لا تتمني الموت الا عندما تكون جاهز للقاء

لان اللي هتلاقيه بعد الموت أشد من اللي انت عليه ملاااااااايين المرات

يــــــــــــا رب
من لي سواك
أغث عبدك الضعيف

لا أتنمني الموت ولكني أرجو رغد الحياه

ماذا يمثل الشارع لمحمد صلاح

السلام عليكم
طبعا محدش هيرد زي كل مره
يمكن انا بحب البلوج ده اوي اوي
اسبب واحد بس
ان الناس مش بترد مش عارف ليه؟
ده بيشجعني علي الكتابه اكتر لاني حاسس اني بكتب لنفسي بس
مش موضوعنا
نرجع لموضوع الشارع
وبيمثل لي ايه بالظبط
الشــــــــــــــــــــــارع
كلمه كده مش عارف معناها
بس المهم ان الشارع ده حاجه بالنسبه لي
متراوحه من فتره لاخري
يعني مثلا وانا صغير اوي
بتاع تلت اربع سنين كده
كنت مش بنزل الشارع غير وانا ماسك في جلبية امي
مكان ما امي تروح كنت معاها
دايما معاها والمره اللي تمشي فيها من غيري
كنت اقعد اعيط لغيت ما تيجي
ومكنتش اعرف اي حاجه خالص بره البيت
ولا جوه البيت
المهم كبرنا شويه وبقينا خمس سنين لغيت ما دخلنا المدرسه
كنت بشوف العالم ده كله في وسعايه كده بتاع 100*100 متر
مش كنت بشوف اكتر من كده
كنت دارس المنطقه دي كويس جدا
وكنت لما اخرج بره النطاق ده احس اني خارج مملكتي
تايه وبتمني اني ارجع لمملكتي تاني
دخلنا المدرسه وكبرنا شويه
وعرفنا اماكن اكتر ووسعنا المملكه دي شويه
وبقيت دايس في البلد كلها
اعرفها كاملة...وبحبها جدا علي فكره
ولي الفخر حتي الان اني من تلك المنطقه وذاك المكان
بس بردوا كان في اماكن مش اعرفها
ومكنتش اتأخر بره البيت لغيت الساعه سبعه بالليل كده
جينا كبرنا شويه وبقينا في المرحله الابتدائيه
كنت دايس بقي في اماكن في البلد بس بردوا في اماكن مكنتش لسه زرتها
المهم كنت بحب انزل الشارع والعب قدام البيت وكنت بحب كده اوي
علي الرغم من ان جدي الله يرحمه كان دايما يشتم فينا عشان بنطلع صوت وكده وبتاع
ومرت السنون
وبقينا في الاعداديه
كنت بحب الشارع الي حد ما بس مكنتش بنزله غير في الاجازات
وكنت بنام قدام البيت هربا من الحر
وجينا كبرنا اكتر
ودخلنا ثانوي
والمردسه كانت في بلد جمبنا تبعد عنا ببتاع عشره كيلو كده
كنا بناخدها بالعجله
ويا خوضنا مغامران بالعجل انا وعلي الجوهري ومحمد الجوهري ووليد وعلي الجن
يااااااااااااه
وياما نزلنا ولعبنا مع ناس منعرفهمش
المهم
كنت بحب الشارع وانا في اولي التيرم الاول من اولي ثانوي
جيت لاقيت نفسي جايب 96 والناس بدأت تعايرني
قمت غايب عن الشارع التيرم الثاني
لاقيت نفسي جايب 250 قلت يبقي العيب في الشارع
وغيبنا علي الشارع من اللحظه اللي فاتت دي لغيت اخر الثانويه
