اه يا ابن الكلب

مش تباركوا لي...

الحمد والشكر لله
نجحنا النهارده
وبقينا في البكاريريوس علي رأي عمر
والحمد لله لاول مرة اشوف لي امتياز في الكليه دي
هي صحيح ماده واحده
بس هيا بتبدأ بماده
وبعتذر للناس اللي نتايجهم معايا ومش عارف اوصلها لهم
ع العموم مبروك ليا وليكم
وكلها 5 ايام وتنزل ع النت
س ل ا م ي

أكثروا من ذكر هادم اللذات

قال صلى الله عليه وسلم ((أكثروا من ذكر هادم اللذات)) فأكثروا من ذكر هادم اللذات فأن لتذكر الموت أثر كبير في إصلاح النفوس وتهذيبها حيث قال الدقاق:من أكثر من ذكر الموت أُكرم بثلاثة أشياء(تعجيل التوبة وقناعة القلب ونشاط العبادة) ومن نسي الموت عوقب بثلاثة أشياء(تسويف التوبة وترك الرضي بالكفاف والتكاسل في العبادة)
فتفكر يا مغرور في الموت وسكراته وصعوبة كأسه ومرارته فيا من وعد ما أصدقه ومن حاكم ما أعدله وكفي بالموت مقرحاً ومبكياً للعيون ومفرقاً للجماعات وهادماً للذات وقاطعاً للأمنيات فهل تفكرت يا ابن آدم في يوم مصرعك وانتقالك من موضعك وإذا نُقلت من سعة إلي ضيق وخانك الصاحب والرفيق وهجرك الأخ والصديق وأُخذت من فراشك وعطائك إلي عرر وغطوك من بعد لين لحافك بتراب ومدر فيا جامع المال والمجتهد في البنيان ليس لك والله من مالك إلا الأكفان بل هي والله للخراب والذهاب وجسمك للتراب والمآب فأين الذي جمعته من المال؟ فهل أنقذك من الأهوال؟ كلا بل تركته إلي من لا يحمدك وقدمت بأوزارك علي من لا يعذرك ولقد أحسن من قال في تفسير قوله تغالي ((وابتغ فيما آتاك الله الدار الآخرة ))أي:اطلب (التذكرة:1/50)
فاعلم أخي الحبيب أنه لا يكره الموت إلا أحد الرجلين :
(الأول) من لا يؤمن بالآخرة وعنده أن لاحياة ولا نعيم إلا في الدنيا كمن وصفهم الله تعالى بقوله ((ولتجدنهم أحرص الناس على حياةٍ ومن الذين أشركوا يود أحدهم لو يُعمر ألف سنة وما هو بمزحزحه من العذاب أن يُعمر))(البقرة :96)
(الثاني)يُؤمن بالله ولكنه يخاف ذنبه
فأما من لم يكن كذلك فأنه يحبه ويحب لقاء ربه كما أحبه الصالحون وأحبوا لقاء الله
قال صلى الله عليه وسلم((من أحب لقاء الله أحب الله لقاءه ومن كره لقاء الله كره الله لقاءه))(متفق عليه)
الموت مصيبة والغفلة عنه من أعظم المصائب فالموت هائل وخطره عظيم والناس في غفلة عنه لقلة فكرهم فيه وذكرهم له
مقتطفات من كتاب (هادم اللذات) لفضيلة الشيخ أبو عمار المصري

