً بتوبة عبده عبده حين يتوب إليه من أحدكم كان على راحلته بأرض فلاة ، فانفلتت منه وعليها طعامه وشرابه فأيس منها ، فأتى شجرة قاضطجع في ظلها ، وقد أيس من راحلته ، فبينما هو كذلك إذ هو بها قائمة عنده فأخذ بخطامها ثم قال من شدة الفرح : اللهم أنت عبدي وأنا ربك ، أخطأ من شدة الفرح . متفق عليه من حديث أنس . إذاً لم يبق عليك حفظك الله إلا الإقبال على ما بقي من شهرك إذ هذه الأيام هي الخاتمة ، وهي سر الشهر ، وأفضل أيامه على الإطلاق ، فهذا رسول الله صلى الله عليه وسلم تقول عنه عائشة رضي الله عنها : (( كان النبي صلى الله عليه وسلم إذا دخل العشر أحيا الليل ، وأيقظ أهله ، وجدّ ، وشد المئزر )) ولك في رسول الله صلى الله عليه وسلم أسوة حسنة . هذه الليلة العظيمة التي قال فيها رسول الله صلى الله عليه وسلم : (( من قام ليلة القدر إيماناً واحتساباً غُفر له ماتقدم من ذنبه )) متفق عليه من حديث أبي هريرة . وقد أخبر الله عن هذه الليلة أنها خير من ألف شهر في كتابه المبين فقال تعالى : (( إنا أنزلناه في ليلة القدر * وما أدراك ماليلة القدر * ليلة القدر خير من ألف شهر )) وأخبر رسول الهدى صلى الله عليه وسلم أن هذه الليلة في ليالي العشر حين قال صلى الله عليه وسلم : (( تحروا ليلة القدر في العشر الأواخر من رمضان )) أقبل على عشر رمضان حفظك الله بكل جهدك وقوتك واحرص على أن يكون ختام شهرك ختاماً حياً مباركاً ، تزوّّد فيها بالطاعات ، احرص على الفريضة مع الإمام والله الله أن يشهد الله عليك أو حتى أحد من خلقه تخلُفاً عن الجماعة بنوم أو كسل ، إلزم النافلة القبلية والبعدية ، واحرص على أداء صلاة التراويح والقيام مع جموع المسلمين ، ولا زم فيها دعاء : اللهم إنك عفو تحب العفو فاعف عني فهي وصية رسول الله صلى الله عليه وسلم لأم المؤمنين . أكثر من قراءة القرآن ، ونوّّع في القراء مابين حدر وترتيل ، ولتكن عنايتك بالتدبّر لآيات القران الكريم فإن في ذلك خير كثير . قم برعايتك والديك وقبّل رأسهما كل مساء ، والزمهما بالطاعة والبر فإن ذلك من أعظم فرص استغلال شهر رمضان . صل أرحامك ، وتعاهد جيرانك فإن ذلك من خلق المسلم . وإنني إذ أدعوك إلى التمعّّّن في هذه الأحاديث إنما أدعوك للتحرر من الكسل واستقبال الآخرة ، والإقبال على عشر رمضان الأخيةر ففيها بإذن الله تعالى سر السعادة المرتقبة التي تبحث عنها ، وإنما حين أقرر لك أن هذا هو طريق السعادة آمل منك أن تجرّب هذا الطريق ولن تجد أجمل منه ولا أسعد على وجه هذه الحياة ، وهؤلاء الذين تراهم في مجتمعك تبرق أسارير وجوههم يالاستقامة هم كانوا مثل ما أنت فيه الآن من الحيرة والاضطراب ، والهم والغم ، وخاضوا هذه التجربة في بداية حياتهم وحينما وجدوا المفقود والسر الغائب في حياتهم قرروا التوبة ، وهم اليوم وكل يوم يرددون قول القائل : والله إنها لتمر بي ساعات يرقص فيها القلب فرحاً من ذكر الله . ويلهجون بقول الله تعالى : (( قل بفضل الله وبرحمته فبذلك فليفرحوا هو خير مما يجمعون )) وفقك الله وسدد خطاك وعلى طريق الخير بإذن الله تعالى نلقاك .

