اه أأو ال ايه عاوزين ياخدوه
تحيه كبيــــــره لفتحي اللي محستش بطعم الكوره غير لما نزل الملعب
راجل مش مان
عمال اقولهم متتعصبوش للكوره
دا حتي العصبيه وحشه ليهم
اهلي مين وزمالك مين اللي بيتعصبوا عشانهم
البلد دي مفيهاش غير الاسماعيلي
دراويـــــــــــش دراويـــــــــــش
او او
دراويـــــــــــش دراويـــــــــــش
او او
علي فكره انا شجعت الاسماعيلي سنتين ورا بعض
مره خد الدوري ومره خد مركز تاني
ومن ساعة ما بطلت اشجعه وهو مبياخدش بطولات
اعمل ايه الكيف بيزل والدم احمر
يبقي
اهلـــــــــــــــــــــــــي اهلـــــــــــــــــــــــــي
واحنا وراكي يا فلسطين
اولا مبروك علينا الدوري والكاس والسوبر وبطولة افريقيا
ثانيا ندخل في الموضوع
انا مش عارف الناس بتتعصب للكوره ليه
فريق كسب وفريق خسر سوو وااااااااااات
ايه اللي حصل في الدنيا يعني
الناس ولا الكوره اللي بتأكلهم عيش
ما تولع الكوره ع اللي بيلعبوها
واللي يغيظك انهم بيتعصبوا للفرق المصريه
هيا دي كوره يا جدعان
نسيب الدوري الانجليزي ودوري ابطال اوروبا ونشجع الدوري المصري
وتلاقي الناس كل حياتهم كوره
والقنوات الرياضيه فاتحه عندهم 24 ساعه
ومتابعين وعارفين مين اللي هيلعب والنادي ده هيشتري مين
ومين ومين ومين ومين
ليه ده كلو
مفيش حاجه في الدنيا غير الكوره ولا ايه
حاجه تشل والله
والله انا بقلب لاقيت ماتش هسمعه
مفيش ولا بعرف اي اخبار ولا يحزنون
اهو المهم اننا نعرف نتايج المتشيات وخلاص
ولو معرفتش
اهي حياتي ماشيه عادي ولا هتفرق
.
.
.
مش مهم
المهم اننا هنتقابل هنا تاني في كاس العالم وخلاص
ملحوظه اخيره
ناو ايام جاست ريلاكس اند انجوي ويث ماي لاست ويك
هناك 5 تعليقات:
ويز ماى لاست ويك
صلح
هارد لك لمدرسة الفن والهندسه
وبالتوفيق للزمالك فى الموسم الجديد
الاهلى كان افضل بمراحل وكان يستحق يفوز مش تلاته لا تسعه
ده كان بالنسبه للماتش
اما موضوع التعصب ده بقى المشكله الازليه عندنا فى مصر
فمعنى انك اسمعيلاوى انك شاذ فى تشجيعك لو انته من خارج الاسماعيليه
ومعنى انك زملكاوى انك عندك الضغط والسكر ناتج من تقلب النتايج
ومعنى انك اهلاوى انك عندك مركبات نقص
تعوضها فى انتصارات فريقك
انته عارف مشكلتنا الحقيقه ان معظم الناس مش معتزه برأيها ,, يلاقى فلان بيشتم يروح يشتم معاه ,,فلان بيقول كذا يقول زيه .
موضوعك عسل زى بنها
احمد صلاح
\\
ويز ماى لاست ويك
\\
الله هيا اسمها عندكو ويز
معلش بقي
اصل اللغه بتفرق من محافظه لمحافظه
انت عارف بقي
ومش هصلح
سيبها خربانه كده احسن
عبدالله بيك
\\
هارد لك لمدرسة الفن والهندسه
\\
اسمها عارد لاك
ومسمهاش مدرسه الفن والهندسه
انت لو مش كلامك حلو
كنت اتعصبت عليك دلوقت
اصل المتعصبين بيشجعوا
واحنا معاهم
\\
فمعنى انك اسمعيلاوى انك شاذ فى تشجيعك لو انته من خارج الاسماعيليه
ومعنى انك زملكاوى انك عندك الضغط والسكر ناتج من تقلب النتايج
ومعنى انك اهلاوى انك عندك مركبات نقص تعوضها فى انتصارات فريقك
\\
وانت ايه اللي يخليك يجيلك الضغط والسكر يعني
متبقي شاذ او عندك نقص
اهو احسن من الضغط والسكر
احنا ناقصين مرض
ال زمالك ال
والله ماشيه معاكو ببركه الخطين الحمر اللي في الفانله بتاعتكو
\\
انته عارف مشكلتنا الحقيقه ان معظم الناس مش معتزه برأيها ,, يلاقى فلان بيشتم يروح يشتم معاه ,,فلان بيقول كذا يقول زيه
\\
لا والله ابدا
دي مش مشكله خالص
المشكله اللي بجد
اننا بنيجي في الفارغه ونتصدر
\\
موضوعك عسل زى بنها
\\
لا والله
معلش بقي
بقالي فتره مفيش حاجه عاوزه تطلع زي مانا عاوز
ده انتوا ربنا يكون في عونكو من الضغط اللي بيجيلكم من الزمالك
إرسال تعليق