طبعا بعد اكتساح الاصوات علي مدونة احمد صلاح
وبعد النجاح الفظيع اللي حققه البلوج ده
نٌقل الي هذا الموضوع
يقول أحمد صلاح في موضوعه
كل حد هيخش يرد ع البوست ده
هيسيبلى اى 5 اسئلة يخطرو على باله
اى 5 اسئله نفسه يسالهملى
اللى عايز يزود يزود
واللى عايز يقلل براحته بردو
بس يعنى دا رينج كده
وانا باذن الله هرد على اى سؤال
من اى حد
ويا ريت ننقل الموضوع بعد ما يخلص عندى لحد تانى
ونخليها تلف علينا بقي
لو معندكوش مانع يعنى
ايه رأيكم
انا مستني الاسئله وهجاوب عليه علي قد ماأقدر
واعملوا حسابكم عدد الاسئله هيكون اي عدد بس للاسف هي مرة واحده بس هتسأل فيها
يعني تكوم لي اسئلتك كده كلها وممكن تبعتها بس في تعليق واحد
وممكن بردوا تعلق فقط علي اسئلتك
مافي مشكله
بس يا ريت الاسئله تيجي بس ميبقاش شكلنا وحش يعني
يلا سلامي
وفي انتظار الاسئله
هناك 16 تعليقًا:
يلا بقي نحاول نسأل
بسم الله الرحمن الرحيم
السيد العضو/محمد صلاح
نتشرف بتقديم بعض الاسئلة الي سيادتكم مع العلم انها ماتجيش حاجه في الرد اللي هيترد
1-ماذا تعني هذه الكلمات بالنسبة لك
الصداقة ..الاخوه..العدل ..الامانه..الصدق..الحب..الليل..القمر..الشمس..الحياه؟؟؟
2-ايه اكتر موقف دايقك وايه اكتر موقف فرحك؟
3- ايه رايك في الكلية اللي انت فيها؟
4-تعمل ايه لو جالك حالة من الزهق والاكتئاب ومش قادر تخرج منها؟
5-اتمنيت ايه كان صعب يحصل واتحقق؟وبتتمني ايه ولسه مااتحققش؟
اتمني اني ما اكنش رزلت عليك في الاسئلة
morgan,....beuteful
ولا نقول يا مرومور علي رأي مورجان
علي فكره الاسئله كويسه وربنا يعينا
استعنا بالله علي الشقا
بسم الله
1-ماذا تعني هذه الكلمات بالنسبة لك
الصداقه:
مش ليها معني قد كده
غير ... علي الجوهر ومحمد صلاح ومحمد صبحي وباسم سعودي
دول ناس بحبهم وبحب احضنهم اوي اوي
الاخوه:
اخويه الدكتور احمد صلاح ... مليش غيره
لو طلب عيني اديهاله من غير ما افكر
العدل:
مش فاكره اساسا ... وخصوصا ان الواحد بقي ظالم لنفسه مش لغيره بس
وبالتالي متنتظرش انتشار العدل غير لما تدي نفسك حقها كويس
وتقريبا معظم السباب فاهمني كويس
والعدل عندي يتمثل في الرسول عليه الصلاة والسلام في كل مواقفه وتصرفاته
الامانه:
هههههه ... حاجه من ال3 حاجات اللي مش اعملها في حياتي مهما كان ... الخيانه
ولقد عرضنا الامانة علي السماوات والارض والجبال فابين ان يحملنها
لك ان تقدر ثقل الامانه
الصدق:
ان تصدق الناس في قولك وفي فعلك...وتفعل ما تقول...وبالعكس
لازم تدي الناس الثقه وتصدقهم مهما قالوا...مش كل الناس طبعا
الحب:
يعني امي طبعا
زائد
حبيبي وحبيبك يا مورجان
ناس بحس انهم انا ... متكسفش منهم افكر معاهم بس بصوت عالي
نفسي يعني
وسبق ان قلت في احد المواضيع
انا بحب نفسي ثم نفسي ثم نفسي والناس فهمتني غلط
يلا مش مهم
الليل:
فراغ
اي حد بيسهر بالليل يبقي فاضي
الليل للنوم
متقلقوش انا فاضي بردوا
القمر:
تأمل
بحبه اوي في اول الشهر وفي نص الشهر وفي اخر الشهر
الشمس:
مخلوق غريب
بيدينا دفئ بس اللي يقرب منه يتحرق
الحياه:
المعلم الفعلي وراء كل شئ
اي حاجه انت عارفها فهي من الحياه
سبحان من احيا الحياه
ايه يا أخ الاسئله دي...من اولها كده
ننتقل للي بعده
2-ايه اكتر موقف دايقك وايه اكتر موقف فرحك؟
كل يوم بتحصل حاجات تفرح وتزعلي بس لو زكرنا الاكثر واللي الذاكره جايباه
يبقي نقول
اكتر موقف ضايقني:
كنت نازل مصر انا وناس عشان حاجه كده