الأحد، أغسطس 31، 2008

رمضااااااااان...شهر الطاعه

6 مناقشة الموضوع

خطبة رسول الله ( صلى الله عليه وآله ) حول شهر رمضان المبارك
قال الإمام علي ( عليه السلام ) : إنّ رسول الله ( صلى الله عليه وآله ) خطبنا ذات يوم ـ في آخر جمعة من شهر شعبان ـ فقال : ( أيّها الناس : إنّه قد أقبل إليكم شهر الله بالبركة والرحمة والمغفرة ، شهر هو عند الله أفضل الشهور ، وأيامه أفضل الأيام ، ولياليه أفضل الليالي ، وساعاته أفضل الساعات ، هو شهر دعيتم فيه إلى ضيافة الله ، وجعلتم فيه من أهل كرامة الله ، أنفاسكم فيه تسبيح ، ونومكم فيه عبادة ، وعملكم فيه مقبول ، ودعاءكم فيه مستجاب .
فاسألوا الله ربّكم بنيّات صادقة ، وقلوب طاهرة أن يوفّقكم لصيامه ، وتلاوة كتابه ، فإنّ الشقي كل الشقي من حرم غفران الله في هذا الشهر العظيم ، واذكروا بجوعكم وعطشكم فيه جوع يوم القيامة وعطشه ، وتصدّقوا على فقرائكم ومساكينكم ، ووقّروا كباركم ، وارحموا صغاركم ، وصلوا أرحامكم ، واحفظوا ألسنتكم ، وغضوا عمّا لا يحل النظر إليه أبصاركم ، وعما لا يحل الاستماع إليه أسماعكم ، وتحنّنوا على أيتام الناس ، يتحنّن على أيتامكم .
وتوبوا إلى الله من ذنوبكم ، وارفعوا إليه أيديكم بالدعاء ، في أوقات صلاتكم ، فإنّها أفضل الساعات ينظر الله فيها إلى عباده بعين الرحمة ، يجيبهم إذا ناجوه ، ويلبيهم إذا نادوه ، ويعطيهم إذا سألوه ، ويستجيب لهم إذا دعوه .
أيّها الناس : إنّ أنفسكم مرهونة بأعمالكم ففكّوها باستغفاركم ، وظهوركم ثقيلة من أوزاركم ، فخفّفوا عنها بطول سجودكم ، واعملوا أنّ الله أقسم بعزته أن لا يعذّب المصلّين والساجدين ، وأن لا يروّعهم بالنار يوم يقوم الناس لرب العالمين .
أيّها الناس : من فطّر منكم صائماً مؤمناً في هذا الشهر ، كان له بذلك عند الله عتق رقبة ، ومغفرة لما مضى من ذنوبه ) .
فقيل : يا رسول الله ، وليس كلّنا يقدر على ذلك ؟
فقال ( صلى الله عليه وآله ) : ( اتقوا الله ولو بشربة من ماء ، واتقوا النار ولو بشق تمرة .
أيّها الناس : من حسّن منكم في هذا الشهر خلقه ، كان له جواز على الصراط يوم تزل فيه الأقدام ، ومن خفّف فيه عمّا ملكت يمينه خفّف الله عليه حسابه ، ومن كف فيه شرّه كف الله عنه غضبه يوم يلقاه ، ومن أكرم فيه يتيماً أكرمه الله يوم يلقاه ، ومن وصل فيه رحمه وصله الله برحمته يوم يلقاه ، ومن قطع فيه رحمه قطع الله عنه رحمته يوم يلقاه .
ومن تطوّع بصلاة كتب الله له براءة من النار ، ومن أدّى فيه فرضاً كان له ثواب من أدّى سبعين فريضة في ما سواه من الشهور ، ومن أكثر فيه من الصلاة عليّ ، ثقّل الله ميزانه يوم تخف الموازين ، ومن تلا فيه آية من القرآن ، كان له مثل أجر من ختم القرآن في غيره من الشهور .
أيّها الناس : إنّ أبواب الجنان في هذا الشهر مفتّحة ، فاسألوا ربّكم أن لا يغلقها عليكم ، وأبواب النيران مغلقة ، فاسألوا الله أن لا يفتحها عليكم ، والشياطين مغلولة ، فاسألوا ربّكم أن لا يسلّطها عليكم ) .
قال الإمام علي ( عليه السلام ) فقمت ، فقلت : يا رسول الله ما أفضل الأعمال في هذا الشهر ؟
فقال : ( يا أبا الحسن أفضل الأعمال في هذا الشهر الورع عن محارم الله ) .
يقول أمير المؤمنين ( عليه السلام ) : ثمّ بكى رسول الله ( صلى الله عليه وآله ) ، فقلت : ما يبكيك ؟
فقال : ( أبكي لما يستحل منك في هذا الشهر ، كأنّي بك وأنت تصلّي لربّك ، وقد اتبعك أشقى الآخرين ، يتبع أشقى الأوّلين ، شقيق عاقر ناقة ثمود ، فضربك ضربة على قرنك ، فخضب منها لحيتك ) .
فقلت : يا رسول الله وذلك في سلامة من ديني ؟
فقال : ( نعم في سلامة من دينك ) .
ثمّ قال ( صلى الله عليه وآله ) : ( يا علي أنت منّي كنفسي ، حربك حربي وسلمك سلمي ، من أحبّك فقد أحبّني ، ومن جفاك فقد جفاني )

دي كانت خطبة رمضان

وانا هنزل ليكم برنامج حلو اوي

فيه القران الكريم لبعض الشيوخ وشويه خطب وتفسير القران للشيخ الشعراوي
ممكن تحمله من اللينك ده

ولو انت بتقعد علي الجهاز ومش بتقوم من عليه
خد القران الكريم كامل ومكتوب
ممكن تقرا وانت قاعد علي الجهاز المهم انك تقرا
من اللينك ده
والموقع ده هيفيدك أوي في رمضان
لانه بيوديك لمواقع تانيه كتير مواقع اسلاميه في غاية الروعه
ادخل علي اللينك ده
والموقع ده يا جماعه جامد أوي أوي
فيه هتلاقي القران مكتوب و فيه شيخ بيقرا
وواحد بيترجم القراءة الي الانجليزيه
يعني القران مكتوب بالعربيه ولانجليزيه ومقروء بالعربيه والانجليزيه
في اللينك ده
بس
ده كان موضوع كده ع الطاير بمناسبة شهر رمضان
كل عام والامه الاسلاميه كلها بخير
لازم نحمد ربنا يا جماعه لانه بلغنا رمضان
الحمد لله
يا رب لا تخرجنا من رمضان هذا الا وانت راض عنا
اللهم تقبل منا صلاتنا وصيامنا وقيامنا واختم بالباقيات الصالحات اعمالنا
اللهم لا تمتنا الا وانت راض عنا
يـــــــــــــــــــــــــــــــــا رب
يا رب يا جماعه كل واحد مش يخرج من رمضان ده الا وهو محقق اللي في نفسه
واخيرا
كل سنه وانتم بخير
ورمضان كريم
سلامي


