يا حبيبتي يا مصر

هذا الوجع بقاياكي

سحر تمدد بين ضلعي

وتوارى خلف سلم منزلك

ترك لكي رسالة كل صباح

وسافر

لأن حبيبتي تركتني

الأندلس
.
.
.
تنظيم رائع توصل اليه المسلمون بعد كفاح طويل
طمع فيه البرتغاليون
فقرروا يرسلوا جواسيس يشوفوا حال شباب الاندلس
فوجدوهم مشغولين ما بين علم ودراسه
فتبين لهم انه مستحيل أن نحصل علي الأندلس الأن



وبعد 800 سنه أعادوا إرسال جواسيسهم مره أخري
فأحد الجواسيس لقي شاب حزين جالس تحت شجره
ولما سأله عن سبب حزنه أجابه
أنه حبيبته تركته
وقتها عرف البرتغاليون أن الأن يمكنهم الحصول علي الأندلس

تنظيم دوله كامل بدستورها وتاريخها اللي خلدوه فيها عظماء المسلمين
سقط
ليــــــــــــــــــــــــــه؟؟؟
عشان اهتمامات الشباب اتغيرت
من بناء حضارات وعلم الي حب وعشق

لهذا السبب سقطط الاندلس
كده الاندلس هتبقي ليها واقفه معايا لما اخلص الحوار اللي في ايدي(التتار من البدايه ال عين جالوت)
تحيه طيبه شخصيه مني الي فريق عزتي اسلامي
ثم اما بعد
الكلام واضح ومش محتاج تعليق
وكما ذكرت سابقا وبجمله انجليزيه فيما معناها انه لا يمكن تدمير اي حضاره من الخارج الا اذا دمرت نفسها من الداخل
فبالتالي مش هعلق ولا هقول كلنا شباب وعارفين اللي فيها
صح؟؟؟
اللي بيهتم بالاغاني ولا النت ولا التليفزيون ولا الكوره ولا التمثيل واللي معندوش خالص
التعليق الوحيد اللي ممكن اسيبه
اني لما نزلت الجامعه في اول الدراسه كده عشان بخلص ورقه
بصراحه بصراحه
كفر
مفيش بعد كده
هو ايه اللي حصل في الدنيا يا جدعان
البنات بقوا بيتفننوا ازاي يظهروا حاجه وفي نفس الوقت اسمها مداريه
دا انا لما بغلط وبحط القميص في البنطلون
بمشي وباطني قدامي ولا الست الحامل
عشان الللللللللل ... مفيش حاجه ورا تبان
استحا بين قوسين كسوف بعيد عنكم
انما البت من دول
مش كفايه اللي هيا لابساه ... لاء وتمشي وبطنها تعباها بزياده
فبتضطر تريح شويه لورا ... بطنها تعباها بقي ... حد يقدر يكلمها
لو في موضوعنا مش دي المشكله
المشكله اساسا ان دي اهتماماتهم وبيضيعوا معظم وقتهم في كده
ساعتين قدام المرايه عشان تشوف كل حاجه من كل الزوايا
وده كله عشان يطبقوا مبدأ احمد مكي
البنش بلاطه والبطن شيكولاته
وايشي كريمات علي ماسكات علي ميك ابات
بجد بجد لا تعليق
ولا الشباب اللي بيوقف شعره
يصحي من النجمه عشان يظبط الشعرتين
ويوقف دي يمين ودي شمال
ماشي يا سيدي انا متقبلك كما أنت ومعنديش اي مشكله لا ليك ولا ليها
هو انا اللي هتحرق في الاخر
المشكله ان ده بياخد من وقتك واهتمامك كتير اوي
وياريتها حاجه مفيده بفايده الا كله كلام تافه ووقتي وبيروح لحاله
ولما تصحي من النوم
هتلاقي البت شبه كيس القطن والواد شبه الخروف الاسترالي بشعر امه ده

منهم لله ولاذ اللذينه دول
هو كيلو الطماطم بقي بـــ12ـــ جنيه من شويه
لييييييييييييييييه؟؟؟ مانجه يا خي
الله يرحمك يامه
كانت تجيب العدايه بـــ3ــــ جنيه
وأحسن من المانجه والله