علي الرغم من ان في الاجازات
كنت فيه علي طول انا وباسم اخويه او اكتر وابن خالتي
المهم بعد الغياب وخنقة الثانويه
دخلنا الكليه
وبقينا من اولاد الشوارع في سنه اولي
كنت بعشق الشارع ومبروحش غير ع النوم الساعه 3 كده
وياما انطردنا وانضربنا واتخانقنا
المهم كان في صراع نفسي زائد شله كنت من هواة الشوارع
كنا دايما في الشارع
المهم اخدنا علي الشارع في اولي كليه وبقيت مقدرش اغيب عنه اكتر من فترة النوم
ومنفعش وعمل مشاكل
المهم دخلنا علي تانيه وربنا هدانا
وبدأنا نخف رجلينا شويه
وبصعوبه وتحت ظروف معينه قدرت اشيل رجلي من الشارع كله
واكتفيت بالمملكه الصغيره اللي قلتها في الاول
بالمناسبه انا بحب امشي في الشارع حافي
بحس بمتعه جامده اوي ليها طعم خاص كده
حتي كنا بنصلي الجمعه في مكان معين ونرجع
قالعين الشباشب وواخدينها زق قدامنا
المهم
زادت الظروف حده ووصلت لذروتها الفتره اللي فاتت دي
امي ماتت واخويا كان بييجي يومين في الاسبوع وكمان دلوقت في الجيش بييجي كل فتره
المهم بقيت مطالب اني مخرجش من البيت عشان اخواتي وكده وبتاع
اتبعت التعليمات
ودلوقت مبقتش انزل الشارع خالص
بكتفي بذكرياتي معاه وقد ايه كان بيلمنا لما كنا بننطرد من البيت
هههههههه
دلوقت بقي لما وليد يمسد عليه وانزله ونخبط لفتين في البلد
نلاقي حاجات غريبه وتجديدات محضرتش افتتاحها علي عادتي
بس يلا حصل خير
دلوقت بقي لما بمشي في الشارع
بقيت اخاف وبستغربه موت
ونادرا يعني لما انزله
يعني اوصل اخواتي المتجوزين
وساعتها تبقي اتكتبت عليه تاخيره
كل الناس بتمسك فيه عشان اقعد معاهم بسبب الغيبه
لاني مبخرجش من البيت مهما كان غير ع الكليه وبس
ولما اشتاق للشارع ادخل انام واصحي بالليل عشان الشارع يكون نايم
علي فكره انا من الناس المشهوره والمحبوبه جدا والفضل لله
اللهم حبب فينا خلقت
وجايز اللي دفعني لكتابة الموضوع ده
وانا بصلي الفجر النهارده
دخلت الجامع استغربته وقلت انا فين
حتي المدرسه الابتادئيه حصل فيها تجديدات
والمشكله ان الجامع والبيت جمب البيت يعني مش بعيد
ورجعت من الصلا جلست علي الاطلال وذكريات الشارع
علي فكره
بلدنا بتاع 600 فدان او اكتر
مفيش شبر فيها مليش ذكرياااااااات فيه
اعذرني بل اعذر ظروفي ايها الشارع
انا مملكتي دلوقت لا تتعدي حدود الاوضه اللي قاعد فيها دلوقت
حتي لما يكون البيت فاضي محبش اخرج من الاوضه
غير عشان اكلم محمد صلاح عشان لو قرا الموضوع ميقولش انه دايما بيكلمني من الشارع
هي البلكون بس اللي لازقه في الشارع
س ل ا م ي