فقمت من النوم وطلبت من ابويه مبلغ كبير شويتين
قام مديني كلمتين.......مش هقولهم....بس هقول زعلت جامد ومش عاوز اقول ابويه عملي ايه عشان يصالحني
اكتر موقف فرحني:
اني يوم ما قابلت الحاج محمد قالي انها ملهاش اخوات بنات
........ طب ليه؟؟؟ سؤال ملكوش فيه
3- ايه رايك في الكلية اللي انت فيها؟
اه
بص يا سيدي
مش هتكلم كتير ... بس هقول
بيقولولنا ان دي من كليات القمه
طب هندسه من فوق وتحتهم راس المثلت حاسبات
لاء دا احنا راس المثلث من فوق احنا القمه ثم طب فهندسه
لاننا بنخدم علي التنين دول يبقي احنا قمه عنهم
هما محتاجينا احنا مش محتاحينهم
4-تعمل ايه لو جالك حالة من الزهق والاكتئاب ومش قادر تخرج منها؟
ياما جاتلي ... عادي يعني
ايه اللي كان حصل
الدنيا ماشيه ومخدتش انا من الزهق والاكتئاب غير الزهق والاكتئاب مغيرتش انا في الكون بزعلي يعني
طبعا الخروج من مثل هذه الحالات بيكون بالرجوع الي الله ونحاول نصفي نفوسنا شويه
واهو كله علي الله
مش نرمي الشريحه ونشيل النت
5-اتمنيت ايه كان صعب يحصل واتحقق؟وبتتمني ايه ولسه مااتحققش؟
ههههههههههههههه
اقولك
انا اتمنت حاجه كانت صعبه واتحققت
ان انا ابقي محمد صلاح ده... واتحققت
اتمنيت ان اخرج من مود الطفوله والسذاجه
ودي كانت صعبه جدا ... اسالو اي حد عاشرني كويس
بس الحمد لله عدت بسلام
وبتمني ايه ولسه متحققش
طبعا كل واحد عنده امنيات كتير
بس انا منظم شويه وكل فتره من العمر ليها امنياتها
والفتره اللي انا فيها دي
كل امنيتي فيها ان انا اخلص الكليه علي خير ومدخلش الجيش
عشان احقق الامنيه اللي عاوزاني اقوله
بس
اي خدمه
يا رب يا ساتر
بيقولك مرة واحد كان بيتسال
فقال للي بيسألوه يحوشو اسئلتهم ويسألو مرة واحدة
مش عارف ليه
طيب نخلينا فى الاسئلة:
1-ايه يا سيدي افضل موضوع انت كتبته من وجهة نظرك...واكتر موضوع عجبك قريته فى بلوج اخر...وايه افضل بلوج قابلك لحد دلوقتى من الموجودين؟؟
2-ما هو الشيئ الذى يستهويك فى معرفة شخص معين
او الشيئ اللى بيشدك فى التعرف على شخصية ما؟؟
3-مين مثلك الاعلى فى حياتك وليه اخترت الشخصيه دى بالذات ؟
4-ايه هى المواضيع اللى بتحب تتناقش فيها مع صحابك وبتلاقى نفسك فيهااوى؟
5-انصح نفسك نصيحة..وقول صفة فيك نفسك تغيرها
6-أكتر موقف حسيت أنك نفسك تكون مش موجود فيه؟
7-اوصف نفسك فى سطرين
واوصف نفسك وصف تتوقعه بعد 5 سنين من الان >> ان اراد الله وكان لينا عمر
8-امتى بتلاقي نفسك اوى وبتحس ان ده محمد صلاح اللى انا عاوزه؟؟
9-احب صفة ليك
واسوء صفة بالنسبالك
10-واختم باحسن سؤال اتسألته عندى
>>احرج نفسك بسؤال وقول مش هقدر اجاوب؟
يالا كفاية عليك دول
بس خلى بالك اى محاولة فى التلاعب بالاسئلة هعرف
موبايلات بقي..
اضحك ولا في اختيارات
داخل عليه بكارتونه مرة واحده والله اتصدمت من النكته
ندخل في المهم
1-ايه يا سيدي افضل موضوع انت كتبته من وجهة نظرك...واكتر موضوع عجبك قريته فى بلوج اخر...وايه افضل بلوج قابلك لحد دلوقتى من الموجودين؟؟
افضل موضوع انا كتبته
لم انشره ولم يطلع عليه غيري بعنوان ماذا تخبئ لي يا قدري
افضل موضوع قريته
اهون يا عمنا
علي مدونة الواد رامي غراب
Once upon a time a bird fell in love with a white rose.
One day he (bird) proposed to her (white rose), but
white rose refused. White rose said I don't love you.
Bird daily came and proposed to her.
Finally, white rose said when I will turn red, I will love you.