يلا
المشكله مش فينا احنا ... احنا افضل بكتير اوي من اللي قبلنا
يمكن اسوء اجيال مرت علي تاريخ مصر من وجهة نظري
هما اجيال الاربعينات والخمسينات والستينات والسبعينات
اسوء أجيال بصراحه اللي انا بعتبرهم فاطميين
والاداء اتحسن في اجيال التمانينات والتسعينات
مش مشكلتهم ... لانهم اتربوا علي ايد اجيال في منتهي السوء بصراحه
يمكن ثقافة التقليد مش لسه عارفينها امبارح ... دي موجوده من زمان
الواد حليم لما كان يلبس بنطلون ولا قميص معين
تلاقي الشباب والكبار والصغار كله بيقلد وخلاص
واحد ابوه بيقلد عاوزه يطلع ايه يعني طيار
هكذا نحن ... نتيجة تربيه غير سليمه قواعدها
واي حاجه بنعملها دلوقت مهما كانت فهي كانت بتحصل قبل كده وبزياده كمان
بس مشكلة اعلام بيركز علي النقائص والسلبيات والدنيا سودا في وش امهم دايما
حاجه واقفه في زوري من زمان وحابب اقولها
ثقافة التحرش والمعاكسات
ايه يا جماعه ... دي موجوده من ايام الفراعنه
بس الاجيال اللي ذكرتها فوق هما اللي ركزوا عليها اوي وكانت منتشره جدا
وفي ظل الاحتلال الانجليزي وصلت زروتها
وكانت بزياده اوي
يمكن احنا منجيش حاجه في اللي كان بيحصل زمان
بس المشكله عندنا اننا الاعلام مركز معانا اوي
وتلاقي مش عارف مين طالع لك بسبق اعلامي محصلش
خير يا عم
يقولك مش عارف حصل تحرش جماعي فين ولا ايه مش عارف
لدرجة ان الناس بقت تعمل كده املا بأن تصيبهم الشهره الاعلاميه نتيجه كده
طب ما ام المشكله دي موجوده في قلب اليابان
الرجاله بيصيبهم هبل بعيد عنكم لما يدخلوا المترو
والتحرشات كانت يوميا بل لحظيا
الراجل يدخل المترو محترم متعرفش ايه اللي بيحصله لما يشوف ست قدامه
والعمليه دي بتحصل في المترو بس
واليابان اجرت دراسات حوالين المشكله دي عشان يقدروا يوصلوا لحل معين
(دون علم الاعلام)
وحتي لو الاعلام بتاعهم عرف استحاله يفضح الدنيا زي عندنا
وفعلا توصلوا لحل للمشكله العويصه دي
ايه هو؟؟؟
مش عاوز اقول بصراحه بحب التعليقات
بس يلا نقول
اليابانيون عملوا غرفه خاصه للمعاكسات حاجه زي كافتريات كده
الراجل اللي ايده بتاكله يدخل الكافتريا دي ويتعامل زي ماهو عاوز
وفعلا المشكله اتحلت وبدأ المنسوب العالي يتناقص وهما دلوقت علي ابواب القضاء علي المشكله دي
مبقولش نعمل زيهم
انا ضد ثقافة التقليد حتي لو حاجه كويسه ... المفروض كل واحد ليه ستايله وصياعته بصرف النظر عن حركة مصدره
وبعدين هما مش مسلمين يتصرفوا زي ماهما عاوزين
احنا مسلمين لينا دينا اللي لو مشينا وراه صح ... كل حاجه هتبقي بيس
بس اهي الناس بتفكر ومبتسيحش لبعض زي عندنا هنا


فالامل كل الامل في اجيال الالفيه الثالثه
بصراحه براعم في منتهي الجمال والروعه الله معهم وقادر يغير كل حاجه علي ايديهم

غير اللي عنده نقص
.
.
.
What Come

محمد رضوان

بما اني بفتح الموزيلا فلاقيت تاب فيها رساله جديده
فهنكتب اخر حاجه
طبعا كل استاذ سيستحق مني موضوع بس في النوتس نوت هير
بس هنا ... اكيد مترددش اني اكتب عن الاستاذ محمد رضوان
يعني احسن استاذ كيميا فيكي يا مصر
ونسمع احلا سلام يا ريس
حبيبي وابن حبيبي واكتر استاذ عمرت معاه حوالي 5 سنين
من اولي اعدادي لتانيه ثانوي
وهكتفي باخر كلام سمعته في حقي منه
ان قال للواد محمود ابن خالي

