Game Over

هنرغي كتير قبل رمضان ما يبدأ بساعه عشان هنقعد شهر منكتبش

جايز اطول ... اقصر ... زي ما تيجي

مش عارف ابدأ واقول

game started

or

game over

اصل اليومين دول الواحد شغال علي فيلم Saw ولاقي نفسه في الرعب ده

بس بجد سو ده جامد

بيعرف يتكتك صح

بيعمل كل حاجه بدقه ويديك خيار واحد بس لو عاوز تعيش

زي حالاتي كده

وعلي رأيه أنها القواعد

يعني مينفعش لا تتأخر ولا تتأني

ندخل بقي في الموضوع اللي هو مش موضوع اساسا

مش عارف اقول ايه

بس كان في فكره جت في دماغي كده وكنت ناوي اعملها موضوع

بس انا مش لاقي حاجه اكتبها

الكلام هرب من دماغي مش عارف ليه؟

الموضوع كان عنوانه ( انت(ي) قمر )

كل واحد لما بيتكلم عن نفسه بيجيب الجانب المضئ من حياته وسايب الجانب المظلم

كل واحد مبيحبش يطلع نفسه غلطان

انا كده بردوا

بس لما بجد بلاقي نفسي غلطان ... بقول عندي دي يعني غلطتي

كل واحد بيرمي الغلط ع الاخرين ... انتم عارفين لو مفيش اخرين هيرمي الاسباب عــ الظروف

واهي شماعه يركب عليها اخطائه

تعالوا نروح لأسامه منير كده

نتكلم عليه شويه

الحاج أسامه تلاقي البنت من دول سهرانه طول الليل عشان تتصل بيه

ولما تتكلم استحاله تطلع نفسها غلطانه

يا بنتي انتي غلطانه اساسا انك سهرتي ده كله عشان تتكلمي مع واحد وتشتكيله وانتي متعرفيهوش

هسيبني من النقطه دي

تعالوا كده

نشوف الواحده وهيا بتحكي

الراجل يطلع غلطان

تعالوا بعد كده بعد حلقتين

الراجل المذكور اعلاه اتصل

وقال القصه طلع نفس البنت دي هيا اللي غلطانه

عارفين لو جمعناهم الاتنين

واتكلمنا معاهم ... هنطلع احنا الغلطانيين

طب ليه؟

ليه مبنقولش الحقيقه كامله عشان اللي قدامي يقدر يقيمني صح

ومش عيب انك تقول انا غلطان

العيب انك تعمل الغلط ومتعترفش بيه

عشان كده

انا غلطان اني كتبت الموضوع ده

ههههههه

بهزر طبعا

القمر بيبقي منافق اوي لما يظهر كله وكأنه مضئ ووجهه الاخر مظلم

وبيبقي متواضع جدا لما يظهر كله مظلم وهو ممكن يظهر كأنه مضئ

عشان كده

التوسط في الحاله دي هو المطلوب

اكيد كل واحد في مميزات وعيوب

نقط ضعف ونقط قوه

وادي ابويه بيتصل

والله ابويه ده بيستهبل

لسه فاكر يرمضن عليه

يلا كل سنه وانتم طيبين

تــــ حـــ يـــ ا تـــ ي