موقف كده في السريع

5 مناقشة الموضوع


السلام عليكم جميعا
انا قلت ما اخطف الموضوع ده كده قبل رمضان

حاجه خفيفه كده علي الطاير
اولا:الموضوع ده هيكون خاص بالدكتور أحمد وائل
طبعا محدش سمع عنه حاجه بس ان شاء الله تسمعوا عنه في المستقبل
احمد وائل ده ابن اختي....وسمي احمد نسبه الي الدكتور احمد صلاح
طبعا متسمعوش عنه بردوا بس احمد صلاح يبقي اخويا
المهم بقي
احمد وائل ده حبيب قلبي بحبه موووووووووت
وحياتي اتغيرت شويه لما اتولد يعني بقيت خال بقي عقبالكم كلكم
المهم بقي الواد ده قاعد معانا علي طول ودي صورته


ودي صوره وانا معاه
المهم بقي ان انا بحب الواد ده حب من نوع تاني خالص
والناس شايفه ان الحركات والمقالب اللي انا بعملها فيه
كره مش حب وانا بقولهم لاء ده حب من نوع تاني
والدليل علي كده ان هو بيحبني ومش بيسكت غير معايا
انا الوحيد اللي كل ما يعيط اسكته وينام معايا دايما
وكل ما يشوفني يضحك
وطول ما انا قاعد علي الكمبيوتر الاقيه جاي لي وماسك في رجلي
المهم بقي عشان مش اطول عليكم
هحكي لكم الموقف
كنا مره قاعدين بنفطر ... وهو كالعاده مش بيقعد غير معايا
قام جاي وقاعد علي رجلي
باكله وانا باكل وكده
فمن ضمن الاكل الموجود شطه .... عارفين الشطه
المهم وانا باكل قلت ما ااكله حته شطه كده
وكل ما اجي اهوش عليه اخواتي يزعقوا لا يا محمد مش تاكله
فمره كده لاقيت اختي بتقول والله ما تقدر تاكله
قمت من غير ما حد ياخد باله مديلوا شطه وهو ياكل
المهم خمس دقايق ونلاقي الواد بيعيط
هههههههه
بيعيط بجد......ومش راضي ياكل ولا يسكت
اخواتي قالوا انت اكلته شطه قلت لهم دي حته صغيره
هههههه
المهم الواد عمال يعيط واحنا نضحك عليه
وكل ما يروح لحد يعيط اكتر .... اخواتي قالوا لي مالناش دعوه
خليه معاك انت اللي خليته يعيط وانت اللي لازم تاكله
انا اخدت الواد واسكت فيه والف بيه وهو يعيط
واقوله معلش وهو يعيط
المهم فين وفين....اكتر من ساعه عياط لغيت ما اقعد ساكت
ونااااااااااااااااااام علي ايدي
وطول ما هو نايم يعيط بالراحه وانا بجد زعلت لما كان نايم بيعيط
علي فكره هو قاعد علي رجلي دلوقت
المهم الواد مهديش خالص غير لما عملت له الحركه دي وهو نايم

ههههههههههههههههه
زي ما انتم شايفين
اديتلوا شيجاره كده يضربها وهو نايم
ههههههه
بس
هي دي قصة حياتي
المهم الواد نام وبقي كويس دلوقت
عارفين ايه هي احسن حاجه في الاطفال
انها بتنسي بسرعه وبتنسي الوحش قبل الكويس
فعلا براءه وصفاء قلب وراحه بال يا ريتني كنت قدوا
يالا بكره يكبر ويكره الدنيا واللي فيها
بس
هو ده الموقف اللي في السريع
يالا بقي كفايه كده
سلام

الجمعة، أغسطس 01، 2008

new man

7 مناقشة الموضوع




new man without mother




بما أن البلوج ده بتاعي فمن حقي اني انشر عليه اللي انا عاوزة


كلام سليم......؟؟؟؟؟؟


سليم.


