سلامات يا هوي

بلوجي العزيز

اللي كان جزء مني في فتره من الفترات

بعتذرلك عن التقصير

بس كثيرا ما كانت تغازلني افكاري فاكتب بعضها ولا انشره واحتفظ ببعضها لتبقي مجرد فكره

وافتكر اني كنت كاتب موضوع كبيـــــــــــــــــــر اوي قبل ما اروح الجيش

ومش فاكر منشرتهوش ليه .. جايز لانه كان شخصي ويحكي حقبه زمنيه خاصه جدا

ويمكن مكنتش عاوز ااذي حد بالكلام

فاكر اني كنت عاوز اكتب مواقف في الجيش

فاكر اني كنت عاوز اكتب عن الجدار العازل

فاكر اني كنت عاوز اكتب سينا

فاكر اني كنت عاوز اكتب صلاح ابو اسماعيل

فاكر اني كنت عاوز اكتب العك اللي بيحصل في البلد

فاكر اني كنت عاوز اكتب محدثي السياسه

فاكر اني كنت عاوز اكتب حاجات كتير

بس قلة القراءه وردود الافعال هي ما كانت تحجبني عن الكتابه

دلوقت مش عارف اكتب ايه بس هعمل ريفرش للبلوج وخلاص

حاجات كتير حصلت من اخر مره كنت موجود فيها هنا

بس الوقت لم يسعفني اني اكتب مش لعدم وجوده ولكن فقط لقلة اهمية اسباب الكتابه هنا

بس اتاكدو ان انا متغيرتش كتير غير اني عرفت ناس جدعان جدا جدا جدا في الجيش

لدرجة اني عيطت اخر مره اللي هيا 3/4/2012 يوم حفلة التخرج

ودي حاجه مبعملهاش قدام حد

بس اتضحلي حاجات كتير في اليوم ده

وجايز الخنقة اللي انا فيها دلوقت للسبب ده

كلها ايام وهتعدي ان شاء الله

والحمد لله بقيت ملازم دلوقت وربنا يعدي باقي المده علي خير

الفكر الصحيح

طبعا انا بقيت بحب التاريخ جدا الفتره اللي فاتت جدا الفتره الاخيره
الواحد مش عارف كان عايش ازاي من غير ما يبقي عارف الدنيا دي كانت ماشيه ازاي
انا طول عمري اساسا كنت احب التاريخ
بس كنت بكره اسلوب التحفيظ بتاع المدارس فكان عندي مشكله وعقده فيه
بس مكرهتهوش
بجد الواحد لما دخل علم قصدي ادب التاريخ من طريق غير المذكور اعلاه
أدمنه بمعني الكلمه لدرجة ان الواحد فكر يعمل دبلومه في التاريخ اثناء الجيش
لان التاريخ فعلا بيعيد نفسه مع اختلاف الزمان والمكان والاشخاص
بس بتبقي نفس الفكره
من خلال صولاتي وجولاتي في التاريخ عرفت ان مصر داخله مرحله محدش واخد باله منها
هتكون القاهره اشبه بكثر الي
إسطنبول عاصمة الدوله العثمانيه الاسلاميه وانكره عاصمة الدوله التركيه العلمانيه
نروح لموضوعنا
بلا مصر بلا كلام فارغ
هروح للفتره ما بين 132:138 هــ اللي هيا والتي تشبه كثرا الاحداث اللي احنا فيها دلوقت
من ثورات في كل مكان
ناس مبتحبش ناس
وانقلابات في الحكم ودول بتقوم ودول بتموت
ولا ننسي الفتايين ايضا
العباسيين عملو مجازر للامويين ومفيش حد من العائله الامويه مكنش مطلوب الرأس
دول شمال افريقيا كانت منفصله عن الدوله الامويه وعمالين يفرقوا بين العرب والبربر
الاندلس كانت مستبعده تماما عن فكر المسلمين في الفتره دي
وكانت فريسه سهله للنصاري وخصوصا ان الاندلس كانت حريقة ثورات في الفتره دي
لدرجة ان المؤرخين قالوا كاد الاسلام ان ينتهي في بلاد الاندلس عام 138هــ
لو هتكلم عن الشخصيه اللي ابهرت العالم واللي محدش ظهر بعده في نفس قوته وعقله
عبدالرحمن بن معاويه بن الوليد بن عبدالملك
قصته تستحق مسلسل منذ ولادته وكيف نجا من العباسيين والي اين اتجه وكيف فكر وهو مازال أمردا
تحفه بجد
تفكيره وعبقريته في الفتره من 123:138 هــ واللي كان عمره فيها من 19:25 سنه
معتقدش ان التاريخ فيه واحد في السن ده كما عبدالرحمن بن معاويه
بعد رحله استمرت 6سنوات وهروبه من العراق"نهر الفرات"مرورا بالحجاز و مصر والقيروان رجوعا الي ليبيا ثم استقراره في الاندلس
وبعد فكر يحسد عليه جمع اليمنيون ومعظم الامويين اللي كانوا متفرقين في كل الدول الاسلاميه
ذهب عبدالرحمن بن معاويه الي يوسف بن عبدالرحمن الفهري
وراسله انه من امراء الامويين ويريد ان يوليه علي احدي الامارات الاندلسيه ليساعده في قمع الثورات والجهاد ضد النصاري
رفض يوسف الفهري واعلن الحرب عليه
وقبل الحرب خاف اليمنيون ان يهرب عبدالرحمن بن معاويه من الحرب ويتركهم في مواجهة الفهريين
ولكنه ثبتهم بطريقه بتعبر عن مدي عبقريته بس مش موضوعنا
المهم بعد الحرب كسب عبدالرحمن بن معاويه علي يوسف الفهري
هرب الفهري ومن تبقي معه
وكانت العادات زمان ان الجيش اللي بيكسب بيلاحق الجيش اللي بيخسر لحد ما يخلص عليه
زي ما عمل بيبرس وقظز مع التتار
معظم الناس كانت بتكلم علي معركة عين جالوت
طبعا تستحق لانها كانت مجزره
اللي يعرف احداثها وخصوصا لما قطز نفذ خططته وعرف التتار انهم محصورين
ولا مخرج لهم الا السيف
محدش طبعا يعرف هما عملو ايه
احسن لو عرفتوا اللي حصل مش هتستحمل انك تتخيل
بس بعد الميمنه التتريه فرتكت الميسره المسلمه وقدر يهرب شوية
وخلاص المسلمين كسبو بس قرروا انهم يجروا وراهم
حصلت معركه تانيه عند ارض بيسان علي بعد 20كم من عين جالوت
اجمع المؤرخون علي انها أصعب من المعركة الاولي
لانها كانت معركة البقاء للجيش الذي لا يقهر الذي سيطر علي نصف الكرة الارضيه في اقل من 40 سنه
انا متخيل ايه اللي حصل وازاي المسلمين قدروا يخلصو علي الجيش كله
يعني متبقاش ولا واحد فيه زي معركة الزلاقه بالظبط
بيبرس ده كان مفتري هو وقظز كانو زي ميسي وتشافي كده
ااااااااااااه
المهم بعد ما قرر اليمنيين انهم يلاحقوا الفهريين ويخلصوا عليهم
وقفهم عبدالرحمن بن معاويه وقالهم كلمات تكتب بماء من ذهب
وهو لب الموضوع ده
نعم الشاب انت يا بن معاويه
قالهم

لا تتبعوهم ... اتركوهم ... لا تستأصوا شأفة أعداء
ترجون صداقتهم
واستبقوهم لأشد عداوة منهم