One day bird came and cut his wings and spread his blood on the rose and
the rose turned red. Then the rose realized how much bird
loved her but it was too late
-_- bird was dead -_-
هو ده الموضوع
افضل بلوج قابلني
مش لازم انافقك واقول بلوجك
بس بلوج الزهراء
بصراحه ليها مواضيع قديمه كنت بحس ان انا اللي كاتبها
ندخل ف اللي بعده
2-ما هو الشيئ الذى يستهويك فى معرفة شخص معين
او الشيئ اللى بيشدك فى التعرف على شخصية ما؟؟
علي فكره انا لست من هواة معرفه الناس...مبحبش اعرف حد
مبفكرش انا في الكلام ده ... بس لو قلنا ممكن يشدني لواحد انه قليل الكلام كثير الفعل
وطبعا مبيحبش اكل البيض
3-مين مثلك الاعلى فى حياتك وليه اخترت الشخصيه دى بالذات ؟
مليش مثل اعلي كان في زويل بس منه لله اللي كان السبب بقي
بس طبعا مفيش حاجه اسمها مفيش
انا طبعا قدوتي هي الرسول ... مش محتاجه اقول ليه؟؟
اكيد كلنا عارفين ليه
4-ايه هى المواضيع اللى بتحب تتناقش فيها مع صحابك وبتلاقى نفسك فيهااوى؟
اي مواضيع بس بشرط يكون معايا الماده العلميه بتاعت الموضوع ده
لو موضوع ديني يبقي معايا علم لو موضوع ثقافي يبقي معايا علم وهكذا
بس بحب اناقش موضوع الحروب القديمه ايام ما كان الضرب بالمواجهه مش يبقي الواحد مستخبي وبيضرب
5-انصح نفسك نصيحة..وقول صفة فيك نفسك تغيرها
انصح نفسي واقول
اتقي الله في نفسك يا ابوصلاح
صفه نفسي اغيرها
هي وحشه بس انا مش حابب اغيرها
الديكتاتوريه
ومادام مش هتتغير يبقي نقول صفه عاوزها تتغير
يبقي اقول...التفكير
6-أكتر موقف حسيت أنك نفسك تكون مش موجود فيه؟
مفيش كل المواقف بتعلم
بس لو قلنا الاكتر يبقي نقول كان في واحد اصغر مننا من سنه تقريبا كان مات
ولسوء الحظ كنت واقف جمب اخوه
مكنتش طايق اسمع نفس اخوه ... كان بيألمني جدا عدم بكاؤه واكتفائه بخروج اصوات لانفاسه ... بين قوسين بيعيط عصب عنه
الله يحرقك عكننت علينا
7-اوصف نفسك فى سطرين
محمد صلاح انسان خجول جدا لكنه لا يخجل من الحق مهما كان
محمد صلاح شخصيه هتحبها لما تعرفها وتكرهها لما تعرفها اكتر وتحبها اكتر واكتر لما تتعمق اوي فيها
واوصف نفسك وصف تتوقعه بعد 5 سنين من الان >> ان اراد الله وكان لينا عمر
خمس سنين ... يلا اهو كله هبل
اتوقع يا سيدي
هيكون معايا أسماء ومش عارف ايه الصفات اللي ممكن تكون فيه لما اتجوز واخلف...كله بيتغير ... ولا ايه
8-امتى بتلاقي نفسك اوى وبتحس ان ده محمد صلاح اللى انا عاوزه؟؟
لما واحد يكون مقتنع بحاجه اوي ويكلمني
وفجأه تلاقيه باعت لي نظرة انت هزمتني
بحسها في عينيه
وتلاقيه متنرفز اوي بس عاوز يضحك
9-احب صفة ليك
الامــــــــــانه
واسوء صفة بالنسبالك
الشـــــــــــك
10-واختم باحسن سؤال اتسألته عندى
طبعا مش أنا اللي سألته
هع هع هع
احرج نفسك بسؤال وقول مش هقدر اجاوب؟
اقول زي البنات يعني ... عندك كام سنه
ههههه
لا طبعا ده سؤال تافه وبعدين انا بمشي وكاتب علي التي شيرت تاريخ الميلاد
س/لو جت لك فرصه من ذهب مبلغ وقدره مقابل التنازب عن مبدأ؟؟؟ماذا تفعل؟؟
ج/وانت مالك
هو في حاجه اسمها مبادئ
قصدي الراجل اللي بيعمل الفلوس مش الفلوس اللي بتعمل راجل
ايموشن واحد بيلعب حواجبه
موبايلات بقي..
علي فكره يا جماعه الراجل ده لسه مخلص لي الرصيد
منه له .... منه له
علي سؤاله الاخير ده
بسم الله الرحمن الرحيم
1 ) ماذا تعني لك الكلمات الآتية .... العاطفة .... الرحمة ..... العقلانية
2) عندك كام صديق ممكن تثق فيهم جدا لكي تطلعهم على أسرارك.
3) إيه أكتر موقف محرج حدث ليك في الجامعه.
