مش خساره فيكم والله
حظكم اني عاوز انام ... يعني ما احلي الكلام
نبدأ بلا اله الا الله محمد رسول الله
كده انا ضربت رقم قياسي في مادتين علي التوالي مذاكرتهمش غير يوم الامتحان الصبح
سو واااااات هيا عادتي ولا هشتريها
بس الحمد لله
بصراحه كنت عامل حسابي اغش النهارده
بس منوتش
والحمد لله ... كده لغيت اللحظه دي انا بيس اخر حاجه
والحمد لله انا معرفتش احل النهارده غير لما حلفت اني مش غاشش واللي يحصل يحصل
سو واااااااات ... من امتي واحنا بتفرق معانا تقدير
المهم قلننا نمسك الفاس امبارح ونفحت شوية مذاكره
ولكن مش عارف
اصل كده كده هتحفظ وتنسي فاحفظ مره واحده وريح بالك
من شم النسيم وانا ملعبتش
والعيال قرروا يلعبوا ... واحنا معاهم
خلصنا من هنا والشد بدأ في الخلفيتين من هنا
حاسس اني وزني زاد بعد اللعب او اتنفخت مش عارف
المهم ان الخلفيه الشمال بس هيا اللي شده دلوقت
سيبك من كل ده
المهم رحنا الامتحان ورحنا المكان السري بتاعتنا
اروح الاقي العيال بتتصور
واول ما رحت يعني وسع للكبير
وهاتك يا يصور بسبب ومن غير سبب
هيا نونوت في دماغي خلاص وبلاها الامتحان
خلصنا صور ورحنا ع الامتحان
بصراحه كنت ناوي اراجع علي اللي نسيته قصدي اللي ذاكرته
بس علي رايك يا عم الحاج اللي راح راح
المهم
دخلنا والحمد لله الذاكره مخنتنيش النهارده علي غير العاده يعني
صحيح
انا عندي عاده مش عارفها حلوه ولا وحشه
دايما ببدأ كل حاجه من ورا لقدام
يعني ببدا بالعكس
رايح العيال كلها مش مصدقين اني مذاكرتش اولل محاضرتين
ايه ياد انت وهو في ايه
انا بحب ابدا من ورا ومن اخر سؤال كمان
لاسباب شخصيه
ووالله لو قلت لكم الاسباب هتلاقي كلكم هيعملها
بس خليكو كده احسن لكم
هي بقت عندي تعود اساسا من زماااااااان الله يسله الاستاذ مدحت بقي
المهم اني محلتش اول 3 اسئله وخلاص
نيجي بقي لموضوعنا الاصلي
وانا بحل في احدي السؤلات (االاسئله يعني)
الاقي نفسي مش فاكر خالص ومش في ددماغي اي حاجه غير موقف معين كده
ومعرفتش احل غير لما افتكرت الموقف وعيشته في ربع ساعه ع السريع وفضلت راجع للامتحان
المهم
ايه هو الموقف
اقولكم
كنا تقريبا في التيرم الاول
وللاسف كنت قاعد بذاكر شوية حاجات كده
الاقي التليفون بيرن قمت ارد لاقيت احدي اختيا بيرد
فقلت خلاص سو واااااات اكمل انا
بعدها بشويه الاقي سحر بتقولي تعالي كلم واحده
سحر ... وتعالي كلم واحده ... يا ليله مطينه
مين يا بت
قالت هو هيعرفني
احمش ... كمان
قلتلها طيب
وانا بقي زي اللي ما يكون شيلت جبل علي ضهريي
واختي بتضحك وهيا بتتكلم وانا قلبت بنفسجي مره واحده
يا ليله مطينه بطين مين اللي عاوزاني مره واحده كده
رحت والله وانا كنت اتمني ان الارض تتشق وتبلعني
بشيل رجلي بالعافيه
مسكت السماعه ومكنتش قادر ارفعها
سلام عليكم
محدش رد
الو
الاقي اللي تقولي : وزااااااااااااااااااااااااااااا
سمعت الكلمه من هنا وكان الجبل اللي كنت شايله وقع من عليه
ماهو انتوا مش متصورين اني اكلم واحده وكمان في التليفون
انا بقي : كده يا سلمي تعملي فيا كده
وفضلت اتنفس انفاس عميقه ورجعت
خير ياختي ... بقي تعملي فيا كده
المهم عدي الحوار ده وقالت انا اللي قلت لاختك تقول كده
.
.
.
