كاس العالم

دايما كل مره فيها كاس عالم بيحصل حاجات غريبه
من 98 وانت طالع
مش مهم اتعودنا خلاص

نروح لاول مباراه حقيقيه في كاس العالم 2010 والمقامه في ساوز افريكا
ودي من اربع بلاد في العالم اللي بتمني اسافرلهم
مش مهم بردوا
يمكن التلت اربع مباريات اللي فاتوا مكانش ليهم علاقه بكاس العالم
وابتداءا من انجلترا وامريكا ... ابتدا كاس العالم
نروح بقي للاشاعات المغرضه اللي بتطلع علي الناس
بيقولك الانجليز بيتحلوا ببرود الدم ... فين ده يا عم الحاج انت
انت شفتهم كانوا سخنانين النهارده ازاي
وبيقولك كمان ان امريكا معندهاش روح الجماعه
فين ياد انت ياله ... مبيشوفش ده ولا ايه
بصراحه روح الجماعه كانت فايحه النهارده من الفريقين
المهم
لاء مفيش حاجه مهمه ... ده موضوع هايف
بيقولك في امريكا ... الكوره دي علم
بيختاروا اللعيبه ازاي؟؟؟
المتقدمين بيدخلوا
والمتخصصين بيختاروا اقوي ناس فيهم ... حتي لو مكانوش يعرفوا يعني ايه كوره
وهما كفء انهم يعلموه ويفهموه
ماهو مدام اتقدم يبقي ناوي علي لعب
بيختاروا اقوي الاجسام ... وفي دراسه في امريكا عن كده
والناس بتوع تربيه رياضيه كلهم بيتجهوا لكده
عشان كده تلاقي لعبهم خشن شويه
بس بصراحه جامدين ... وعندهم لياقه لو عندي نصها كنت زلزلت الزلازيل
مش زي هنا
تلاقي الواد بيقلع الفانله والكوره علي راسه من غير ما تقع
لالالالا ده لعيب
لعهيب ايه يا حمار انت ... وانت هتستفاد منه ايه في الملعب
هيقلعلك التي شيرت والكوره واقفه
منطق غريب ... ومنتهي الغرابه
ده كلام عام علي فكره بس لابس ماسك الرياضه
المهم تلاقي الواد من دول قبل اللعب عمال يتنطط ويعمل كده ويعمل كده
يا سلام عليه ... لا لعيب
والله اللي بشوفه بيعمل كده قبل ما نبتدي
بستلمه في الملعب اعقد امه ... واعرفه انه ملهوش فيها ... اعربي يا الفت
يكفيني انه لا بيعرف يعدي ولا في كوره بتوصله اساسا
المهم اللي عجبني في ماتش النهارده
ويل روني
كل الناس هتقول عليه مليش فيها
ده كلام الهواه امثالكم ... مفيش اي احترافيه هنا
روني ملوش ولا هدف في كاس العالم
2006 كان مصاب ويادوب لعب شويه
2006 الشويه اللي نزلهم خد فيهم كارت احمر وملعبش الماتش اللي بعده
اكيد فاكرين خد الاحمر ليه؟؟؟
اكيد عشان هو مش بارد
المهم
تعالي هنا 2010 وقصاد امريكا يعني ام الخشونه كلها
من الحكمه والمطنق انك تتفادي الالتحامات
لان المفروض لاعب بحجم روني حرام ياخد اصابه وميكملش ويسمتر بصفر اهداف كاس عالم
كان بيتفادي الاصابات ومكنش بيلتحم في ولا كوره
بحلاف انه كان موقف الهاف ديفندر والباك ليفت في مكانهم باسمه بس والله
لا لا لا دماغه نضيفه
وبعدين لما شاف جيرارد وهو بيلتحم مع الناس
لا ياعم بناقص الماتش ده
روني ممكن ياخد هداف البطوله دي
وتوته توته وابتدت الحدوته
كنت متوقع فوز امربكا 1/0 بس مش مهم تعادل مع انجلترا بــ5 نقاط