يبقي انت اكيد في مصر

طبعا كل طلبة تافرقه التالته دلوقت مستنيين التدريب الصيفي والنتيجه كمان
مش هتكلم عن النتيجه وخلينا في التدريب
مش عارف ليه دايما مش بنستقر علي حاجه في حياتنا
دايما بنغير بنغير ... ويا ريت بفايده
تلاقي نظام التعليم بيتغير ومش عارف ايه بيتغير وبيضيفوا وبيمسحوا حاجات ومناهج
وكلام كتير مبيحصلش غير في مصر
وده كله عشان نتقدم او نواكب التقدم
وناسيين حاجه مهمه جدا
اننا نغير تصرفات الناس
تلاقي الموظف من دول رايح الشغل الصبح ومفيش في دماغه اي حاجه
واي حد يروح له
يقوله فوت بكره ... تعالي كمان نص ساعه
ويكون الجو نار ... والواحد مش طايق نفسه
وبردوا مفيش تقدير
طب يا حبيبي قدر اني جيت لك دلوقت ولازم المصلحه دي تتقضي النهارده
وكلام كتير ... ولا حياة لمن تنادي
طب التزم بالميعاد اللي انت قلته ليه اللي هو بكره
تروح له بكره يقولك مش قلت لك تعالي بكره
والمشكله انه مفيش بكره بييجي عند الناس دي
يخرب بيت ام كده
بلاش نظول في الجزئيه دي مش موضوعنا
المهم خلينا في التدريب
ونتكلم شويه عن الخمسين الاوائل اللي جاي ليهم منحه يتدربوا في مصر
طه ماشي
هيتدربوا في ايجلز في مصر
طب ما هو فيه ايجلز هنا وممكن الناس تتدرب هنا مفيش مشاكل
لاء ازاي ... هو النظام كده ... ومتعرفش ليه؟
مش مهم رضينا بكده
لازم تروح الشركه قبل 5/7/2009 طيب رحنا
الناس هناك تقولك ايه؟
لاء لازم حد من الكليه ييجي معاكم
طب هييجي يعمل ايه بالله عليك؟
هو انتم مش عاوزين طلبه يتدربوا وانتم اساسا مظبطين مع الكليه
لاء لازم حد ييجي.... هو معاه كده
طيب يا دكتور شومان الناس هناك بتقول كذا كذا كذا
ولازم حد يروح هناك ... وهو يقول وانا مالي
طب وانت مالك ازاي ... امال مال مين يعني
حاجه تشل
وبعد ضغط من الطلبه ... قال خلاص
هبعت حد من الكليه يوم الحد
ولاحظوا يوم الحد
اللي هو اخر يوم في التقديم قبل 5/7/2009
يا نهار شلل
وهو انت لو بعت حد دلوقت يعني ايه اللي هيحصل؟
هو معاه كده
الناس دي بتعمل كده ليه انا مش لاقي اي سبب مبرر
بجد بتنرفز ومش عارف اعمل حاجه ... اعلي صوتي اقول ايه بس
الناس اساسا رافضه التقدم ... طب ليه بتغيروا وتزودوا وتشيلوا حاجات تحت شعار التقدم
تعالي نروح دوله متقدمه كده
هتلاقي الطالب مبيضيعش وقته في مثل هذه التفاهات والنظام معمول والكل بيمشي عليه
ولو موظف قال بكره وهو في ايده يعمل كده النهارده يبقي ليلة اهله مش معديه

ع العموم
ربنا معاكم يا خماسينو
خلينا بقي في اللي مش من الخمسين
هم ما يتلم ... المشكله مبقيتش في التدريب
المشكله بقت في مكان التدريب وهناخد ايه
الله ... يا جماعه الطاقه الضايعه دي ممكن نستغلها في شغل في بتاع في اي حاجه
بس مش نضيعها كده والسلام
وتلاقي كل واحد برأي
لا في حد بيدلنا ع الصح ولا ع الغلط
الطالب بقي بيمشي من دماغه في الزحمه كده ويا الماشيين
وكل ما نكلم حد بيختلف مع كل الاخرين وليه وجهة نظر مختبفه
طب ما تجمعوا اهالينا وقولوا لنا ايه انسب مكان وانسب حاجات
ويبقي في خيارين تلاته الواحد يختار منهم مش سايبنها عايمه كده والسلام
مفيش حل ومفيش كده
طب التدريب هيبأ امتي؟
اتحدي اي حد في الفرقه التالته يقولي هيبدأ امتي
لانه مفيش ميعاد
سلطه علي كوسه عليها سكر مملح
ومتعرفش اي حاجه عن اي حاجه
ياخي طظ في الكله ع اللي فيها وع اللي بيحطوا النظام اللي مش منظم ده
تعالوا نروح هاي كيو مثلا
لاء يا جماعه التدريب هيبأ اول ما المجموعه تكتمل
اقول ايه للبت دي؟
لا حول ولا قوة الا بالله
افرضي المجموعه مكملتش غير في نص شهر تمانيه مثلا
خلاص تبدأ من هنا
فففففففففففففففففففففففففف
علي كده