لو في اتنين زي محمد ابن عمتك انا كنت اعتزلت التعليم

يا عيني شاف مني الويل ... يلا مش مهم
المهم انه لسه حبيبي لغيت ما عيدت عليه العيد اللي فات
مش هقول عن مواقفي الشريره معاه والنوادر اللي مش هتحصل غير من ابوصلاح
يمكن اكون انا الوحيد اللي كان ينطبق عليه الصياعه ادب
وانا معاه كنت مؤدب جدا جدا جدا
اكيد هنشوفه علي النوتس قريب جدا


وبالمره احب امسي علي الناس الجدعان اوي بتوع الاسماعيليه اللي اتغلبوا اخر مره من الجيش باين
واهني كل الاهلاويه اللي هيتعادلوا في الترجي 2/2 او هيخسروا 3/2 وهنصعد
قول انشالله

من وحي حديث أم زرع

عن عائشة رضي الله تعالى عنها :
إنه اجتمع في الجاهلية إحدى عشرة امرأة في جلسة سمر
فقلن بعضهُنّ لبعض :
تعالَين نتحدث عن أزواجنا
دون أن نكتم من أخبارهم شيئاً مدحاً أو ذمّاً
وأن نكون صادقاتٍ في وصفهم ، على ألاّ يصل هذا إليهم ...

فقالت الأولى
إن زوجي متكبر سيء الخُلُق ، لا أصل إلى رضاه إلا بشق النفس وبذل الجهد ، وشبّهته في رداءته بلحم جمل غثٍّ شديد الهزال على رأس جبل وعر لا يوصل إليه إلا بعسر ومشقّةٍ .

وقالت الثانية
لا أستطيع ذكر زوجي بسوء – وكله مساوئ – فقد يصل إليه ما قلت فيطلقني ، فأضيّع أطفالي ، وأخسر بيتي .

وقالت الثالثة
أما زوجي فهو سفيه أحمق ، عقله في لسانه ، لا يرعى لي ذمة ، ولا يحفظ لي مكانة ، أتحمله على مضض ، فلا أستطيع مجابهته فأطلَّق ، وإن سكتُّ فلا يأبه لي .

وقالت الرابعة
إن زوجي معتدل الأخلاق ، متوسط في رضاه وسخطه، وشبّهتْه بليل تهامة ( وتهامة مكةُ وجنوبُها ، والنسبة إليها تهاميّ) لا تجد فيه حراً ولا برداً ، ولا تخافه ولا تسأمه .

وقالت الخامسة
زوجي كريم جواد ، لا يسألني ما أفعله في البيت ، فإذا خرج فهو أسد في الحروب ، بطل في القتال .

وقالت السادسة
أما زوجي فإن أكل أو شرب لم يترك لعياله شيئاً ، فإذا نام لم يشعر بما حوله . أنانيٌّ لا يهتم بحال أهله إن مرضن أو اشتكين . شديد الرغبة في النساء .

وقالت السابعة
يا ويلي ، إن زوجي عيِيٌّ لا يحسن تدبير الأمور ، فيه غيٌّ وضلالة ، أحمق لا يهتدي للتصرف الصحيح ، يتخبط في أعماله ، سريع إلى الضرب ، فإما أن يشُجّ من خاصمه ، أو يكسر له ضلعاً من أضلاعه ، أو يجمع بين الشج والكسر ، فأنا منه على أسوإ حال .

وقالت الثامنة
أما زوجي فناعم الملمس ، كالأرنب لِيناً وعطفاً ، شديد الاعتناء بمظهره وطيب رائحته .

وقالت التاسعة
زوجي أصيل المنبِت ، فارع الجسم ، كريم اليد ، سريع إلى إغاثة الملهوف ، عظيم في قومه ، قريب إلى نفوسهم ، له الصدر في مجالسهم .

وقالت العاشرة
إن زوجي – مالكاً- له إبلٌ كثيرة باركة في فِناء منزله ، لا يوجّهها للكلإ والمرعى إلا قليلاً ، فهو لم يقْتَنِها لينمّيَها ، إنما جعلها للضيفان ، فيقريهم من ألبانها ولحومها . وقد عهِدتِ الإبل منه ذلك ، فإذا سمعن صوت المزاهر وآلات الطرب علمْنَ أنّ أجلَهنّ قد اقترب .