4) مين من الكتاب بتحب تقرأ ليه ،إذا كنت من هواة الأدب.
5) إيه أفضل بلد تحب تعيش فيها في (مصر,وخارج مصر)وليه؟؟ .
6) ايه رأيك في علاقات النت سواء صداقه او حب,وهل النت حاجه والواقع اللي احنا عايشين في حاجه تانيه؟؟
7)من وجهه نظرك ليه الناس بقت بتكدب علي بعض والثقه بقت منعدمه؟
8)مين اقرب انسان ليك؟
9)كام مره حسيت ان الدنيا ملهاش لازمه؟؟وكام مره مقدرتش تكتم دموعك
10) فى حاجه اسمها التضحيه من اجل الاخرين - ياترى مين هما الاخرين الى ممكن تضحى علشانهم "وياريت تحدد مين هما واى نوع من التضحيات ممكن تعملها" ؟
11) لو انت فى موقف صعب - مين اول واحد ممكن تفكر انك تتصل بيه؟؟
12)لا اسمع لا ارى لا اتكلم ,, هل تطبق هذه المقوله بحياتك ؟؟
13)لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
14)كتاب حياتك بم تصفه في كلمات معدودهـ ؟؟
15)انت ليه عملت بلوووج؟؟؟
يااااااااااه دي كلها اسئله(سوري)
كفايه كده عشان محدش يدعي عليا
يلا ربنا معاااااك
جيت متاخره شويه بس اعمل ايه المواصلات وحشه اوى...
انا مش هكتر فى اسالتى كفايه الشباب قاموا بالواجب اوى
1- ايه الموقف اللى وقعت فيه وكنت خجلان جدا من نفسك ومن رد فعلك فى الموقف دا؟
2- بتؤمن بالحب عن النت او ارتباط ما بين بنت وولد على النت ؟ وتعتقد انه ممكن يكون الارتباط دا رسمى فى يوم من الايام وهل النت وسيله كويسه لبدايه اى ارتباط؟
3- هل انت ندمان على دخولك حاسبات ولو مكنتش دخلتها كنت هتدخل ايه غيرها؟
4- لما بتقعد مع نفسك وبتفكر بتفكر فى المواقف اللى بتبسطك ولا بتزعلك ؟
5- شايف مستقبلك هيبقى ازاى ؟
6- مين الشخص اللى سالك سؤال ومضايق منه دلوقتى ؟وايه هو السؤال دا؟
7-دلوقتى انت زعلان ولا مبسوط ؟ وليه فى الحالتين ؟
8- اتمنى امنيه نفسك تتحقق دلوقتى؟
9- يعنى ايه حياه بالنسبه ليك ؟
امممممم...لوكشة اسئله كويسه مش وحشه
1 ) ماذا تعني لك الكلمات الآتية .... العاطفة...انك تبقي بتخاف علي الناس اكتر من اللازم وخوف بجد بس غير مرئي
الرحمة...تتمني اي موقف وحش لحد انك تكون مكانه بس هو يخرج منه
العقلانية...حاجه متعبه وممله..كله علي الله
2) عندك كام صديق ممكن تثق فيهم جدا لكي تطلعهم على أسرارك.
اممممممم...اسرار يبقي مفيش غير واحد بس (محمد صلاح)
وده لاني مقتنع انه مفيش سر بمعني الكلمه بيخرج من جوه الواحد
انما الكلام اللي بيحصل ففي اكتر من 20 واحد ممكن احكي لهم كل حاجه عني
واساسا مفيش عندي غير سرين تلاته محدش يعرفهم ولا حد هيعرفهم مهما كان
3) إيه أكتر موقف محرج حدث ليك في الجامعه.
ممممممممكن اكون خجول بس مبتحرجش من حاجه ... عادي يعني
بس ممكن اقول كنت متضايق شويه وواحد قام مستفزني...قمت رامي كشكولي في الارض وكاسر القلم وقايل كلمتين مش محترمين بصوت عالي واذا افاجئ ان المدرج فيه 5 بنات بيبصولي كده...كنت هقول نفس الكلمتين ليهم بردوا ... بس كظمت غيظي ومشيت روحت احسن لي
4) مين من الكتاب بتحب تقرأ ليه ،إذا كنت من هواة الأدب.
مبحبش القرايه اساسا...فمش هعرف اسماء الكتاب عشان اقولهم
وبالنسبه للادب فانا بحب الشعر الجاهلي
5) إيه أفضل بلد تحب تعيش فيها في (مصر,وخارج مصر)وليه؟؟ .