بجد بقت مشاكل الطلبه مش في العلم
في الوسائل والوسائط اللي بتسهل ليهم العلم

يلا مش مهم
المهم بقي ايه
MicroSoft Certified
اتفقنا ويا الناس اللي في هاي كيو اننا هناخدها هناك
هي مش تبع العرض بس انا ظبط معاهم
وقولوا لي كون مجموعه
هناخد دوت نت اي لغة برمجه كامله فروم ايه تو زد
وهنبقي اهلين اننا ندخل امتحان السيرتيفيد وناخد الشهاده
المهم طلبوا مننا نكون عدد وهيبقي فيه Deal في الفلوس حسب العدد
واحنا مش لاقيين عدد
فيا ريت اللي حابب الموضوع وانه يبقي سيرتيفيد من مايكروسوفت يبقي يبعت لي
ويا ريت بسرعه لان الموضوع لو مكملش بسرعه هاخد اي حاجه واسلام
المهم ابقي امضي حضور تدريب والسلام
يلا سلام

مما أكره

طبعا كل واحد عنده الحاجات اللي بيحبها والحاجت اللي بيكرها
هتكلم عن حاجتين بكرههم اوي او تلاته
حسب تساهيل ربنا
الحاجه الاولي
تلاقي واحد من الناس عامل فيها بيحبك وبيقف معاك وقشطه يا مان وحركات
بس هو جواه مش بيحبك وبيتمني ان يكون احسن منك
وبيتمني لك اسؤ الاقدار وبيوصل بيهم الحقد لدرجه تخليهم يدعو عليك
النوع ده من الناس للاسف زاد بدرجه كبيره اوي
وكل واحد بقي بيقول نفسي نفسي
واللي يغيظك بقي ايه؟؟؟
تلاقي الناس دي بتغلطك وتحاول توقعك في الغلط ويطلبوا منك حاجات انت مش حابب تعملها ... ولما تطلع جدع معاهم وتعملها مش يثقوا فيك بقا وخلاص خلصت
لاء
بيحطوك في مشكله غيرها ويضغطوا عليك عشان تعملها
وللاسف بتطلع جدع معاهم ... وده بيغيظهم اكتر
المشكله مش في كده
المشكله يفضلوا يوقعوك وانت تقوم .... يطلبوا منك حاجات وتطلع جدع معاهم
وعند اول نص غلطه ... مجرد نص غلطه
تلاقي القناع اتشال والوجه الاصلي قد ظهر
وخد كلام عنك مش فيك ... وذم وتحقير من العيار الثقيل
وانت فاكر ياد لما كان كذا وكذا وكذا ... ويقعد يكتر في الجميله الوحيده اللي عملها لك في حياته
مقابل كم من الجمايل .... نسي كل ده وظهر علي حقيقته
الله عليك ... طب اسمع النص التاني يا ابني جايز تغير وجهة نظرك
لاء ... انت ازاي تعمل كذا
ولما الموقف يكتمل قدامه ويتعمل الجزء التاني من الموقف....الله مش تقول كده يا ابو صلاح
انا بحسب ............... فففففففففف
الكلمه دي بكرهها موت .... انا بحسب
انت بتحسب يبقي انت بفكر في كده فبالتالي بتتمني حاجه زي كده تحصل عشان تظهر فيها كل قدراتك
وهنا انت بتعرف صاحبك وبتعلم عليه
ويبقي قدامك حلين....الحل التالت انك تتفاداه في مشابهات تلك المواقف

تصدقوا بالله انا كتبت الموضوع ده عشان خاطر واحد معين مهما بعمله شايل مني وحاسس اني مش قد المسئوليه
الراجل ده دخل عليه حالا .... وعمل موقف بلاش اقول عليه
وقال : ادي محمه ابو صلاح اللي انت تعرفه يا باسم ... ماشي يا عم سلطان اعمل اللي انت عاوزة
والناس دي بينطبق عليها (ان لم تجد النار ما تأكله أكلت نفسها)