وقالت الحادية عشرة
أما زوجي أبو زرع – وما أدراك ما أبو زرع ؟- فقد انتزعني من بيت فقير وحياة بائسة إلى غنىً واسع وحياة رغيدة ، وأكرمني أيّما إكرام ، طعام كثير ، وخير وفير .. وذهبٌ ملأ يديّ ، ففرحت بما أُلْتُ إليه من نعمة ، وعظّمني فعَظُمَتْ نفسي عندي ، فقولي عنده القول الفصل ، والخدم من حولي يأتمرون بأمري ، ويسعَوْن إلى رضاي ... أم أبي زرع : تمتلك الكثير من المال ، وبيتها واسع رائع .... ابن أبي زرع : نشيط جميل المنظر ... بنت أبي زرع : من أجمل الفتيات ، ذات خلق رفيع ، تغار منها الأتراب ...حتى الخادمة : فإنها أمينة تكتم السر وتحافظ على البيت ، وتعتني به .
إلا أن هذه النعمة لم تدُمْ لي .. فقد خرج زوجي في بعض أعماله فرأى امرأة جميلة في مقتبل العمر ، تلاعب ولدين لها ، وتسقيهما من ثدييها لبن الأمومة اللذيذ ، فأعجَبَتْه ، فطلّق أم زرع ، وتزوّجها .
ولم تلبث ام زرع أن تزوّجت رجلاً أصيلاً غنيّاً ذا همّة عالية ، فأغدق عليها خيراً كثيراً ، وأمرها بصلة أهلها وإكرامهم . . إلاأن قلبها لم يكن له ، بل كان لأبي زرع ... ألم يقل الشاعر :

نقّل فؤادَك حيث شئت من الهوى *** ما الحبّ إلا للحبيب الأوّل
كم منزلٍ في الأرض يألفه الفتى *** وحنينه أبـداً لأوّل منـزل ؟

فكانت تقول : فلو جمعْتُ كل شيء أعطانيه ما بلغ أصغرَ ما أعطانيه أبو زرع .
فلما قال لها النبي الكريم صلوات الله تعالى وسلامه عليه :
" كنت لك كأبي زرع لأم زرع " .. قالت :
يارسول الله ، بل أنت خير من أبي زرع .
قال صلى الله عليه وسلم :" نعم ، فقد طلّقها ، وإنّي لا أطلقك ."

للفرسان صفات

شتان بين من مات بسهم في صدره وهو مقبل
وبين من مات بسهم في ظهره وهو مدبر

سرب الاشباح (77)

حرب اكتوبر
لو حبيت تعرف كل تفاصيلها ... عمرك هيخلص من غير ما تعرف كل التفاصيل
الموضوع ده بثبت بيه ان مش الريس حسني مبارك هو صاحب اول ضربه جويه في حرب اكتوبر
وانما محمد صلاح هو من قام بأول ضربه جويه في حرب73
واليكم التفاصيل

الواحد بيستغرب الافلام الخياليه اللي بنشوفها عن حرب اكتوبر
معظمها قصص تخيلها السيناريو وبني فيلم من دماغه
طب فيها ايه يعني لو تجيب قصه واقعيه وتعمل بيها فيلم فعلا
دون ان تبالغ ولا ان تجامل
يمكن فيلم الطريق الي ايلات من اروع ما قدم في مجال حرب 73 بس بردوا
تحس انه فيلم مش حقيقه
الجزء ده من حرب اكتوبر ياريت حد يعمله فيلم او مسلسل
المهم
تبدأ قصتنا من حرب 67 اللي الطيارين المصريين اتظلمو جدا فيها ومنهم من طلع من الخدمه بسبب الموضوع ده
رغم ان رافت الهجان او الجمال جاب لينا الخبر فعلا وقالنا في ضرب هيحصل
الا اننا اهملنا الموضوع
والاخ عبدالحكيم عامر مسك الاخت الفنانه ورده وخد طياره وسرح في الهوا
وراح يظبط ويسيطر
ماشي يا عم عبدالحكيم
لما عرف الموضوع ده قالهم انسحبوا
طب الخطه يا حاج
مفيش خطط انسحبوا وبس
قمة الهمجيه انك متنظمش خطة انسحاب قبل ما الحرب تبدأ وتكون متفق عليها
ال يعني داخل الحرب وواثق من الفوز اوي
المهم ... نروح للسرب بتاعنا
والله في قصص مش عارف مش واخده حقها ليه
هتلاقي القوات الاسرائيليه بتعتبر ان يو 14/10/1973 ده معداش عليهم قبل كده
ده يوم معركة المنصورة الجويه
ودي اقوي معركه جويه بين مصر واسرائيل او اقوي معركه في التاريخ الحديث
مش هتفرع من الموضوع بس الشئ بالشئ يذكر