في مصر يبقي بني عباد اللي انا منها
تعالوا اقعدوا فيها اسبوع وانتم تعرفوا ليه...ثم اني مبحسش بالراحه غير هنا
خارج مصر يبقي دبي اللي ابويه قاعد فيها
وليه بقي فمش عارف ادخل شوف العيشه عامله هناك ازاي وانت تعرف
6) ايه رأيك في علاقات النت سواء صداقه او حب,وهل النت حاجه والواقع اللي احنا عايشين في حاجه تانيه؟؟
يمكن اكون قلت للناس اصحابك ان النت ده عالم خيالي لا يمد للحقيقه بشئ
ممكن نعمل عليه اي حاجه بس نكون متأكدين ان دي علاقه خياليه
والصداقه علي النت ممكنه واسألوا احمد صلاح...بقي حبيبي اوي من ع النت
وبالنسبه لعلاقات المضيعه للوقت قصدي الحب ع النت
فالواحد بيجرب نفسه مش اكتر
انما الحب اللي بجد متحسش بيه غير من نظرة اللي قدامك وانت ع النت استحاله تشوف عيون اللي قدامك
ولا انا غلطان
7)من وجهه نظرك ليه الناس بقت بتكدب علي بعض والثقه بقت منعدمه؟
لانهم ميقدروش معني الصدق ولا عمرهم جربوه عشان كده الشيطان مخيل ليهم انه الكذب ينجيهم
وكل المشاكل اللي احنا فيهم سبق وذكرت بسبب البعد عن الله واتباع صحيح منهجه
8)مين اقرب انسان ليك؟
بعد السؤال اللي فات ده يبقي مفيش حد
ههههه... علي الجوهري طبعا
جايز مبنتكلمش كتير ولا بنتقابل كتير
بس افكانا واحده وبنفكر نفس الفكر في نفس التوقيت
9)كام مره حسيت ان الدنيا ملهاش لازمه؟؟وكام مره مقدرتش تكتم دموعك
اي موقف ببقي متضايق فيه بحس ان الدنيا ملهاش لازم وبشوط اللي قدامي مهما كان...ماهي ساعة شيطان بقي
اااااااااااه من السؤال التاني
محرج بس هجاوب عليه مفيش مشكله
مادام اتسال يبقي مفيش مشكله
بصي يا ستي يوم ما امي ماتت(الله يرحمها ويسكنها فسيح جناته)...كله نازل عياط وانا كمان نفسي اعيط وماسك نفسي وقاعد اهدي في ده وفي دي ويا بنتي الله يهديك ويا خالتي ابوس ايدك ويا عمتي متعمليش كده ...و و و ...الخ
المهم كنا جامدين اوي متقلقوش يعني
جينا روحنا نصلي عليها قمت متوضي وشغال عادي يعني جيت برفع ايدي واقول الله اكبر ... لاقيت نفسي قاعد ع الارض وماسك عيني وعمال اجمع مش قادر قمت قايم مغسل وشي وبعيط في الزحمه بقي مهو محدش واخد باله وكله بينزل في الميه
بس
10) فى حاجه اسمها التضحيه من اجل الاخرين - ياترى مين هما الاخرين الى ممكن تضحى علشانهم "وياريت تحدد مين هما واى نوع من التضحيات ممكن تعملها" ؟
مبدئيا اي حد ضحي من اجلي اضي من اجله باكبر منه تضحيته
الاخرين دول ممكن يكونوا العائله والاصدقاء والاحباب
وممكن اخد اي حاجه وحشه مكانهم
رصاصه طايشه .. شتيمه ملهاش لازمه..موقف محرج .. تيـــت .. حاجات زي كده مثلا
11) لو انت فى موقف صعب - مين اول واحد ممكن تفكر انك تتصل بيه؟؟
الاقرب للموقف ده .. اشوف مين ممكن يحل الموقف واتصل بيه وغالبا بيكون عمي حسام...المنقذ في اي مكان وفي كل زمان
12)لا اسمع لا ارى لا اتكلم ,, هل تطبق هذه المقوله بحياتك ؟؟
ممكن وليه لاء...يعني اختي قاعده مع المز بتاعها مثلا وانا معاهم انا لا اري ولا اسمع ولا اتكلم بجد
واسالوهم لو مش مصدقين
13)لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
اكيد اي حاجه حلوة هتمني اعملها تاني واي حاجه وحشه هتنمي معملهاش ومينفعش نحدد مواقف هنا...منعا لاحراج الاخرين
مع العلم انه في حاجات وحشه لو عاد بيه الزمن هعملها بردوا مفيش مشاكل
14)كتاب حياتك بم تصفه في كلمات معدودهـ ؟؟
هقول اخر كلمه حلوة اتقالت لي النهارده
انت عاوز مترجم يا بشمهندس
الكتاب يحتاج الي ترجمه عشان تفهمه صح