معندهوش اي عنجهيه مصريه ولا نفخه كدابه ولا كبرياء الفراعنه ولا اي حاجه من اللي بنشوفها دي
عنده هدف محدد وبيسعي لتحقيقه
حاولوا تقارنو الجملتين اللي فاتوا دول باللي بيحصل في النظام السابق كده
شوف مدي تفاهة الشعب اللي مضيع وقته في ميدان التحرير
والشباب اللي موجه اهتمامه لحاجات هو ميعرفش ابعادها اساسا
والمنتجين اللي مضيعين فلوسهم في انتاج برامج يتريقوا ع النظام السابق
مضيع وقته في انه يطلع لك فيلم وثائقي فكرته ان مبارك رئيس بالصدفه وانه ذكائه محدود
يا لهوي علي اللي بيحصل
كل واحد الصغير قبل الكبير فاكر نفسه ابوالعريف وفاهم كل حاجه ويطلع يقول ويعيد ويزيد
هو اساسا اتحدي اللي جابوه انه يعرف المعني اللغوي لكلمة فلول اساسا
ومفرد فلول دي فل بفتح الفاء او ضمها او كسرها
والله اتحداه
ويقولك مجلس عسكري ومجلس ظابط وهو ميعرفش حاجه
واحد كل علاقته بالسياسه انه بيسمع ناس كتير بتتكلم في السياسه
والاعلام والاعلاميين اللي اقسم بالله ما بيدور غير علي مجد اعلامي وشهره شخصيه
ش خ ص ي ه
استثني عمرو الليثي وفقط حتي انه لا يخرج عن القطيع
موضوع بدأت اكتبه من فتره كده عن الحكم عن الرئيس
اول جريدة المصري اليوم اجيبها بعد ما بدأت اكتب في الموضوع
لاقيتهم كاتبين عن روح التسامح التي يجب ان يتحلي بها الشعب قبل القانون
الموضوع كان جامد
اي نعم مكنش مغطي كل ابعاد فكرتي بس كويس انه في واحد غيري فكر في كده
سكيت عن الموضوع ولكن
يا تافه منك ليه لما يقتلو الرئيس هتستفاد ايه
هيعملو ام علي ويوزعوها عليك
وعينك علي ام علي ومش خايف من علي اللي هيشوف امه مع حد هيخربها
المشكله انه مش هيرتاح النار اذا لم تجد ما لم تأكله اكلت نفسها
انا شايف ان الناس دي لو اتعاملو بالحسني هتطلع منهم بمعلومات ممكن تزق البلد خمسين سنه قدام مره واحده
وحلول لشوية مشاكل قديمه كانت معاهم ومنفذوهاش ورؤيه وعلاقات واسرار وخبايا ومفاتيح ضايعه للبلد
هتاخد وقت كبير لما توصل لها
فين نقاط القوه اللي ممكن تلعب بيها وفين نقاط الضعف اللي لازم تتجنبها
ومين عدوك ومين حبيبك ومين المنافق ومين الكريم ومين البخيل
و...و...و...و...
حاجات مكنش يعرفها غير اللي قاعد فوق
زائد يافلح منك ليه امر عقاب للملك ممكن تعاقبه بيه
انه ميبقاش ملك
واحساسه انه مواطن عادي كده
ماهو محدش فيكم داق السلطان ولته وشقوته
كمان روح التسامح دي عمرك ما هتروح ولا هتيجي من غيرها
بجد مش عارف اتكلم
رحمك الله يا عبدالرحمن بن معاويه بن الوليد بن عبدالملك
يا عبدالرحمن الداخل
يا صقر قريش


ملحوظه
حاجه واحده ممكن تكتشفوها في الموضوع ده
انكم متعرفوش تاريخ كويس

طلع اللي قال الرجل تدب مكان ما تحب
.
.
.
كداب كبير اوي

المعلم ابو لبده

وانس يابون تايم كنت قاعد انا ومحمود
لاقيت التليفون بيرن ورقم غريب
ومن عوايدي مادام حد معرفوش ممكن اي حد يرن عادي
محمود قالي رقم غريب ارد
قولتله رد عادي مش غريب
ابص الاقي الواد محمود مرمي علي الارض من الضحك
مالك ياد يا محمود قام مشغل الاسبيكر وقايل عاوز مين؟؟؟
قام الزبون رادد وقايل المعلم ابو لبده موجود
قضيناها ضحك ولان المايك شغال انا مش عارف اميز الصوت
لاغيته شويه لغيت لما عرفت انه الزبون
والزبون عزمني علي الفطار ولم يحدد الميعاد بعد
قلت له مش عارف يارب بس ميكونش في ماتش يوميها حيث الدوره الرمضانيه اللي فريقنا خدها باكتساح
قالي معرفش هبقي اقولك قبلها
ماشي ... ماشي
وقبليها بقتره بلغني عن الميعاد واللي المفروض قبليه بيوم هبقي علي سفر وفي نفس اليوم اتضح انه في ماتش في الدوره
ولاني عندي ما شاء الله الذاكره حديديه بس مصديه ومفيش اي حاجه بتعلق في الذاكره
نسيت وسافرت
طلعت من البيت بعد الفجر وصلت ع الساعه 10 كده وصيام وحر وشيل وحط وقرف
الساعه جت 2 والواحد مش قادر ع الصوم اتصلنا علي شيخ واباح لينا الفطار نظرا لان معايا واحد لسه في الثانويه والمسافه تستحق الافطار
بس الحمد لله صلينا العصر وريحنا في المسجد خمسايه وكله بقي بيس
خلصنا مشاويرنا وروحنا وكنت في الزقازيق ع الساعه 11 بالليل
من غير فطار ولا يحزنون
خلصنا شغلنا اللي مسافرين عشانه في الزقازيق
ورحت لواحد حبيبي ناكل عنده كريب حوالي الساعه 2 وانا في الطريق الي هناك
الراجل اتصل عليه وقالي يلا عشان نلحق نتسحر في البيت
قلت له خمس دقايق هوصل لابوجميل اضربلي واحد كريب عشان مفططش قالي متتأخرش
وطبعا انا باكل اي حاجه مشطشطه
وبينما نحن نتسحر انا وابن عمي المذكور اعلاه
التليفون بيرن وانا شفت مين لاقيته الراجل التالت اللي معانا
قمت حاطط الموبايل في جيبي وكملت اكل
التليفون يرن وانا تقريبا مش بفكر في اي حاجه لان دماغي فاصله زائد ان الماتش اللي كان قبل السفر بيوم واحد
اتكسرت فيه وخدت خمس كدمات في ركبتي الشمال وقعدت حوالي اسبوع رجلي مبعرفش امشي عليها
والالم بدأ يظهر لاني بدأت اتنرفز من كتر الرن اللي في التليفون
الراجل التالت اتصل علي ابن عمي قاله انا اخدت التاكسي وروحت ابقي تعالوا انتوا بقي مدام مش بتردوا علي التليفون
طبعا انا اتنرفزت جدا جدا وطلعت غلي في البانيه الحار
وروحت في الفجر
طبعا مسافر الفجر ومروح الفجر ومكنتش نمت قبليها بيوم وكنت صايم
حاجه تنيمني يومين من غير ما اصحي
قبل ما انام ببص في الموبايل لاقيت الزبون رن مرتين من ضمن مرنات كتير كانت موجده
بصراحه مش فاكر متصلتش عليه ساعتها ليه بس افتكرت اني ورايا عزومه بكره اللي هو النهارده
نمت وصحيت ع العصر لاقيت الناس بتقول انتوا اللي هتلعبوا النهارده
وده السيمي فاينال وانا لازم ابقي موجود
ولاني مرهق ومصاب ورجلي ربنا لوحده كان اعلم بيها وهيا شبه العجينه
مقدرتش العب ومقدرتش اسافر لاني حتي لو سافرت يادوب هوصل للزبون ع العشا
لان الساعه كانت 4.5 يعني هاااااا يادوب الحق افوق عشان يبقي ليه نفس افطر
طبعا الزبون زعل لاني مفطرطش عنده وناسي اني قلت له اني نفسي اجيلك يوم من زمان لان الواحد مبضون جدي وفي ظروف ومشاكل من كل ناحيه
وطبعا لان الزبون ده هو الوحيد اللي هاخد حريتي معاه في الكلام نظرا لان في مشكله هو الوحيد اللي عارفها من صحابي
لما هو حكالي مشكله انا الوحيد اللي اعرفها لما اترزعله قلمين ع الطاير
وطبعا كمان لانه زعلان وانا زهقان ومبيردش وعامل فيها مقموص وانا مبحبش المياصه
ونظرا كمان لاني مش ناقص اي مشكله تانيه لاني بقالي حوالي اسبوعين ماسك نفسي بالعافيه من دور اكتئاب
لازم اقوله احنا اسفين يا صلاح
وفي مناسبه بكره المفروض هنتجمع فيها وممكن معرفش اجي لاني معرفتش امسك نفسي
بس هرجع واقول مش معقول وعقبالك وعقبالي

