السبت، نوفمبر 20، 2010

لو كان بيننا

5 مناقشة الموضوع













خواطر
سبق واتكلمت عنه ونشرت منه حلقات ونشرت جزئه الخامس كامل هنا ونشرت جزئه السادس كامل علي الفيس بوك
بس النهارده مش هتكلم علي خواطر
ولكن هتكلم عن برنامج تاني خالص اسمه
لو كان بيننا
مش هكتب عنه حاجه لاني لسه منزلتهوش كامل
وانا بحب انزل اي حاجه كامله واسمعها علي دفعه او دفعتين
بس الحلقه اللي فوق دي بتبين فكرة البرنامج
ولاني بقيت احب الاستاذ أحمد الشقيري اكتر ما بحب مشاري
واللي يعرف بحب مشاري قد ايه يقدر يتخيل انا بقيت بحب الشقيري قد ايه
فعشان كده هسمع البرنامج وانا علي يقين من ان قدر الاستفاده منه هتبقي كبيره
واليكم نغمة لو كان بيننا
هنا

ودي لينكات البرنامج كامل
اسأل الله ان ينفعنا بما علمنا

الحلقه الاولي

الحلقه الثانيه

الحلقه الثالثه

الحلقه الرابعه

الحلقه الخامسه

الحلقه السادسه

الحلقه السابعه

الحلقه الثامنه

الحلقه التاسعه

الحلقه العاشره

الحلقه الحادية عشر

الحلقه الثانية عشر

الحلقه الثالثة عشر

الحلقه الرابعة عشر

الحلقه الخامسة عشر

سلامي

الخميس، نوفمبر 18، 2010

انا مش بلبلك ولا بلبل حد تاني

2 مناقشة الموضوع
هيا النخله أطول

ولاااااااااااااااااا

القطر أسرع

؟!؟!؟

ده مش من اختراعي
ده كان في بلبل حيران
هو فيلم جامد بصراحه
بس مفيهوش قصص أحمد حلمي المعروفه يعني
بس كوميدي كوميدي مش اي كلام
الضحك اللي ضحكته في الفيلم كوم
واللي ضحكته لما قال العنوان ده كوم تاني خالص
وعلي فكره فيلم ابن القنصل مش قد كده بردو
بس تحس انه اجنبي في قصته
وفي شوية ضحك كده
هو كله علي بعضه مفيهوش اي متعه غير في اخر ربع ساعه
بس
والنتيجه اني بقيت مدمن سينما
بس عادي يعني
سو واااااااااااات
من نوادري مع السينما
اني مره دخلت خمس افلام في يوم واحد
والتقيله بقي
اني مره دخلت سينما وانا ورايا امتحان كومبيلر تاني يوم
والاتقل من كده
انها كانت حفله ميد نايت
نوادر نوادر يعني

وبالمناسبه
اجابة السؤال اللي فوق ده
ان

البحر اوسع












حماااااااااااااااااااااااااااده

الثلاثاء، نوفمبر 16، 2010

الليله عيد

2 مناقشة الموضوع
الليله عيد والعريس العريس بيتجوز
ومدام العريس بيتجوز يبقي العروسه هتتجوز
العريس متين والعروسه متينه
ياللي غويت المتين سيبك من المتينه
لا المتين بينفع ولا المتينه
ع الاصل دور


وكل عام انتم بخير

الجمعة، نوفمبر 12، 2010

ماما امريكا

4 مناقشة الموضوع
أعيذها نظرات منك صادقة
أن تحسب الشحم فيمن شحمه ورم
وما انتفاع اخي الدنيا بناظره
اذا استوت عنده الانوار والظلم


المشكله بقي يا عم احمد او ابو الطيب او المتنبي مش فارقه
المشكله لو كان ده ورم فعلا

ماما امريكا بقي
اكبر دوله عنصريه في العالم واكبر دوله عندها نزعه دينيه يهوديه
مهما تظاهرت وابدت غير ذلك
فهي كذلك

