للفرسان صفات

شتان بين من مات بسهم في صدره وهو مقبل
وبين من مات بسهم في ظهره وهو مدبر

سرب الاشباح (77)

حرب اكتوبر
لو حبيت تعرف كل تفاصيلها ... عمرك هيخلص من غير ما تعرف كل التفاصيل
الموضوع ده بثبت بيه ان مش الريس حسني مبارك هو صاحب اول ضربه جويه في حرب اكتوبر
وانما محمد صلاح هو من قام بأول ضربه جويه في حرب73
واليكم التفاصيل

الواحد بيستغرب الافلام الخياليه اللي بنشوفها عن حرب اكتوبر
معظمها قصص تخيلها السيناريو وبني فيلم من دماغه
طب فيها ايه يعني لو تجيب قصه واقعيه وتعمل بيها فيلم فعلا
دون ان تبالغ ولا ان تجامل
يمكن فيلم الطريق الي ايلات من اروع ما قدم في مجال حرب 73 بس بردوا
تحس انه فيلم مش حقيقه
الجزء ده من حرب اكتوبر ياريت حد يعمله فيلم او مسلسل
المهم
تبدأ قصتنا من حرب 67 اللي الطيارين المصريين اتظلمو جدا فيها ومنهم من طلع من الخدمه بسبب الموضوع ده
رغم ان رافت الهجان او الجمال جاب لينا الخبر فعلا وقالنا في ضرب هيحصل
الا اننا اهملنا الموضوع
والاخ عبدالحكيم عامر مسك الاخت الفنانه ورده وخد طياره وسرح في الهوا
وراح يظبط ويسيطر
ماشي يا عم عبدالحكيم
لما عرف الموضوع ده قالهم انسحبوا
طب الخطه يا حاج
مفيش خطط انسحبوا وبس
قمة الهمجيه انك متنظمش خطة انسحاب قبل ما الحرب تبدأ وتكون متفق عليها
ال يعني داخل الحرب وواثق من الفوز اوي
المهم ... نروح للسرب بتاعنا
والله في قصص مش عارف مش واخده حقها ليه
هتلاقي القوات الاسرائيليه بتعتبر ان يو 14/10/1973 ده معداش عليهم قبل كده
ده يوم معركة المنصورة الجويه
ودي اقوي معركه جويه بين مصر واسرائيل او اقوي معركه في التاريخ الحديث
مش هتفرع من الموضوع بس الشئ بالشئ يذكر

