Love Feeling

ايه رأيكم في الصورة اللي فوق دي
طبعا دي اكبر صورة تعبر علي الحب
ازاي الواحد يعرف انه بيحب؟
سيبكم بقي من كلام الاغاني والاشعار اللي لا يودي ولا يجيب ده
الاحتواء
الكانجارو الكبير يموت نفسه في سبيل انه ميمسش الكانجارو الصغير اي اذي
والكانجارو الصغير اكتر مكان يحس فيه بالامان هو المكان اللي هو فيه ده
عشان كده بنقول دي اكبر صوره ممكن توضح الاحساس بالحب
لانه في حالة احتواء في الموضوع
في فيلم اسمه
King Kong
مش هحكي عنه بس الفيلم ده جامد
وفيه صورة شبه الصوره دي
مش هقول انه الفيلم في احساس قد الدنيا دي كلها
وخصوصا في أخر الفيلم
لما قعدوا خمس دقايق من غير كلام
انا قدرت اترجم النظرات اللي ما بين البطله والوحش
ذلك هو الاحساس
لا يحتاج لاشعار ولا لكلمات ان توصفه


انا بقي عندي الحالتين اللي فوق دول
اللي في الصورة ده اخويه


جايز مبنتكلمش او مفيش اي حوار ما بينا
بس انا بحس ان ده اكتر حد في الدنيا دي بيحتويني
ومهما يعمل فهو اكيد عمرة ما هيأذيني
ولو ظهر لي انه بيأذيني
فأنا مفهمتش قصده وهكون مطمن له بردوا


نروح للحاله الضد


ده بقي أحمد بردوا
بس ابن اختي
بحبه موت
وبعتبره ابني ... الذي لم ولن انجب غيره
جايز بعمل فيه مقالب من العيار الثقيل بس
انا عمري ما هأذيه
ولو هموت مكانه انا متأخرش ولا حتي افكر في التأخير


اما دي بقي


فهي شروق بنت عمي
بعتبرها بنتي من وانا في تانيه ثانوي
اصغر اب في التاريخ


الشـــــــــــــاهد
ان الحب هو الاحتواء
ليس الا
ولو حسيت انك ممكن تحتوي حد بكل معاني احتواء الكانجارو لصغيره فاحساسك صادق
وان حسيت انك ممكن تكون مطمن في مكان زي اللي قاعد فيه ابن الكانجارو ده وانك متأكد ان الشخص التاني يفديك بحياته دون تردد ولا يمكن ان يأذيك فذاك احساس صادق

وم الاخر بقي الحب ده عامل زي السرطان
علاجه بتره

س ل ا م ي