عبدالحميد الثاني

الملك عبدالحميد الثاني ده واحد من الشخصيات العظيمه التي تجاهلها التاريخ
ولم تذكره كتب التاريخ الا في سطور معدوده
ولكنه بالفعل يستحق اكثر من ذلك بكثير
اقرأو عنه لتعرفوه
...
انا ليه مع الملك ده موقف مضحك جدا من ايام الاعدادي
الله يمسيك بالخير يا استاذ ناجي
لن انسي منظره وهو بيبصلي ويضحك ويقولي اسمه ايه؟؟؟
.
.
.
نبدأ مع تلك الاسطوره
عبد الحميد بن عبد المجيد الأول السلطان الرابع والثلاثون من سلاطين الدولة العثمانية، وآخر من امتلك سلطة فعلية منهم. وولد في 21 سبتمبر 1842 م، وتولى الحكم عام 1876 م. أبعد عن العرش عام 1909 م بتهمة الرجعية، وأقام تحت الإقامة الجبرية حتى وفاته في 10 فبراير 1918 م. تلقى السلطان عبد الحميد بن عبد المجيد تعليمه بالقصر السلطاني ودرس من اللغات بالإضافة إلى التركية: العربية والفارسية والفرنسية[بحاجة لمصدر] وكذلك درس التاريخ والأدب وأولى اهتمامًا بالشعر. أظهر السلطان روحا إصلاحية وعهد بمنصب الصدر الأعظم إلى مدحت باشا أحد زعماء الإصلاح فأمر بإعلان الدستور وبداية العمل به، وقد كان الدستور مقتبسا عن دساتير دول أوربية مثل: (بلجيكا وفرنسا وغيرها). وضم الدستور 119 مادة تضمنت حقوق يتمتع بها السلطان كأي ملك دستوري، كما نصب الدستور على تشكيل مجلس نواب منتخب دعي بهيئة المبعوثان. يعرفه البعض، بـ "أولو خاقان" أي "الملك العظيم" وعرف في الغرب باسم "السلطان الأحمر"، أو "القاتل الكبير" بسبب مذابح الأرمن التي وقعت في فترة توليه منصبه. يعتبره كثير من المسلمين آخر خليفة فعلي للمسلمين لما كان له من علو الهمة للقضايا الإسلامية وما قام به من مشروع سكة حديد الحجاز التي كانت تربط المدينة المنورة بدمشق وكان ينوي أن يمد هذا الخط الحديدي إلى كل من اسطنبول وبغداد. رحب جزء من الشعب العثماني بالعوده إلى الحكم الدستوري بعد إبعاد السلطان عبد الحميد عن العرش في اعقاب ثورة الشباب التركي. حياته الشخصيه عبد الحميد ولد عبد الحميد الثاني يوم الأربعاء في 21 أيلول (سبتمبر) عام 1842 م، هو ابن السلطان عبد المجيد الأول من زوجته الثانية، اسمها "تيرمشكان" الشركسية الأصل توفيت عن 33 عاما، ولم يتجاوز ابنها السابع سنوات، فأوكل عبد المجيد أمر تربيته إلى زوجة أبيه "بيرستو قادين" التي اعتنت بتربيته، وأولته محبتها؛ لذا منحها عند صعوده للعرش لقب "السلطانة الوالدة". كان عبد المجيد أول خليفة عثماني يرعى مسيرة التغريب في الدولة العثمانية, حيث استحدث الباب العالي (رئاسة مجلس الوزراء), الذي أصبح يتولى مقاليد السلطة, ويقاسم السلطان نفوذه, في حكم الدولة، بينما أصبحت ((مشيخة الإسلام)) مجرد هيئة شورية. وكان رشيد باشا, وزير عبد المجيد, يتمتع بنفوذ الحاكم الحقيقي للبلاد, وبدافع اعتناقه الماسونية كان شديد الإعجاب بكل ما هو غربي, ولهذا فأنه لم يدخر وسعا في إعداد الجيل التالي من الوزراء ورجال الدولة, وان يفسح لهم مجال السلطة والنفوذ. و لقد تعلم عبد الحميد اللغتين العربية والفارسية [بحاجة لمصدر] ودرس الكثير من كتب الادب ودواوين الشعر. وحينما توفي والده عبد المجيد خلفه عمه عبد العزيز ,الذي تابع نهجه في مسيرة التغريب، تحت شعارات الإصلاح والتحديث, ولكنه رغم ذلك لم ينج من مؤامرات القصر, ومعظمهم من جماعة ((تركيا الفتاة)) التي بدأت في التشكيل منذ عام 1860 م, فتم عزله وتدبير مقتله بعد أربعة أيام, ليتولى الخلافة السلطان مراد الخامس, شقيق عبد الحميد وكان في السادسة والثلاثين من عمره, وعلى صداقة حميمة بولي عهد إنجلترا آنذاك, الذي ضمه إلى الماسونية, ممهدا له طريق الحكم, ومعززا صلته باعضاء ((تركيا الفتاة)) التي عملت أحيانا تحت اسم ((العثمانين الجدد)) أو الاتحاد والترقي. واستمر في الخلافة 15 عاما.قبل توليه العرش بتسع سنوات رافق عمه سلطان عبد العزيز الأول في زيارته إلى النمسا وفرنسا وإنجلترا في 1867. وفي بعض سياحاته ورحلاته إلى أوروبا ومصر. التقى عبد الحميد في خلافة عمه بعدد من ملوك العالم الذين زاروا إستانبول. وعُرف عنه مزاولة الرياضة وركوب الخيل والمحافظة على العبادات والشعائر الإسلامية والبعد عن المسكرات والميل إلى العزلة، وكان والده يصفه بالشكاك الصامت. كان عبد الحميد نجارا ماهرا، وكان يملك مشغلا صغيرا في حديقة قصره في إستانبول. وكانت له اهتمامات مختلفة من بينها هواية التصوير وكان مهتما بالأوبرا وكتب شخصيا لأول مرة على الإطلاق العديد من الترجمات التركية للأوبرا الكلاسيكية. كما أنه ألف عدة قطع أوبراليه لmızıka - I hümayun، واستضاف المؤدين الشهيرين من أوروبا في دار الأوبرا yıldız. وكان لديه هواية التصوير وقام بتصوير كل أنحاء إستانبول وجمعها في ألبوم يتكون من 12 مجلد، والألبوم محفوط حاليا في مكتبة الكونغرس في واشنطن في القسم التركي أخبار العالم ,و كان يملك مكتبا للترجمة يعمل فيه 6 مترجمين وكان يعطي أجرا إضافيا لترجمة الروايات البوليسية.