مش هقول كتير في الموضوع ده انا كنت دورت ولاقيت كلام كتير جدا
هقول المجمل وخلاص
معروف ان الطيارين المصريين من امهر الطيارين في العالم
ده حتي لما دخلنا في تصنيع الطيارات
عملنا طياره سرعتها ضعف سرعة الصوت واللي المانيا خدوها مننا وحطوها في متاحف عندهم
المهم
الطيارين المصريين معروف عنهم انهم حاجه كويسه يعني(يتخاف منهم)
المهم بعد ما اتوكسنا في نكسه67 الشهيره
واللي خدنا امر بالانسحاب العشوائي
نجا من الطيارين بتوعنا 7 من امهر الطيارين في العالم
قرروا بعلم المخابرات طبعا انهم يعملوا مطار سري
ويحاولوا يضربوا من تحت لتحت من غير ما حد ياخد باله
وطبعا عشان تعمل طار سري ده شئ مستحيل بكل المقاييس
جابو مهندسين ومهندسات وافكار وكلها طبعا بائت بالفشل
لان مطار سري يعني مفيش صوت ولا صوره تطلع (المفروض يعني)
نعمل كذا ... لاء مينفعش عشان كذا
طب نعمل مطار وسط الجبل وكده
اكشفوا ان الجو الكتمه ده ممكن يرفع درجة حرارة المحركات وتولع قبل ما تطلع الجو
طب ايه الحل؟
قرر ال7 طيارين دول
انهم يروحو وسط حته كلها اراضي زراعيه وكده
ويحاولوا يعملوا الطيران بتاعهم من هناك
مع الحفاظ ان المساحه بتاعته تكون صغيره قدر الامكان
عملوا شوارع يادوب علي قد الطيارات وزرعوا اشجار عشان تغطي علي الطريق
طب ماشي مفيش مشاكل
عاوزين نقلل الطول بتاع المكان ده
الطيارين فضلوا يتدربوا بحيث يخلوا الطيارات بتاعتهم تصعد في اقل مسافه ممكنه
لاننا عارفين عشان الطيارات تصعد لفوق لازم تمشي مسافه معينه
فضلوا يتدربوا لغيت ما ضربوا ارقام قياسيه في وقت الصعود
وبدأت المسافه اللي الطياره هتصعد فيها تبقي صغيره جدا
واتدربوا كمان انهم يصعدوا بالطيارات بتاعتهم مسافات عاليه جدا عن سطح الارض
عشان الرادار ميجيبهمش فيشتغلوا بمزاج
وبدأ الشغل بقي
ادي المطار وادي الطيارين وادي الطيارات
كل يومين يطلعوا يضربوا مكانين تلاته ويفضلوا راجعين
الطيارات الاسرائيليه تتابعهم وتمشي وراهم عشان تشوف قرارهم فين
يمشوا يلاقوهم اختفوا منهم وسط الاراضي
يقولوا استحاله يكون ده مطارهم ... عشان المساحه والطول بتاعه
واستمرت الحكايه دي مرارا وتكرارا
مات منهم 2 واتبقي5 منهم واحد اسمه محمد صلاح
المهم اننا قررنا نحارب
قام ال5 طيارين دول قالوا احنا هنروح نعمل مناوشات كده معاهم
ولو نجحنا اننا نضرب مركز الاتصالات ده خلاص نعتبر الحرب قامت وكلو يلوش في كلو
لان مركز الاتصالات ده يعتبر حصن قوي جدا ولو انضرب يعني في عقوبات جامده جدا في الاتصال ما بين الاسرائيلين وبعض
قالوا خلاص هنطلع لو ضربناه ابتدي الحرب ولو فشلنا ادينا بناوش فيهم ومحدش يعرف عننا حاجه
محمد صلاح قرر ان هو اللي يقوم بالمهمه دي ويروح يضرب المركز ده
بلاش انت يا ابوصلاح نبوس ايدك
ليه بقي
لان محمد صلاح ده اهله كلهم ماتو نتيجة الحرب
فالواد متشائم وعاوز ياخد بتاره باي شكل
بجانب انه حاول الانتحار اكتر من مره الي جانب انه دايما يقعد لوحده كتير فالناس تخاف عليه من فكره
لينتحر ولا حاجه
ابوصلاح حلف طلاق تلاته انه هو اللي هيعمل العمليه دي
خلاص يا ابوصلاح انت وشأنك
اتوكل علي الله
ابوصلاح شد المتاع بتاعه وربط حزام امانه وركب طيارته وذهب لتنفيذ العمليه
يا جماعه لو ضربته هديكو اشاره بالبدء ولو محصلش نصيب هنرجع عادي
وانطلق ابوصلاح واذا بخازوق يطلع له مش عارفين منين
محركات الطياره وقفت منه قبل ما يوصل الهدف والطياره ماشيه بقوة الدفع
ابوصلاح مش عارف يتصرف ... اتصل عليهم قالهم يا جماعه اللي حصل كذا كذا
ومتقلقوش العمليه هتم يعني هتم
التيم بتاعه عرف اللي فيها وان ابوصلاح قيدمر نفسه هناك(هينتحر يعني)
يا ابني ارجع علي اللي في دماغك وننفذ بكره ولا بعده
وهما واقفين فوق مستنيين اشاره التعامل من ابوصلاح
لاقوا طيارة الحاج ده نازله عمودي علي الارض وبقوه ولاقوا دخان طالع
قاموا متدخلين ودمروا المكان باللي فيه وبدأت الحرب
وانتهت زي ماحنا عارفين
هيا دي قصة سرب 77 كما كانوا يلقبون انفسهم
الطريف بقي في الموضوع
انهم اسروا طيار اسرائيلي قالهم كان في عندكوا طيارات بتطلع تضرب واحنا نراقبهم ونلاقيهم اختفوا
وكل مره كده
الموضوع كان عاملنا هبل في اسرائيل
لدرجة اننا اعتبرنا دول اشباح بتحارب معاكوا وانتو متعرفوش عنهم حاجه
ولما كان في حاجه تنضرب عندنا من الناس دي كنا بنأيدها تحت
دمرت بواسطة سرب الاشباح