نروح بقي لنوع اخر من الناس
ناس تلاقيها عامله نفسها فاهمه كل حاجه
وبتحشر مناخيرها فــ اللي ليها فيه واللي ملهاش فيه
ومفكرين انهم اذكي الناس ... وانهم فاهمين كل الناس وبيعرفوا يقروا العيون
مبدئيا كده يا جماعه
اوعي تدخل نفسك في موضوع انت مقريتش فيه قبل كده او اتعرضت له قبل كده او سمعت عنه قبل كده
الماده العلميه مهمه جدا في بعض المواقف
لازم يبقي عندك معرفه عشان تعرف تتكلم
والا فالتزم الصمت ... حتي تتجنب الاخطاء
المهم بقي ان الناس دي ... تلاقيها بتستغبي الناس
ومفكرين ان الناس دي مش كاشفه حقيقتهم مــ الاول خالص
تلاقي موقف بيحصل كده
انا هارش الدور كله .... وعارف ايه اللي بيحصل وايه اللي هيحصل وبراهن نفسي علي اللي هيحصل وغالبا ما بكسب الرهان
بكره انا الناس اللي بتستغباني ... مش عشان انا ذكي بقي والكلام اللي ممكن ينطبع في ذهنكم ده
بس انا بقرا اي حاجه بسرعه
تعمل موقف اقدر احدد انت عملت كده ليه
اقولك كذا تقولي لاء.... وهيا أه ... بس بعديها ... وتكررها واعديها
انما بعد كده متستهبلش بقي .... انا مش عبيط اوي كده
عشان كده انا مستغباش حد
وعارف ان كل واحد مهما كان قدره هو فاهم وعارف انا بعمل ايه وليه... وده بيحطني في منطقه ان انا بقدر الامكان بحاول اتجانب الكذب
لاني مفهم نفسي ان انا مقري ... واني كتاب مفتوح لجميع القراء
بس احذرني الكتاب المفتوح ده مشفر ومش اي حد يفك شفرته
عشان كده مهما كان قدر اللي قدامك متحاولش تقلل منه بين قوسين تشتغباه
حاجه اخيره كده
مهما كان اللي قدامك ده بيعمل حاجات وتصرفات
مهما عظمت اوعي تسخر منه او تسئ اليه ..... لسبب بسيط جدا
انت مش عارف هو بيعمل كده ليه؟
س ل ا م ي

الحمد لله ... مفيش صليبي ولا بتاع

اولا مبروك علينا الاجازة
وكل سنه وانتم طيبين
وان شاء الله السنه الجايه نشيل كلمة طالب مــ البطاقه

المهم بقي ايه
كنا بنلعب كورة امبارح
والعمليه منحسه معايا بقالها ماتشين تلاته ومش عارفين ندخل ولا جون بس متقلقوش الاجازة جايه والجوان دي لعبتي
المهم كنا بنلعب امبارح ... وكنا مغلوبين اتنين واحد
وفاضل مــ الوقت اقل من دقيقه وركنيه لينا
المهم الركنيه اتلعبت اي كلام مش فـــ المكان اللي شاورت للواد يلعبها لي فيها
المهم انا رميت نفسي ع الكورة وشطها زي ما تيجي
اتاري واحد مـــ الفريق التاني اخدها وراح عــ الجون بتاعنا
انا بقي مندفع ومغلوبين وبشوط بكل عزمي
واحد قطعها والتاني مادد رجله معايا ... الله عليك يا ابني
ابص الاقي الاخ التاني ده
رجل اليمه دي ورجل اليمه دي وانا رجلي في النص وداخل بكل عزمي والواد واقف عند الركبه بالظبط
ثم ان الكورة اتاخدت خلاص
الراجل التاني ده طار في الهوا ونزل تاني وانا بشوط قمت رافعه مكان ما نزل
وعينك ما تشوف الا الوجع
احنا الاتنين اتكومنا عـــ الارض
انا ماسك ركبتي لان الراجل نزل عليها
والراجل ماسك
.
.
.
ماسك باطنه ومتكوم جمبي
انا كنت مرعوب ليكون جالي صليبي فيها
لان المفروض المفصل ده بيتحرك لورا بس
هنا بقي عمل زاويه لقدام يعني رجلي طلعت صوت وانا كمان طلعت صوت
المهم
كنت قايم شويه رجلي تعباني
وفضلت شويه بره ونزلت عـــ الماتش التاني
والحمد لله كانت سليمه
بس لا انا قادر افردها ولا اتنيها
المهم كملنا اليوم وتمام ونمنا وصحينا
وعينك ما تشوف الا الورم
قايم ركبتي مش ركبتي ولا حاسس بيها ونازله تكتكه مع كل حركه
انا اقولها اعقلي احنا لسه في اول الاجازة
والمباريات ياما جايه
وانا ماسك بابور الجاز ورافعه
افرح يا ابو تريكه افرح يا ميدو افرح شوقي
ابوصلاح جاله صليبي

بس الحمد لله دخلت الامتحان بالاصابه
وطلعت لاقيت كله تمام
بس في تكه بسيطه كده
الحمد لله

وبعوده يا ملاعب

من غير كسوف

من غير كسوف
ايوه انا مليت من كتر ما استنيت وتعبت لما داريت احساسي بعنيكي
من غير كسوف
انتي اللي انا حبيت وعشقت واتمنيت شيلتك في قلبي سنين عمال اخبيكي
مشيت وياكي للاخر اتاري اولك اخر
عينيكي خدتني للحلم اللي مبيكملش
كلام خلي احلامي تشوفني واشوفها قدامي
وهبتيني وخلاص
مقدرش متكلمش

