نكتة لاحمد صلاح

بص يا سيدي

بيقولك

مره اينشتاين حب يتحدي الناس ويثبت لهم ان هما اغنيه وهو الذكي الي فيهم

قام منزل ايفنت علي الفيس بوك وقايل

يا جماعه انا هسأل سؤال للي هيجيلي

لو مجاوبوش هاخد منه 5 جنيه

وهو هيسأل سؤال لو انا مجاوبتوش هياخد مني 500 جنيه

الناس كلها قالت ماشي وكله راح للانترفيو

دخل واحد امريكي كان سهران طول الليل يدور ع النت علي الاسئله الصعبه ويزاكر ويفحت لغيت لما ربنا وفقه وجاب سؤال صعب

دخل علي اينشتاين

اينشتاين رزعه السؤال معرفش يجاوبه قام واخد منه 5 جنيه

وقاله اسال

الامريكي لسعه السؤال قام اينشتاين مجاوبه

والناس تروح وتيجي ويحصل معاهم نفس الموقف

لغيت لما واحد بلدياتنا ابن حلال

دخل علي اينشتاين

اينشتاين سأل وقال ايه هيا سر جاذبية الأرض

المصري مشكورا وبدون اي تفكير

قام مطلع ال5 جنيه ومديهاله

المصري جه عليه الدور وساله وقال

ايه هيا الحاجه اللي تطلع الجبل بــ3 رجول وتنزل برجل واحده

اينشتاين يدور علي اجابه مفيش

يستعين بنيوتن مفيش بردوا

دخل علي جوجل ودور ملقاش

قام مطلع ال500 جنيه ومديهمله

وقاله طب ايه هيا الحاجه اللي بتطلع الجبل ب3 رجول وتنزل برجلواحده

...........................................

النقط دي بقي يا ابوصلاح هبقي اكملهالك

لما تبقي تقولي انت بتضحك علي كلامي علي طول ليه

مادام انت معلقني كده

حلمت

حلمت اني شعب ومصلوب بطولي
علي أرض سمرا ودمي بينزف ومليان جروح
وفوق صدري جمره
يميني مربط علي أرض طابا شمالي ممسمر في أولاد علي
ورجلي علي جذع نخله في حلايب
ومرتااااح براااااااااااااااااااااااسي
علي حجر مصر


وشفتك يا ريس
كأنك ولي
كأنك نبي
في ايدك عصايا وليك معجزات وشايل صليبي وبتفكني
وأنا في جنه خضره وتحتي جداول
ومن فوقي نور و ريحه وبخور
همست في ودانك باخر وصيه
انسي اللي فاتك هننسي القسيه
أمانه عليك حط الوطن جوه نن عينيك
كرامة عيالنا امانه في ايديك


بحق اللي بينا يا ريس وبينك
وحق اليمين والكتاب في يمينك
بحق الشهيد اللي رافع جبينك
وجيش انتصارك في يوم العبور
وجيل حر طالع وعدته بدور
لملم عيالك وجمع في مالك واسحب جمالك








وسيبنا وغور

Read Only

Aliens back to thier dying world , only few were choosing to stay
the time of grief sore was ended
and .... was no long in needed
ok,
I guess this is my last shot , and whatever happens tonight
whatsoever
I'll never come back to this place
I guess I opt to go
I don't want to leave my own party , It's my birthday after home
.
.
.
moha.salah is sign out

الي هنا نأتي الي ختام 1000 ليله وليلتين
معلش مش هعرف اترجم غير العنوان
لان الناس غالبا بتقولي ان العناوين ملهاش علاقه بالموضوع
طبعا بالنسبه ليه
عنوان الموضوع يمثل أهم جزء في الموضوع
وبتبقي عليه نسبه كبيره من فهم الموضوع لو انت فهمته زي ما انا عاوز بالظبط
وساعات بكتب موضوع علي عنوان او حتي علي صوره عادي
نروح بقي للعنوان الغريب اللي ملوش علاقه بالموضوع خالص ده
Read Only
الريد اونلي دي عباره عن بروبيرتي بتبقي موجوده في معظم الكنترولز اللي موجوده في عالم البرمجه
بتحتاج البروبيرتي دي لما تيجي ترمي كنترول في الفورمه وعاوز محدش يعرف يعدل في قيمة الكنترول ده
او يحذف منه حاجه او يضيف عليه او ييجي ناحيته باي سوء
لانك عاوز الكنترول ده يفضل محتفظ بالقيمه اللي فيه فقط
فقط يمكنك الاضطلاع علي قيمة الكنترول لا اكتر ولا اقل
كل اللي عليك بتروح للبروبيرتيز بتاعت الكنترول ده وتعمل الريد اونلي بترو
وخلصت
اي نعم بيبقي شكله باهت شويه كده في الران تايم بس بيبقي واخد قيمه ومكان
كنترول عادي يعني
بس
Read Only
انا خلصت تقريبا
طبعا مش هقدر اترجم الموضوع دي ترجمة العنوان لوحدها خدت قد ايه
والموضوع متكلف بصراحه ويطول شرحه
بس
مش مهم ... سؤال بسيط لاي حد من اللي شايفين ان المواضيع ملهاش علاقه بالعنوان
حد كان جه في باله ان انا اقصد كده بكلمة ريد اونلي دي
اتحدي اي حد جه في باله كده
لو انا صح فعلا ... يبقي انت مفهمتش ولا موضوع من المواضيع اللي ملهاش علاقه بالعناوين
لانك مفهمتش العنوان ليه ظهر كده
وطبعا طبعا السؤال اللي انا متوقعه جدا جدا
طب ايه علاقة العنوان ده بالموضوع اساسا
؟؟؟
؟؟
؟
طبعا مش هرد عليك هبص لك واضحك بس
دا النهارده 23/12/2010
يعني بعد 22/12/2010 بيوم واحد بس
ومش بس كده ده بعده 24/12/2010
ولسه 25 و 26 و 27
لالالالا مليكش تسأل السؤال ده بصراحه

Your Down,

You Know You Deserve This