أنا ناوي أكتفي أني أنشر في البلوج ده بعض المواقف اللي مرت عليه في حياتي


وهبقي أرد وياكم علي الحاجات اللي أنا استفادتها من المواقف دي


وهبقي أكتب ليكم


بعض الأيام كامله من حياتي


الأيام دي مش شرط تكون بالترتيب بس كل ما أفتكر يوم هبقي أكتبه من البدايه وحتي النهايه


إن شاء المولي عز وجل


وإن شاء الله ينال اعجابكم بإذن الله


___________



هناك مقوله تقول


يعيش الرجل طوال حياته طفلا , فإذا ماتت أمه شاب فجأه


فعلا يشيب الرجل فجأه ولم يشعر بذلك إلا بمرور الأيام


لقد تغيرت لدي بعض النظرات لبعض الأشياء بل لجميع الأشياء


لقد تغير التفكير , أصبحت أكثر عقلا , أود فعلا أن اكون انسانا جديدا


ولكن هناك بعض العوامل لابد أن تتوفر لهذا التجديد


ولكنه أت لا محاله


إن شاء الله


__________________


مش عارف أكتب أيه صراحه


اللهم أجمع شملنا


الأربعاء، يوليو 30، 2008

هان الود ... عبدالوهاب

1 مناقشة الموضوع


هان الود
قالولي هان الود عليه ونسيك وفات قلبك وحداني
رديت وقلت بتسألوا ليه هو افتكرني عشان ينساني
ليه ليه...ليه ليه
ليه بيلموني
وياك في حبي
ولا يلموني علي صبر قلبي
هو اللي شوفت في حبه الويل
ولا افتكرني يوم ورعاني
وفضلت وحدي ونام الليل
كان افتكرني عشان ينساني
اه عشان ينساني
انا بحبه واراعي وده
ان كان في قربه ولا في بعده
وأفضل امني الروح برضاه
القاه جفاني وزاد حرماني
هو اللي حالي كده وياه
كان افتكرني عشان ينساني
اه عشان ينساني
خلوني احبه علي هوايا
واشوف في حبه سعدي وشقايا
دا مهما طول شوقي اليه
ومهما طال هجري وبكاني
بكره يعز الود عليه
ويفتكرني عشان ينساني
اه عشان ينساني
هذه الأغنيه من أغاني وألحان الرائع محمد عبد الوهاب
الذي غير مجري الموسيقي العربيه.....يلغي البعض دور عبد الوهاب ولا يتذكرون سوي بعض المبدعين
أمثال عمار الشريعي و عمر خيرت
ولكني أري أن دور عبد الوهاب كان افضل من هؤلاء
لانهم فقط أبدعوا ولم يضيفوا سوي ابداعاتهم
بينما عبد الوهاب يعتبر المغير الفعلي للموسيقي و غير تمل التغيير والابداع
فبالتالي يعتبر دوره أهل للذكر قبل هؤلاء
وفعلا موسيقي عبد الوهاب تشعرك بشتي الاحاسيس من فرح وحزن ودفئ و....و...
ويا حبذا لو اجتمع عبدالوهاب مع أم كلثوم
فعلا يكون لقاء السحاب
يالا الابداعات القديمه التي تركت في سلة مهملاتنا التي تشمل كل ما هو قديم وكل ما هو قيم وأصيل , و ...
تركنا ماضينا فضاع حاضرنا وتاه مستقبلنا ولا ندري ماذا نفعل لاعادة الماضي للبقاء علي الحاضر ومحاولة التنبؤ بالمستقبل
أنا لا أتحدث فقط عن الموسيقي ولكني أتحدث بشكل عام ممتثلا باحدي الاشياء وهي الموسيقي
محمد صلاح
أنا لا أدعي الإحتراف ولكن ليس للابداع حدود
سلامي

الخميس، يوليو 03، 2008

الحب الاعمى....أسطوره يونانيه!!!!غاية الروعه

6 مناقشة الموضوع







لماذا سـُــمي الحـــب أعـــمــــى ..!!


بسم الله الرحمن الرحيم

دائما ما نسمع بكلمة الحب اعمي .. ولكن لا نعلم ما سبب هذه التسميه
اتعلمون لماذا سمي بهذا الاسم

انا اقولكم السبب

لماذا ســــــــــــُمي الحـــــــب اعـــــــمى ؟؟
السبب هو ..........
في قديم الزمان
حيث لم يكن على الأرض بشر بعد ...
كانت الفضائل والرذائل.. تطوف العالم معا'..
وتشعر بالملل الشديد....
ذات يوم... وكحل لمشكلة الملل المستعصية...
اقترح الإبداع.. لعبة.. وأسماها الأستغماية.. أو الغميمة..
أحب الجميع الفكرة...
وصرخ الجنون: أريد أن أبدأ.. أريد أن أبدأ...
أنا من سيغمض عينيه.. ويبدأ العدّ...
وأنتم عليكم مباشرة الاختفاء....
ثم أنه اتكأ بمرفقيه..على شجرة.. وبدأ...
واحد... اثنين.... ثلاثة....
وبدأت الفضائل والرذائل بالاختباء..
وجدت الرقة مكانا لنفسها فوق القمر.
وأخفت الخيانة نفسها في كومة زبالة...
وذهب الولع واختبأ... بين الغيوم..
ومضى الشوق إلى باطن الأرض...
الكذب قال بصوت عال: سأخفي نفسي تحت الحجارة.. ثم توجه لقعر البحيرة..
واستمر الجنون: تسعة وسبعون... ثمانون.... واحد وثمانون..
خلال ذلك أتمت كل الفضائل والرذائل تخفيها... ماعدا الحب...
كعادته.. لم يكن صاحب قرار... وبالتالي لم يقرر أين يختفي..
وهذا غير مفاجيء لأحد... فنحن نعلم كم هو صعب إخفاء الحب..
تابع الجنون : خمسة وتسعون....... سبعة وتسعون....
وعندما وصل الجنون في تعداده إلى: مائة ،،،،،،
قفز الحب وسط أجمة من الورد.. واختفى بداخلها.
فتح الجنون عينيه.. وبدأ البحث صائحا': أنا آت إليكم.... أنا آت
إليكم....
كانت الفضائل والرذائل أول من أنكشفت...لأنها لم تبذل أي جهد في إخفاء نفسها..
ثم ظهرت الرقّة المختفية في القمر...
وبعدها.. خرج الكذب من قاع البحيرة مقطوع النفس ... !!
وأشار على الشوق أن يرجع من باطن الأرض...
وجدهم الجنون جميعا'.. واحدا بعد الآخر....




