السلام عليكم ورحمة الله وبركاته
كل الناس مش عارفه هيا فين
بمعني
كل واحد بيسأل
يا تري انا مكانتي فين؟؟؟
عند ربنا ... عند الناس ... عند نفسي و و و
هتعرف الاجابه دلوقت
بس انت ركز معايا واقرا للاخر
بسم الله نبدأ
اعيروني الانتباه وفضولي دماغكم دقايق وهنخلص من القرايه
اذا اردت ان تعرف مَقامك فانظر اين مُقامك
مَقامك الاولي بفتح الميم يعني مكانتك
مُقامك التانيه بضم الميم يعني اقامتك
يعني ايه الكلام ده؟
اقولك يعني ايه
يعني لو انت عاوز تعرف مَقامك عند الناس
بص لمُقامك دلوقت ... انت قاعد فين ... انت بتعمل ايه
دلوقت انت عاوز تعرف مكانتك عند ربنا
حالا ... شوف انت بتعمل ايه
مشغل اغاني
طب شوف بقي مقامك عند ربنا عامل ازاي
الفجر بيأدن دلوقت وانت عاوز تعرف مقامك
لو انت فاتحلي موقع اباحي يبقي انتي فاسق
لو انت قاعد ع النت ومنفض للدنيا خالص يبي انت ساهي
لو انت نايم يبقي انت غافل
لو انت بتصلي يبقي انت من الذاكرين
انت اللي ممكن تعرف اين مَقامك
شوف انت بتعمل ايه دلوقت وعدل من نفسك
شوف ايه الغلط اللي بتعمله وحاول تصححه قبل ما يفوت الاوان
شوف ايه اللي المفروض تعمله واعمله
انا امتحاناتي كمان اسبوعين ومش عارف هنجح ولا لاء؟
لاء انت عارف
شوف انت بتعمل ايه دلوقت وانت تعرف
فقط انظر اين مُقامك
لو انت بتذاكر يبقي هتنجح ان شاء الله
لو انت بتلعب يبقي اكيد العكس
لو انت شغال وطالع عين اهلك ... مش عارف صراحه ... اول مره تحصلي
المهم
انت ممكن تعرف مَقامك كويس جدا
والله لو مُقامك كويس يبقي اكيد مَقامك كويس
والعكس طبعا
والله انا عاوز اعرف مَقامي عند الناس
وهل هما بيحترموني ولا لاء
شوف مُقامك فين دلوقت
هل اللي انت بتعمله ده يستحق احترام الناس ليك ولا لاء
وجاوب انت علي نفسك
هل انت بتحترم نفسك وبتحترم الناس ولا لاء
هل الموقف اللي انت فيه دلوقت لصالح الناس
انت هنا لمصلحتهم ولا لاء
بجد
لو كل واحد حط الجمله دي قدامه
والله حالنا هيتعدل 24 قيراط والدنيا هتبقي تمام
وكل ما هتفكر تعمل حاجه هتلاقي اللي يرجعك
اذا اردت ان تعرف مَقامك فانظر اين مُقامك
جمله تستحق انك تصورها وتحطها قدامك وانت بتذاكر
تستحق انت تحطها علي الباب وانت خارج تشوفها
تستحق انك تكتبها علي هدمك وانت ماشي -بهزر طبعا- بس ليه لاء
فكر دايما انت بتعمل ايه وشوف ده هيوصلك لفين
وربنا معانا
واختم كلامي بــــ
اذا اردت ان تعرف مَقامك فانظر اين مُقامك
س ل ا م ي
هناك 14 تعليقًا:
ميه ميه يا ابو صلاح هو دا الي بيسموه من الاخر
ايه الدماغ العاليه دي
انت مكانك مش هنا
انت مكانك فوق
ممدوح بيك
\\
ميه ميه يا ابو صلاح هو دا الي بيسموه من الاخر
\\
يعني مش بيسموه اخر حاجه
\\
انت مكانك مش هنا انت مكانك فوق
\\
طب ما تطلعوا انتوا فوق وانا هستناكم هنا
شكرا يا سيد ممدوح
ياللي هتجيب سمعة البلد ورا في حاسبات
مقولةإبن عطاء السكندري
\* اذا اردت ان تعرف مَقامك فانظر اين مُقامك
*\
مقامى ايه وانا داخل مدونتك وبرد عليك ؟؟؟ هههههههههههههه
يابوصلاح مشكلتنا مشكله تطبيق مش تعليق يعنى تقعد مع اى واحد حتى لو صايع ممكن يلخصلك حل مشاكل المجتمع فى كلمتين ,, طب ما بتنفذش ليه يا عم الحاج تلاقى 1000 حجه (الظروف -الاحوال- الدوله - الحظ- الحسد .......).