googd bye my love good bye

hear the wind sing a sad, old song
it knows i'm leaving you today
please don't cry or my heart will break
when I go on my way

goodbye my love goodbye
goodbye and au revoir
as long as you remember me
I'll never be too far

goodbye my love goodbye
I always will be true
so hold me in your dreams
till I come back to you

see the stars in the skies above
they'll shine wherever I may roam
I will pray every lonely night
That soon they'll guide me home


goodbye my love goodbye
goodbye and au revoir
as long as you remember me
I'll never be too far

goodbye my love goodbye
I always will be true
so hold me in your dreams
till I come back to you

لم يكن مجرد صديق

قلبي , لم تكن مجرد صديق
اشكو اليه هم همي و احكي اليه حزن حزني
لم تكن صديق طريق أو صديق حبيب ولم تكن مجرد صديق
اتفقنا علي ان نفعل نفس الشئ معا واتفقنا علي ان نسلك نفس طريق الحياه
اتفقنا ليس فقط علي أن أشكو وتجيب أو أن أتكلم فتسمع
بل علي أن نتبادل الحديث وأن نتبادل الحس والمناجاه
فلماذا أذا خنتني؟؟؟
فلماذا لم تروي لي همك وتأخذ طريقك دون مشورتي؟؟؟
هل لأنك تعلم أني اغفر الخيانه؟
لكن هذه ليس كذلك
أنا أحيا بك وأنت لا مكان لك الا داخلي
فالبعد عن طريقنا المتفق عليه لا يعتبر مجرد خيانه ولا أقوي علي تحملها ولا استطع غفرها
لماذا لم تستشر عقلي وتذهب وراء سراب تعلم أنه مجرد طيف وسيمر مر الكرام
اذا هل اكتشفت أنك تستطيع أن تحيا بدوني؟
كيف ذلك ومتي ولماذا؟؟؟
اذا قويت علي أن تتحمل هذا فأنا لم اقوي علي أن أعيش ولو للحظه بدونك
أتريد قتلي؟
لماذا لم تجيبني ألأني علي صواب أم أنك لا تسمعني؟
ألست قلبي ألست مأواك؟
بلي أنا قلبك أونت مأواي
شعرت بيأسك وضياعك في ظلمات طريقنا حيث كنا نمشي في ظلمات أخطائنا
فأردت أن أنيرني لتحيا
أن أحرقني لتري
ولم أجد سواها...ولكم حكيت لي عنها قبل ان تراها حتي رسمت هنا
وعندما اريك أياها تعاتبني
أنا لا أعاتبك ولكني لم أتوقع في يوم من الايام أني أؤذيك بها
أنت تعلم أن النار تعطينا الدفئ ولكن من يقترب منها حرقته
فلماذا أبتعدت عني لتقترب وتحترق
لقد تركتني وذهبت لها ولم تجدها ولم ترضي علي العوده لمكانك
ألهذه الدرجه تكرهني وتحبها؟
لست قلبي اذا أنما أنت قلبها
تيقن من نهايتك
وأعلم أني لم أغفر لك مادمت حيا وأني لم أقتلك فقط لأني أعلم أنك هالك لا محاله
فبطرقة أو بأخري أنت قتيل عصياني
أنتظر عودتك
اعذرني فأنت لست مجرد صديق

الموضوع ده قديم بس عملت له ريفرش

حوار جاد مذكر سالم

الاستاذ وائل ياسين
استاذي وزوج أختي
كنا قاعدين وبنتكلم وفجأه الموضوع قلب نقاش
وكلهم قلبوا عليه
وأخويه بيتفرج مبيتكلمش وقاعد يضحك
كان الحوار بيدور حول المسؤليه وازاي تقدر تعيش
فأنا بتكلم في أنه الواحد مش لازم يزعل علي اي حاجه تضيع منه مهما كانت
فهو أعترض ازاي اتعب في حاجه وتضيع ومزعلش
انا مش بقول أنك متزعلش...بس متحرقش دمك علي الفاضي
اصلها خلاص ضااااااااااااعت ومش راجعه
ثم انه الزعل مش هيرجعها يعني
فتزعل ليه؟؟؟؟؟ وتحرق دمك علي اللبن المسكوب
وقلت له حكاية توماس ايديسون لما المعمل بتاعه اتحرق وهو كان رد فعله ايه

قام رادد عليه وقايل لي : أصلك راكب ورا
قلت له : وأركب قدام ليه؟
لو اي حادثه حصلت هكون انا اللي في الوش
قالي ما أنا بقولك اهون أنت قاعد ورا ومش داري بالدنيا ولا تعرف السواق بيعمل ايه؟ولا ظروفه ايه؟
قلت له وانا مالي سني بيقولي اني لازم اركب ورا
قالي ما أنت متعرفش الدنيا ماشيه ازاي
قلت له بيتهيأ لك
وبعدين انت بتكلمني كده ليه
انا لسه مجاش الدور عليه وبعدين تقولي كده لما أكون سايق وأغلط
تبقي تعاتبني براحتك
انما أنا لسه مجاش الدور عليه
والحوار قلب وبقي في حاجه تانيه
وقالي طب ما انت تيــــــــــــــــــــــــــــــت ازاي اساسا تعمل كده
قلت له عادي يعني وايه اللي حصل ما بتفرقش معايا كتير
قالي لاء بتفرق
قلت له لاء ما هي الحياه مش علم بس
دا العلم ده فرع في شجرة الانسان صحيح بيفرق بس في فروع تانيه لازم منها
ولو الشجرة علم بس فكنت دخلت طب زي أحمد وقعدت بعدها واللي يكلمني بقي اقوله انا دكتور
قالي بمناسبة الطب هو ينفع دكتورة تتجوز من سباك
قمت باصص في الارض ورافع له عيني بس
وقايل له وأيه يعني؟؟؟
مادام في اتفاق واقتناع يبقي خلاص
قالي بس المشاكل لما هتظهر هي مش هتطيقه وهتقرف منه
قلت له ما هي اللي اختارت
ولو ده حصل فعلا يبقي غلطتها لانها هي اللي اختارت ولازم تتحمل نتيجة غلطتها
ثم ان أنا مش سباك
وطال الحوار
وكالعاده محدش بياخد مني لا حق ولا باطل وبيندم لاني غيرت وجهة نظره عند نفسه
وفي الاخر قالي أنا اتمني لك التوفيق يا محمد
ومتنساش تسألي بكره علي دورة الاي سي ثري
صحيح محدش يعرف ايه هي ال
IC3