و قد كان معجبا بروايات شارلوك هولمز. فترة حكمه تولى السلطان عبد الحميد الثاني الحكم، في 11 شعبان 1293هـ، الموافق 31 آب (أغسطس) 1876م، وتبوَّأ عرش السلطنة يومئذٍ على أسوأ حال، حيث كانت الدولة في منتهى السوء والاضطراب، سواء في ذلك الأوضاع الداخلية والخارجية. وفي نفس السنة دخلت الدولة العثمانية في أزمة مالية خانقة في فترة السلطان عبد العزيز المبذر ونجح العثمانيون الجدد من الاطاحة بحكمه سنة 1876م، في مؤامرة دبرها بعض رجال القصر، واعتلى العرش من بعده مراد الخامس شقيق عبد الحميد، ليكون السلطان الجديد، إلا انه عُزل بعد مدة قصيرة قوامها حوالي ثلاثة أشهر وثلاثة ايام، فتولى عبد الحميد الحكم من بعده الذي وافق مع العثمانيين الجدد على إتباع سياسة عثمانية متحررة. وقد نفى مدحت باشا إلى الطائف. سوء الأوضاع الخارجية أتفقت الدول الغربية على الإجهاز على الدولة العثمانية التي أسموها "تركة الرجل المريض"، ومن ثم تقاسم أجزائها، هذا بالإضافة إلى تمرد البوسنة والهرسك، الذين هزموا الجيش العثماني وحاصروه في الجبل الأسود، وإعلان الصرب الحرب على الدولة بقوات منظمة وخطرة، وانفجار الحرب الروسية الفظيعة التي قامت سنة 1294هـ، الموافق سنة 1877م، وضغط دول الغرب المسيحية على الدولة لإعلان الدستور وتحقيق الإصلاحات في البلاد، بالإضافة إلى قيام الثورات في بلغاريا بتحريض ومساعدة من روسيا والنمسا. سوء الأوضاع الداخلية أفلست خزينة الدولة وتراكمت عليها الديون، حيث بلغ الدين العام العثماني ما يزيد عن 200 مليون ليرة عام 1881. كما ظهر التعصب القومي والدعوات القومية والجمعيات ذات الأهداف السياسية، وكانت أهم مراكز هذه الجمعيات في بيروت واسطنبول، وقد كان للمسيحية دورها الكبير في إذكاء تلك الجمعيات التي أنشئت في بيروت والتي كان من مؤسسيها بطرس البستاني (1819م-1883م) وناصيف اليازجي (1800-1817م). وأما الجمعيات التي أنشئت في اسطنبول فقد ضمت مختلف العناصر والفئات، وكان لليهود فيها دور كبير، خاصة يهود الدَوْنَمة، ومن أشهر هذه الجمعيات "جمعية تركيا الفتاة" التي أُسست في باريس، وكان لها فروع في برلين وسلانيك واستانبول، وكانت برئاسة أحمد رضا بك، الذي فتن بأوروبا وبأفكار الثورة الفرنسية. وقد كانت هذه الجمعيات تُدار بأيدي الماسونية العالمية. ومن الأمور السيئة في الأوضاع الداخلية أيضًا، وجود رجال كان لهم دور خطير في الدولة قد فُتنوا بالتطور الحاصل في أوروبا وبأفكارها، وكانوا بعيدين عن معرفة الإسلام، ويتهمون الخلفاء بالحكم المطلق، الدكتاتوري ويطالبون بوضع دستور للدولة على نمط الدول الأوروبية المسيحية. إصلاحات دستورية في عهد السلطان عبد الحميد الثاني، دعا سعيد النورسي وهو كردي من قرية نورشين وأحد قادة الطرق الدينية البارزين وغيره إلى إصلاحات دستورية وتعليمية من بينها تقيد سلطات السلطان عبد الحميد الثاني وهو ما سمى بـ«المشروطية»، وإنشاء جامعة في مدينة «فان» التركية للنهضة العلمية، ولما رفض السلطان عبد الحميد هذه الطلبات، دعم قادة الطرق الدينية التركية جمعية «الاتحاد والترقي» التي كانت تريد إصلاحات سياسية واجتماعية وكانت تعارض السلطان عبد الحميد.[1] دبرت جمعية «الاتحاد والترقي» عام 1908 انقلابا على السلطان عبد الحميد تحت شعار (حرية، عدالة، مساواة). وتعهد الانقلابيون بوضع حد للتمييز في الحقوق والواجبات بين السكان على أساس الدين والعرق. من أهم منجزاته في وسط هذه التيارات والأمواج المتلاطمة تقلد السلطان عبد الحميد الحكم، وبدأ في العمل وفق السياسة الآتية: حاول كسب بعض المناوئين له واستمالتهم إلى صفه بكل ما يستطيع ، كما بذل جهده في تعيين من يرضاهم في مناصب الدولة المختلفة أمثال الغازي عثمان باشا و أحمد باشا مختار . دعا جميع مسلمي العالم في آسيا الوسطى وفي الهند والصين وأواسط أفريقيا وغيرها إلى الوحدة الإسلامية والانضواء تحت لواء الجامعة الإسلامية، ونشر شعاره المعروف "يا مسلمي العالم اتحدوا"، وأنشأ مدرسة للدعاة المسلمين سرعان ما أنتشر خريجوها في كل أطراف العالم الإسلامي الذي لقي منه السلطان كل القبول والتعاطف والتأييد لتلك الدعوة، ولكن قوى الغرب قامت لمناهضة تلك الدعوة ومهاجمتها. قرَّب إليه الكثير من رجال العلم والسياسة المسلمين واستمع إلى نصائحهم وتوجيهاتهم. عمل على تنظيم المحاكم والعمل في "مجلة الأحكام العدلية" وفق الشريعة الإسلامية. قام ببعض الإصلاحات مثل القضاء على معظم الإقطاعات الكبيرة المنتشرة في كثير من أجزاء الدولة، والعمل على القضاء على الرشوة وفساد الإدارة. أنشأ العديد من المدارس و الكليات و دور العلم ، واهتم ببناء ثقافة المواطن العثماني وتدريبه في سبيل النهوض بالبلاد في المستقبل ، وشاركت أغلب الكوادر التي تعلمت في عهده في الحرب العالمية الأولى. عامل الأقليات والأجناس غير التركية معاملة خاصة، كي تضعف فكرة العصبية، وغض طرفه عن بعض إساءاتهم، مثل الرعب الذي نشرته عصابات الأرمن، ومثل محاولة الأرمن مع اليهود اغتياله أثناء خروجه لصلاة الجمعة، وذلك لكي لا يترك أي ثغرة تنفذ منها الدول الأجنبية للتدخل في شؤون الدولة. عمل على سياسة الإيقاع بين القوى العالمية آنذاك لكي تشتبك فيما بينها ، وتسلم الدولة من شرورها، ولهذا حبس الأسطول العثماني في الخليج ولم يخرجه حتى للتدريب. اهتم بتدريب الجيش وتقوية مركز الخلافة ، و يذكر السلطان عبد الحميد في مذكراته أن البحرية العثمانية في عهده كانت تمتلك الغواصات و تشرع في تطويرها ، في حين أن البحرية البريطانية كانت تخلو من هذا السلاح. اهتم بديون الدولة فعمل جاهدا على تقليل النفقات و الاستثمار في سكك الحديد وامتنع عن الدخول في الحروب مستخدما دهاءه السياسي لما كانت الحروب تتطلب مصاريف كثيرة. حرص على إتمام مشروع خط سكة حديد الحجاز التي تربط بين دمشق والمدينة المنورة لِمَا كان يراه من أن هذا المشروع فيه تقوية للرابطة بين المسلمين، تلك الرابطة التي تمثل صخرة صلبة تتحطم عليها كل الخيانات والخدع الإنجليزية، على حد تعبير السلطان نفسه. كون جهاز مخابرات خاصا به و عمل على تنميته حتى أصبح يضاهي المخابرات الإنكليزية والفرنسية ، و تمكن الجهاز من التغلغل في إحدى سفارات الدول الكبرى حتى أصبحت نسخ من المراسلات التي تتم بين السفير و دولته على مكتب السلطان. أنشئ قصر النجمة بأمره. ويوجد في متحف قصر النجمة في القصر منجرة مخصصة لتأمين الموبيليا للقصر, لأن السلطان عبد الحميد الثاني يحب النجارة ومعروف بالحفر اليدوي وأعطى اهتمام في هذا الموضوع. وكل الأثار المعروضة في المتحف هي أغراض القصر نفسه. تم إنشاء مسرح قصر النجمة بأمر السلطان عبد الحميد الثاني في عام 1889.