مش ده الموقف
الموقف بقي
بعدها باسبوع كده
وانا قاعد بعمل نفس الحاجه
الاقي اختي داخله تقولي تعالي كلم واحده في التليفون
انا بقي خدت مناعه
قمت باصص كده ومكمل اللي كنت بعمله
تقولي تعالي كلم في واحده عاوزاك بجد
الله الله الله ده بجد ولا ايه
هاه طيب ومقالتش اسمها ايه المره دي
لاء قالت
طااااااااااايب اسمها ايه
مروه
هههههههههههههههههه
قديمه العبي غيرها
طب هاتيلي اسم تاني عشان اقوم
ياد قوم البت مستنيه علي التليفون
قمت قايم وانا متأكد انها سلمي
اروح الاقي اسماء بتبصلي بصه غيريبه كده
رد يا ابو مروه
قمت باصص لهم : هو بجد ولا ايه؟؟؟
رد رد ابقي قابلني
طيب نشوف مين مروه
سلام عليكم
عليكم السلام ... هو انا صحيتك من النوم
نهارك طيب وكمان نفس الرد
انا تقريبا مش فاهم حاجه ولا شايف حاجه
ولان صوتي قلب فاتهمت اني كنت نايم
انا سمعت كده والتليفون الواد ابن اختي كان مطلع عينه واخواتي كتير في الاوضه
قلت ده بجد بقي طب ممكن لحظه لما انقل التليفون عشان مش سامع
نقلنا التليفون ومفيش فايده مش سامع
وهي مصممه انت مشغول اتصل بيك وقت تاني
يا ستي الله يحرقك استني مش سامع اهلك
قررت اني ادخل اجيب اللاسلكي وخلاص هعمل ايه يعني
دخلنا جيبناه والاقي البطاريات خلصانه
اروح اقولها ممكن لحظه كمان
تقولي لو مش فاضي اتصل بيك بعدين
بعدين ايه استني عشان مش سامع
دخلنا فكينا البطاريات من الكيبورد وركبناها والصوت ظبط وكله بقي بيس
نشوف بقي مين مروه دي
اجي اشغل التليفون
ملاقيش في حد ع السكه
هههههههههههههههههههه
مروه راحت فين الله اعلم؟؟؟؟
مروه مين اساسا الله اعلم بردوا؟؟؟؟
نقول لمروة انتي مروة تقول والله مانا
امال مين البت دي
لغيت دلوقت علي فكره معرفش مين اللي اتصلت دي وهل اسمها مروة فعلا ولا لاء
حد يعرف مين مروه دي؟
طب وبتتصل ليه وارضي كمان وتطلب من اخواتي ... ده ايه الجبروت ده
منها لله تحترتني كدهون وخليتني زعلان 3 اربع تيام ورا بعض
بس هموت واعرف حاجه واحده بس
ايه اللي فكرني بالموضوع ده النهارده؟؟؟
لاء ولازق في دماغي
عجيبه
الامتحانات دي يومين كمان والواحد هيخرف كمان وكمان
يلا
س ل ا م ا ت
هناك 3 تعليقات:
هههههههههههههههههههههههههههههههههههه
متخيل منظرك وانت فى الموقف ده
هو من الواضح ان سلمى دى حد يعرفكو
لكن لما جت فى مروة دى حد غريب
اتوقع ان حد كان عايزك فى حاجة شخصية واتكسفت لما لقتك عمال تزحلق فيها وتقولها ثوانى
راحت قافله وندمت انها اتصلت بيك
مانت كده فعلا
اللى يكلمك يندم انه كلمك
ماعدا كام واحد كده منهم انا
المهم ان انت جبت من الاخر فى الكلمة دى
//اصل كده كده هتحفظ وتنسي فاحفظ مره واحده وريح بالك//
وهو دا اللى بعمله ..
\\
هو من الواضح ان سلمى دى حد يعرفكو
\\
حد
\\
لكن لما جت فى مروة دى حد غريب
\\
حد بردوا
\\
اتكسفت لما لقتك عمال تزحلق فيها وتقولها ثوانى
\\
ازحلق ايه يا عم انت
هو انا عملت حاجه
يادوب ركبت التليفون في اقل من ربع ساعه
وبعدين ايه اتكسفت دي
بقولك اتصلت ع الارضي
الارضي
ايه ... البعيد مبيفهمش
\\
مانت كده فعلا
\\
مانت
اسمها مانت
ال مانت ال
\\
اللى يكلمك يندم انه كلمك
ماعدا كام واحد كده منهم انا
\\
ماهو اللي بيتصل عشان يهيف
يبقي لازم يندم
ومش بس كده
ده لازم يحس بالذنب كمان
ثم ان انا مبحبش ارد علي تلافين او تليفونات اصلا
اتصل اه انما ارد؟؟؟
ليه ... هو انا مجرم
\\
وهو دا اللى بعمله ..
\\
ماهو لا يصح الا الصحيح
احنا نقوم نحضن بعض ع البؤين دول
إرسال تعليق