في اوقات مبحبش اصلي فيها
وده لما بكون تعبان ومرهق جدا
لانه بيصيبني حاله من الذهاب العقلي
وبستحرم اصلي فيها
وبحس انه بينطبق عليه قوله تعالي
يا ايها الذين امنو لا تقربوا الصلاة وانتم سكاري
جيت في مره في اول رمضان ده
لعبت كوره وجيبت اخر ... وصيام وتعب ومش قادر
المهم جيت بصلي التراويح
لاقيت نفسي بقرأ التحيات وانا ساجد
والاقي نفسي بقرأ الفاتحه مكان التحيات
وبجمع تركيز مش قادر
قمت سايب الصلا وقايم
المشكله مش في اني عملت كده مره
لاء ... والله انا حاولت اجمع ... مفيش
وكررتها اكتر من مرتين
قلت لاء ... عيب عليا
وده مش موضوعنا
موضوعنا ان انا لما حكيت الموضوع ده لواحد حبيبي
قام ضاحك
وقالي يا ابني عادي دا انا مره...........
وقال حاجات كتير
بس اللي ضحكتني منهم
قال مره وانا بصلي
سهيت في الصلا
فعملت سجدتين سهو
وبعد السجدتين قمت قريت التحيات
هههههههه
يعني بيعمل سجدتين سهو وسهي فيهم بردوا
يلا
كله علي الله
نطلع بحاجه من هنا
وهيا
ما يقال في سجدتي السهو
بسم الله و بالله السلام عليك أيها النبي و رحمة الله و بركاته
هناك تعليقان (2):
اسسسسسسسسكت دا خنزب ده عليه حركات معفنه(الشيطان المسؤل عن الهائك فى الصلاه) ويبأه ضميرك بيأنبك بس تعمل ايه اوقات تقعد تحارب فيه تحارب فيه رخم رخم..
الشعب لابد له من حكومه تشكمه
بترد عندي انا هنا
مش ممكن؟؟؟
يبقي اليوم خمرا ولهوا
لا ابدا شوشو ده ملوش علينا سلطه ولا حاجه
الفكره انه بيركز علي نقط الضعف اللي عندنا
وبيستغلها اسوء استغلال
هو رخم فعلا
شكرا ع المرور
س ل ا م ي
إرسال تعليق