و مشوفتش رأيك فى عبده مشتاق
هو الموضوع بيتكلم عن ايه
انا هقرا اهه وبعدين ارد
عبدالله بيك
\\
مقامى ايه وانا داخل مدونتك وبرد عليك ؟؟؟
\\
سيبك من مقامك انت
المهم مقامي ... اكيد زادتني شرفا مداخلتك
\\
(الظروف -الاحوال- الدوله - الحظ- الحسد .......).
\\
may be yes , may be no
طب وانت مش شايف ان ده واقع فعلا
الظروف دي مش مجرد شماعه بنعلق عليها كل الاسباب
ده واقع
انا قلت لك هجيلك
بس حصلت ظروف ونعرفتش اجي
هتقولي لاء انت لو كنت عاوز تيجي كنت هتيجي
ايه يا عم انت ما انا لو مكنتش عاوز اجيلم كنت هقولك مش جاي انت يعني هتاكلني
بس سام تيمز الظروف بتضرك انك تمشي في سكك انت مش حابب تمشي فيها
بس
ظروف
اي نعم بتبقي مخير فيها
بس مفيش غيرها
يلا مش مهم
ابدأ انت بس يا عم جيرارد وكله هيبقي بيس ان شاء الله
\\
و مشوفتش رأيك فى عبده مشتاق
\\
عبده ده عاوز دماغ رايقه ثم ان انا لسه شايفه دلوقت
بس لازم هرد
هو انت بتكتب كل يوم
عبدالحميد النوساني
\\
هو الموضوع بيتكلم عن ايه
\\
مش عارف
انا لسه جاي
زيي زيك بالظبط
وادينا قاعدين ... جم مجمش ... ادينا مستنيين
\\
انا هقرا اهه وبعدين ارد
\\
بس انت جميل ياريس
مش هو ده تعليقك
اخرك
كلام لزيز وزى الفل.بس من غير مناسبة يعنى زى العلاج بالنسبة لواحد صحتة تمام.
======التفصيل=======
كلامك كلة أنا فين ومكانتى أية وأسئلة زى دى.على الرغم ان دى مش شغلانة أى واحد فينا . الصح انك تعمل المفروض أنة يتعمل .ويتحرق الناس وتتحرق مكانتك وتولع سيادتك.
=======أخيرا
هل استفدت انت شخصيا من كلامك؟
والسلام عليكم ورحمة الله وبركاتة
أخوكم أحمد ثروت "أنا مش بضين"
الراجل ده بيقول كلام زي الفل
والبوست جامد
/يا تري انا مكانتي فين؟؟؟
عند ربنا ... عند الناس ... عند نفسي و و و/
بعد كل الكلام الكويس ده
بس بردو مش هتقدر تعرف مكانتك فين لا عند ربنا ولا عند الناس
وان كان علي نفسك فمكانتك هتتغير قدامها من وقت للتاني حسب حالتك النفساويه
انت تحتاج مقامك بضكم الميم عند مين
خليه عند ربنا يتصلح اللى عند الناس
موضوع رائع
بس انا متفق مع احمد ثروت
وتحياتى
أحمد ثروت
\\
كلام لزيز وزى الفل
\\
مبدأيا كده يا عم ثروت لذيد بالــ ذ مش بالــ ز
سليم
\\
كلامك كلة أنا فين ومكانتى أية وأسئلة زى دى.على الرغم ان دى مش شغلانة أى واحد فينا
\\
بقي دي مش شغلانة حد فيكم
لا والله
اذا انا مخطأ في اعتقاداتي
وقلت كل الناس يعني مقلتش معظمهم لا كلهم
دا انا افتريت في البلا اوي
صح؟؟؟
\\
الصح انك تعمل المفروض أنة يتعمل .ويتحرق الناس وتتحرق مكانتك وتولع سيادتك.
