You Can Do It

في انواع كتير جدا من الناس

وفي نوع نكدي ... يعني بيحب يختلق المشاكل

لو عاش اي لحظه حلوه بيخلق مشكله وهميه ويقعد يتعايش معاها

ويوهم نفسه بكل حاجه وحشه ممكن تحصله

ويتخيل مدي المساوئ اللي ممكن يعيش فيها

بس

عشان هو نكدي وبيحب كده

اللي بيحب حاجه ... بيعرف يتعايش فيها حتي لو الحاجه دي استحاله تحصل

وحتي لو حصلت له ... هيلاقيها أقل سوءاً من اللي هو تعايش معاها

بس هو بيبالغ في المشاكل وبيعرف يوهم نفسه بمدي جسامتها

انا ممكن اكون من الطائفه دي من الناس

بعرف اسرح بخيالي لابعد الحدود

بس

عشان انا عاوز كده

بس انا مش نكدي ولا حاجه

انا بتكلم عــ الناس اللي عايشه حالات من النكد والكأبه

وللاسف ممكن ميكونش في مشكله حقيقه او مشكله تستدعي كل اللي هو عامله في نفسه ده

الحياه مش معقده أوي زي ما الناس دي معقداها كده

بس

اللي بيفكر وبيعتقد في اي حاجه ... بيعرف يعيشها كويس

ويعرف يوهم نفسه بيها

في ناس كده

تلاقي شعر رجله أبيض من كتر التفكير في المشاكل

وفي ناس عكس كده خالص

تلاقيهم في أضيق المشاكل ... وبيضحكوا

مش عشان هما معندهمش دم

لاء

هما مش بيحبوا الكأبه ... ومعتقدين ان الزعل عمره ما بيرجع اللي فات

والا بقي كل واحد فقد او افتقد شئ ... كان قعد يبكي ... عشان الحاجه دي ترجعله

انا ممكن اكون أنتشيت أحلي لحظات ممكن الواحد يعيشها

مع اني معيشتهاش

ممكن تلاقيني قاعد فوق برج ايفل

ممكن تلاقيني والي عثماني

ممكن تلاقيني وزير الري

ممكن تلاقيني قائد جيش قد الدنيا

ممكن تلاقيني واقف علي حتة تلج في قلب المحيط

وبردوا

ممكن تلاقيني عكس كده خالص

ممكن اكون قاعد لوحدي في وسط ضلمه

وممكن تلاقيني مش شايف حد معايا خالص

وكمان ممكن تلاقيني شايف الناس كلها بتكرهني

وممكن وممكن وممكن ... وممكن عكس كل الممكنات الممكنه فوق دي

الشاهد

ان الواحد لما بيبقي حابب يعيش جوه حاجه

.

.

.

بيعيشها

نقطه وخلص المووع عند النقطه دي

بس نصيحه

ولا بلاش ... هو انا عارف انصح نفسي عشان انصحكم

المهم انك دلوقت ممكن تحكم علي نفسك

هل انت شخصيه كئيبه ولا لاء؟

ماهو اصل التخيلات دي نابعه من شخصية الواحد وشخصه

فاللي هيميل بتخيلاته للكأبه ... يبقي هو اصلا كده

والعكس ... صحيح