ماعدا الحب ...




كاد يصاب بالإحباط والبأس.. في بحثه عن الحب
إلى أن اقترب منه الحسد ،،،
وهمس في أذنه
الحب مختف في شجيرة الورد...
التقط الجنون شوكة خشبية أشبه بالرمح.. وبدأ في طعن شجيرة الورد
بشكل طائش ،،،،،، ليخرج منها الحب
ولم يتوقف إلا عندما سمع صوت بكاء يمزق القلوب...
ظهر الحب.. وهو يحجب عينيه بيديه.. والدم يقطر من بين أصابعه...






صاح الجنون نادما': يا الهي ماذا فعلت؟..
ماذا أفعل كي أصلح غلطتي بعد أن أفقدتك البصر ؟...
أجابه الحب:


لن تستطيع إعادة النظر لي... لكن لازال هناك ما تستطيع فعله لأجلي... كن دليلي ...
وهذا ما حصل من يومها.... يمضي الحب الأعمى... يقوده الجنون

الأحد، يونيو 29، 2008

موقف رعب.....حصل لي النهارده

6 مناقشة الموضوع

بصوا بقي يا جماعه
انا ان شاء الله هنزل اخر موضوع في كل شهر
هيكون عباره عن موقف خاص بي
او حاجه حصلت لي ومش هنساها وابقوا علقوا بقي براحتكم
بالنسبه للشهر ده
انا هكتب موضوع طازة لسه حاصل لي النهارده
نبدأ ب (بسم الله)
النهارده بعد ما صلينا الفجر انا وصحابي
واحنا قاعدين تحت بيتنا الاقي العيال بيقولوا لي ايه
قوم اعمل لينا كوبايتن شاي يا ابني
اقولهم يا ابني انت وهو اسكتوا في حد بيشرب شاي دلوقت
قالوا طب قوم هات لينا ميه ساقعه
قولت لهم يا ابني انت وهو اقعدوا سا كتين خلينا نتكلم شويه ولا نقوم ننام
قالوا يا ابني قوم والله عطشانين
قولت مفيش عندنا ميه ساقعه
قالوا قوم هات ميه عاديه ده حتي عندنا برد ومش بنشرب ميه ساقعه
بصراحه انا حسيت انهم عاوزين يطلعوني لسبب انا مش عارفه
قولت لهم مش طالع
قالوا يا عم قوم انجز
المهم كنا 6 افراد قولت لهم مش هينفع اعمل 6 كوبايات شاي
لاقيتهم بانتظام كده راح ماشي اتنين واتبقي4 وواحد قال مش هشرب
قالوا قوم اعمل بقي
قولت لهم انا هشرب كركديه حد يشرب معايه
قالوا اي حاجه بس بسرعه
ويا ريت تجيب الميه الاول_وفي ذلك حكمه_
قمت طالع عملت 3 كركديه و واحد شاي
المهم قولت ابقي انزل ليهم الميه بعدين
وانا بعمل الساخن قولت لما انزل نسخه بالمرة لان النسخه اللي فاتت
كانت تعبانه شويه
المهم
ظبط النسخه ونزلت بالشاي والكركديه
والدنيا كانت لسه شويه ظلام
وانا بقي نازل ومدي الامان ونازل بغني في السكه
الاقي ايه بقي؟؟؟؟؟
الاقي
حد طالع لي من تحت السلم بيقولي بخ
والمعروف عني
اني بنخض من اي صوت عالي
حتي لو كنت عارف انه هيعلي صوته بس بردوا بنخض
مش عارف ليه
يعني مثلا ويا الدكتور مصيلحي كان بيعلي صوته
كنت بنخض
ولو مش مصدقني
اسألوا رامي وجيفارا وقولو لهم عملتوا ايه في ابو صلاح لما عرفتوا انه بينخض من الصوت العالي
المهم
انا بقي نازل من علي السلم ومدي الامان خالص
ده بيتنا يعني مش اي حاجه
المهم
لاقيت حد لابس عبايه سمرا وطالع لي من تحت السلم بتاعنا بيقولي
عوووووووووووووووووووه
انا شايل الحاجه السخنه
وفجاه رحت مخضوض
بس عشان انا واد جامد مفيش حاجه وقعت مني
الا شويه كده وقعوا علي الصنيه بس مافيش حاجه انكسرت
الحمد لله
رحت انا بقي قايل_ يامه_ ايه ده
حرام عليك يا جلال
لاني عارف حركاتهم الزباله
وعشان الجو كان ظلام فانا مكنتش واخد بالي
انا كنت بحسب حيوان اليف كده طالع لي ومش عارف ايه
ببص كده
الاقي البتاع دي بتطول شويه بشويه
ابص في الوجه بتاع البتاع اللي طلع لي ده
الاقي واحد لابس قناع زباله
زي اللي في الصوره ده
قمت بقي عامل ايه؟؟؟؟؟؟؟؟؟
يا نهااااااااااار انا واقف مش قادر امسك نفسي
ايه ده يا رب
ابص الاقي البتاع ده عمال يطلع اصوات غريبه ويقرب مني وانا واقف
والكوبيات عماله تخبط في بعضها
دار في بالي ثلاث حلول
اعمل اي حاجه منها عشان انقذ نفسي
بعد ما تأكدت من خلال القناع ان البتاع ده مش واحد من صحابي
اول حاجه
اني ارمي الكوبيات في وجهه وانزل فوقه ضرب ضرب
تاني حاجه
اني ارمي الكوبيات في الارض واطلع علي فوق جري او انادي علي صحابي
تالت حاجه
واللي انا عملتها
اني اقف في مكاني واتشاهد علي روحي
ابص الاقي البتاع ده لما لاقاني لا حوا لي ولا قوة
قعد يضحك......يضحك
انا بقي لما عرفت انه واحد من صحابي
وكان مغير هدومه علشان مش اعرفه
والله كنت هعملها علي روحي
اتثبت
ومكنتش قادر اتلم علي اعصابي
يا نهااااااااااااااار
كا حتة موقف زباله
لا احسد عليه
رحت شربت معاهم الشاي وميه ميه
قمت سايبهم وطالع وزعلت منهم جامد
لاني مش بحب الهزار ده
المهم هما بقي قالوا دا احنا واخدينها مقالب في كل الناس من اسبوع
كل يوم واحد
كان احسن موقفين:
الواد ابن خال واد كده مخلص جامعه
شافوه رايح يصلي الفجر قاموا مستنيينوا جوه بيتهم لغيت لما طلع
وقفلوا النور وخلوه داخل قاموا خضينوا
بيقول لك الوادقام مصوت وطالع جري علي بره
يقول لك الواد يجري واحنا نجري وراه
لغيت لما لفينا وراه البلد كلها
هههههههههههههههه
ولا بيقولك اجمد واحد اللي مهموش من القناع
واحد استخبوا له ورا البيت بتاعهم وخلوه مروح بالليل
وقاموا طالعين له
بيقول لك الواد متحركش ولا طلع ولا صوت
الواد بيقولك فضل ساكت واحنا نقرب له ساكت واحنا نقرب له
لغيت لما وصلنااااااه
الواد راح ماسك شعره ويصوت يصوت زي الحريم
ههههههههههههههههه
ولا مرة طلعوا لبنت وكانت شايله حله علي دماغها
بيقولك خلوها في الظلام ماشيه في حالها
وهب....قاموا طالعين ليها
البنت متحركتش
راحت واقفه؟؟؟؟؟؟؟؟؟
تصوروا عملت ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قامت بالحله اللي كانت شايلاها
وراحت خبطاه علي دماغوا
ههههههههههه
قام جاري قدامها
الواد ده بيقول لك دماغوا قعدت توجعوا اكتر من عشرة ايام
يستاهل..........ولا ايه
علي فكره انا لحد دلوقت مش قادر اتلم علي اعصابي
انا خايف معرفش اخلف........
ههههههههههههه
يا رب
سلامي ليكم
بس بجد انا كنت مرعوب بس مكنتش مبين
ده شوفوا القناع كان عامل ازاي