والمشكله انك بتقابل ماما دي في كل شخصيه تعرفها
ولو مكنتش ماما اللي قداك هتبقي ماما اللي جواك
غريبه ماما امريكا دي

اه يا عضمك يا رضا
تعتبر من اكتر الجمل اللي علقت معايا
بس راحت لحالها كغيراتها من الجمل
بس دلوقت بقت واجبه عليه اني اقولها
طبقا لظروف صحيه طارئه
بس عادي
اللي يعز علي الواحد انه يبقي في عز شبابه
وييجي الدكتور يقوله متقعدش قدام الكمبيوتر اكتر من ساعه الا ربع وتريح الربع الساعه
اريح من ايه يا عم انت اذا كنت انا قاعد اساسا
يلا مش مهم
المهم ان عندي فقرتين ملمسين عل بعض وربنا يسترها
ادينا ماشيين بريلاكس لغيت ما نشوف اخرتها معاه
تاخد حباية ريلاكس من هنا وتلاقي جسمك فكك من بعضه
مش مهم مش مهم
انا كنت هكتب موضوع مخضرم كده بس رجعت في كلامي
هقوله في عجاله كده
كنت وانا صغير متعود احكي لاختي خطبت الجمعه
اللي فاكره من اللي قولتهولها كله موقف كده معلق معايا
طبعا متفقين ان ربنا قادر علي كل شئ
ومن قدرة ربنا انه كان قادر يخلي كل الناس ماشيه ساجده ليه
مفيش مشاكل
كل الفكره ان الاكسجين متواجد في كل مكان والحمد لله
كان قادر يخليه ملتصق بالارض
وعشان تعيش يبقي لازم تتنفس وعشان تتنفس يبقي لازم اكسجين
ولو عاوز اكسجين يبقي لازم تسجد عشان تتنفسه
بس
سبحان الله
هو كل واحد حر في قراراته وتصرفاته
ولو عاوز تتنفس مش لازم تسجد
الشبيه بقي في الموقف ان انا ضهري تاعبني جدا
بجد مش هزار وباجي علي اخر اليوم بتبقي قلة راحه غير طبيعيه
ولا نوم نافع ولا اي حاجه
بس الطريف في الموضوع انه معظم الوقت كل الاوضاع بتتعبني
الا حاجه واحده بس وهي حركات الصلاة
يعني مترتاحش بدنيا غير وانت بتصلي
سبحان الله
عادي
يعني

اللي خلاني بقي متكلمش في الحوار ده
انه اتقابلنا النهارده
انا وعلي وعبدالحميد وسامح ومحمد
ولاننا بنخلص شوية حاجات كده في البيت التاني فكان لازم يكون هناك رمله
المهم قلنا يلا نروح هناك
قعدنا واذا بسامح كعادته يطلع لينا بافتكاسه من افتكاساته
فكرنا بلعبه ملعبتهاش من زماااااااااااااااااااااااااااااااااااااااان
الله يخرب بيت عقلك
ولعبناها
بس الفرق انه زمان كانت بالتراب دلوقت مع تطور الزمن بقت بالرمله
وسامح يفتكر قوانينها بقي
وانا وهو بس اللي عارفينها
وكل شويه نفتكر بقي
بس الكويس اللي في الموضوع
انه كان في مقدمه كده قبل ما تبدأ اللعبه
محدش كان فاكرها غيري
وكما هيا
فكرني بحاجه كنت عاوز اكتبها من ايام الامتحانات
ان ايام ابتدائي كنت انا مقدم الاذاعه ومش عاوز تريقه
ده انا كنت سو سمارت
ولسه فاكر اللي كنت بقوله لحد دلوقت
بس مش عارف الرامات دي راحت فين
الواحد مبقاش يفتكر حاجه خالص
ممكن
بس لكل شئ سبب
الا تلت حاجات






مش قايلهم