بصوا بقي يا جماعه
انا ان شاء الله هنزل اخر موضوع في كل شهر
هيكون عباره عن موقف خاص بي
او حاجه حصلت لي ومش هنساها وابقوا علقوا بقي براحتكم
بالنسبه للشهر ده
انا هكتب موضوع طازة لسه حاصل لي النهارده
نبدأ ب (بسم الله)
النهارده بعد ما صلينا الفجر انا وصحابي
واحنا قاعدين تحت بيتنا الاقي العيال بيقولوا لي ايه
قوم اعمل لينا كوبايتن شاي يا ابني
اقولهم يا ابني انت وهو اسكتوا في حد بيشرب شاي دلوقت
قالوا طب قوم هات لينا ميه ساقعه
قولت لهم يا ابني انت وهو اقعدوا سا كتين خلينا نتكلم شويه ولا نقوم ننام
قالوا يا ابني قوم والله عطشانين
قولت مفيش عندنا ميه ساقعه
قالوا قوم هات ميه عاديه ده حتي عندنا برد ومش بنشرب ميه ساقعه
بصراحه انا حسيت انهم عاوزين يطلعوني لسبب انا مش عارفه
قولت لهم مش طالع
قالوا يا عم قوم انجز
المهم كنا 6 افراد قولت لهم مش هينفع اعمل 6 كوبايات شاي
لاقيتهم بانتظام كده راح ماشي اتنين واتبقي4 وواحد قال مش هشرب
قالوا قوم اعمل بقي
قولت لهم انا هشرب كركديه حد يشرب معايه
قالوا اي حاجه بس بسرعه
ويا ريت تجيب الميه الاول_وفي ذلك حكمه_
قمت طالع عملت 3 كركديه و واحد شاي
المهم قولت ابقي انزل ليهم الميه بعدين
وانا بعمل الساخن قولت لما انزل نسخه بالمرة لان النسخه اللي فاتت
كانت تعبانه شويه
المهم
ظبط النسخه ونزلت بالشاي والكركديه
والدنيا كانت لسه شويه ظلام
وانا بقي نازل ومدي الامان ونازل بغني في السكه
الاقي ايه بقي؟؟؟؟؟
الاقي
حد طالع لي من تحت السلم بيقولي بخ
والمعروف عني
اني بنخض من اي صوت عالي
حتي لو كنت عارف انه هيعلي صوته بس بردوا بنخض
مش عارف ليه
يعني مثلا ويا الدكتور مصيلحي كان بيعلي صوته
كنت بنخض
ولو مش مصدقني
اسألوا رامي وجيفارا وقولو لهم عملتوا ايه في ابو صلاح لما عرفتوا انه بينخض من الصوت العالي
المهم
انا بقي نازل من علي السلم ومدي الامان خالص
ده بيتنا يعني مش اي حاجه
المهم
لاقيت حد لابس عبايه سمرا وطالع لي من تحت السلم بتاعنا بيقولي
عوووووووووووووووووووه
انا شايل الحاجه السخنه
وفجاه رحت مخضوض
بس عشان انا واد جامد مفيش حاجه وقعت مني
الا شويه كده وقعوا علي الصنيه بس مافيش حاجه انكسرت
الحمد لله
رحت انا بقي قايل_ يامه_ ايه ده
حرام عليك يا جلال
لاني عارف حركاتهم الزباله
وعشان الجو كان ظلام فانا مكنتش واخد بالي
انا كنت بحسب حيوان اليف كده طالع لي ومش عارف ايه
ببص كده
الاقي البتاع دي بتطول شويه بشويه
ابص في الوجه بتاع البتاع اللي طلع لي ده
الاقي واحد لابس قناع زباله
زي اللي في الصوره ده
قمت بقي عامل ايه؟؟؟؟؟؟؟؟؟
يا نهااااااااااار انا واقف مش قادر امسك نفسي
ايه ده يا رب
ابص الاقي البتاع ده عمال يطلع اصوات غريبه ويقرب مني وانا واقف
والكوبيات عماله تخبط في بعضها
دار في بالي ثلاث حلول
اعمل اي حاجه منها عشان انقذ نفسي
بعد ما تأكدت من خلال القناع ان البتاع ده مش واحد من صحابي
اول حاجه
اني ارمي الكوبيات في وجهه وانزل فوقه ضرب ضرب
تاني حاجه
اني ارمي الكوبيات في الارض واطلع علي فوق جري او انادي علي صحابي
تالت حاجه
واللي انا عملتها
اني اقف في مكاني واتشاهد علي روحي
ابص الاقي البتاع ده لما لاقاني لا حوا لي ولا قوة
قعد يضحك......يضحك
انا بقي لما عرفت انه واحد من صحابي
وكان مغير هدومه علشان مش اعرفه
والله كنت هعملها علي روحي
اتثبت
ومكنتش قادر اتلم علي اعصابي
يا نهااااااااااااااار
كا حتة موقف زباله