الاثنين، يونيو 23، 2008

أعذريني .... أعذريني !!!!!

2 مناقشة الموضوع
اعذريني صرت أفهم ..وصار عمري في حياة الجد .. كل شيء فيه ينظر ..

صرت أكبر .. أتنكر . .أتدبر ..

صرت افهم .. أن في حلو الحياة صبرا وعلقم ..

صرت أدرك أن خلف الابتسام ألف معنى بل و أكثر ..وان خلف صدى الكلام معنى مضخم..

صرت اعلم أن الحياة سلسلة من انعكاسات المرايا لا تعكس الأضواء حسب بل وجوه في ثياب الصدق كانت تتستر..

صرت أبصر كل معنى قد تدثر..

صرت أقرأ في العيون مكنونا ما كان يفهم.. صرت أعرف من أن في الكلمات لا .. ولا أريد وأن من حقي الرضا والرفض أيضا .. صار حزني من الوريد إلى الوريد ..

حسبي أني صرت أفهم ..لأجدد الآهات .. واحتسي الحزن والعميق ثم أندم ..

صرت أفهم ..وصار ويلي لا يقدر ..صرت أبصر ..وصرت أقرا في العيون ألف معنى بل وأكثر ..

صرت اكبر .. وصار عمري في حياة الجد .. كل شيء فيه يذكر ..

صرت أدرك أن قاموس الصداقة سوف ينظر من جديد وأبقي فيه من أريد و أحذف منه ما أريد ومن أري.
صرت احزن ..صرت أبتسم الدموع ..والدموع أتبسم ..

صرت روحا تحتضر فيها المعاني والأحاسيس والصدق والمبجل ..

اعذريني .. صرت أفهم .. صار عمري في حياة الجد .. كل شيء فيه يذكر كل شيء فيه ينظر..