و بعد الإصلاحات الضرورية تم افتتاح المتحف كمتحف للفنون والمسرح. ويوجد قسم من المتحف خاص بالملابس التي أستخدمت في المسرح نفسه. مذابح الأرمن بدأت قضية مذابح الأرمن في عهد السلطان عبد الحميد الثاني، إذ قالت الدولة العثمانية أن روسيا قامت بإثارة الأرمن الروس القاطنين قرب الحدود الروسية العثمانية، فبدأت بتحريضهم وإمدادهم بالمال والسلاح والقيام بتدريبهم في أراضيها وتشكيل الجمعيات المسلحة من أمثال خنجاق وطشناق. وقدمت بريطانيا دعماً قوياً لتلك المنظمات لأنها كانت تريد تفتيت الدولة العثمانية. حتى أن الزعيم المصري مصطفى كامل يقول في كتابه المسألة الشرقية: "فالذين ماتوا من الأرمن في الحوادث الأرمنية إنما ماتوا فريسة الدسائس الإنكليزية"[2].. وكان قبول الدولة العثمانية إقامة دولة أرمنية في مركزها (في الولايات الستة في شرقي الأناضول) وفي مناطق يشكل المسلمون فيها الأكثرية بمثابة عملية انتحارية للدولة العثمانية. إذ كان عدد الأرمن – حسب الإحصائيات العثمانية والأجنبية كذلك – يتراوح بين مليون ومئتي ألف إلى مليون ونصف مليون في جميع أراضي الدولة العثمانية. لذا لم يعبأ السلطان بالضغوطات الخارجية ولا بتهديد انكلترا وقيامها بإرسال أسطولها إلى جنق قلعة. وحاولت تلك المنظمات المسلحة اغتيال السلطان عام 1905 بتفجير عربة عند خروجه من المسجد. ولكن السلطان نجا، وألقي القبض على الجاني، ولكن السلطان عفا عنه. علاقاته مع اليهود لما عقد اليهود مؤتمرهم الصهيوني الأول في (بازل) بسويسرا عام 1315هـ، 1897م، برئاسة ثيودور هرتزل (1860م-1904م) رئيس الجمعية الصهيونية، اتفقوا على تأسيس وطن قومي لهم يكون مقرًا لأبناء عقيدتهم، وأصر هرتزل على أن تكون فلسطين هي الوطن القومي لهم، فنشأت فكرة الصهيونية، وقد اتصل هرتزل بالسلطان عبد الحميد مرارًا ليسمح لليهود بالانتقال إلى فلسطين، ولكن السلطان كان يرفض، ثم قام هرتزل بتوسيط كثير من أصدقائه الأجانب الذين كانت لهم صلة بالسلطان أو ببعض أصحاب النفوذ في الدولة، كما قام بتوسيط بعض الزعماء العثمانيين، لكنه لم يفلح، وأخيرًا زار السلطان عبد الحميد بصحبة الحاخام (موسى ليفي)و(عمانيول قره صو)، رئيس الجالية اليهودية في سلانيك، وبعد مقدمات مفعمة بالرياء والخداع، أفصحوا عن مطالبهم، وقدَّموا له الإغراءات المتمثلة في إقراض الخزينة العثمانية أموالاً طائلة مع تقديم هدية خاصة للسلطان مقدارها خمسة ملايين ليرة ذهبية، وتحالف سياسي يُوقفون بموجبه حملات الدعاية السيئة التي ذاعت ضده في صحف أوروبا وأمريكا. لكن السلطان رفض بشدة وطردهم من مجلسه وقال: ((إنكم لو دفعتم ملء الدنيا ذهبا فلن أقبل، إن أرض فلسطين ليست ملكى إنما هي ملك الأمة الإسلامية، وما حصل عليه المسلمون بدمائهم لا يمكن أن يباع وربما إذا تفتت إمبراطوريتي يوما، يمكنكم أن تحصلوا على فلسطين دون مقابل))، ثم أصدر أمرًا بمنع هجرة اليهود إلى فلسطين. عندئذ أدرك خصومه أنهم أمام رجل قوي وعنيد، وأنه ليس من السهولة بمكان استمالته إلى صفها، ولا إغراؤه بالمال، وأنه مادام على عرش الخلافة فإنه لا يمكن للصهيونية العالمية أن تحقق أطماعها في فلسطين، ولن يمكن للدولة الأوروبية أن تحقق أطماعها أيضًا في تقسيم الدولة العثمانية والسيطرة على أملاكها، وإقامة دويلات لليهود والأرمن واليونان. لذا قرروا الإطاحة به وإبعاده عن الحكم، فاستعانوا بالقوى المختلفة التي نذرت نفسها لتمزيق ديار الإسلام، أهمها الماسونية، والدونمة، والجمعيات السرية (الاتحاد والترقي)، والدعوة للقومية التركية (الطورانية)، ولعب يهود الدونمة دورًا رئيسًا في إشعال نار الفتن ضد السلطان. عزله تم عزله وخلعه من منصبه عام 1909 وتم تنصيب شقيقه محمد رشاد خلفاً له. من أقواله (أنصحوا الدكتور هرتزل بألا يتخذ خطوات جدية في هذا الموضوع فإني لا أستطيع أن أتخلى عن شبر واحد من أرض فلسطين، فهي ليست ملك يميني، بل ملك الأمة الإسلامية، ولقد جاهد شعبي في سبيل هذه الأرض ورواها بدمه، فليحتفظ اليهود بملايينهم، وإذا مزقت دولة الخلافة يوما فإنهم يستطيعون آنذاك أن يأخذوا فلسطين بلا ثمن، أما وأنا حي فإن عمل المبضع في بدني لأهون علي من أن أرى فلسطين قد بترت من دولة الخلافة وهذا أمر لا يكون. إني لا أستطيع الموافقة على تشريح أجسادنا ونحن على قيد الحياة). السلطان عبد الحميد الثاني أستانبول 1901م. وفاته وتوفي السلطان عبد الحميد الثاني في المنفى في 10 فبراير من عام 1918 م. وقام برثاءه أمير الشعراء أحمد شوقي بقصيدة جميلة حيث قال: ضجت عليك مآذن ومنابر وبكت عليك ممالك ونواح الهند والهة ومصر حزينة تبكي عليك بمدمع سحاح والشام تسأل والعراق وفارس أمحا من الأرض الخلافة ماح؟ نزعوا عن الأعناق خير قلادة ونضوا عن الأعطاف خير وشاح من قائل للمسلمين مقالة لم يوحها غير النصيحة واح عهد الخلافة فيه أول ذائد عن حوضها بيراعه نضاح إني أنا المصباح لست بضائع حتى أكون فراشة المصباح كما رثاه شاعر العراق جميل صدقي الزهاوي، بقصيدة عن العهد الحميدي قال فيها: وقد بعث الله الخليفة رحمة إلى الناس إن الله للناس يرحم أقام به الديان أركان دينه فليست على رغم العدى تتهدم وصاغ النهى منه سوار عدالة به إزدان من خود الحكومة معصم وكم لأمير المؤمنين مآثر بهن صنوف الناس تدري وتعلم ويشهد حتى الأجنبي بفضله فكيف يسيء الظن من هو مسلم سلام على العهد الحميدي إنه لأسعد عهد في الزمان وأنعم