لا احسد عليه
رحت شربت معاهم الشاي وميه ميه
قمت سايبهم وطالع وزعلت منهم جامد
لاني مش بحب الهزار ده
المهم هما بقي قالوا دا احنا واخدينها مقالب في كل الناس من اسبوع
كل يوم واحد
كان احسن موقفين:
الواد ابن خال واد كده مخلص جامعه
شافوه رايح يصلي الفجر قاموا مستنيينوا جوه بيتهم لغيت لما طلع
وقفلوا النور وخلوه داخل قاموا خضينوا
بيقول لك الوادقام مصوت وطالع جري علي بره
يقول لك الواد يجري واحنا نجري وراه
لغيت لما لفينا وراه البلد كلها
هههههههههههههههه
ولا بيقولك اجمد واحد اللي مهموش من القناع
واحد استخبوا له ورا البيت بتاعهم وخلوه مروح بالليل
وقاموا طالعين له
بيقول لك الواد متحركش ولا طلع ولا صوت
الواد بيقولك فضل ساكت واحنا نقرب له ساكت واحنا نقرب له
لغيت لما وصلنااااااه
الواد راح ماسك شعره ويصوت يصوت زي الحريم
ههههههههههههههههه
ولا مرة طلعوا لبنت وكانت شايله حله علي دماغها
بيقولك خلوها في الظلام ماشيه في حالها
وهب....قاموا طالعين ليها
البنت متحركتش
راحت واقفه؟؟؟؟؟؟؟؟؟
تصوروا عملت ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قامت بالحله اللي كانت شايلاها
وراحت خبطاه علي دماغوا
ههههههههههه
قام جاري قدامها
الواد ده بيقول لك دماغوا قعدت توجعوا اكتر من عشرة ايام
يستاهل..........ولا ايه
علي فكره انا لحد دلوقت مش قادر اتلم علي اعصابي
انا خايف معرفش اخلف........
ههههههههههههه
يا رب
سلامي ليكم
بس بجد انا كنت مرعوب بس مكنتش مبين
ده شوفوا القناع كان عامل ازاي
هناك 6 تعليقات:
بجد الدايري دي تحفة ..
أسلوبك في الوصف فظيييع ..
و بجد والله خلتني أدحك لحد ما عينيا دمعت ..
وهحفظ الموضوع بعد ازنك في المستندات ..!!!
شكرا بجد خلتني أدحك من قلبي ..
............
>>> ما عنديش احساس عمالة ادحك وعايشة حياتي والنتيجة لسا ما عرفتهاش .. ماحدش واخد منها حاجة ..
لازم اسمع بي ايزي ..
........................
في القمة دائما .. و مزيد من التوفيق.
هههههههه
انا ممكن اكتب حاجه خاصه بالموضوع ده
انا متاكد انك لو قرأتيها هتدحكي ضحك
هيخليكي تشعري انك مدحكتيش اساسا وانتي بتقري الموضوع
بلاش احسن
وانا بجد فرحان لاني قدرت ارسم حتي لو مجرد بسمه خفيفه علي شفتاكي
_______
وربنا يوفقك في النتيجه
ويوفقنا احنا كمان
قادر يا كريم
thanks
ياريت والله يا باشمهندس ,,
انا بصراحة مش من النوع اللي بيدحكوا حاجة مكتوبة بالساهل ،، لكن
لما قريت الموضوع دا بجد بجد دحكت وقريته لاخواتي "الاتنين اللي معايا منهم" وقعدنا ندحك لحد ما هسترنا !!!
ـــــــــــــــــــــــــــــــــ
:::::::::::::::::::::::::::::::::
شكــــرا ،، وبانتظار مزيد من الابداعات ،،
ههههههههههههههههههههههههه
فكرتنى بايام ما كنا عيال بنلعب فالشارع ههههههههه كانت الولاد بتلبس وشوش من دى ويقعدوا يخوفونا
يلا نعيش وتاخد غيرها
شكرا مروة علي المرور الكريم ده
بس عشان الموقف ده فعلا عيالي يعني مفيش غير الاطفال بس اللي بيعملوة
رغم اني كنت شبه فرحان بس جوايا عملت مسافه بيني وبينهم لاني مش بحب الهزار اللي بيكون فيه ارهاب
علي فكره انا مش بخاف من حاجه بس بنخض اولها بس
مش اكتر
وشكرا علي مروركم احبائي في الله
هههههههههههههههههههههههه
تعيش وتاخد غيرها يا محمد
طب دة بهزار يا باشا
انا بيقى كنت انا وصاحبى فى شقة فيها عفاريت واتثبتنا اعلى تثبيت
ههههههههههههههههههههههههههههههههه
إرسال تعليق