لاء ... لسه شويه

كنت محضر موضوع اسمه سرب الاشباح
كان موضوع يستحق القرايه بصراحه
لو كملته هبقي انزله
خليني في موضوع دلوقت اسهل

برنامج خواطر من افضل البرامج اللي ممكن تتابعها في حياتك
وخواطر 6 كان متميز
مقدرش اقول متميز لان الــ6 أجزاء كلهم احسن من بعض
بس خواطر 6 كانت فكرته جديده وكويسه جدا زي باقي الاجزاء طبعا
خواطر فكرته بكل بساطه لكل اللي متابعش الاجزاء ال6
انه بيحاول يبني ثقافة امه (امة محمد)
بعد ان تدهورت وانحطت في عهد العباسيين والفاطميين
يمكن دي اخر حلقه في الجزء السادس
اللي اتأثرت فيها جدا وزعلت جدا لزعل الشقيري
ولو قارنا بين نهاية خواطر5 وخواطر6 هنلاقي ان نهاية الجزء الخامس سعيده جدا
لدرجة ان الشقيري سجد في النهايه خالص
عكس الجزء السادس لما كان متضايق جدا
وفعلا الظاهر انه لسه شويه بردوا
بس عندنا احنا لسه كتييييييييييييير
كل الناس بتشتكي من الحكومه والمسؤلين وكل القرف اللي بنشوفه
انا معاكو عليهم عبء كبير ويتحملو المسؤليه كامله
بس مش معني كده ان ثقافتنا تبقي بالمنظر الحقير ده
الواحد بيشوف حاجات وبيتعامل مع حاجات ايه القرف ده
للاسف لو متعاملش بنفس ثقافة المكان اللي هو فيه يتقال في حقه كلام مش مظبوط
المشكله والله تكمن تمام الكمانه في ثقافة الشعب
مش معني ان عندنا عجز في الطبقة المتوسطه وانه في طبقتين بس
طبقه غنيه وطبقه فقيره
انه مش موجود في باقي الدول
بالعكس ده منتشر في كل العالم وفي امريكا نفسها تنعدم الطبقه المتوسطه تماما
لو رحنا للطبقه المتوسطه في مصر
هنلاقيهم انهم المفروض يبقوا من بتوع الدبلومات
لان دول هما حلقة الوصل ما بين الطبقه العليا والطبقه المش عليا
لما تلاقي ناس بتطلع مبتعرفش تكتب اسمها
يبقي طبعا لا تعليق
ومهما كانت الاحوال الظروف والجوابات
فدي ثقافة الطالب نفسه
ومش معني ان عندنا عشوائيات كتير ان ده مش موجود في باقي الدول
بالعكس
ده يمكن مصر واخده تصنيف متأخر في حتة العشوائيات دي
وامريكا واوروبا مليااااااااااااانه عشوائيات وحالهم اصعب من حالنا بكتير
بس دي ثقافة شعب
انه مركز علي النص الفاضي وبيظهر العيب بكل تفاصيله
وياريتهم بيحلو حاجه الا بيعقدوا الامور اكتر
وكله بيطلع علي الشباب اللي مبيشوفش اي نور في المستقبل
ومش معني ان عندنا زحمة يبقي مش موجوده في باقي الدول
بالعكس
اكبر تجمع سكاني في العالم في طوكيو يوكهاما
بس ثقافة شعب اتعود علي النظام وعدم التزاحم
المشكله مش بتكون في الزحمه دي بتبقي في التزاحم
ولو الامورمشيت بنظام استحاله يكون في زحمه في اي مكان
بس هيا ثقافه
ومش معني انه عندنا زباله وشوارعنا بسم الله ما شاء الله مليانه زباله
انه مش موجود في باقي الدول بالعكس
اكبر مقلب زباله موجود في امريكا نفسها
بس رغم كده تمشي هناك الناس محافظه علي شوارعهم وحياتهم ميت فل واربعتاشر كمان
الموضوع عباره عن ثقافه مش اكتر
بصراحه
الواحد كان معشم نفسه في الجيل بتاعنا ده عشم كبير
وانه هو اللي هيرجع الميه لمجاريها
ولكن للاسف رغم انه فيه اعداد كبيره بدأت تحسن ثقافتها الا ان في اعداد اكبر ورثت ثقافة الاغلبيه
وهنلاقي ان نفس العدد الكويس اللي في جيلنا ده موجود في باقي الاجيال
يمكن نسبتنا اعلي شويه بس مش فرق كبير لا يتعدي ال5%
اذا يبقي لازم نقول لاء ... لسه شويه
والامل كل الامل في الاجيال التاليه
من سن 10 سنين وانت نازل
والاطفال اللي لسه مشاريعهم مجرد فكره في اذهان الابهات والامهات
عليهم مسؤليه كبيييييييييييره جدا
وان شاء الله هيبقوا قد المسؤليه دي
لان ساعتها هيبقي جيلنا هو اللي ماسك زمام الامور وجيلنا افضل شويه من اللي قبله
مش عاوز اعك في اللي ماسكين دلوقت بس يلا يومينهم وهيتوكلو علي الله
واللي خد علي قفاه مره يستحمل اللي جاي
واللي مخدش يشوف حد يديله عشان يستحمل مع اللي هيستحملو
ياريت كل واحد يحاول يغير ويطور من ثقافته
ومش هتلاقي احسن من خواطر يغيرلك ثقافتك
ومهما قالوا الناس في حقك تأكد ان انت الصح
علي الاقل قدام نفسك ... وان فيه ناس ماشيه بالثقافه دي ومتقدمين جدا
انا مخلصتش ... بس هقف عند هنا