أتفكر .. أتدبر .. كل أمر .. صار ينظر..!
تحياتي

السبت، يونيو 21، 2008

عندما انتهي من بناء سفينتي...هلس سيجف البحر؟؟؟؟؟؟؟

5 مناقشة الموضوع
جف البحر !
أواه ياحظي المتعثر ..
إلى متى تقودني إلى التكسر ..
وإلى أي حين أنت متحجر ..
تتردد الان على مسامعي عبارة كتبتها ..
ذات هذيان مرير ..
ياصديقي ..!كُتب علينا الشقاء !!
وعندما سقطت من هول الصدمه
أتتني حمامة الرحمه
كأنها تقول : / الدنيا لاتتوقف على انكسار حلم وموت أمل \
" الدنيا لحظه "
فأوقف الدمعه وأظهر البسمه
وحاول أن تبحث عنها
وهذه وردتي أقدمها لك هديه
لتبدأ المشوار من جديد
بلاشقاء أو عناء
ااااااااااه ...
كم تـألم الجرح وتوقد الفؤاد
شوقا ً للوصول
الى مرسى اوطان حبيبي
وكم تاه قاربي
وغرقت نظراتي
في اعماقك أيها البحـــر !!
تحطمت ُ ولم يتبقى
سوى شراع حبك وحدك
فهل سأصل الى
المرسى وشاطئ الأمـــان !!
أم أنني عندما أفعل ما عليٌ... أجد البحر قد جف ولا أدري أين أبحر بسفينتي
التي لا طالما حلمت أن أبحر بها في تلك المياه...
لك يا بحر....
..إن جفيت بعد ما تعبت في بناء سفينتي...
سأضطر الي انتظار المطر أو أعبرك مشيا علي الأقدام
وعندها سأتعب وأعاني من الارهاق
وسأندم علي تعبي و وقتي الذي أضعته في بناء سفينتي
أو أريح نفسي مكاني أنتظر الموت
تقبلوا فائق احترااامي لكم