أجدبت أيامي ظلما

قبل البدايه
القصه دي قريتها من زمان
وعجبتني جدا
ودايما بحكيها لكل الناس اللي بعزهم
ومؤمن بانه لازم يكون فيه خطوط بينك وبين اي حد
ومينفعش اي حد يتخطاها
مهما كان ومهما كانت العلاقه
دي قصه واقعيه وحصلت وبتحصل وهتحصل
ياريت الكل يعتبر بيها
ومهما وصلت درجة سعاااااااااادتك
فاجعل تقلب الزمان نصب عينيك
نبدأ
.
.
.

ما هذا الذي تصيغه لنا كأنك عشت مأساة حقيقية؟

وما كل هذا النواح عن الماكرة والخائنة

ثم تتحفنا برأيك في بنات آدم

كل النساء مش عارفة مالهم ولو مشيوا على الماء أو طاروا في السماء

وماذا يدعوهن ليفعلن هذا لإرضاء مثلك؟

ماهي مميزاتك الخطيرة التي تستدعي أنثى لإثبات حسن أخلاقها وورعها لمثلك؟

تريد أن تستمع لقصة حقيقية ومأساة حقيقية

هاهي قصتي

أنا في أواخر الخمسينات

جميلة جدا وبلا غرور أو تصنع تواضع .. أظنه أمر شبه معتاد لأصحاب الأصول التركية

ودليلي ساسوقه لك في ختام القصةمن واقع حياتي الآن

يسميني أهلي صاحبة الشورى وهذا يعطي دلالة على حسن حكمي على الأمور

وعليه دون أن أرى صورة الفيس بوك التي تتشدق بها فأنا أيضا جميلة كفينوس الشريرة التي صورتها

وأزيد ولله الحمد بنعمة العقل الذي يثني عليه الجميع حتى يومنا هذا

تزوجت من ابن عمي صغيرة

في هذا الوقت جهزني والدي جهاز غير تقليدي وغير عادي أثار غيرة أخوتي البنات جميعا

مفهومة يعني بتجوز ابن أخوه وفرحان جدا إن العائلة متحدة

مبدأيا عمري ما نظرت لإبن عمي كعريس محتمل
دائما كان صديق وأخ وسر إخواتي الأكبر مني

وطلبه ليدي كان أمر غريب لكن العائلة كلها أقنعتني إنه أحسن زوج وبما إني لا بحب ولا لي علاقات فاحمد زي الحاج أحمد

تزوجنا وكانت حياتنا رائعة

وللعلم أيامنا آخر زمن الرجال

يعملون خارجا ويساعدونا داخلا وينهالوا علينا بالهدايا

لا يطالبونا بمرتب ولا يقولوا ما اسمعه اليوم انتي في البيت ومسئولة عنه من الألف للياء

إشترى باسمي أملاك ورصيد في البنك على مدار الأيامولم أكن حالة خاصة فكل اخوتي البنات ازواجهم عطوهم دون شغل او مَنّ

زوجي تحديدا مرح جدا ووجوده في الحياة مبهج بشكل عام
لا بيبطل ضحك ولا بيحب الغم ويتمنى يكون فلاتي بس انا عمري ما اعطيته حجة

زيارة أهلي تسعده وما أن يخطو أهلي داخل بيتي حتى ينزل ليأتي بالكباب والتورتات ويعمل جو رائع ومرح جدا

ماهم في الأخر أهله برضه

أنا أيضا أعشق الضحك وجو المرح حتى لو حزينة
مفيش كازينو في مصر الا وسهرنا فيه ومفيش سواريه حد لبسه الا وكان عندي الأول ده غير اني طول عمري بلبس شيك جدا ومن ماركات عالمية

مش بحب حد يتدخل في أحزاني وخصوصياتي

وأي مكان وبشر كئيب لا يمكن أتواجد في محيطه

المقدمة المملة دي يا أخ لازمة علشان تشوف قد إيه أنا حبيته تدريجيا حتى أصبح أغلى من نور عيني نظرا لعطائه ومرحه وحبه للدنيا

وبالطبع هو قال لي إنه بيحبني من يوم ما جيت الدنيا وكفاية إني متربية على إيده

أنجبنا طفلين معاقين إعاقة تامة عقليا وجسديا

ابني الآن بالطبع في عمر الرجال ولكنه ليس مثلهم

إبني أخدمه كطفل عمره تسعة شهور بالضبط دون زيادة أو نقص

وبنتي رحمها الله توفت في السابعة من عمرها

بالطبع ذهبنا لعدد من الأطباء

للكثير في الواقع

آخرهم كانت الدكتورة سامية التمتامي في مركز البحوث أوائل الثمانينات على ما أتذكر

"الأستاذ الدكتور سامية التمتامي من الرواد في علم الأمراض الوراثية في مصر وأول باحثة عربية تحصل على الدكتوراة في علم الوراثة البشرية"

الدكتورة سامية بعد الفحوصات قالت كلاكما سليم والمشكلة في صلة القرابة

هناك حليين

الأول ان كل ما أحمل طفل نروح لها عند عمر الجنين أربعة أشهر وتجري تحاليل ومتابعة

ان كان سليم يستمر الحمل وان كان مثل أخويه نجهضه

وإما نتطلق وكلا منا يمضي في سبيله وها نخلف بعون الله اطفال زي الفل

أيامها كنت في عز جمالي وشبابي وصحتي

رفض زوجي كلا الحلين وقال بالنص
ضفرك اللي بيطيره المقص بخمسين عيل وانا مش عاوز ولاد ومش عاوز اسمع القصة دي تاني

توفت ابنتي وحزنت عليها جدا وفتحت معه الموضوع تاني ورفض تاني

ومهما حد فتح الموضوع من الأهل يتعصب ويتخانق وانا مش عاوز عيال

طب هل انا كنت عاوزة ولاد؟
مؤكد كنت عاوزة بس مش من حد غيره
ولا غصب عنه وبخديعة حمل هو مش موافق عليه
أسهل حل إني احمل دون إعلامه وها يعمل إيه يعني ولا يملك إيه
بس دي مش طريقتي في الحياة والإنجاب حق لإتنين مش ينفرد حد بيه

راحت الأيام وجت وبقى عمري 53 عام وهو اصبح في الستين

وكنا في بيتنا الصيفي وذهبت لقضاء مشوار وعدت لأجد جارتي الشابة عنده بمفردها وبشكل مكنش اول مرة ألاحظه

كثرت ذلاته وتناقصت قدرتي على الاحتمال والتطنيش

بدون دخول في تفاصيل مهينة وكون دي مش أول ملاحظة وقلة قيمة

طردتها فورا فأنا لا بلف ولا بدور ولا ضعيفة ولا قليلة حيلة

واتخانقنا وقلت له لو مش قادر تعيش معايا وعاوز واحدة تانية طب ما تطلقني اسهل

نزل جاب المأذون في لحظة وبكل سهولة وبتدبير رائع جدا وتسلسل منطقي ايضا

هي دي التمثيليات اتعلم مش اللي حصل لك

وقسمنا المعيشة هو بيتنا الصيفي وانا القاهري
وكده كده أنا عندي دخلي من فلوسي اللي في البنك ومن ورثي من أبي

انت ليه بتقول انك كنت مصدوم

على الأقل انت راجل

انا انثى بلا عمل يشغلني
وعمري كبير وفرص السعادة تاني قليلة
وبولد معاق تماما ومش ها اعرف أخلف معاه أخ أو أخت
وبترمي في لحظة خناق عادية جدا وبسهولة جدا لتدبير مسبق وتفكير شيطاني فجائي وزن على النفوخ أمر من السحر

المهم اتفقنا ان ابني معايا في فصل الشتاء ومعاه في فصل الصيف

بعد شهر واحد من وجود ابني معاه ارجعه لي وقال
بصي انا مخلفتش والواد ده اعتبريه مش ابني وانا مش مسئول عنه جمله وتفصيلا

أنا ها أحاجه يوم القيامة إن شاء الله أمام الله في الكلمة الكبيرة دي

وذهب تزوج من بنت فلاحة عشرينية

اصله ياعيني افتكر فجأة إنه نفسه في الولد

خلف ولد عايش ربنا يخليه له وولد توفى ساعة الولادة

ماشي طول النهار والليل شايل ابنه على كتفه زي الملك

عاوز تسمع ايه

حالتي الآن لي الكثير جدا من الأصدقاء وطول عمري عندي اصدقاء واجتماعية

بحب الموالد جدا وبعمل خدمة وأكل للفقراء في كل مولد

بروح النادي وبود اهلي وعيالهم اللي زي عيالي

بخدم ابني الشخص الوحيد اللي نفسه بليل بينيمني

لكن لما بقفل علي الباب بتعب نفسيا جدا

بخاف اتصل بالناس ساعة الوحدة لأن محدش فاضي لحد

بتونس بأنس الله وقراءة القرآن وخايفة أموت قبل ابني لأنه محدش فعلا بيعرف يخدمه ولا بيستحمله لأن حالته صعبة جدا إلا علي انا وأبوه اللي قال مش ابني