\\
مممممماشي
اسمع يا سيد سيد
اللي بيقول زيك كده يبقي بيشتغل نفسه
لان كل واحد بيبقي عنده فضول غير عادي انه يعرف درجته وصلت لغيت فين
مش عارف ارد عليك الله يحرقك
بس انا لها وقادر اثبتهالك بس مش ع الهوا كده قدام اللي يسوي واللي ميسواش
بس اللي اقدر اقولهولك دلوقت
ان مثلا لو انت متضايق وحد قالك تعالي نصلي
بتحسبها ازاي
طب انا الصلا دي هتفرق معايا ولا لاء
ما انا ياما صليت وياما مصلتش
بتبقي عاوز تعرف انا عديت 50% ولا لاء
لو لاقيت نفسك فوق الخمسين دي هتلاقي نفسك بتصلي بروح غير لما تلاقي نفسك تحت الخمسين دي
انا بقولك هنا
متبصش للجمله مهما كانت كبيره او صغيره
بص للي انت فيه دلوقت
هل ده كويس ولا وحش
جاست لوك ات يور بوسيشن
ولو كويس تأكد ان مقامك كويس
والعكس
\\
هل استفدت انت شخصيا من كلامك؟
\\
هههههههههه
وانتي مالك ومال اختي
بص يااا محترم
انا مبكتبش حاجه مبستفدش منها
حتي وان كانت كذلك فانا ببقي متأكد انها ممكن تفيد غيري
لان انا لو استفدت منها
يبقي هكتبها ليه
الله ... ما انا استفدت خلاص
هستفاد تاني يعني
مش موضوعنا
الاجابه علي سؤالك
اه استفدت
والنهارده الصبح كمان واخواتي بيصحوني
مكنتش نمت غير هما ساعتين ولما صحيت كنت بقلب لورا ناحية اليمين كده
هبقي اكملك الموقف ده بس لما اشوفك
ومش انا اللي هقنعك
هجيبلك صبحي يقنعك
اكيد هتضحك لما تسمع كده
صح
\\
أخوكم أحمد ثروت "أنا مش بضين"
\\
ههههههههههه
وربنا الجمله دي تثبت اللقب اللي مطلعه عليك
ابضن واحد في الدفعه
دا انت عيل رخم
وايه انا مش بضين دي
جروب ع الفيس بوك ده ولا ايه؟؟؟
مورجانه
\\
بس بردو مش هتقدر تعرف مكانتك فين لا عند ربنا ولا عند الناس
\\
طب ليه طيب كده؟؟؟
امال انا كاتب كل ده ليه؟
اولا هو موضوع نيه
انك بتعمل كل حاجه لوجه الله في المقام الاول
يعني انا بعمل خير لوجه الله مش عشان ارفع مكانتي ولا اقللها عند ربنا
بس لما يدور في بالك انا فين من كل ده
فانظر الي اين مقامك
انت قاعد فين وبتعمل ايه؟
وعلي فكره
الجمله دي انا لقطها من الشيخ محمد حسين يعقوب
كنت مستعجل ومنهضش اسمع حاجه
بس لقط منه الجمله دي وموقف هو مر بيه
مش اكتر يعني
ولو كان علي الناس
فتولع الناس
المهم انك تبقي مقتنع ان ده في الصالح العام
\\
وان كان علي نفسك فمكانتك هتتغير قدامها من وقت للتاني حسب حالتك النفساويه
\\
ممكن بس مش اوي يعني
لان مهما كانت الحاله النفسيه
الواحد لما بيكون بايده يعمل حاجه فالمفروض انه يعملها
مش يتلكك ويقول نفسيه
أكيد تعرفنى
لا والله هتأكد وارد عليك
بس 90% انا متأكد منك
بس ال10% دي لانك متفق مع ثروت
كلام جميل
كلام معقول
مقدرش اقول .. حاجة عنه
احمد بيك صلاح
\\
كلام جميل
كلام معقول
مقدرش اقول .. حاجة عنه
\\
مش كده
قولهم والنبي
شكرا يا ابوصلاح علي تعاطفك معانا
استأذنك بس اعلق علي اكيد اعرفه
لا يا سيدي
طلعت مني اوت وخيبت ظني
العشره في الميه مش من فراغ
انت عمرك ما اتفقت مع ثروت في حاجه
وحتي لو اتفقت معاه بطلع انا لكم فيها
احنا متفقين اننا نعترض علي بعض فقط من اجل الاعتراض
\\
انت تحتاج مقامك بضم الميم عند مين
خليه عند ربنا يتصلح اللى عند الناس
\\
مقام ام ضمه دي مش تنفع
ازاي مقامي عند ربنا
دي حاجه كده زي اسم مكان مش اكتر
وان كنت تقصد مقام بفتح الميم
علي كل حال شكرا ع المرور
\\
بس انا متفق مع احمد ثروت
\\
وانا رديت علي ثروت ممكن تراجع الرد
ثم ان انت متعرفش ثروت بيتكلم علي اساس ايه فمتتفقش معاه اوي كده
انت متعرفش ايه اللي في النيه
س ل ا م ي
إرسال تعليق