الجمعة، يونيو 20، 2008

الوحده !!!!!! هل تدوم للأبد؟؟؟

2 مناقشة الموضوع


طبعا ده اول موضوع ليه علي البلوج
حبيت انه يكون عن الوحده ومعانيها البليغه
معلش هو الموضوع صعب شويه بس الله المستعان
وبعد ما أمسكت بقلمي ,وأطلقت العنان لفكري ,فإذا بخواطري وأفكاري تنساب مني
فوجدت نفسي ,ودون أن أشعر أكتب في هذا الموضوع
الوحده !!!!
! ما هي الوحده؟؟؟
الوحده كلمه ما أقساها وما أصعبها
الوحده أن تكون طائرا مع سرب من الحمام
ويا للأسف ليتهم علموني الطيران....أو حتي كيف تتحكم في نفسك وأنت طائر؟؟؟؟
حيث السماء الواسعه التي لا اتجاهات فيها ولا حتي معالم توضح لك طريقك
بينما نحن نطير في السماء_مع اني لا اجيد الطيران_فأحببت ان أثبت لهم أني أجيد الطيران
فأسرع عنهم وابطئ دون أن أشعر
انهم ينصحونني!!!!!!!! بم تنصحونني؟؟؟
أنا أطير مثلكم....ربما ليس لدي الخبره كيفما لديكم ......
.ولكني متأكد أنني سأكتسبها من الزمن رغم أنفه
بم تنصحونني....بعدما احسست أني قد كبرت....لقد أصبحت أستطيع أن أعتمد علي جناحي الضعيفين
....والتي ستكسر مع أول شئ سأتعلمه من الزمن
إن تعليم الزمن قاسي....قاسي جدا....قد يؤدي بفقدي لجناحي الضعيفين
ولكن كلما كان الزمن عليك قاس.....كلما تعلمت أكثر وأكثر
وبينما نحن طيور في السماء الضائعه لطيورها....أحببت أن أطير بطريقتي الخاصه
ما هذ؟؟؟؟ا....هههههههه....هكذا سخر مني سربي....انهم عائلتي
انهم يسخرون مني....لم تسخرون مني....أنتم لم تعلموني كيف أطير
ومع كل هذا وذاك أنا أطير بطريقتي الخاصه.... ربما أكون قد تأثرت من سربي الذي سخر مني....
ولكن ما فعلوه بي زادني إصرارا وليس عنادا علي التمسك بطريقتي الخاصه في الطيران
زادني تمسكا بما كنا نفعله أنا والطيور الاخري عند الصغر
وكيف كنا نلعب و نعلم بعضنا الطيران...
.مع العلم أننا لم نكن من فصيله واحده
وعندما تأكدت اني أطير بطريقه مختلفه عن سربي ....تأكدت أنني لست من الحمام....ليس هذا السرب سربي
غدوت أطير .... وأطير....لا أشعر بنفسي...أسرع ...ابطئ
وفجأه ومن دون مقدمات وجدت نفسي وحيدا ربما قد سبقتهم....ربما سبقوني...
.ربما قد علوتهم...ربما كانوا هم الأعلون عني
مالك أيها الطائر صرت وحيدا في فضاء لا شئ فيه إلا هواء لا يحميك من شئ
اشعر اني وحيدا...اشعر اني فريدا من نوعي...أو ربما لا أشعر بشئيا
الله....ما هذا....أري أسرابا من الطيور بجواري...ولكني لا أستطيع الإنضمام اليهم...
ما فعله سربي بي من سخريه لا محل لها من الاعراب وضحك يدمع قلبي....جعلني أفقد الثقه بأي سرب حولي
هؤلاء قومي فعلوا بي هكذا...فما حال الاسراب الاخري ....والتي لا علاقة لي بهم
ربما أكون قد إنضممت الي أسراب كثيره....ولكني أشعر بالوحده بينهم
انهم ليسوا أهلي...وهنا سبقت نفسي في الطيران حتي أصبحت وحيدا مره أخري
ومن ثم كان أول درس لي من الزمن....انه الزمن .....يعلمني درسا قاسيا....هل هو جزاء لي أم عقاب لي؟؟؟
كان الدرس قاسيا لدرجة أنه كسري أحد جناحي
ما عساك أن تفعل ايها الطائر الوحيد...لقد سقط الطائر.......
.أثناء السقوط....يحاول الوحيد أن يقاوم ولكنه لا يستطيع...
انه لم يتعلم الطيران اساسا ....فكيف يكون له قدرة علي المقاومه....وهنا ترك الطائر نفسه ليسقط
وعندما سقط الطائر...وجد نفسه في صحراء..وحيدا...وحيدا....وحيدا
وهنا أردت أن أبحث عن شئ يساعدني علي مواصلة الحياه...كي أعيش..أي شئ
همت علي وجهي في بيداء هاويه....لا شئ فيها ولا أحدوأخيرا وبعد عناء وجدت أطلالا الي أسراب قد نزلت في هذا المكان لتستريح من رحلة انتقالها الشتويه...
.وجدت ايضا أطلال لبض الوريقات...وأشياء أخري
ما هذه الكتابات والرسومات....يا لهما من كلمات تدمي قلبي ورسومات تجرح عواطفي
ومن ثم أيقنت أن تلك الطيور لم تنزل في تلك الأطلال فقط للإستراحه
وأنما قد رُزقوا طيورا صغيره...ونزلوا في هذا المكان ليعلموهم الطيران ...ويزيدوا تلك الصغار بخبرات لابد منها
وهنا....تذكرت سربي التائه مني والضائع منه....
ما هذا لم تدمعي يا عيناي...لم تجبني عيناي... ولكن اجابني قلبي بنبضات رقيقه لم أستطع فهمها أو حتي تحملها
وفجأه وجدت واحدا من سربي يطير فوقي في أسراب مختلفه
هذا....أخي في سرب غير سرب أبي غير سرب عمي
يا لها من صدفه... لقد افترق سربي واحدا تلو الأخر
اذ كنت انا أول من افترقوا....ولكنهم في اسراب أخري...وأنا هنا وحيدا
ولكني ابتسمت...سخرية منهم....لم فعلتم بي هكذا...ولم سخرتم مني؟؟؟
حقا كما تدين تدان
وهنا ذهبت الي اطلالي... بل أطلال غيري ...ولكنها ملك لي...وقرأت الوريقات
تعلمت من خبرة تلك الطيور المفيده بعضها البعض......وبينما أنا أتعلم تلك الخبرات وأحول الاجاده فيها
اذا بعمري يزداد يوما تلو الأخر...لقد كبر سني...وشفي جناحي...وشد عودي
ومن ثم نضجت...لقد أصبحت طائرا جيدا أستطيع الطيران...والسيطره علي النفس
لدي الخبره لتفادي السقوط مرة اخري...
وهنا حدثت المفاجأه الكبري
لقد ظهر لي طائرا...أعتقد انه مثلي...ربما يكون من سرب أخر...لكني أشعر أنه مثلي.......
هذا الطائر لا يحلم بالحياة التي أنا فيها...أطلال...صحراء...لا أحد معي
ولكن ذلك الطائر لم يكن لديه الفرصه الكافيه ليفهم ما قد تعلمته من الزمن والوريقات
لا يعلم أنني أستطيع تحويل تلك الصحراء إلي جنان طالما لست وحيدا
أني أعيش في الأطلال لأني وحيدا ولكن كان في مقدرتي أن أحولها الي جنان....
ولكني أحتاج الي أليف يساعدني علي ذلك...الي حبيب يعينني علي الشدائد التي أعاني منها طوال حياتي
أستطيع معك أيها الطائر أن أحول تلك الأطلال الي قصور .......وتلك البيداء إلي جنات
نستطيع سويا أن نبني امبراطورية الخلود التي تحلم بها....ولكن بالمشاركه والتفاعل
عليك أن تتعب مثلي...لأني حقيقةُ عانيت من تلك الحياة مرارا وتكرارا
وهنا ...هام في عقلي سؤال يطرح نفسهما عساي أن أفعل الأن؟؟؟؟؟؟
أأبحث عن سربي الضائع....وهل أستطع أنأجمع شمله؟؟؟
أم أبحث عن ذلك السرب الذي أنا بأطلاله وأجد فيه نفسي
وأكون ولو حتي فردا فيه.....وهل سأجده؟؟؟
أم أقضي عمري مع ذلك الطائر الذي أرسله الله لي...
أسقطني وأسقطه في تلك الصحراء وذاك المكان
وهل أستطع تحقيق أحلامي معه؟؟؟
أم أظل وحيدا كما أنا الأن؟؟؟
ما عسااااااااااااااي أن أفعل؟؟؟؟؟؟؟
أرجوكم أفيدوني