مش هقول كتير في الموضوع ده انا كنت دورت ولاقيت كلام كتير جدا
هقول المجمل وخلاص
معروف ان الطيارين المصريين من امهر الطيارين في العالم
ده حتي لما دخلنا في تصنيع الطيارات
عملنا طياره سرعتها ضعف سرعة الصوت واللي المانيا خدوها مننا وحطوها في متاحف عندهم
المهم
الطيارين المصريين معروف عنهم انهم حاجه كويسه يعني(يتخاف منهم)
المهم بعد ما اتوكسنا في نكسه67 الشهيره
واللي خدنا امر بالانسحاب العشوائي
نجا من الطيارين بتوعنا 7 من امهر الطيارين في العالم
قرروا بعلم المخابرات طبعا انهم يعملوا مطار سري
ويحاولوا يضربوا من تحت لتحت من غير ما حد ياخد باله
وطبعا عشان تعمل طار سري ده شئ مستحيل بكل المقاييس
جابو مهندسين ومهندسات وافكار وكلها طبعا بائت بالفشل
لان مطار سري يعني مفيش صوت ولا صوره تطلع (المفروض يعني)
نعمل كذا ... لاء مينفعش عشان كذا
طب نعمل مطار وسط الجبل وكده
اكشفوا ان الجو الكتمه ده ممكن يرفع درجة حرارة المحركات وتولع قبل ما تطلع الجو
طب ايه الحل؟
قرر ال7 طيارين دول
انهم يروحو وسط حته كلها اراضي زراعيه وكده
ويحاولوا يعملوا الطيران بتاعهم من هناك
مع الحفاظ ان المساحه بتاعته تكون صغيره قدر الامكان
عملوا شوارع يادوب علي قد الطيارات وزرعوا اشجار عشان تغطي علي الطريق
طب ماشي مفيش مشاكل
عاوزين نقلل الطول بتاع المكان ده
الطيارين فضلوا يتدربوا بحيث يخلوا الطيارات بتاعتهم تصعد في اقل مسافه ممكنه
لاننا عارفين عشان الطيارات تصعد لفوق لازم تمشي مسافه معينه
فضلوا يتدربوا لغيت ما ضربوا ارقام قياسيه في وقت الصعود
وبدأت المسافه اللي الطياره هتصعد فيها تبقي صغيره جدا
واتدربوا كمان انهم يصعدوا بالطيارات بتاعتهم مسافات عاليه جدا عن سطح الارض
عشان الرادار ميجيبهمش فيشتغلوا بمزاج
وبدأ الشغل بقي
ادي المطار وادي الطيارين وادي الطيارات
كل يومين يطلعوا يضربوا مكانين تلاته ويفضلوا راجعين
الطيارات الاسرائيليه تتابعهم وتمشي وراهم عشان تشوف قرارهم فين
يمشوا يلاقوهم اختفوا منهم وسط الاراضي
يقولوا استحاله يكون ده مطارهم ... عشان المساحه والطول بتاعه
واستمرت الحكايه دي مرارا وتكرارا