مدرسة الحياه

فى مدرسة الحياه اتعلمت حاجات كتير
شوفت اللى عاش فقير وفى الاخر مات امير
عشان كان عنده حلم بس شبه مستحيل
قدر يحققه مستسلمش للبديل
احساس جميل لما توصل وتكسب والناس بتكدب عشان توصل هتتعب
لازم تفضل صاحى ولما تيجى لك فرصه تركب متخليش حد يقف فى طريقك وتلحق
واللى حاول يشوشك يشتتك عن اللى انت واثق انه فى يوم هيسعدك متصدقوش
خليك اد كلمتك مستقبلك جوه قلبك ومتخليش حد يحبطك
ولو وقعت مره حاول مره كمان عشان احنا فى زمان الضعيف مالوش مكان
ركز يلا وانجر مفيش وقت للكلام .. ده حتى الاكل مالوش طعم لو مكنتش جعان
بتعدى بينا وتلف بينا ايام ..واحنا تلاميذ فى مدرسة الحياه
بتعدى بينا وتلف بينا ايام ..واحنا تلاميذ فى مدرسة الحياه
الحياه زى المدرسه وفيها كتير مدرسين .. والباقى تلاميذ مش عاجبهم الروتين
اللى بقوا مهندسين واللى بقوا مجرمين .. منهم الحقيقى والمزيف بوشين
والسئال لو متابع الاغنيه .. انت شارى نفسك ولا بايع القضيه
انت دارى بنفسك ولا عايش للتسليه .. مانت عارف نفسك مش محتاج تحليل شخصيه
اصحى .. الناس بتجرى حوالينا واحنا الوقت بيجرى من ايدينا ونيسينا اللى حصل للى تاهو قبلينا
بلاش نغلط زيهم ونغتح عينينا للى جاى علينا مهما كان
مدرسة الحياه وده ميعاد الامتحان وزى ما واحد صاحبى قالها من زمان ..
الحقيقه مسيرها تبان وهنعرفها مع الايام
والله والايام عدت اوام .. ياما شوفنا سوا وكبرنا اوام
فى مدرسة الحياه ..
بتعدى بينا وتلف بينا ايام
بتعدى بينا وتلف بينا ايام ..واحنا تلاميذ فى مدرسة الحياه
فى مدرسة الحياه

بالرفاء والبنين يا بشمهندس ابراهيم

الف مبروك للبشمهندس ابراهيم حامد والبشمهندسه حفصه
علي الزفاف الكريم
وربنا يوفقكم ويسعدكم

معلش انا اخترت اوحش صورة
كرما لابراهيم بس عشان المدام مش تكون واضحه اوي

كان فرح جامد صراحه وكان هناك الكله كلها تقريبا
والهبل كان علي ودنو
والحمد لله انا متحركتش
وانا اللي علي يمين الصورة علي فكره
واللي جمبي ده
المهندس محمد لطفي
حبيبي
انسان اسطورة من اساطير الدنيا
بقعد معاه بس عشان اشوفوا وهو بيتكلم
ربنا يوفقوا ويزيدوا من علموا
واي حد في هندسه ميكانيكا وعاوز اي خدمه او نتيجه
او ما شابه ذلك
يبعت لي لينا وسايطنا بردوا
الراجل معيد هناك قد الدنيا
ربنا يوفقوا ويوفقنا ويوفق كل الناس