جزره وقطمها جحش

استحاله تكون الــ40 جيجا دول غلط
علي العموم
عشره ايز فينشد يا خواجه

وأخيرا
خذ القناعة من دنياك وارضى بها...لو لم يكن لك الا راحة البدن
وانظر لمن ملك الدنيا بأجمعها ...هل سار منها بغير الطيب و الكفن

bonne fête pour tous

Donia

يمكن من اكتر الاسامي اللي كنت بحبها
دنيا
والبت اللي اسمها دنيا دي اعزها من غير ما اشوفها
بس خلاص كبرنا علي دنيا ومسكنا في تلت اربع اسامي كده
يلا
بصراحه مش عارف انا عاوز اكتب ايه بالظبط
بس يلا هيا جت كده
بس انا كان نفسي النهارده اكتب موضوع اسمه
ريميمبر يا تاريخ
يعني تذكر يا تاريخ وجت في بالي فكرتين تلاته كده واتبخروا
وذلك لعدم استحقية الاخرين
المهم ايه بقي
ان انا سبق واتكلمت عن تلت حاجات
الصحه ... الفراغ ... المال
وقلنا الانسان بيمر بتلت مراحل في عمره
وهو صغير بيمتلك الصحه والفراغ ولا يمتلك المال
لما بيكبر شويتين بيمتلك الصحه والمال ولا يمتلك الفراغ
ولما يكبر خالص ويعجز بيمتلك المال والفراغ ولا يمتلك الصحه
بصراحه جمله مش محتاجه تفسير ولا اي حاجه هيا موضحه نفسها
يمكن سفر الواد زيكو هو سبب كتابة الموضوع ده
الواحد زعلان له والله
بس هو كده
واحب اقوله علي الهوا كده عشان انا حافظه يعني
ابقي افتكرني يا زيكو كمان 5 سنين كده او افتكر
اننا الفجر ادن علينا واحنا عندنا لما مكناش لاقيين حاجه نتسحر بيها ورسيت علي......
صحيح يوم لازم ننساه بس اللي حصل يعني
حاكم انا عارفك هتنطط علينا كمان شويه
بس يلا الفرق ما بين احمد وعيسي مش كبير علي فكره
جميل انك تبقي عارف نهاية كل حاجه الطبيعيه وتؤمن بها
انت دلوقت واحمد سعيد سبقك وباسم هيحصلك وكلو هيسحب كلو والسلسه هتخلص اول باول
بس يلا عادي لازم نعدي كل حاجه
ونعدي يعني نخليه شئ عادي
موقف كده في السريع
يمكن عدي علي بالي النهارده اكتر من خمس مرات مش عارف ليه
اثناء الحديث والثرثره اللي مبحبهاش شخصيا
خدي المفيد عشان مبحبش الكلام الفاضي واللف والدوران
عارفه انتي الفيل
قالت اه
طاااااااااااايب
الفيل ده انا متأكد انه اقوي من الحصان بكتير
المهم
لما بيحبوا ياخدوا فيل حديقه مثلا ومش عاوزينه يأذي حد من الناس اللي هتزوره
عارفه بيعملوا ايه
قالت ايه؟
قلت لها بيجيبوا الفيل ده من وهو صغير ويربطوه بحبل في مكان جامد
ييجي الفيل يحاول يفك نفسه ... مش قادر
يحاول مره واتنين وميه ... مفيش فايده
يزمجر هنا وهناك ... ولا حياة لمن تنادي
فيوصل لحقيقة انه فشل في فك الحبل اللي هو مربوط فيه