مات منهم 2 واتبقي5 منهم واحد اسمه محمد صلاح
المهم اننا قررنا نحارب
قام ال5 طيارين دول قالوا احنا هنروح نعمل مناوشات كده معاهم
ولو نجحنا اننا نضرب مركز الاتصالات ده خلاص نعتبر الحرب قامت وكلو يلوش في كلو
لان مركز الاتصالات ده يعتبر حصن قوي جدا ولو انضرب يعني في عقوبات جامده جدا في الاتصال ما بين الاسرائيلين وبعض
قالوا خلاص هنطلع لو ضربناه ابتدي الحرب ولو فشلنا ادينا بناوش فيهم ومحدش يعرف عننا حاجه
محمد صلاح قرر ان هو اللي يقوم بالمهمه دي ويروح يضرب المركز ده
بلاش انت يا ابوصلاح نبوس ايدك
ليه بقي
لان محمد صلاح ده اهله كلهم ماتو نتيجة الحرب
فالواد متشائم وعاوز ياخد بتاره باي شكل
بجانب انه حاول الانتحار اكتر من مره الي جانب انه دايما يقعد لوحده كتير فالناس تخاف عليه من فكره
لينتحر ولا حاجه
ابوصلاح حلف طلاق تلاته انه هو اللي هيعمل العمليه دي
خلاص يا ابوصلاح انت وشأنك
اتوكل علي الله
ابوصلاح شد المتاع بتاعه وربط حزام امانه وركب طيارته وذهب لتنفيذ العمليه
يا جماعه لو ضربته هديكو اشاره بالبدء ولو محصلش نصيب هنرجع عادي
وانطلق ابوصلاح واذا بخازوق يطلع له مش عارفين منين
محركات الطياره وقفت منه قبل ما يوصل الهدف والطياره ماشيه بقوة الدفع
ابوصلاح مش عارف يتصرف ... اتصل عليهم قالهم يا جماعه اللي حصل كذا كذا
ومتقلقوش العمليه هتم يعني هتم
التيم بتاعه عرف اللي فيها وان ابوصلاح قيدمر نفسه هناك(هينتحر يعني)
يا ابني ارجع علي اللي في دماغك وننفذ بكره ولا بعده
وهما واقفين فوق مستنيين اشاره التعامل من ابوصلاح
لاقوا طيارة الحاج ده نازله عمودي علي الارض وبقوه ولاقوا دخان طالع
قاموا متدخلين ودمروا المكان باللي فيه وبدأت الحرب
وانتهت زي ماحنا عارفين
هيا دي قصة سرب 77 كما كانوا يلقبون انفسهم
الطريف بقي في الموضوع
انهم اسروا طيار اسرائيلي قالهم كان في عندكوا طيارات بتطلع تضرب واحنا نراقبهم ونلاقيهم اختفوا
وكل مره كده
الموضوع كان عاملنا هبل في اسرائيل
لدرجة اننا اعتبرنا دول اشباح بتحارب معاكوا وانتو متعرفوش عنهم حاجه
ولما كان في حاجه تنضرب عندنا من الناس دي كنا بنأيدها تحت
دمرت بواسطة سرب الاشباح