الف مبروك يا سيد ابراهيم
وكنت امبارح زي القمر

الجيش للجدعان

النهارده الجمعه 6/2/2009
امبارح منمتش عشان المفروض رايحين لأخويا زياره في الجيش النهارده
فالمهم لاقيت خالي أتاخر عن ميعاده الساعه 7 صباحا
قمت نايم وقلت مش مهم
نبقي نروح الجمعه اللي جايه
المهم الاقي زوج اختي علي دماغي الساعه 8.30 بيقولي اصحي عشان تيجي معانا
انا بقي قايم بخرف ما انا منمتش حاجه
واعلي صوتي مش عارف ليه
المهم لبست ونازل بقي وكان الجو مش ولابد
وانا اعلي دماغ طالبه نوم نوم يعني
ركبنا العربيه وكلو تمام
وانا فيه حاجه كده شويه غريبه
لما بكون عاوز انام تسمع مني احلي كلام
واحلي نصايح
بتكون دماغي عاليه اوي
ركبنا ومن ساعة ما ركبنا لغيت ما نزلنا مفيش ولا واحد بطل ضحك من كلامي
حتي الاستاذ وائل عمال يخبط يا واد اتقل يا واد مش كده عيب
وانا مش مخلي حد يعرف يتكلم
كل ما حد يفتح بؤه اعلق عليه
وهاتك يا ضحك
ما أنا فاصل بقي ونفسي انام
كلهم سكتوا خايفين من هزاري طبعا
وخالي كان هاين عليه يعمل بينا حادثه عشان يتخلص مني
وانا ولا في دماغي نايم ذهني بس لساني صاحي عمال يتريق علي ده وده
المهم لما كلهم سكتوا باقي الواد أحمد بن أختي
قعد بقي تريقه عليه
واكلمه واللي يرد منهم
اتريق عيله والكل يضحك
بجد كنت فظيع النهارده وكان يوم جامد
المهم الود بن أختي نام علي رجلي طبعا حبيبي وسكتنا
وصلنا قمت مصحي الواد العبيط دون
وانا معلمه بقي قواعد وفاهم له وفاهم لي
عمالين نصحي فيه وهو مش راضي
قمت قايل خلااااااص سيبوهولي
قمت شايله ومنزله علي الارض ومشيه وهو نايم
الواد اول ما مشي كنت انا قاعد كده في مستواه بس مش لامس الارض
قام الواد رامي حمله عليه ماهو نايم
وعشان انا فاصل
قام واخدني ونازل علي الارض
احنا الاتنين وقعنا واللي ريح واللي جاي يضحك
قمت قايله ياد يا ابن الللللللل
طيب وحياة اهلك لتمشي من غير ما حد يمسكك
قمت سايبه الواد بدأ يمشي بس بيلف حوالين نفسه ما هو نايم بقي
المهم
شلناه ودخلنا وبدأنا ندور علي أخويا
وهنا كانت الصدمه
عديناه ومن غير ما نعرفه والله
ونلاقيه جاي علينا ويقول لنا ايه يا جماعه ساعتين
انا استغربت
مين ده؟؟؟
لابس طقم وصايا
يا سلاااااااااااام
ولا الكوتش الباتا...مقولكوش
صعب عليه صراحه
الواد كان رايح ابيضاني كده
وهو بصراحه ماشي علي القاعده وهي
انك بتغمق وبعدين تسمر وبعدين تسود بقي
وكان بيبص لي بصه فهمتها علي طول
انت السبب يا ابن الللللل ما انا كنت الكبير ولوحدي وزي الفل
المهم
سلمنا علي بعض وحضنا بعض ولاول مرة في تاريخ
salah boys
انهم يحضنوا بعض
المهم قعدنا سوا شويه كده
وكلو كان ميه ميه ... واتكلمنا شويه ... وأكلنا شويه ولعبنا شويه
اه قبل ما انسي
الواد ابن اختي قاعد يعيط ويقول ماما
المهم محدش قادر عليه
قمت قايل خلاص سيبوهولي
فاهم له بقي
قمت شايله وقايه يلا نمشي اعمل لهم باي
وقمت منزله في وسط الناس وسايبه
وهو عمل لينا باي ومشي فحس انه هيتوه
فقام واقف...ويبص لينا ويعمل باي ومش عاوز يكمل مشي
قام شايف واحده بس ايه...ومعاها اتنين كمان ولاد
قام سايب الدنيا كلها وماشي وراها وقام ماسك في هدومها بس معرفش لانها كانت لابسه بنطلون
قام واقع فضل يعيط لغيت ما شالتو
قمت جاري ومقدم اعتذار وشايلوا وهاتك يا ضحك
وهزرنا شويا والزياره خلصت واديني جيت وكتبت
والواد ابن اختي طول الطريق مقضينها
يلا عقبالنا كده
بس اعفا باذن الله علي راي اخويا نتدبس احنا وتنعم انت
السجن للرجاله والجيش بيعلمك ازاي تدخل السسجن
يلا كفايه كده سلامي