15)انت ليه عملت بلوووج؟؟؟
والله لاقيت كل واحد عامل لي فيها بتاع وعنده بلوج وكده وبتاع
قمت عاملي واحد عادي وعرفانا بالجميل مش انا اللي عامله البشمهندسه مروة هي اللي عملتهولي بناءا علي رغبتي
بس ساعات الواحد بيبقي عاوز يفرغ حاجه من اللي جواه فبتطلع هنا
يمكن الردود بدأت تظهر هنا من موضوعين تلاته انما قبل كده كنت بطلع بردوا
كنت بكتب لنفسي ومش منتظر ردود حد ... بس مش اكتر
كفايه كده ... طب ليه ادينا بنتكلم
وبعدين محدش يقدر يدعي عليكي هنا ... ايه بلوج سوسن هوه يعني ولا ايه
منورانا طبعا وبصراحه اسئلتك كويسه
شكرا لمرورك
بسم الله الرحمن الرحيم
فى اسئله كثيره اتسالت بس ربنا يوفقنا ونسال اساله جديده
1)مــــن انـــــــت ؟
2)ماهو هدفك ؟
3)ماهي أمنيتك ؟
4)افترض لو وقع فى ايدك او كسبت مليون جنيه دلوفتى هتعمل بيهم ايه ؟
5)اول حاجه هتفكر فيها بعد لما تتخرج هى ايه؟
6ماهي التجربه التي تتمنى تكرارها ؟
7)هل تختلف شخصيتك عندما تكون مع اصدقائك واهلك عن شخصيتك مع حبيبك ؟
8)هل اذا تعرضت لموقف انفعالى بين اهلك هل(هتنفعل وتتعصب بشده-هل تحاول ان تهدى وتمتص غضبك وتفكر بهدوء-ام تنزل من البيت كله)
9)هل اذا كنت تريد ان تحقق هدف فى حياتك ولكن واجهتك بعض المشاكل هل تصر على تنفيذه مهما كان هذه المشاكل
ام تصرف راى عنه؟
10)هل انت عصبى؟ومتى تغضب؟
11من هو توأم روحك ؟
12شخص تحتاج لقربه الآن منك ؟؟
13)اذا فكرت انك تشترى باقة ورد فلمن تهديها؟
14)من هو الشخص الذى لا ترفض له طلبا؟
15)هل انت ديمقراطى ام ديكتاتورى؟ومع توضيح السبب؟
ربنا يوفقك فى الاجابه
جيت متاخره شويه بس اعمل ايه المواصلات وحشه اوى...
مواصلات ايه انتي بتتلككي ما احنا جايين مع بعض في نفس الطياره ولا هو تلكيك ع الفاضي
انا مش هكتر فى اسالتى كفايه الشباب قاموا بالواجب اوى
اه ... من ناحية قاموا فدول ميتوصوش...بينتقموا مني مش عارف ليه
بس مهما قالو لسه الTreasure متـــLost بردوا
1- ايه الموقف اللى وقعت فيه وكنت خجلان جدا من نفسك ومن رد فعلك فى الموقف دا؟
ما بلاش يا جدعان كان معانا واحده ض وعدت بسلام مصممين تحرجونا كدهون
2- بتؤمن بالحب عن النت او ارتباط ما بين بنت وولد على النت ؟ وتعتقد انه ممكن يكون الارتباط دا رسمى فى يوم من الايام وهل النت وسيله كويسه لبدايه اى ارتباط؟
اوف اوف اوف ... ما قاليش كده
بس هنرد بردوا
بتؤمن بالحب عن النت ؟؟
بصي يا ستي...عشان مش انافق نفسي
لو في جواز ع النت يبقي في حب ع النت
وبما انه الواحد مينفعش يتجوز ع النت يبقي مفيش حاجه اسمها حب ع النت
وبالنسبه للارتباطات فده عادي مادام الاطراف كلها مستفيده خلاص وبنتكلم في حاجه ممكن تفيد فده خلاص
مع اني متأكد من حاجه انه اللي ممكن يتعمل بين بنت وولد ممكن يتعمل ما بين ولد وولد او بنت وبنت
بس نعمل ايه بقي...شباب...ههههه
وتعتقد انه ممكن يكون الارتباط دا رسمى فى يوم من الايام وهل النت وسيله كويسه لبدايه اى ارتباط؟
اعتقد جدا وليه لاء حتي اسألوا محمد صلاح بتاع البلوج ده
3- هل انت ندمان على دخولك حاسبات ولو مكنتش دخلتها كنت هتدخل ايه غيرها؟
من ناحية ندمان فمش ندمان بالموة
لو لم اكن حاسباتيا لوددت ان اكون حاسباتيا
ولو مكنتش دخلت حاسبات كنت دخلت تجار انجليزي...ودي رغبتي اساسا بس الزمن اللي يفرض علينا بقي
وبالمناسبه انا كنت من صغري برسم علي كليه علوم كيميا بس يلا احلام وراحت لحالها
4- لما بتقعد مع نفسك وبتفكر بتفكر فى المواقف اللى بتبسطك ولا بتزعلك ؟