كمان بتونس بالمنتديات والمدونات والجرائد والكتب على الكمبيوتر اللي علمني عليه ولاد اختي الصغيرة اللي متعلقين بي

ناس كتير بتحاول تخليني مش وحيدة ولله الحمد

بس انا وحيدة
فيه ساعة كده ببقى محتاجة بني آدم
لا كتاب ولا قرآن ولا وحدة
فيه ساعة بتساوي سنة من كتر ثقلها على القلب

عيد ميلادي الأخير لم يتذكره أحد

في الأعياد كل واحد في بيته ومع عياله واحفاده وبيدعوني بس انا مش بحب اكون تقيلة على الناس

تقدم لي مؤخرا عضو مجلس شعب وراجل جدع جدا
ومستشار على المعاش

وشيخ غني ابن شيخ كبير جدا والإتنين معروفين

ولعلمك غيرهم من قبل كمان

بس الرجالة دول عاوزين ايه من واحدة في سني؟

الجمال اللي بيشوفوه بره مؤكد مش ها يشوفوه جوا ومهما كان شكلي جميل سني له حكم

عاوزين ضحكتي الرايقة وكلامي اللي بيحبوه وشورتي الناضجة بس؟ وهو فيه راجل كده

عاوزين ست تستحمل تتعود على طبع تاني وانا اجيب منين عمر علشان اغير طبع عودني عليه واحد تزوجني وانا بنت 19

ولو حد اتجوزني ها يستحمل ابني ازاي ده اهلي مش بيحبوا يقعدوا جنبه علشان بيريل وبيصرخ مستمر وغيره حاجات تانية كتير

ياما صعبت علي نفسي بيني وبين نفسي والناس بتداري ولادها مني

ياما اخفيت كسرة نفسي أمام ناس ميسوش جزمتي وعاوزين يقولوا انهم عندهم نعمة مش عندي على جمالي وأصلي وغنى أهلي

الراجل لا بيعيبه سن ولا قلة عقل طالما جيبه منتفخ

أما الست فبقول لكل واحدة لو عندك فرصة تخلفي عيل

يسندك في الكبر ويونسك هو وعياله وتسيبي الفرصة علشان راجل

لا تلومي بعدها إلا نفسك لأنك بتلعبي لعبة مش مضمونة خالص

وبتقامري على اخلاص ابن آدم اللي قلبه متغير

طب هل بكره زوجي

أبدا

انا مؤمنة انه مكنش لي ولا ممكن يكون لي في الآخرة

ومتأكدة إنه ظالم وحقي ها اخده منه عند الله يوم الحساب

ووالله ما زعلت انه خلف وحزنت جدا لما ابنه التاني مات

عكس ما الناس اللي بتجيب أخباره فاكرين

أه ما هو انا مش زي حضرتك اقدر اقطع صلات

تعرف يعني ايه كل حد مش بيحبني في عائلتي الكبيرة المنتشرة او له عداء مع ابي رحمه الله يكلمني علشان يحكي لي اخبار طليقي

ماهو ابن عمي وها اسمع ها اسمع

في فرح في ميتم في قطران ها اسمع

عمال تنوح يا ستيني وربنا عوضك بزوجة وابنة واحفاد

ولا شغلك اتضر ولا صحتك ولا فقدت شيء الا مال

والمال اصلا ولا يسوى امام يوم واحد من وحدتي وكسرة نفسي امام نفسي والناس

بتنوح على ايه يا قوي ياراجل ياللي كلك مزايا وكلي عيوب

ده انا بضحك بعد ما قرأت قصتك

فعلا الحمد لله أني أنثى وبقلب أبيض وبروح متسامحة وبأمل في الله

مع هذا الإبتلاء وإلا كنت انهرت مثلك يا أيها الرجل المعقد الضعيف جدا

سبحان الله

سبحان الله
بقي عندي في يوم وليله عربيه
وشقه في البلد وشقه في القوميه
وعروسه كمان














ومش عارف اخرة الليله دي كلها ايه

ضاعت مفردات اللغه

عيال لسه في ابتدائي واعدادي بيتكلموا فرانكو
سيس فعلا
في فيلم عسل اسود اكتر حته ضحكتني لما جه سعيد بيعرف مصري علي اهله
فسلم علي جوز اخته وراح يسلم علي اخته ويبوسها
فقاله انت ليه مش عاوزني ابوسها
قاله متخلفين يا عم
ناس بتعتبر ان اللي مبيكتبش فرانكو ده مبيفهمش في التطور وواد مش متابع بقي وقديم كيك والكلام ده
بالعكس
انا بدعي ان انا اول واحد يعرف فرانكو من الناس اللي ممكن تقرا الموضوع ده
في نفس الوقت مبكتبوش غير لما اكون مش مشغل العرب يع الجهاز او اني ببضن علي واحد فاكر نفسه بضين
وفي الحقيقه يا سادة العرب ومستقبلها المظلم الذي لا ملامح له
اننا نجهل الكثير والكثير عن اللغه العربيه وبنغلط كتير ومحدش بيصحح ورانا
الواحد لما بيقرا اشعار قديمه بيلاقي تقريبا نص الكلام مبيعرفوش
ويا سلام بقي لو رجعت لاشعار عنتير والخنساء والكلام اللي متفهمش منه غير حروف الجر والالف واللام
دا انا مكملتش كليله ودمنه عشان الكلمات اللي عقدتني كل شويه اروح ابحث عن معني كلمه
عنب
بفرح اوي لما بلاقي شيخ في التليفزيون بيطالب بتقصير مدة الخطبه
وتلاقيه ماشاء الله شيخ ومالي قفطانه وطربوشه وطالع في التليفزيون
يقول انا عمري ما قلت خطبه اطول من 1/3 ساعه
المشكله انه مبسوط ومش مكسوف
ويطلع لك اسباب والرسول كان بيعمل كده وكلام مياكلش سندوتشات همبورجر
ياعم الشيخ افطن
الرسول كان بيتكلم عربي والناس كانت بتفهمه علي طول لان دي لغتهم اللي متعلمينها وعارفينها كويس
دلوقت انت لو قلت حديث او ايه المفروض كل الناس تعرف المعني لانه عربي
ات بتاخد وقت في انك تقول الحديث وتشرح المعني باسلوب او اكثر وانك تجيب مثال او اكثر وانك تقولهم الموقف وحاجات كده
يعني الناس هيا اللي بتضطرك لكده
ماهو لو الناس زمان العربي بتاعهم زي دلوقت كانت الخطبه اكيد هتبقي اطول بكتير
انا لما قريت الموضوع ده حسيت اني مبعرفش عربي خالص
وعرفت انه في اختلاف في معاني كتير الواحد مش واخد باله منها بس هيا موجوده
واحنا رايحين نكتب فرانكو يا عم اتوكس منك ليه

اليكم بعض الفروق اللي معتقدش ان فيه حد ياخد باله منها

1- الفرق بين السؤال والاستفهام:
أن الاستفهام لا يكون إلا لما يجهله المستفهم فيه، أما السؤال: فيجوز فيه أن يكون السائل يسأل عما يعلم وعما لا يعلم. فالفرق بينها ظاهر.

2 - الفرق بين الاختصار والإيجاز:
أن الاختصار هو إلقاؤك فضول الألفاظ من كلام المؤلف من غير إخلال بمعانيه، أما الإيجاز: هو أن يُبنى الكلام على قلة اللفظ وكثرة المعاني.