كانت سنه كبيسه اسما ومضمونا

انا كنت كتبت موضوع طويـــــــــــــــــل
بس حسيت أنه شخصي شويه
ومينفعش كل الناس تشوفه
ثم أنه كان شويه متشائم
فقررنا ننزل موضوع متفائل شويه

الموضوع ده عباره عن الصوره اللي فوق دي بس
عش الحياه
لا تدع للاحزان اي مكان في حياتك
لا تتذكر ما هو حزين ومتشائم
انسي من حاول أن يدمر حياتك
أنسي من باعك وأبقي علي من بقي عليك
لا تبكي مهما كان جرحك عميق
حاول أن ترسم البسمه علي وجهك مهما كان حزنك
لا تجعل الكئابه تفترسك
تذكر دائما أن لك إله حنان منان
لا اله الا أنت سبحانك اني كنت من الظالمين
انتظروا...ماذا تخبئ لي يا قدري

لقد ابكيت القمر من اجلك حبيــــبتى

القصيده دي احدي ابداعات الاستاذ شامل سعودي
حبيبي
بحبه من ايام الجيزة
وبحس في شعره انه بيفكر باحساس نزار قباني
لتبدأ القصيده

في ليلة إشـتقـت...إليــك
لمخـاطبتـك ...لمنـاجـاتك ...
لـهمسـاتــك...لإبتـسامـاتك...
كلما نظرت إلـى شيء أمامـي وجدتك أجمـل...وأجمـل
نظرت إلـى الماء...وجـدتك أصـفى...وأنـقـى
نظرت إلـى الورد...وجـدتك أحـلى...وأبـهى
تذكرت الوفاء...وجـدتك من الوفاء...أوفـى
وفـجـأة...نظرت لأعلى
رأيت القمر...يسير بكبرياء
أمـامـه نجوم...وخلفه...نجوم
أعـجبنـي جماله...وأهـديتـه سـلامي
أتبعـت سلامي...بابـتـســامه
وقلت لــه؟
كم أنـت مغرور أيها...القمــر
ألا تعلم أنـني أمـلك أجمـل منـك ؟؟
فلماذا تتكبر؟؟؟؟
ألم تنظر إلـى هذه الأرض؟؟؟؟
ألـم تعلم أن بالوجود...أفضـل منك ؟؟؟
لم تعجبه كلماتي...
وقال لـي...من تكون هــذة؟؟؟؟
قلت إنـها اميرة...في أرضـها
ملاك...في سمـاها ...
إذا ابتسمت...رأيت برقاً يتلألأ من فمها
فقال أيـن هى ؟؟؟
ففتحت له قلبي ...وقلت هنا مـسكنه
وعلى قلبي...نـقشـت إسمـه
وكلمة أحـبـك...دائما على فمه
فــجـــأة !!
تساقطت عـليّ أمـطــار...من السماء
بدون غيوم...
فوجدتها دموع من عيون القمر؟؟؟؟؟
رأى نورا يشع من قلبي
نعم...لقد أبـكيـت القمر
فقال لـي...فعلا أنـا شبيها لها
فقلت صدقت...فأنـت تشبهها
وضياءك...مستمد من نـورها
فلأجلك حبيبيى
سيبكي...القــمر
ويتفتح...الـزهـر
فأنت نور...في كياني
وأنت زهرة...ببستاني
أنتـ أمنيتـي...واميرتى
وجنة...بقلبي زرعــت
جروحي بك قد شـفـيـت
وأحــزانـي بوجودك بـلا رحمة دفنت
فقليل بحقك أن يبـكي القــمـر...
حبيبتي ..
لا تسألني من أكون ....
فيكفي
أنك أنتى سبب حبي ...
وأنتى سبب حياتي

حبيبتي ..
أنت حبي الذي أملكه ..
أنت قلبي الذي تأسريه ..
أنت نفسي الذي أتنفسه ..
فعقلي بين يديك ..
ذهب مني اليك ..
ذهب لكي لا يسكنه سوى عينينك ..
اسمي هو قلبك ..
اسمي هو حبك ..
اسمي هو أنت ..
(****)
حبيبتي ..
و حياتي الذي ابتدأ بك ..
وروح أنفاسي التي بين يديك ..
وقلبي الذي ينبض اليك ..
ودمي الذي يجري بعروقك .
أحبك ..
أحبك ..
أحبك .