حسب اخر موقف حصل لي
لو متضايق يبقي بفكر في اللي يزعل
ولما برسم علي اكتئاب عينك ما تشوف الا النور كميه مواقف سوده وبتيجي كلها قدام الواحد
بس غالبا بفكر باللي يزعل
والتفكير كله بيكون في اتجاه واحد وهو
لو حصل لي موقف معين رد فعلي هيكون ايه
بس
5- شايف مستقبلك هيبقى ازاى ؟
مبرمج شاطر باذن الله
وراعي محترم رعيته
6- مين الشخص اللى سالك سؤال ومضايق منه دلوقتى ؟وايه هو السؤال دا؟
هههههههههه
هو السؤال ده
لاء هو سؤالك بتاع النت والموضوع بتاع علاقة الولد بالبنت وكده
انا كنت بقدر الامكان غير منافق بس نافقت شويه بردوا
7-دلوقتى انت زعلان ولا مبسوط ؟ وليه فى الحالتين ؟
مبسوط عشان بفضفض
وزعلان عشان نفسي اذاكر ومليشش نفس
هههههه...اتنين في واحد
8- اتمنى امنيه نفسك تتحقق دلوقتى؟
اني اعرف راسي من رجليه
ومبقاش متعلق زي دلوقت
9- يعنى ايه حياه بالنسبه ليك ؟
حب الله
شكرا علي الاسئله دي
وبجد ... تستاهلي صقفه لانك كشفتي القناع بس انا بردوا مش اي حد يشوف الوش الاصلي
انتي يا دوب لمحتي جبهتي
سلامي
الموضوع مش انتقام وولا حاجه دى قواعد الموضوع وهو اسمه كرسى الاعتراف
انا كنت عايزه يكون الموضوع عندى بعد البلوج الموجود فيه دلوقتى
الموضوع مش موضوع انتقام قواعد الموضع بتقول كده وكمان الموضوع اسمه كرسى الاعتراف
انا عايز الموضوع يكون فى البلوج بتاعى بعد البلوج ده
la vie
فى اسئله كثيره اتسالت بس ربنا يوفقنا ونسال اساله جديده
لالالالا, ده كل الاسئله دي كوم واسئلتك كوم تاني لوحده
جامده الاسئله بجد
بسم الله
1)مــــن انـــــــت ؟
ده اصعب سؤال ممكن الواحد يتسأله
لان اجابته بتكون في المعامله معايا مش من كلامي عن نفسي
بس انا مش عادي زي ما كل واحد بيقول عن نفسه...بعرف امثل المود اللي انا عاوزة تمام من غير ما حد ياخد باله ولا يحس ان انا بمثل
انسان يقنعك بسرعه...مبحبش حد يستفزني بس بحب استفز الغير
بحب كل واحد يعاملني زي ما انا بحب مش زي ماهو شايف...لاني بعامل الناس كويس ومنتظر منهم انهم يعاملوني بالمثل او اكتر...وحاجات تانيه معرفش اقولها عن نفسي تظهر في تعاملاتي
مش بلف ولا بدور زي الناس ما بتلف وتقولك ايه ومش عارف ايه
واعتقد انه اجابة السؤال ده اللي يهمه امري ممكن يكتشفني من اجاباتي
2)ماهو هدفك ؟
بحب اي هدف لم يسبقه الي غيري
بس هدفي ان اكون صاحي الQS اللي هي عنوان المدونه دي
quick softing
3)ماهي أمنيتك ؟
اتمني ان ادخل الجنه
4)افترض لو وقع فى ايدك او كسبت مليون جنيه دلوفتى هتعمل بيهم ايه ؟
هشتري لاب توب وعربيه مرسيدس وشبكه واظبط شقتي واروح اقعدلي اسبوع في باريس
والباقي اشوف اصحابي عاوزين ايه واعملهولهم
والباقي من هذا وذاك انا لست بحاجة اليه
ممكن اولع فيه
5)اول حاجه هتفكر فيها بعد لما تتخرج هى ايه؟
اتهرب من الجيش ولا اشوف اني هقضيه ولا لاء اهي ضريبه ولازم ندفعها
وبعدين اشتغل في اي مكان اخد منه خبره وبعد كده انطلق الي عالمي الخاص اللي هو البرمجه
6ماهي التجربه التي تتمنى تكرارها ؟
اي حاجه كان مطلوب مني اني اتكلم فيها واحتفظت بكلامي لنفسي
7)هل تختلف شخصيتك عندما تكون مع اصدقائك واهلك عن شخصيتك مع حبيبك ؟
جايز اكون مجربتش كويس بس اكيد بتختلف مع الاحتفاظ بالطبيبيه والتلقائيه
الاصدقاء اكيد ليهم كلام ومعامله ويتحكي لهم حاجات معينه
وبالمثل الاهل والاحباب
ولكني انا نفس الشخصيه
اوعدك لما اجرب هبقي انزل موضوع خاص بالجزئيه دي وابعت لك اللينكايه بتاعته كمان