لاء ... لسه شويه

كنت محضر موضوع اسمه سرب الاشباح
كان موضوع يستحق القرايه بصراحه
لو كملته هبقي انزله
خليني في موضوع دلوقت اسهل

برنامج خواطر من افضل البرامج اللي ممكن تتابعها في حياتك
وخواطر 6 كان متميز
مقدرش اقول متميز لان الــ6 أجزاء كلهم احسن من بعض
بس خواطر 6 كانت فكرته جديده وكويسه جدا زي باقي الاجزاء طبعا
خواطر فكرته بكل بساطه لكل اللي متابعش الاجزاء ال6
انه بيحاول يبني ثقافة امه (امة محمد)
بعد ان تدهورت وانحطت في عهد العباسيين والفاطميين
يمكن دي اخر حلقه في الجزء السادس
اللي اتأثرت فيها جدا وزعلت جدا لزعل الشقيري
ولو قارنا بين نهاية خواطر5 وخواطر6 هنلاقي ان نهاية الجزء الخامس سعيده جدا
لدرجة ان الشقيري سجد في النهايه خالص
عكس الجزء السادس لما كان متضايق جدا
وفعلا الظاهر انه لسه شويه بردوا
بس عندنا احنا لسه كتييييييييييييير
كل الناس بتشتكي من الحكومه والمسؤلين وكل القرف اللي بنشوفه
انا معاكو عليهم عبء كبير ويتحملو المسؤليه كامله
بس مش معني كده ان ثقافتنا تبقي بالمنظر الحقير ده
الواحد بيشوف حاجات وبيتعامل مع حاجات ايه القرف ده
للاسف لو متعاملش بنفس ثقافة المكان اللي هو فيه يتقال في حقه كلام مش مظبوط
المشكله والله تكمن تمام الكمانه في ثقافة الشعب
مش معني ان عندنا عجز في الطبقة المتوسطه وانه في طبقتين بس
طبقه غنيه وطبقه فقيره
انه مش موجود في باقي الدول
بالعكس ده منتشر في كل العالم وفي امريكا نفسها تنعدم الطبقه المتوسطه تماما
لو رحنا للطبقه المتوسطه في مصر
هنلاقيهم انهم المفروض يبقوا من بتوع الدبلومات
لان دول هما حلقة الوصل ما بين الطبقه العليا والطبقه المش عليا
لما تلاقي ناس بتطلع مبتعرفش تكتب اسمها
يبقي طبعا لا تعليق
ومهما كانت الاحوال الظروف والجوابات
فدي ثقافة الطالب نفسه
ومش معني ان عندنا عشوائيات كتير ان ده مش موجود في باقي الدول
بالعكس
ده يمكن مصر واخده تصنيف متأخر في حتة العشوائيات دي
وامريكا واوروبا مليااااااااااااانه عشوائيات وحالهم اصعب من حالنا بكتير
بس دي ثقافة شعب
انه مركز علي النص الفاضي وبيظهر العيب بكل تفاصيله
وياريتهم بيحلو حاجه الا بيعقدوا الامور اكتر
وكله بيطلع علي الشباب اللي مبيشوفش اي نور في المستقبل
ومش معني ان عندنا زحمة يبقي مش موجوده في باقي الدول
بالعكس
اكبر تجمع سكاني في العالم في طوكيو يوكهاما
بس ثقافة شعب اتعود علي النظام وعدم التزاحم
المشكله مش بتكون في الزحمه دي بتبقي في التزاحم
ولو الامورمشيت بنظام استحاله يكون في زحمه في اي مكان
بس هيا ثقافه
ومش معني انه عندنا زباله وشوارعنا بسم الله ما شاء الله مليانه زباله
انه مش موجود في باقي الدول بالعكس
اكبر مقلب زباله موجود في امريكا نفسها
بس رغم كده تمشي هناك الناس محافظه علي شوارعهم وحياتهم ميت فل واربعتاشر كمان
الموضوع عباره عن ثقافه مش اكتر
بصراحه
الواحد كان معشم نفسه في الجيل بتاعنا ده عشم كبير
وانه هو اللي هيرجع الميه لمجاريها
ولكن للاسف رغم انه فيه اعداد كبيره بدأت تحسن ثقافتها الا ان في اعداد اكبر ورثت ثقافة الاغلبيه
وهنلاقي ان نفس العدد الكويس اللي في جيلنا ده موجود في باقي الاجيال
يمكن نسبتنا اعلي شويه بس مش فرق كبير لا يتعدي ال5%
اذا يبقي لازم نقول لاء ... لسه شويه
والامل كل الامل في الاجيال التاليه
من سن 10 سنين وانت نازل
والاطفال اللي لسه مشاريعهم مجرد فكره في اذهان الابهات والامهات
عليهم مسؤليه كبيييييييييييره جدا
وان شاء الله هيبقوا قد المسؤليه دي
لان ساعتها هيبقي جيلنا هو اللي ماسك زمام الامور وجيلنا افضل شويه من اللي قبله
مش عاوز اعك في اللي ماسكين دلوقت بس يلا يومينهم وهيتوكلو علي الله
واللي خد علي قفاه مره يستحمل اللي جاي
واللي مخدش يشوف حد يديله عشان يستحمل مع اللي هيستحملو
ياريت كل واحد يحاول يغير ويطور من ثقافته
ومش هتلاقي احسن من خواطر يغيرلك ثقافتك
ومهما قالوا الناس في حقك تأكد ان انت الصح
علي الاقل قدام نفسك ... وان فيه ناس ماشيه بالثقافه دي ومتقدمين جدا
انا مخلصتش ... بس هقف عند هنا

جزره وقطمها جحش

استحاله تكون الــ40 جيجا دول غلط
علي العموم
عشره ايز فينشد يا خواجه

وأخيرا
خذ القناعة من دنياك وارضى بها...لو لم يكن لك الا راحة البدن
وانظر لمن ملك الدنيا بأجمعها ...هل سار منها بغير الطيب و الكفن

bonne fête pour tous