من أروع ما قرأت

وقع حصان أحد المزارعين في بئر مياه عميقة ولكنها جافة بدأ الحيوان بالصهيل ....
واستمر هكذا عدة ساعات كان المزارع خلالها يبحث الموقف ويفكر كيف يستعيد الحصان؟
ولم يستغرق الأمر طويلاً كي يقنع نفسه بأن الحصان قد أصبح عجوزاً
وأن تكلفة استخراجه تقترب من تكلفة شراء حصان آخر
هذا إلى جانب أن البئر جافة منذ زمن طويل وتحتاج إلى ردمها بأي شكل
وهكذا نادى المزارع جيرانه وطلب منهم مساعدته في ردم البئر كي يحل مشكلتين في آن واحد،
التخلص من البئر الجاف ودفن الحصان
وبدأ الجميع بالمعاول والجواريف في جمع الأتربة والنفايات وإلقائها في البئر
في بادئ الأمر، أدرك الحصان حقيقة ما يجري
حيث أخذ في الصهيل بصوت عال يملؤه الألم وطلب النجدة
وبعد قليل من الوقت اندهش الجميع لانقطاع صوت الحصان فجأة
وبعد عدد قليل من الجواريف، نظر المزارع إلى داخل البئر وقد صعق لما رآه
فقد وجد الحصان مشغولاً بهز ظهره
فكلما سقطت عليه الأتربة يرميها بدوره على الأرض ويرتفع هو بمقدار خطوة واحدة لأعلى
وهكذا استمر الحال الكل يلقي الأوساخ إلى داخل البئر فتقع على ظهر الحصان
فيهز ظهره فتسقط على الأرض حيث يرتفع خطوة بخطوة إلى أعلى
وبعد الفترة اللازمة لملء البئر اقترب الحصان للاعلى
و قفز قفزة بسيطة وصل بها إلى خارج البئر بسلام

كذلك الحياة تلقي بأوجاعها وأثقالها عليك

كلما حاولت أن تنسى همومك فهي لن تنساك وسوف تواصل إلقاء نفسها

وكل مشكلة تواجهك في الحياة هي حفنة تراب

يجب أن تنفضهاعن ظهرك حتى تتغلب عليها وترتفع بذلك خطوة للأعلى

انفض جانبا وخذ خطوة فوقه لتجد نفسك يوما على القمة

لا تتوقف ولا تستسلم أبدا مهما شعرت أن الآخرين يريدون دفنك حيا

اجعل قلبك خالياً من الهموم اجعل عقلك خالياً من القلق

عش حياتك ببساطة أكثر من العطاء وتوقع المصاعب

توقع أن تأخذ القليل

توكل على الله واطمئن لعدالته



************ *



حرية الارادة لا تكون الا في عالم يحدث فيه الخير والشر

وينقاد الانسان الى العمل الصالح غير مكره عليه .