8)هل اذا تعرضت لموقف انفعالى بين اهلك هل(هتنفعل وتتعصب بشده-هل تحاول ان تهدى وتمتص غضبك وتفكر بهدوء-ام تنزل من البيت كله)
اتقي شر الحليم اذا غصب
وبصراحه انا حليم اوي اوي اوي
بعرف امتص غضبي كويس
بعرف احترم اللي قدامي كويس
باااااارد جدا وبعرف اسيطر علي غضبي كويس
بس انا قايل اتقي شر الحليم اذا غضب
لو جيبت اخر والشيطان موجود
والله هي كلمه واحده بس برد بيها حسب الموقف
بخلي اللي قدامي يولع
ولو مقلتهاش
هتلاقي حاجات كتير في البيت بتتكسر ايشي تلاجه علي شاشه كمبيوتر علي كسر التليفزيون بالريموت علي علي
انما مسألة اني اسيب البيت دي مش انا اللي بعملها اللي بيكلمني هو اللي بيعماه
9)هل اذا كنت تريد ان تحقق هدف فى حياتك ولكن واجهتك بعض المشاكل هل تصر على تنفيذه مهما كان هذه المشاكل
ام تصرف راى عنه؟
مش اوي كده يعني
وبعدين اي مشكله وليها حل والمشاكل اللي ملهاش حل
اكيد هصرف عنها نظر ماهي ملهاش حل
هموت نفسي يعني
بس انا عنيد شويتين
10)هل انت عصبى؟ومتى تغضب؟
طبيعتي عصبي بس بظهر هادئ علي الاخر
ودايما عصبيتي بتطلع في مكان غريب جدا
محدش واخد باله منه خالص
عاوز تعرفني متعصب ولا لاء
بص علي رجلي لو لاقيت صوابع رجلي بتتحرك يبقي انا متعصب ملقيتهاش كده يبقي عادي...يعني مش بيظهر علي وشي حاجه
حتي النهارده كان حد نرفزني ومكنتش واخد بالي ببص علي رجلي لاقيتها بتلعب قمت باعد شويه لما هديت رجعت
وبترفز من اللي بيمشي ورا هواه لمجرد انه شايف انه صح من غير ما يسأل ولا يقدر ... ويتكلم معاك ايه انا صح ميه في الميه
11من هو توأم روحك ؟
مشيره اختي
12شخص تحتاج لقربه الآن منك ؟؟
بنت اختي...اصلها بقالها فتره عمال تزق فيها والبت مش عاوزة تنزل
13)اذا فكرت انك تشترى باقة ورد فلمن تهديها؟
لابويه طبعا
14)من هو الشخص الذى لا ترفض له طلبا؟
اكيد اخويه
15)هل انت ديمقراطى ام ديكتاتورى؟ومع توضيح السبب؟
ااااااااااااااااه
يا سلام عليكي
السؤال ده كنت هسأله لنفسي بس بجد تسلمي علي سؤالك
اقولك يا ستي
انا ديكتاتوري من الدرجه الاولي
بس ديكتاتوري علي حق
اسأل اكتر من واحد من فئات واماكن مختلفه واشوف وجهات النظر واخد من كل بستان زهرة واجمع باقة ورد علي زوقي
يبقي ده هو الصح وهو اللي يمشي
وميفرقش معايا رايك...لانه مهما كان مش هيكون بخبرة الناس اللي سألتهم
وفي الاخر رايي اللي بيمشي عاجبك عاجبك مش عاجبك اقنعني بالعكس هتلاقيني معاك
انما الديمقراطيه والكلام اللي ميأكلش عيش ويا الشعب المصري
واديكم شايفين الحزب الديمقراطي بتاعنا ماسك البلد....كل واحد مش عاجبه وعاملي اعتصام ومش عارف ايه
الديمقراطيه ويا الشعب المصري همجيه
افرض عليهم حاجات هيعملوها غصب عنهم ... اديهم الحريه هيبقي زي ما انتم شايفين
مع العلم لو عجبني رايك هنفذه علي راسي من فوق فوق فوق
ربنا يوفقك فى الاجابه
يا رب اكون وفقت في الردود
بس احييكي علي سؤالك الاخير
شكرا علي اسألتك كانت فضلي الاسئله اللي سُألت هنا
شكرا لمرورك
انا بقول كفايه عليه اوي كده
انتم طلعتم روحي
ومن ديمقراطيتي المذكورة اعلاه هقول
اللي عاوز ياخد الموضوع ياخده مفيش مشاكل
بس يا ريت يلفت انتباهنا هنا انه اخد الموضوع عشان ارد له اللي اتعمل فيه
واللي عنده اسئله تاني بصدر رحب ييجي ويقولها وانا بصدر ارحب هجاوب عليها مافي عندي مشكله
سلامي
الموضوع اتنقل للبلوج بتاعى
الموضوع اتنقل للبلوج بتاعى
بس معاليكي نزلتي الموضوع ومسحتيه تاني؟
مافي مشكله
إرسال تعليق