ويبقي متأكد انه مهما عمل مش هيعرف يفك الحبل ده
وينطبع في ذهنه كده ... ان الرباط ده مش هيتفك مهما عمل
ييجي الفيل لما يكبر
يودوه المكان اللي هما عاوزينه ويربطوه
الفيل في ذهنه انه مش هيعرف يفك الحبل ده ويرضي بالامر الواقع
مع انه لو عطس بس
ممكن من نفضة جسمه كده يفك الحبه ويوقع المكان اللي مربوط فيه
قامت بصالي حته بصه ومن تحت النقاب كمان يعني بتركيز
لانها عارفه الحوار كان علي ايه
وسابت السواقه وتبص
يا ستي خليكي في طريقك انتي بس
تقولي انت فلسفتك غريبه
قلت لها وانا مالي انا بحكيلك حاجه بتحصل فعلا
فلسفتهم هما مش فلسفتي
فلسفتي انا بقي واستنيت لما خدت الدوران
قالت ايه؟؟؟
وانا مستني اقول واجري
فلسفتي ان الفيل ده لو حس بقوته في نفس الوقت اللي حد فيه استفذه
وفتحت الباب ونزلت ... لاننا كنا وصلنا الكليه خلاص
اوف كورس فضحتني عند جوزها اللي هو عمي

نقول ايه ... عمرو دياب

طب بزمتكم ارد اقول ايه؟

يا
بلاد
ما
ليها
الا
العجب
يا معررر...
شعر وادب

أقسم بالله تخلف وسفه

معتقدش ان في كلام يتقال بعد كده

من أصبح آمناً في سربه، معافىً في جسده، عنده قوت يومه،
فكأنما حيزت له الدنيا بحذافيرها
***
**
*
طب اقول ايه والنبي
الحمد لله طبعا

ده انت غريب يا هاني

ارحموا عزيز قوم ذل

مصر هيا امي نيلها ابن عمي
دي كانت احدي الجمل اللي مسكتها فتره من الزمن وعلي ضرار الموضوع اللي فات
كنت بكررها كتير
المهم
كنت رايح الجامع بتاع الكليه في مره
فكان في ناس صحابي جوا الجامع
وانا داخل بقي
مصر هيا امي
لاقيت واحد من صحابي بيقولي
الله يلعن ابو امك يا شيخ
وقلبت بضحك لاني صدقت علي كلامه بناءا علي كناية الكلمه لا معناها
مصـــــــــــــــــــــــــــــــــــر
اللي الواحد مبقاش عارف ليها وش من قفا
مصــــــــــــــــــــــــــــــــــــر
اللي كنا بنكتب فيها مواضيع انشا واحنا صغيرين
وطيبة اهلها واعتدال جوها وصفاء سمائها ونقاء ماؤها
مصـــــــــــــــــــــــــــــــــــر
بقي بالله عليكو ده جو مصر
تصحي الصبح متبقاش عارف النهارده هيبقي حر ولا برد
ولا تبقي عارف تلبس ايه وانت نازل
وايشي سحابه سودا وايشي سحابه حمرا
والجو يمطر والشمس طالعه
ده غير الميه اللي زي الزفت اللي بنشربها علي الاكل الملوث
حاجات تسد النفس الله وكيل
انا مكنتش عاوز اتكلم بصراحه بس هو معاه كده
نخش في الموضوع بلا مصر بلا ميكانيكا فاضيه
بس نشغل الفيديوهات دي كده لغيت ما اخلص الكلمتين اللي فيهم النصيب