3- الفرق بين النبأ والخبر:
أن النبأ لا يكون إلا للإخبار بما لا يعلمه المخبَر ، أما الخبر: فيجوز أن يكون بما يعلمه وبما لا يعلمه.

4- الفرق بين المدح والثناء:
أن الثناء مدح مكرر من قولك: تثنيت الخيط إذا جعلته طاقين، ومنه قوله تعالى: (وَلَقَدْ آتَيْنَاكَ سَبْعاً مِنْ الْمَثَانِي) يعنى سورة الحمد لأنها تكرر في كل ركعة .

5- الفرق بين الخطأ والغلط:
أن الغلط هو وضع الشيء في غير موضعه، ويجوز أن يكون صواباً في نفسه، وأما الخطأ: لا يكون صواباً على وجه أبداً .

6- الفرق بين القراءة والتلاوة:
أن التلاوة لا تكون إلا لكلمتين فصاعد، والقراءة تكون للكلمة الواحدة أو أكثر .

7- الفرق بين البعض والجزء:
أن البعض ينقسم، والجزء لا ينقسم. والجزء يقتضي جمع، والبعض لا يقتضي كلاً .

8- الفرق بين السرعة والعجلة:
أن السرعة التقدم فيما ينبغي أن يُتَقَدَّم فيه، وهو محمودة ونقيضها مذموم، وهو الإبطاء. والعجلة : التقدم فيما لا ينبغي أن يتقدم فيه، وهي مذمومة، ونقيضها محمود، وهو الأناة، وأما قوله تعالى: ( وَعَجِلْتُ إِلَيْكَ رَبِّي لِتَرْضَى ) فإن ذلك بمعنى: أسرعت .

9- الفرق بين الناس والورى :
أن الناس تقع على الأحياء والأموات ، والورى : الأحياء منهم دون الأموات ، وأصله : من ورى الزند يَرِي إذا أظهر النار .

10- الفرق بين البعل والزوج :
أن الرجل لا يكون بعلاً للمرأة حتى يدخل بها ، وذلك أن البعال النكاح والملاعبة ، ومنه قول الحطيئة :
وَكَمْ مِنْ حَصَانٍ ذَاتِ بَعْلٍ تَرَكْتُهَا * إذا اللَّيلُ أَدْجَى لَمْ تَجِدْ مَنْ تُبَاعِلُهْ

11- الفرق بين التأليف والتصنيف :
أن التأليف أعم من التصنيف ، وذلك أن التصنيف تأليف صنف من العلم ، ولا يقال للكتاب إذا تضمن نقض شيء من الكلام : مصنف ؛ لأنه جمع الشيء وضده والقول ونقيضه ، والتأليف يجمع ذلك كله ، وذلك أن تأليف الكتاب هو جمع لفظ إلى لفظ ، ومعنى إلى معنى فيه حتى يكون كالجملة الكافية فيما يحتاج إليه .

12- الفرق بين الضراء والبأساء :
أن البأساء ضراء معها خوف ، وأصلها البأس ، وهو الخوف ، يقال : لا بأس عليك ، أي لا خوف عليك .

13- الفرق بين الناس والبَشَر:
البشر: يقتضي حسن الهيئة ، وذلك أنه مشتق من البَشَارة ، وهي حسن الهيئة ، يقال : رجل بشير ، وامرأة بشيرة إذا كان حسن الهيئة ، فسمي الناس بشراً لأنهم أحسن الحيوان هيئة .

14- الفرق بين الهبوط والنزول:

أن الهبوط نزول يعقبه إقامة ، ومن ثم قيل : هبطنا مكان كذا : أي نزلناه ، ومنه قوله تعالى : ( اهْبِطُوا مِصْراً ) ، ومعناه : انزلوا للإقامة فيها ، ولا يقال: هبط الأرض إلا إذا استقر فيها ، ويقال : نزل وإن لم يستقر .

15- الفرق بين الرجوع والإياب:
أن الإياب هو الرجوع إلى منتهى المقصد ، والرجوع : يكون لذلك ولغيره .

16- الفرق اللمس والمسِّ:
أن اللمس يكون باليد خاصة ؛ ليعرف اللين من الخشونة والحرارة من البرودة ، والمس : يكون باليد وبالحجر وغير ذلك ، ولايقتضي أن يكون باليد

17- الفرق بين النور والضياء:
أن الضياء ما يتخلل الهواء من أجزاء النور فيبيض بذلك، والشاهد أنهم يقولون: ضياء النهار، ولايقولون: نور النهار إلا أن يعنوا الشمس، فالنور الجملة التي يتشعب منها، والضوء مصدر ضاء يضوء ضوءاً.

18- الفرق بين المهر والصداق:
أن الصداق: اسم لما يبذله الرجل للمرأة طوعاً من غير إلزام، والمهر: اسم لذلك، ولما يلزمه.

19- الفرق بين الهِبة والهدية:
أن الهدية ما يتقرب به المهدي إلى المُهْدَى إليه، وليس كذلك الهبة .

20- الفرق بين الجسد والبدن:
أن البدن هو ما علا من جسد الإنسان، ولهذا يقال للدرع القصير الذي يلبس الصدر إلى السرة: بدن؛ لأنه يقع على البدن، وجسم الإنسان كله جسد، والشاهد أنه يقال لمن قطع بعض أطرافه: إنه قطع شيء من جسده، ولا يقال: شيء من بدنه .

21- الفرق بين الضم والجمع:
أن الضم: جمع أشياء كثيرة ، والجمع لا يقتضي ذلك .

22- الفرق بين المنع والصدِّ :
أن الصد : هو المنع عن قصد الشيء خاصة ، والمنع : يكون في ذلك وغيره .

23- الفرق بين الرد والدفع :
أن الرد : لايكون إلا إلى الخلف ، والدفع : يكون إلى قدام وإلى خلف جميعاً .

24- الفرق بين الظن والشك :
أن الشك : هو استواء طرفي التجويز ، والظن : رجحان أحد طرفي التجويز .

25- الفرق بين الإعلان والظهور :
أن الإعلان خلاف الكتمان ، وهو إظهار المعنى للنفس ، ولايقتضي رفع الصوت به ، والجهر يقتضي رفع الصوت به؛ ولذا يقال : رجل جهوري : إذا كان رفيع الصوت .

المتوكل بن الأفطس

وصل إلينا من عظيم الروم
كتاب مدعِ في المقادير وأحكام العزيز القدير
يرعد ويبرق ويجمع تارة ثم يفرق
ويهدد بجنوده المتوافرة وأحواله المتظاهرة
ولو علم أن لله جنود أعز بهم الاسلام وأظهر بهم دين نبيهم محمد عليه الصلاة والسلام
أعزة علي الكافرين يجاهدون في سبيل الله
ولا يخافون بالتقوي يعرفون وبالتوبة يتضرعون
ولأن لمعت من خلف الروم بارقة فباذن الله
وليعلم المؤمنين وليميز الله الخبيث من الطيب ويعلم المنافقين
أما تعييرك للمسلمين فيما وها من أحوالهم فبالذنوب المركومة
ولو اتفقت كلمتنا مع سائرنا من الأملاك لعلمت أي مصاب أذقناك
كما كانت أبائك تتجرعه
وبالأمس كانت قطيعة المنصور علي سلفك
لما أجبر أجدادك علي دفع الجزية حتي اهدي جدك احدي بناته اليه
اما نحن ان قلت أعدادنا وعدم من المخلوقين استمدادنا
فما بيننا وبينك بحر نخوضه ولا صعب نروضه
ليس بيننا وبينك الا السيوف
تشهد بحدها رقاب قومك وجلاد تبصره في ليلك ونهارك
وبالله تعالي وملائكته المسومين نتقوي عليك ونستعين
ليس لنا سوي الله مطلب ولا لنا الي غيره مهرب
وما تتربصون بنا الا احدي الحسنيين
نصر عليكم فيا لها من نعمة ومنة
او شهادة في سبيل الله فيا لها من جنة
وفي الله العوض مما به هددت وفرج يفرج بما نددت ويقطع بما أعددت