O S
دي ماده كنا بناخدها السنه اللي فاتت
المهم يوم امتحانها كان يوم تاريخي مش هنساه
نبدأ قبل الامتحان ... كنت حاسس انها هتتشال يعني هتتشال
عملنا اللي علينا وذاكرنا
وطبعا مذاكرتي غير اي حد
بلخص المهم كله في 5 ورقات استحاله الامتحان يتعدي تلك الوريقات
جينا العصريه كده اخواتي قالوا تعالي نذاكر في البيت التاني
قلنا وهو كذلك انا متعود علي هناك اساسا
رحنا خلصنا ورقنا وذاكرناه
جينا بقي واحنا مروحين ع المغرب اديت اخواتي كتبي ورحت انا اصلي المغرب
جينا من المغرب واتعشينا وقعدنا قدام التليفزيون وظبطنا نفسنا
المهم جت الساع 9 وداخل اذاكر
ابص ملاقيش الورق اللي انا هذاكر منه وقعدت طول المذاكر اكتب فيه
يا لهوي
مسكنا في اخواتي شويه وهم يحلفوا ماخدناش منك حاجه
اقولهم يعني ايه؟
نزلت انا ادور عليه ورحت البيت التاني ....ولا الهوي
الساعه جت 11 رحت رايح جمب امي ومدد ع الارض
تقولي طب قوم ذاكر ... اقولها منين
قدامي اسبوع لما اطلع الورق اللي هذاكر منه
امي طبعا تشتم في اخواتي وانا زعلان موت وفقدت الامل
رحت فتحت النت وعملت مشاكل وجيت بكلم احمد صلاح
بصراحه الراجل هداني وقالي قوم ذاكر اي حاجه والسلام
رحت كتبت 5 ورقات تانيين بس مش زي الاولانيين طبعا
والحمد لله ذاكرنا وكله تمام الي حد ما
جينا صحينا الصبح وظبطنا نفسنا وكله تمام
رايح اركب مواصلات ... مفيش
طب الساعه كام 9.30 وانا ورايا امتحان 10
يا لهوي
ايه النحس ده
رحت جاري علي عمي تعالي يلا وصلني عشان مفيش مواصلات
الراجل صحي جري ورحنا ع البيت التاني
عمي دخل يسخن العربيه قلت له مفيش وقت الساعه 9.40
لقيته دخل ورجع قالي تيــــــــــــت العجله نايمه
878
يعني ايه؟
اروح ولا ايه؟
عربية اخويه كانت لسه زيرو ومطلعتش غير مرتين وراكنه جمب عربيتو
قالي بس دي مركونه وعايزة وقت عشان تسخن
الساعه عشره الا ربع
قام مشغلها وفاتح ع الرابع
وعمي مبيعتقش .... ربع ساعه وكان موصلني علي باب الكليه
وواخدها شتايم بقي في السواقين وسع يا حمار وكده وبتاع
وكنا هنعمل 3 حوادث في السكه
المهم داخل الامتحان وانا في وضع لا احسد عليه
جينا وانا ماشي في السكه كل ما حد يشوفني يقولي مد زمايلك دخلوا من زمان
وانا ابرد في اعصابي واعديها
لاني بجري اساسا والناس مش واخده بالها
واحد والتانيه والتاله وانا مستحمل لغيت لما وصلت لاقيت واحده بتقولي ما تمد يا ابني انت ايه ومش عارف ايه وانا طبعا فاض بيه
قمت رامي الكتب في الارض وقلت لها ايه ما انا بجري اهون ومش عاجب وشاخط شخطتين وداخل
ابو العزم بيقولي يا ابني اهدي
اتخايلت بعمرو عبداللطيف اللي بيكلمني
وانا مبحبهوش
قمت مشوح له بايدي...يا عم اسكت انت راخر
كل واحد بيتكلم ومش عارف حاجه وانا جاي جري وكنا هنموت واحنا جايين ولا حد بيقدر
ودخلت الامتحان لاقيت الكلام ده كله كان لابوالعزم قلت يا لهوي الراجل استحمل كده ازاي
وحلينا اللي قدرنا عليه
وكل شويه حد يجيلي يقولي ايه الخبار اجيب لك شاي
وانا اقوله لاء ... طب اهدي يا ابني وانا الكلمه دي بتنرفزني
اقوم معلي صوتي
اصلي انا........ يقولي اهدي بس
احنا قصدنا مصلحتك
وطلعنا من الامتحان ورحت لابوالعزم واتاسفت له وقصيت له القصه قالي معلش
وخرجنا من الامتحان العيال شافوا الورقتين معايا قالوا الامتحان اتسرب لك
بس
ده كل اللي حصل
يلا سلامي
هناك 4 تعليقات:
امممممممممم
استرها يـــــــــــــارب
ده احنا بناخد الماده دي الترم ده :(
لا متقلقيش الماده سهله
بس فيها شوية حفظ
وبعدين ربنا ييسرها معاكي
ومتتعثريش زي ناس
منوراني
المهم عملت ايه فيها فى الاخر؟؟؟؟؟؟؟
مقبول والحمد لله او جيد مش فاكر صراحه
إرسال تعليق