عفوا ... مثال واحد لا يكفي

طول ماحنا عايشين في الدنيا دي ... بنتعلم
لكل قاعده شواذ ... ومينفعش ناخد كل حاله شاذه علي انها قاعده مستقله بذاتها ... بل وبنطبقها علي حاجات تانيه علي اساس انها قاعده علي الرغم من انها حاله شاذه من قاعده
يعني مينفعش نخلي الحاله الشاذه قاعده ونطبقها
ربنا خلق الكون ده والــDefault بتاع كل حاجه فيه انها حاجه حلوه
وربنا بردوا خلق الانسان والــDefault بتاعه انه يكون مسلم
ولما اقول مسلم يبقي نتخيلي كل حاجه حلوة يجب ان يتحلي بها المسلم
وعلي الرغم من كثرة الحالات الشاذه ... بس مهما كتروا مينفعش نخليهم قاعده
وننسي القواعد الاساسيه (الامانه ... الحب ... الخير)
دي مقدمه بسيطه وغير مفهومه -اكيد- بس اللي هياخد الكلام علي صدره ( ويطلعه من مناخيره ) ممكن يعرف انا عاوز اوصل لايه؟
ندخل فـــ الموضوع؟ ... ندخل:
الناس الكبيره دي حاجه غريبه جدا...فاكرين نفسهم عارفين كل حاجه...من شوية تجارب مرت عليهم فـــ حياتهم يبقوا احاطوا بكل شئ علما
وده مش صح بالدرجه الكافيه (يعني منقدرش نقول عليه صح)
لان كل تجربه بنمر بيها فــ حياتنا ليها مكان وزمان وناس ومناخ بيختلف من حين لاخر
ممكن عالم يعمل تجربه فــ الصيف .... وتفشل ... يقوم قايلك ان المعادله دي غلط
ممكن تكون غلط فعلا
بس بردوا ممكن يكون الحر اللي في الزمن ده بين قوسين الصيف هو سبب فشل التجربه
جرب ياخي تعملها في مناخ غير اللي جربتها فيه....... مـــ حــ د ش فــ ا هــ مــ حــ ا جــ هــ
... هتلاقيهم بيقولو لك أن الزيت عمره ما بيختلط بالماء
ميعرفوش انه ممكن يختلط فعلا ... بس لو حطينا عليهم صابون
لان الصابون بيخلي الزيت يختلط بالميه
تيجي تقولهم كده ... يقولو لك هو عشان انت اتعلمتلي كلمتين هتتنطط بيهم عليه
يا عم ابوس ايدك طب جرب انت زعلان ليه؟
يقولو لك يا سيدي جربت ولاقيت مينفعش
يا سيدي الله يهديك ... الطب كل يوم بيتقدم جرب بس
ولما تجرب قدامه والتجربه تنجح ... مش هيقتنع بردوا وهيقنع نفسه ان هو الصح
طب ولو مجربتش قدامه بقـــــــــــــــــــــي
........ م ش ع ا ر ف ب ص ر ا ح ه
تيجي تقول لهم الناس كلهم كويسين الا ان يثبتوا العكس ... دا ده اللي ربنا فطر عليه البشر
ومن كتر ما هما جربوا واتعاملوا مع ناس يقولوا لك لاء
الناس كلهم وحشين الا ان يثبتوا العكس
اخدوا الشواذ علي انهم القاعده ونسيوا القاعده نفسها
يا عم اللي يرضي عنك ... انت مهما اتعاملت مع ناس كتير فأنت متعاملتش معاهم كلهم عشان تاخد شواذهم قاعده وتطبقها في غير مكانها
حاجه فـــ منتهي الغرابه
صحيح ان زمانا ده ميعلمش بيه الا ربنا ... وكتر الحالات الشاذه فيه واللي بقت بمثابة قاعده ... بس مش معني كده اني اطبقها
وامشي بقي اخون اي واحد الا ان يثبت لي ان هو امين ... هو مش مضطر لكده اساسا
عشان كده بقول
مثال واحد لا يكفي
وحاجه اخيره احب اقولها
ان اللي بيدور علي حاجه بيلاقيها
اللي بيدور عــ الحب هيلاقيه واللي بيدور عــ الكره بردوا بيلاقيه
اللي بيدور عــ الخير هيلاقيه واللي بيدور عــ الشر بردوا بيلاقيه
صفي نفسك من جوة وكله هيكون تمام
وشوف انت عاوز ايه وهتلاقيه ... ولو مش لاقيت اللي انت عاوزة او وقعت في منطقه مش بتاعتك يبقي العيب فيك
لانك كنت بتدور فعلا عــ المنطقه الغلط اللي وقعت فيها
والدليل انك لما لاقيتها
.
.
.
وقعت فيها

س ل ا م ي

ليه يا دنيا

ليه يا دنيا الواحد بيقرب من ناس بيعاه

ليه يا دنيا الواحد بيتغرب عن ناس شرياه

ليه ديماً نظلم ليه دايماً نألم

ليه نأسى ونجرح ونعذب كل اللي ادالنا هواه

ليه اللي بايعنا واللي يضيعنا واللي يبخدعنا وبيخنا بنضحي بروحنا فداه

أول ما بنكبر بنهرب من ماضينا

وأول ما بنقدر ندوس أقربنا لينا

بعد ده كله نعيب على الدنيا واحناالعيب مالينا

ولا حب هممنا

ولا فرح لممنا

بندور عللي بيتعبنا ويألمنا ونجري وراه

مشاعرنا قويه مليانة أسية

دور على واحد في المية يوفيلك من جواه

أول ما بتعلي كتير بيكون حبيبك

وأول ما بتحلي كتير بيدارو عيبك

وأول ما الأيام تغدر بك تقوم الناس تسيبك

القسمة حبايب أصحاب وقرايب

لكن الإحساس دايماً غايب

والحب خلاص بعناه

ولا حضن قريب ولا قلب طيب

والظالم تايه في الطيب