ماشي يا مصر
احمد الريان ده ممكن نقول عليه في زمانه
مرجان احمد مرجان
واعتقد ان الفيلم واخد فكرته من الراجل المحترم ده

الحمد لله اني مسمعتش الحلقه لايف كامله
وكمان لما جيت اسمعها علي اللاب
قام اللاب فاصل
قلت الحمد لله لان مرارتي اتفقعت
وكان اي حاجه قابله للانفقاع كانت هتتفقع من الكلام اللي بسمعه
يا عيني علي الرجاله واله يا مصر
راجل ناجح جدا في حياته
وعنده ثروه اكتر من اي بنك في مصر
ثروته تقدر دلوقت بحوالي 15 مليار دولار
ده عند قبل ما يتسجن
تصور بقي لو كان كمل مشواره
تقول ايه يعني في واحد كان لسه طالب ومعاه 5 مليون جنيه في التمانينات
الراجل
استثمر فلوس الناس وبيديهم نسبه اكتر من اي بنك
غير البيوت اللي كان فاتحها
وانه كان بيصرف علي الدوله وشايلها في حاجات كتير
اي نعم الاقتصاد كله كان في ايديه وكان متحكم في جزء كبير جدا منه
وكان بيحركه حسب هواه
بس عادي
ما الاخ احمد عز والبرنسين جمال مبارك واخوه واكلينها والعه
وعادي
انما تعمل ايه بقي
حجج فارغه
واعلام لا يستحق التقدير ... نفذ كلام الدوله وبدأ يطلع علي الراجل اشاعات
ومواطنين مبيفهموش رايحين يقدموا بلاغات
وكلام كتير اتقال في الفيديوهات
بصراحه حاجه تشل
ليه واحد زي ده ... مراعي ربنا وبيعمل في مصلحة البلد
اهم اتحفظوا علي امواله ومتعرفش الفلوس والممتكات بتاعته راحت فين
بزمتكم لو برا مصر كان اتعمل في واحد من انجح رجال الاعمال في العالم كده
حاجات وانفرادات مبتحصلش غير في مصر بصراحه
بلاد ما ليها الا العجب فعلا
واحد كانت منتجاته في منتهي الاتقان واسعاره رمزيه جدا
يتعمل فيه كده ليه؟؟؟
لاء
ومطلعينه من السجن ومداينينه ب900 الف جنيه
يجيبهم منين يعني الراجل
يضرب الارض تطلع منجنيز يعني ولا ايه مش فاهم
مش كفايا قضا 22 سنه من عمره في السجن ومغترب عن ولاده
يعني ضيعه منه كل حاجه ومطلعينه مديون يعني ممكن يرجع السجن تاني
طب وربنا انكو دوله بتستهبل

الراجل يا عيني طالع من السجن مش عارف يفتح بؤه
يا لهوي علي الذل
يا جماعه حرام عليكو ايش حال لو مكنتوش انتم اللي ذلينو
اخص عليكي يا مصر
لاء ريللي ريللي اخص عليكي
واحد زي ده لو مكنش اتعمل فيه كده
كان زمانه ظبط شوية حاجات وكان في شباب هيشتغل
مش هقولكم ليه عملتو فيه كده
براحتكم
البلد بلدكو واحنا ضيوف عندكو رحبتوا بينا عادي مرحبتوش عادي يعني هيا عادتكو ولا هتشتروها
انما هقولكو
فلوس الراجل دي راحت فييييييييييييييين؟؟؟
وباي حق تطلعوه مديون ومهدد انه يدخل السجن تاني؟؟؟
مش عارف اقول ايه

نسيت اقول ان النهارده اول يوم في مشوار ال22 سنه
يلا مش مهم
بدينا السنه الجديده من عمرنا بموضوع زي ده
يلا مش مهم